དེ་རིང་ནི2025ལོའི་ཟླ08པའི་ཚེས29ཡིན།
མདུན་ངོས། མགོ་ཁྲིད། གསར་འགྱུར། སྲིད་དོན། ཕ་ཡུལ། རིག་གནས། ལོ་ཙཱ། རྒྱུན་ཤེས། བརྙན་ཟློས།

ཞོགས་པའི་ཇ་ཡུན་གསར་འགྱུར།

2025-08-29 09:12:20   |   78

སྒྲིག་སྒྱུར། སངས་རྒྱས་སྐྱིད། ཡོང་ཁུངས། མི་དམངས་ཉིན་རེའི་ཚགས་པར་འཕྲིན་སྟེགས། བཤེར་འབེབས། རིན་ཆེན་ཚེ་རིང་།


གསར་འགྱུར་གལ་ཆེན།

  • ཀྲུང་གོ་རྒྱལ་ཁབ་ཀྱི་ཀྲུའུ་ཞི་ཞི་ཅིན་ཕིང་གི་གདན་ཞུས་ལྟར་ཕྱི་རྒྱལ་གྱི་རྒྱལ་ཁབ་ཀྱི་གཙོ་བདག་དང་སྲིད་གཞུང་གི་མགོ་གཙོ26ཀྲུང་གོ་མི་དམངས་འཇར་འགོག་དམག་འཁྲུག་དང་འཛམ་གླིང་གི་ཧྥ་ཤི་སིར་ངོ་རྒོལ་བྱེད་པའི་དམག་འཁྲུག་ལ་རྒྱལ་ཁ་ཐོབ་ནས་ལོ80འཁོར་བའི་དྲན་གསོའི་བྱེད་སྒོར་ཞུགས་རྒྱུ་རེད།

  • ཟླ9པའི་ཚེས3ཉིན་གྱི་དགོང་མོར། མི་དམངས་ཚོགས་ཁང་ཆེ་མོར་ཀྲུང་གོ་མི་དམངས་འཇར་འགོག་དམག་འཁྲུག་དང་འཛམ་གླིང་གི་ཧྥ་ཤི་སིར་ངོ་རྒོལ་བྱེད་པའི་དམག་འཁྲུག་ལ་རྒྱལ་ཁ་ཐོབ་ནས་ལོ80འཁོར་བར་དྲན་གསོ་ཞུ་བའི་རིག་རྩལ་མཚན་ཚོགས་འཚོག་རྒྱུ་རེད།

  • ཟླ8པའི་ཚེས28ཉིན།《གྲོང་ཁྱེར་གྱི་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏོང་རྒྱུའི་སྐོར་གྱི་ཀྲུང་གུང་ཀྲུང་དབྱང་དང་རྒྱལ་སྲིད་སྤྱི་ཁྱབ་ཁང་གི་བསམ་འཆར》ཕྱི་ཕྱོགས་སུ་ཁྱབ་བསྒྲགས་བྱས།

  • ཉེ་ཆར། ཀྲུང་དབྱང་སློབ་གསོའི་ལས་དོན་མགོ་ཁྲིད་ཚོགས་ཆུང་གིས《མཐོ་རིམ་སློབ་གསོའི་རིག་ཚན་གྱི་ཆེད་ལས་བཀོད་སྒྲིག་ལེགས་སྒྲིག་དང་ལེགས་སྒྱུར་གྱི་བྱ་སྤྱོད་ཇུས་གཞི(2025ལོ་ནས2027ལོའི་བར)》པར་འགྲེམ་བྱས།

  • ད་ལོའི་ཟླ་དང་པོ་ནས་བདུན་པའི་བར་རྒྱལ་ཡོངས་ཀྱི་སྤྱི་ཚོགས་ཟོག་འགྲེམས་སྡོམ་འབོར་སྒོར་དུང་ཕྱུར་ཁྲི201.9ཟིན་པ་དེ་དུས་མཚུངས་ལས5.2%འཕར་ཡོད།

  • ཀྲུང་དབྱང་སྒྲིག་ཨུས་ཚེས28ཉིན་གནས་ཚུལ་སྤེལ་བར་གཞིགས་ན། ད་ལོའི་ཟླ་བདུན་པར་རྒྱལ་ཡོངས་སུ་ཀྲུང་དབྱང་གི་གཏན་འབེབས་དོན་ཚན་བརྒྱད་ཀྱི་དགོངས་དོན་དང་འགལ་བའི་གནད་དོན25420ཞིབ་བཤེར་ཐག་གཅོད་བྱས།

  • ཆུ་བེད་པུའི་གྲངས་གཞི་ལས་མངོན་པ་ལྟར་ན།“ལོ་ལྔའི་འཆར་གཞི་བཅུ་བཞི་པའི”ཚུན་རང་རྒྱལ་གྱི་ས་ཆུ་ཟུངས་ཤོར་བཅོས་སྐྱོང་བྱས་པའི་རྒྱ་ཁྱོན་སྤྱི་ལེ་ངོས་གྲུ་ཁྲི28.17གསར་འཕར་བྱུང་ཡོད།

1.jpg

  • ཀྲུང་གོ་མི་དམངས་དངུལ་ཁང་གིས་ཟླ9པའི་ཚེས3ཉིན་ནས་བཟུང་ཀྲུང་གོ་མི་དམངས་འཇར་འགོག་དམག་འཁྲུག་དང་འཛམ་གླིང་གི་ཧྥ་ཤི་སིར་ངོ་རྒོལ་བྱེད་པའི་དམག་འཁྲུག་ལ་རྒྱལ་ཁ་ཐོབ་ནས་ལོ80འཁོར་བའི་དྲན་རྟེན་དངུལ་ལོ་གཅིག་རྗེས་གཉིས་མཐུད་ངང་འགྲེམས་སྤེལ་བྱ་རྒྱུའི་གཏན་འཁེལ་བྱས།

2.jpg

  • ཟླ9པའི་ཚེས3ཉིན།《ཀྲུང་གོ་མི་དམངས་འཇར་འགོག་དམག་འཁྲུག་དང་འཛམ་གླིང་གི་ཧྥ་ཤི་སིར་ངོ་རྒོལ་བྱེད་པའི་དམག་འཁྲུག་ལ་རྒྱལ་ཁ་ཐོབ་ནས་ལོ་ངོ80འཁོར་བའི་དྲན་གསོའི་སྦྲག་རྟགས་དངོས་སུ་འགྲེམས་སྤེལ་བྱ་རྒྱུ་རེད། ཆ་ཚང་གཅིག་ལ་སྦྲག་རྟགས13དང་ཆུང་གྲས1ཡོད་པ་དང་། ཆ་ཚང་གི་རིན་གོང་སྒོར20.8ཡིན།

  • ཝེ་ཐེ་ནམ་རྒྱལ་སྲུང་པུའི་གདན་ཞུས་ལྟར་ཟླ8པའི་ཟླ་སྨད་ནས་ཟླ9པའི་ཟླ་སྟོད་བར་ཀྲུང་གོ་མི་དམངས་བཅིངས་འགྲོལ་དམག་གཟབ་སྦྲེང་གུས་ལུགས་རུ་ཆེན་གྱིས་གཟབ་སྦྲེང་ཡན་ལག་རུ་ཁག་སྒྲིག་འཛུགས་བྱས་ཏེ། ཝེ་ཐེ་ནམ་དུ་བསྐྱོད་དེ་ཝེ་ཐེ་ནམ་གྱི་ཟླ་བརྒྱད་པའི་གསར་བརྗེ་དང་ཝེ་ཐེ་ནམ་གྱི་ལོ80འཁོར་བའི་རྒྱལ་སྟོན་དུས་ཆེན་གྱི་དྲན་གསོའི་བྱེད་སྒོར་ཞུགས་རྒྱུ་རེད།

    སྤྱི་ཚོགས།

3.jpg

  • ཀྲུང་དབྱང་གནམ་གཤིས་ལས་ཁུངས་ཀྱིས་ཚེས28ཉིན་དྲོད་ཚད་མཐོ་བའི་སྔོན་བརྡ་སེར་པོ་ཁྱབ་བསྒྲགས་བྱས་པ་སྟེ། སྔོན་དཔག་བྱས་ན་དེ་རིང་ཉིན་མོར་ཞིན་ཅང་ཐུའུ་ལུའུ་ཧྥན་གཤོང་ས་དང་། ཞིན་ཅང་ལྷོ་རྒྱུད་གཤོང་ས། ཧྲན་ཏུང་གི་དབུས་ལྷོ་རྒྱུད། ཧོ་ནན་གྱི་ཤར་རྒྱུད་དང་ལྷོ་རྒྱུད་སོགས་ས་ཆ་མང་པོར་དྲོད་ཚད་ཧྲེ་ཧྲི་ཏུའུ35ཡན་གྱི་གནམ་གཤིས་ཡོད།

  • ཚེས28ཉིན་རྒྱལ་ཡོངས་བཟོ་ཚོང་མཉམ་འབྲེལ་ལྷན་ཚོགས་ཀྱིས“2025ལོའི་ཀྲུང་གོའི་དམངས་གཉེར་ཁེ་ལས་སྟོབས་ཆེན500”ཁྱབ་བསྒྲགས་བྱས། དེའི་ནང་ཅིང་ཏུང་ཚོགས་པ་དང་། ཨ་ལི་པ་པ(ཀྲུང་གོ)ཚད་ཡོད་སྤྱི་གཉེར། ཧེང་ལི་ཚོགས་པ་ཚད་ཡོད་སྤྱི་གཉེར་བཅས་མདུན་གྲལ་གྱི་ཨང་གསུམ་པར་སླེབས་ཡོད།

  • ཉེ་དུས་དངུལ་ཁང་ཆུང་འབྲིང་མང་པོ་ཞིག་གིས་མི་དམངས་ཤོག་སྒོར་གྱི་བཅོལ་དངུལ་གྱི་སྐྱེད་ཀ་དམའ་རུ་གཏོང་རྒྱུ་ཡིན་པ་དང་། མར་ཆག་ཚད་གཞི་ཚེག10ནས20བར་ཟིན་རྒྱུའི་ཁྱབ་བསྒྲགས་བྱས།

  • ཉེ་ཆར། ལས་ཐོག་ཉེས་གསོག་དོགས་ཅན་གལ་ཆེན་ལེའང་ཞའོ་ཧྥེ་ཕྱི་རྒྱལ་དུ་འཛིན་བཟུང་བྱས་པ་དང་རང་རྒྱལ་དུ་ཕྱིར་བསྐྱལ་ཡོད།

4.jpg

  • རང་རྒྱལ་གྱི་མཁའ་ཟོན་འཕུར་མདའི་ཆེད་མཁས་པ་དང་ཀྲུང་གོ་བཟོ་སྐྲུན་ཁང་གི་ཡོན་ཧྲི་སྟེ་བློ་མཐུན་ཡུས་པིན་ཧྲུའེ་ནད་གཞིས་རྐྱེན་པས་སྨན་བཅོས་བྱས་ཀྱང་ཕན་འབྲས་མ་ཐོན་པར་ཚེས27ཉིན་པེ་ཅིང་དུ་སྐུ་གཤེགས། སྐུ་གཤེགས་སྐབས་དགུང་ལོ91ཡིན་པ་རེད།

  • མིག་སྔའི་བར་ཧྲན་ཞི་ཏ་ཐུང་ཡུན་ཀང་བྲག་ཕུག་གི་བྲག་ཕུག་གཙོ་བོ45ཡི་སྐུ་བརྙན་ཁྲི5.9ལྷག་ཙམ་ལས80%ལ་གྲངས་གཞི་ཅན་གྱི་འཚོལ་བསྡུ་ལེགས་གྲུབ་བྱུང་ཡོད།

  • ཚེས28ཉིན། སི་ཁྲོན་ཁྲེང་ཏུའུ་མཐོ་གསར་ཆུས་ཁྲོམ་ར་ལྟ་སྐུལ་དོ་དམ་ཅུས “ཁ་ལོ་བ་ཞིག་གིས50Lཅན་གྱི་ སྣུམ་སྒམ་ལ་རླངས་སྣུམ་ཧྲེང67.96བསྣན་ཞེས་བཤད་པའི”གནད་དོན་ལ་དམིགས་ནས་བརྡ་ཁྱབ་བཏང་།

5.jpg

  • ཧོ་པེ་པའོ་ཏིང་གི་མྱུར་བགྲོད་གཞུང་ལམ་ཞིག་ཏུ་རླངས་འཁོར་དོན་རྐྱེན་བྱུང་སྟེ་རླངས་འཁོར་ཁ་ལོ་བ་འདུག་སར་གཏོར་བརླག་ཚབས་ཆེན་བྱུང་ནས་ཁ་ལོ་བ་ཉེན་ཁར་འཕྲད། ཕར་འགྲོ་ཚུར་འོང་བྱེད་མཁན་གྱི་རླངས་འཁོར་ཁ་ལོ་བ་རྣམས་ཀྱིས་གཅིག་རྗེས་གཉིས་མཐུད་ངང་རླངས་འཁོར་བཞག་ནས་རང་འགུལ་ངང་རོགས་སྐྱོབ་བྱས་པ་དང་། མཐར་ཉེན་ཁར་གྱར་བའི་མི་དེ་སྐྱོབ་ཐུབ་པ་བྱུང་ཡོད།

    སྲིད་ཇུས།

  • ཁྲུང་ཆིང་གིས་སྤྱི་ཚོགས་འགན་བཅོལ་གཱ་ཡི“གཱ་གཅིག་ཀུན་འཐུས”ཀྱི་བེད་སྤྱོད་བྱ་ཡུལ་གྱི་གསལ་ཐོ་ཁག266བར་རྒྱ་ཆེར་བཏང་སྟེ། སྲིད་དོན་ཞབས་ཞུ་དང་། མི་ཤུགས་སྤྱི་ཚོགས་འགན་བཅོལ། སྨན་བཅོས་དང་སྨན་ཉོ་བ། འགྲིམ་འགྲུལ་ཕྱིར་སྐྱོད། རིག་གནས་གནས་སྐོར་སོགས་ཁྱབ་ཁོངས་ཡོངས་སུ་ཁྱབ་པར་བྱེད་དགོས་པ་ཁ་གསལ་བཏོན།

  • ལེའོ་ཉིང་གིས་བྱ་ཐབས་བཏོན་པ་སྟེ། འགྲན་བསྡུར་དཔལ་འབྱོར་འཕེལ་རྒྱས་བཏང་ནས་ལུས་རྩལ་འཛད་སྤྱོད་ལ་སྐུལ་འདེད་གཏོང་བ་དང་། ཆ་རྐྱེན་འཛོམས་པའི་ལུས་རྩལ་འགྲན་བསྡུར་ལ་དཔྱད་ཞིབ་བྱས་པ་བརྒྱུད་འགྲན་བསྡུར་གྱི་ཁ་གསབ་མཐོ་ཤོས་སྒོར་ཁྲི300སྤྲོད་རྒྱུ་རེད།

  • ཧྲན་ཏུང་གིས་ཇུས་གཞི་པར་འགྲེམ་བྱས་ཏེ། ཡུལ་བབ་དང་བསྟུན་ནས་ཞིང་འཕྲུལ་ལག་རྩལ་པའི་རྩལ་ནུས་མཐོར་གཏོང་གསོ་སྦྱོང་བྱས་ཏེ་བྱང་ཚད་མཐོ་བའི་ཞིང་འཕྲུལ་ཁ་ལོ་བ་དང་ཞིང་ལས་ཐོན་སྐྱེད་ཀྱི་མི་མེད་གནམ་གྲུ་གཏོང་མཁན་ཁག་གཅིག་ཧུར་ཐག་གསོ་སྐྱོང་བྱ་རྒྱུ་རེད།

    དེ་རིང་གི་གནམ་གཤིས།

6.jpg

  • སི་ཁྲོན་གཤོང་སའི་ནུབ་རྒྱུད་དང་བྱང་རྒྱུད། ཧྲའན་ཞིའི་ལྷོ་ནུབ་རྒྱུད། ཀན་སུའུ་ཡི་ཤར་ལྷོའི་རྒྱུད། ཡུན་ནན་གྱི་བྱང་རྒྱུད། ཧོ་ནན་གྱི་བྱང་རྒྱུད་དང་ལྷོ་ནུབ་རྒྱུད། ཧུའུ་པེའི་ནུབ་བྱང་རྒྱུད། ཧྲན་ཏུང་གི་དབུས་ཤར་རྒྱུད། ཀོང་ཏུང་གི་ལྷོ་ནུབ་རྒྱུད། ཧའེ་ནན་གླིང་ཕྲན་སོགས་ཀྱི་ས་ཁུལ་ཁ་ཤས་སུ་ཆར་ཆེན་ནས་དྲག་ཆར་འབབ་རྒྱུ་རེད། དེའི་ནང་སི་ཁྲོན་གཤོང་སའི་ནུབ་རྒྱུད་དང་། ཧྲན་ཏུང་གི་དབུས་རྒྱུད། ཀོང་ཏུང་གི་ལྷོ་ནུབ་རྒྱུད། ཧའེ་ནན་གླིང་ཕྲན་གྱི་ཤར་རྒྱུད་སོགས་ཀྱི་ས་ཁུལ་ཁག་ཅིག་ཏུ་དྲག་ཆར་ཆེན་པོ་འབབ་རྒྱུ་རེད།


མཉམ་སྤྱོད།