ཞོགས་པའི་ཇ་ཡུན་གསར་འགྱུར།

སྒྲིག་སྒྱུར། སངས་རྒྱས་སྐྱིད། ཡོང་ཁུངས། མི་དམངས་ཉིན་རེའི་ཚགས་པར་འཕྲིན་སྟེགས། བཤེར་འབེབས། རིན་ཆེན་ཚེ་རིང་།

གསར་འགྱུར་གལ་ཆེན།

• 《སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་སྣེ་ཁྲིད་དེ་དབུལ་སྒྲོལ་འགག་སྒྲོལ་གྱི་དམག་འཐབ་ལ་རྒྱལ་ཁ་བླངས》ཞེས་པའི་དེབ་དེ་ཉེ་ཆར་ཀྲུང་གུང་ཀྲུང་དབྱང་ཏང་གི་སློབ་གྲྭའི་དཔེ་སྐྲུན་ཁང་གིས་དཔེ་སྐྲུན་བྱས་ནས་རྒྱལ་ཡོངས་སུ་འགྲེམ་སྤེལ་བྱས།
  

• རྒྱལ་ཡོངས་མི་དམངས་འཐུས་ཚོགས་སྐབས་བཅུ་བཞི་པའི་ཚོགས་འདུ་ཐེངས་བཞི་པས་ཟླ3ཚེས4ཉིན་གྱི་ཆུ་ཚོད12ཐོག་མི་དམངས་ཚོགས་ཁང་ཆེ་མོའི་གསར་འགྱུར་ཡོངས་བསྒྲགས་ཚོམས་ཆེན་དུ་གསར་འགྱུར་ཡོངས་བསྒྲགས་ཚོགས་འདུ་འཚོག་རྒྱུ་རེད།
  

• རྒྱལ་ཡོངས་བུད་མེད་མཉམ་འབྲེལ་ལྷན་ཚོགས་ཀྱིས་པེ་ཅིང་དུ“གསུམ་བརྒྱད”རྒྱལ་སྤྱིའི་བུད་མེད་དུས་ཆེན་ལ་དྲན་གསོ་ཞུ་བ་དང་གཟེངས་བསྟོད་ཚོགས་ཆེན་འཚོགས་ཤིང་། ཚོགས་ཆེན་ཐོག་རྒྱལ་ཡོངས་གསུམ་བརྒྱད་དར་དམར་བའི་དཔེ་དམག9དང་། རྒྱལ་ཡོངས་གསུམ་བརྒྱད་དར་དམར་བ598དང་། རྒྱལ་ཡོངས་གསུམ་བརྒྱད་དར་དམར་ཐུན་མོང400དང་། རྒྱལ་ཡོངས་བུད་མེད་ཤེས་དཔལ་ལས་གནས600བཅས་ལ་གཟེངས་བསྟོད་གནང་།
  

• ཆེས་མཐོའི་མི་དམངས་ཁྲིམས་ཁང་གིས་གནས་ཚུལ་སྤེལ་བར་གཞིགས་ན། དམངས་དོན་ཁྲིམས་གཞུང་ལག་བསྟར་བྱས་ནས་ལོ་ལྔ་འཁོར་བའི་ཚུན་ལ། ཁྲིམས་ཁང་རིམ་པ་ཁག་གིས་ཁྲིམས་ལྟར་འདྲི་གཅོད་དང་པོའི་དམངས་དོན་ཚོང་དོན་གྱོད་གཞི་ཁྲི8674ཙམ་ཞིབ་གཅོད་མཇུག་སྒྲིལ་བྱས་ཡོད།
  

• རྒྱལ་ཁབ་ནད་ཡམས་ཚོད་འཛིན་ཅུ་སོགས་སྡེ་ཚན14ཡིས་ཉེ་ཆར《རྒྱལ་ཡོངས་ཀྱི་ཏེན་མི་འདང་བའི་ནད་ཚན་རིག་དང་མཐུན་པའི་སྒོ་ནས་གནད་སྨིན་སྔོན་འགོག་ཚོད་འཛིན་བྱེད་པའི་བྱ་སྤྱོད་ཇུས་གཞི（2026ལོ་ནས2030ལོ་བར）》མཉམ་འབྲེལ་ཐོག་བཟོས།
  

• པེ་ཅིང་གི་དུས་ཚོད་ཟླ3ཚེས2ཉིན་བར། ཀྲུང་གོའི་སྤྱི་དམངས3000ལྷག་ཙམ་དབྱི་རན་ནས་ཕྱིར་འཐེན་བྱས་པ་དང་། ཀྲུང་གོའི་སྤྱི་དམངས་ཤིག་ཐེ་ཧེ་རན་དུ་སྟབས་མ་ལེགས་པར་རྐྱེན་ལམ་དུ་ཤོར།
  

• ཕྱི་འབྲེལ་པུའི་མགྲིན་ཚབ་པས་དབྱི་རན་གྱི་ཆེས་མཐོའི་མགོ་ཁྲིད་པར་འཇབ་རྒོལ་བྱས་ཏེ་དམར་གསོད་བཏང་བ་དང་། དབྱི་རན་གྱི་བདག་དབང་བདེ་འཇགས་ལ་གནོད་འཚེ་ཚབས་ཆེན་བཏང་བ།《མཉམ་འབྲེལ་རྒྱལ་ཚོགས་ཀྱི་རྩ་ཁྲིམས》ཀྱི་དམིགས་ཡུལ་རྩ་དོན་དང་རྒྱལ་སྤྱིའི་འབྲེལ་བའི་གཞི་རྩའི་ཚད་གཞི་རྩིས་མེད་དུ་བཏང་བ་བཅས་ལ་ཀྲུང་གོ་ཕྱོགས་ཀྱིས་ངོ་རྒོལ་མཐའ་གཅིག་ཏུ་བྱེད་པ་དང་རྒོལ་གཏམ་དྲག་པོ་གཏོང་རྒྱུ་ཡིན་ཞེས་བཤད།
  

• ཨ་རིའི་ཤར་རྒྱུད་ཀྱི་དུས་ཚོད་ཚེས1ཉིན་གྱི་ཆུ་ཚོད23:3སྟེང་། ལས་འགན་སྒྲུབ་བཞིན་པའི་ཨ་རིའི་དམག་དཔུང་གིF-15Eའཐབ་འཛིང་གནམ་གྲུ་ཁུ་ཝེ་ཐེ་ནས་སར་ལྷུང་།
  

  སྤྱི་ཚོགས།

• ཀྲུང་དབྱང་གནམ་གཤིས་ལས་ཁུངས་ཀྱིས་སྨུག་སྤྲིན་གྱི་ལི་མདོག་གི་ཉེན་བརྡ་ཁྱབ་བསྒྲགས་བྱས། སྔོན་དཔག་བྱས་ན་ཚེས2ཉིན་གྱི་མཚན་མོ་ནས་ཚེས3ཉིན་གྱི་སྔ་དྲོའི་བར། པེ་ཅིང་དང་། ཐེན་ཅིན། ཧོ་པེ། ཧོ་ནན། ཧྲན་ཏུང་སོགས་ཀྱི་ས་ཁུལ་ཁག་གཅིག་ཏུ་སྨུག་པ་ཆེན་པོ་ཡོད། དེའི་ནང་ཧོ་པེའི་ལྷོ་རྒྱུད་དང་། ཧོ་ནན་གྱི་བྱང་རྒྱུད། ཧྲན་ཏུང་གི་ནུབ་བྱང་རྒྱུད་སོགས་ཀྱི་ས་ཁུལ་ཁག་གཅིག་ཏུ་སྨུག་པ་ཧ་ཅང་ཆེན་པོ་ཡོད།
  

• རྒྱལ་ཁབ་ལྕགས་ལམ་ཚོགས་པས་གནས་ཚུལ་སྤེལ་བར་གཞིགས་ན། ཟླ3ཚེས1ཉིན་རྒྱལ་ཡོངས་ལྕགས་ལམ་གྱིས་འགྲུལ་པ་མི་ཐེངས་ཁྲི1660.7སྐྱེལ་འདྲེན་བྱས་པ་དང་། ཉིན10ལ་བསྟུད་མར་མི་ཐེངས་ཁྲི་1500ཡན་རྒྱུན་འཁྱོངས་ཐུབ་ཡོད།
  

• ཀུའེ་ཀྲོའུ་ཞིང་ཆེན་སྲིད་གྲོས་ཀྱི་དེ་སྔའི་ཏང་ཙུའི་ཁོངས་མི་དང་ཀྲུའུ་ཞི་གཞོན་པ་ཐང་ཏེ་ཀྲི་ཡིས་སྒྲིག་འགལ་ཁྲིམས་འགལ་ཚབས་ཆེན་བྱས་པས་ཏང་ཁོངས་དང་གཞུང་གི་ལས་གནས་ནས་ཕྱིར་ཕུད།
  

• ཧོ་པེ་ཞིང་ཆེན་སྲིད་གྲོས་ཀྱི་དེ་སྔའི་ཏང་ཙུའི་ཁོངས་མི་དང་ཀྲུའུ་ཞི་གཞོན་པ་ཅང་ཏེ་ཀུའོ་ཡིས་སྒྲིག་འགལ་ཁྲིམས་འགལ་ཚབས་ཆེན་བྱས་པས་ཏང་ཁོངས་ནས་ཕུད།
  

• འཛམ་གླིང་ཆུ་རྐྱལ་མཉམ་འབྲེལ་ལྷན་ཚོགས་ཀྱི་ཆུ་མཆོང་འཛམ་གླིང་བུམ་པའི་ཁ་ན་ཏ་ས་ཚིགས་ཀྱི་འགྲན་བསྡུར་ནང་ཀྲུང་གོའི་རུ་ཁག་གིས་གསེར་གྱི་རྟགས་མ9དང་དངུལ་གྱི་རྟགས་མ4བླངས་པ་དང་། གསེར་གྱི་རྟགས་མ་དང་བྱ་དགའི་རྟགས་མའི་ཨང་རིམ་ཚང་མ་ཨང་དང་པོར་སླེབས་ཡོད།

• ས་གནས་དེ་གའི་ཚེས1ཉིན། མྱུར་ཚད་འཁྱགས་ཤུད་འཛམ་གླིང་གཞོན་ནུའི་ལེགས་སྐྱེས་འགྲན་བསྡུར་འཇར་མན་གྱི་དབྱིན་ཚེ་ཨར་དུ་མཇུག་གྲིལ། ཀྲུང་གོའི་རུ་ཁག་ལ་ཐེངས་འདིའི་འགྲན་བསྡུར་ཁྲོད་གསེར་གྱི་རྟགས་མ་2དང་། དངུལ་གྱི་རྟགས་མ2དང་། ཟངས་ཀྱི་རྟགས་མ2བཅས་ཐོབ།

• ཉེ་ཆར། ཀན་སུའུ་ཅིང་ཉིང་དུ་མི་གསུམ་ལ་རླངས་འཁོར་ནང་དབྱང་གཅིག་ཐཱན་འགྱུར་གྱི་དུག་ཕོག་པས་དྲན་པ་ཐོར་བ་དང་། ལམ་བར་དུ་འགྲོ་བཞིན་པའི་གུང་གསེང་ལ་ཁེལ་བའི་དྲག་ཆས་ཉེན་རྟོག་པ་ལི་ཧྲའོ་ཀང་གིས་འཕྲལ་མར་སྒེའུ་ཁུང་བཅག་ནས་ལམ་འགྲོ་མཁན་དང་མཉམ་དུ་དྲན་པ་ཐོར་བའི་མི་དེ་གསུམ་བསྐྱབས།
  

  སྲིད་ཇུས།
  

• ལེའོ་ཉིང་གིས་ཞིང་ཆེན་ནང་ཁུལ་གྱི་རིན་བསྡུའི་ས་ཚིགས་ནས་འགྲོ་འོང་བྱེད་པ་དང་གཉེར་སྐྱོང་ཐོབ་ཐང་ལྡན་པ་མ་ཟད། ETCསྒྲིག་སྦྱོར་དང་བེད་སྤྱོད་བྱེད་པའི་རྣམ་པ་གསུམ་པ (རྐུབ་སྟེགས20ནས39བར)དང་། རྣམ་པ་བཞི་པའི(རྐུབ་སྟེགས40ཡན)གནས་སྐོར་འགྲུལ་སྐྱེལ་རླངས་འཁོར་ཆེ་གྲས་ལ་ཤར་བགྲོད་རིན་གོང་གི་བརྒྱ་ཆའི6.5ཕབ་གཅོག་བྱེད་པའི་གཟིགས་སྐྱོང་བྱེད་དགོས་པ་ཁ་གསལ་བཏོན།
  

• ཧྲན་ཞིས་བརྡ་ཐོ་བཏང་ནས་གྲོང་ཁྱེར་དང་གྲོང་གསེབ་ཀྱི་གྲོང་མིས་ས་ཆ་གྲོན་ཆུང་གི་སྐྱེ་ཁམས་དུར་འཇུག་བྱེད་ཐབས་སྤྱོད་རྒྱུར་སྐུལ་ལྕག་དང་ཁྲིད་སྟོན་བྱས་ཏེ། ཆ་རྐྱེན་འཛོམས་པའི་འདས་པོའི་ནང་མིས་རང་མོས་ངང་བྱ་དགའི་མ་དངུལ་ལེན་རྒྱུའི་རེ་ཞུ་བྱེད་ཆོག
  

• ཁྲུང་ཆིང་གྲོང་ཁྱེར་སློབ་གསོ་ཨུ་ལྷན་གྱིས་སློབ་དུས་གསར་པའི་སློབ་མགོ་ཚུགས་པའི་སློབ་གྲྭ་ཁག་གིས་བཙན་ཤེད་ཀྱིས་སྦྱོང་ཚན་ལ་ཞིབ་བཤེར་བྱེད་མི་ཆོག་པ་དང་སྒྲིག་འགལ་ངང་རྒྱུགས་ལེན་སྒྲིག་འཛུགས་བྱེད་མི་ཆོག་པ་ཁ་གསལ་བཏོན།
  

  དེ་རིང་གི་གནམ་གཤིས།

• ཞིན་ཅང་གི་བྱང་རྒྱུད་དང་། བོད་ལྗོངས་ཀྱི་ཤར་ལྷོའི་རྒྱུད། ནང་སོག་གི་ཤར་རྒྱུད། བྱང་ཤར་ས་ཁུལ་གྱི་ནུབ་རྒྱུད། ཧྭ་བྱང་གི་བྱང་རྒྱུད་སོགས་ཀྱི་ས་ཁུལ་ཁ་ཤས་སུ་ཁངས་ཆུང་ནས་ཁངས་འབྲིང་ངམ་ཡང་ན་ཁངས་ཆར་འདྲེས་མ་འབབ་རྒྱུ་རེད། དེའི་ཁྲོད་ནང་སོག་དང་ཧེ་ལུང་ཅང་སོགས་ཀྱི་ས་ཁུལ་ཁ་ཤས་སུ་ཁངས་ཆེན་འབབ་རྒྱུ་རེད། བོད་ལྗོངས་ཀྱི་ཤར་ལྷོའི་རྒྱུད་དང་། ཁྲོན་ནུབ་ས་མཐོ། ཁྲུང་ཆིང་གི་ནུབ་རྒྱུད། ཡུན་ནན་གྱི་ཤར་རྒྱུད། ཀུའེ་ཀྲོའུ་ཡི་ནུབ་རྒྱུད། འབྲི་ཆུའི་ལྷོ་རྒྱུད་ཀྱི་དབུས་ལྷོ་རྒྱུད། ཧྭ་ལྷོའི་ལྷོ་རྒྱུད་བཅས་སུ་ཆར་ཆུང་ནས་ཆར་འབྲིང་འབབ་རྒྱུ་རེད། དེའི་ཁྲོད་ཧྥུ་ཅན་དང་། ཀོང་ཏུང་། ཀོང་ཞི་སོགས་ཀྱི་ས་ཁུལ་ཁག་གཅིག་ཏུ་ཆར་པ་ཆེན་པོ་འབབ་རྒྱུ་རེད།