ཞོགས་པའི་ཇ་ཡུན་གསར་འགྱུར།

སྒྲིག་སྒྱུར། སངས་རྒྱས་སྐྱིད། ཡོང་ཁུངས། མི་དམངས་ཉིན་རེའི་ཚགས་པར་འཕྲིན་སྟེགས། བཤེར་འབེབས། རིན་ཆེན་ཚེ་རིང་།

གསར་འགྱུར་གལ་ཆེན།

• རྒྱལ་ཡོངས་སྲིད་གྲོས་སྐབས་བཅུ་བཞི་པའི་གྲོས་ཚོགས་ཐེངས་བཞི་པའི་མགོ་རྩོམ་ཚོགས་འདུ་ཚེས4ཉིན་གྱི་ཆུ་ཚོད15ཙམ་ལ་མི་དམངས་ཚོགས་ཁང་ཆེ་མོར་འཚོགས་པ་དང་། ཞི་ཅིན་ཕིང་སོགས་ཏང་དང་རྒྱལ་ཁབ་ཀྱི་མགོ་ཁྲིད་ཚོགས་ཆེན་ལ་ཞུགས།
  

• རྒྱལ་ཡོངས་སྲིད་གྲོས་སྐབས་བཅུ་བཞི་པའི་གྲོས་ཚོགས་ཐེངས་གསུམ་པ་འཚོགས་ཚུན་གྲོས་གཞི་ཁྱོན་སྡོམ5992བཏོན་པ་དང་། ཞིབ་བཤེར་བྱས་པ་བརྒྱུད་གྲོས་གཞི5061ཐོ་འགོད་བྱས་ཡོད། གྲོས་གཞི99.9%བསྒྲུབས་ནས་ལན་བཏབ་ཟིན།
  

• རྒྱལ་ཡོངས་མི་དམངས་འཐུས་ཚོགས་སྐབས་བཅུ་བཞི་པའི་གྲོས་ཚོགས་ཐེངས་བཞི་པ་དེ་རིང་སྔ་དྲོར་ཚོགས་མགོ་རྩོམ་རྒྱུ་དང་ཚེས12ཉིན་གྱི་ཕྱི་དྲོར་གྲོལ་རྒྱུ་རེད། ཚོགས་ཡུན་ཉིན8ཡིན།
  

• ད་ལོར་རང་རྒྱལ་གྱིས་སྤྱི་ཚོགས་རོགས་སྐྱོབ་བཅའ་ཁྲིམས་དང་། སྨན་བཅོས་འགན་སྲུང་བཅའ་ཁྲིམས། བུ་བཅོལ་ཞབས་ཞུའི་བཅའ་ཁྲིམས་སོགས་བཅའ་ཁྲིམས་བཟོ་རྒྱུ་རེད།

• ཀྲུང་གོ་གུང་ཁྲན་ཏང་གི་ཕུལ་བྱུང་ཏང་ཡོན་དང་། ཡུན་རིང་ཉམས་སད་ཐེག་པའི་ལྷག་བསམ་རྣམ་དག་གི་གུང་ཁྲན་རིང་ལུགས་ཀྱི་འཐབ་འཛིང་པ། ཕུལ་དུ་བྱུང་བའི་འབྱོར་མེད་གྲལ་རིམ་གྱི་གསར་བརྗེ་བ་དང་ཆབ་སྲིད་པ། ཏང་དང་རྒྱལ་ཁབ་ཀྱི་ཕུལ་བྱུང་མགོ་ཁྲིད། ཀྲུང་གོ་གུང་ཁྲན་ཏང་གི་སྐབས་བཅུ་གསུམ་པའི་ཀྲུང་དབྱང་ཆབ་སྲིད་ཅུའི་རྒྱུན་ཨུ། དེ་སྔའི་རྒྱལ་དོན་ཨུ་ཡོན་བཅས་ཡིན་པའི་བློ་མཐུན་སུང་ཕིང་ནད་གཞིའི་རྐྱེན་པས་སྨན་བཅོས་བྱས་ཀྱང་ཕན་འབྲས་མ་ཐོན་པར2026ལོའི་ཟླ3ཚེས4ཉིན་གྱི་ཆུ་ཚོད15:36སྟེང་པེ་ཅིང་དུ་སྐུ་གཤེགས་པ་དང་། སྐུ་གཤེགས་སྐབས་དགུང་ལོ109ཡིན།
  

• ཚེས4ཉིན་ཕྱི་འབྲེལ་པུས་ཀྲུང་གོའི་སྤྱི་དམངས470ལྷག་ཙམ་དབྱི་རན་དུ་བཅའ་སྡོད་བྱས་པའི་ཀྲུང་གོའི་གཞུང་ཚབ་ཁང་གི་རྩ་འཛུགས་འོག་བདེ་འཇགས་ངང་ཕྱིར་འཐེན་བྱས་ཡོད་ཅེས་བཤད།
  

• དབྱི་རན་གྱི་སྨྱན་སྦྱོར་གྱིས་ཚེས4ཉིན་གནས་ཚུལ་སྤེལ་བར་གཞིགས་ན། དབྱི་རན་གྱིས་ཆེས་མཐོའི་གཙོ་འཛིན་གྱི་འོས་མི་ཁ་ཤས་གཏན་འཁེལ་བྱས་པ་དང་དེའི་ནང་ནས་ཆེས་མཐོའི་གཙོ་འཛིན་གདམ་རྒྱུ་རེད།
  

  སྤྱི་ཚོགས།
  

• ཟླ་གཉིས་པར་རང་རྒྱལ་གྱི་ཐོན་འབོར་ཆེ་བའི་ཚོང་ཟོག་གི་རིན་གོང་སྟོན་གྲངས124.9ཟིན་པ་དེ་དུས་མཚུངས་ལས10.9%འཕར་ཡོད།
  

• རྒྱལ་ཁབ་ནུས་རྒྱུ་ཅུས་ཡོངས་བསྒྲགས་བྱས་པའི་གྲངས་གཞི་ལས་མངོན་པ་ལྟར་ན། 2025ལོར་རང་རྒྱལ་གྱི་འགྱུར་རྡོ་མིན་པའི་ནུས་རྒྱུའི་འཛད་སྤྱོད་ལོ་གོང་མ་ལས་ཚད་ལྡན་རྡོ་སོལ་ཏུན་དུང་ཕྱུར1.6ཙམ་འཕར་ཡོད།
  

• ནོར་སྲིད་པུ་དང་། འགག་སྒོ་སྤྱི་ཁྱབ་ཧྲུའུ། ཁྲལ་དོན་སྤྱི་ཁྱབ་ཅུ་བཅས་ཀྱིས་མཉམ་འབྲེལ་ཐོག་བརྡ་ཐོ་བཀྲམ་ནས། “ལོ་ལྔའི་འཆར་གཞི་བཅོ་ལྔ་པའི”རིང་གཉེར་རྒྱུ་ཡིན་པའི་ཀོང་ཀྲོའུ་ཚོང་འདུས་སྟེང་གི་འགྲེམ་ཚོང་པ་ཚང་མས་འགྲེམ་སྟོན་བྱེད་རིང་ཕྱིར་

• ཚོང་བྱེད་པའི་ཁྲལ་འཇལ་མི་དགོས་པའི་ནང་འདྲེན་འགྲེམ་རྫས་ལ་ནང་འདྲེན་སྒོ་ཁྲལ་དང་ནང་འདྲེན་ལྷུ་ཚིགས་ཀྱི་གནས་ཐང་འཕར་ཁྲལ་དང་འཛད་སྤྱོད་དཔྱ་ཁྲལ་མུ་མཐུད་རྩ་ཆག་གཏོང་རྒྱུ་ཁ་གསལ་བཏོན་ཡོད།
  

• འབྲི་ཆུའི་འགག་གསུམ་གྱི་ལྷོ་ཕྱོགས་གྲུ་སྒོ2026ལོར་འཆར་གཞི་ལྟར་གྲུ་གཏོང་མཚམས་བཞག་སྟེ་ཞིབ་བཤེར་ཞིག་གསོ་བྱེད་པ་དེ་ཟླ3ཚེས4ཉིན་གྱི་ཆུ་ཚོད8པར་དངོས་སུ་སྤེལ་མགོ་ཚུགས་པ་དང་། ཟླ4ཚེས18ཉིན་སླར་ཡང་མཚོ་གྲུ་ཤར་གཏོང་ཐུབ་རྒྱུ་རེད།

• སི་ཁྲོན་ཅང་ཁོའུ་ཁྲེན་ཡུས་རྟེན་མཛོད་ཁང་གིས་སྨྱན་སྦྱོར་སྒོ་དབྱེ་ཉིན་མོའི་བྱེད་སྒོ་སྤེལ་བ་དང་། འགྲེམ་སྟོན་ཁག་དང་པོར་རྩ་ཆེའི་རིག་དངོས7000ལྷག་ཙམ་དངོས་སུ་འགྲེམ་སྟོན་བྱས།
  

• བུད་མེད་ལག་རྩེད་སྤོ་ལོའི་འཛམ་གླིང་བུམ་པའི་གྲ་སྒྲིག་འགྲན་བསྡུར་གྱི་ཁྲང་ཧྲ་ས་ཚིགས་ཚེས4ཉིན་ཐོག་མར་མགོ་ཚུགས་ཤིང་། ཀྲུང་གོའི་རུ་ཁག་པར་ཙིར་གྱི་རུ་ཁག་ལས་རྣམ་པར་རྒྱལ་ནས་མགོ་ཡག་པོ་ཞིག་བརྩམས།

• སི་ཁྲོན་ཙེ་དབྱང་གི་རྒན་པ་ཞིག་གློ་བུར་དུ་ལམ་བར་དུ་འགྱེལ་བ་ན། ལམ་འགྲོ་བའི་ཁྲོད་ཀྱི་སྨན་པ་ཙོའུ་མིན་གྱིས་འཕྲལ་དུ་མྱུར་སྐྱོབ་བྱས་པ་དང་འབྲེལ་རྒན་པ་མྱུར་སྐྱོབ་རླངས་འཁོར་ནང་བསྐྱལ། རྒན་པ་དེ་མིག་སྔར་ཚེ་སྲོག་གི་ཉེན་ཁ་ལས་ཐར་ཡོད།
  

  སྲིད་ཇུས།
  

• ཐེན་ཅིན་གྱིས་ཡིག་ཆ་བཏང་ནས་སྤྱི་པའི་ཞབས་ཞུ་རྒན་པར་འཚམ་ཚད་མཐོ་རུ་གཏོང་བ་དང་། སྤྱི་པའི་ཞབས་ཞུ་ཚན་པས་དགོས་ངེས་ཀྱི་མི་ཐབས་ཞབས་ཞུའི་སྐར་ཁུང་སོར་འཇོག་བྱས་ཏེ་རྒན་པ་ལ་ཆ་འཕྲིན་ཁྲིད་སྟོན་དང་། སྒྲིག་བཀོད་བེད་སྤྱོད་མཛུབ་ཁྲིད། མི་ཐབས་ལ་བརྟེན་ནས་རོགས་སྐྱོར། ཚབ་སྒྲུབ་སོགས་ཀྱི་ཞབས་ཞུ་མཁོ་འདོན་བྱེད་དགོས་ཞེས་བསྟན།
  

• མཚོ་སྔོན་གྱིས་བྱ་ཐབས་པར་འགྲེམ་བྱས་ནས་སློབ་མ་ཚོར་ཉིན་ལྟར་སློབ་གྲྭར་གཏན་འཇགས་དཔེ་ཀློག་དུས་ཚོད་ཆུ་ཚོད1ལས་མི་ཉུང་བ་ཡོད་པ་དང་། གཟའ་འཁོར་རེར་འཛིན་གྲྭ་རེར་དཔེ་ཀློག་མཛུབ་ཁྲིད་སློབ་ཚན་ཆུ་ཚོད་གཅིག་ལས་མི་ཉུང་བ་ཡོད་དགོས་པའི་བླང་བྱ་བཏོན།
  

• སི་ཁྲོན་གྱིས་ལྗང་མདོག་འཛུགས་སྐྲུན་རྒྱུ་ཆ་ཐོན་སྐྱེད་ཁེ་ལས་ཀྱིས་ལས་མི་ནང་འདྲེན་ནམ་ཡང་ན་སྐྱེད་སྲིང་བྱས་ནས་རྒྱལ་ཁབ་ཀྱི་ཕུལ་བྱུང་བཟོ་སྐྲུན་ཆེ་མོ་བ་དང་རྒྱལ་ཁབ་གྱི་བཟོ་བ་ཆེན་མོར་དཔྱད་འདེམས་བྱས་ཚེ། ཁེ་ལས་ལ་མི་རེར་སྒོར་ཁྲི50ཡི་བྱ་དགའ་དང་ཁ་གསབ་སྤྲོད་རྒྱུ་ཡིན་པ་ཁ་གསལ་བཏོན།
  

  དེ་རིང་གི་གནམ་གཤིས།

• ནང་སོག་གི་ཤར་རྒྱུད་དང་། ཧྭ་བྱང་གི་དབུས་བྱང་རྒྱུད། ལིའོ་ཉིང་གི་ནུབ་རྒྱུད་དང་དབུས་ལྷོ། ཅི་ལིན་གྱི་ཤར་རྒྱུད། ཞིན་ཅང་གི་བྱང་རྒྱུད་དང་ཞིན་ཅང་ལྷོ་རྒྱུད་ཀྱི་ནུབ་རྒྱུད་རི་ཁུལ། བོད་ལྗོངས་ཀྱི་བྱང་རྒྱུད། མཚོ་སྔོན་གྱི་བྱང་རྒྱུད་དང་ནུབ་རྒྱུད། ཀན་སུའུ་ཡི་རྨ་ནུབ་སོགས་ཀྱི་ས་ཁུལ་ཁ་ཤས་སུ་ཁངས་ཆུང་ནས་ཁངས་འབྲིང་འབབ་རྒྱུ་རེད། ཞིན་ཅང་ལྷོ་རྒྱུད་གཤོང་སའི་ནུབ་རྒྱུད་དང་ཧྲའན་ཞིའི་ལྷོ་ནུབ་རྒྱུད། ཧུའུ་པེའི་ནུབ་རྒྱུད། སི་ཁྲོན་གཤོང་སའི་ནུབ་རྒྱུད་དང་བྱང་ཤར་རྒྱུད། ཧྭ་བྱང་གི་ལྷོ་རྒྱུད། ཧོང་ཧོའེ་ཡི་ཤར་རྒྱུད་དང་ལྷོ་ནུབ་རྒྱུད། ཧྲང་ཧའེ། ཀྲེ་ཅང་གི་ས་ཁུལ་མང་ཆེ་བ། ཧྥུ་ཅན་གྱི་ཤར་རྒྱུད་དང་དབུས་རྒྱུད། ཀོང་ཏུང་གི་དབུས་ཤར་རྒྱུད། ཡུན་ནན་གྱི་ཤར་རྒྱུད། ཧའེ་ནན་གླིང་ཕྲན། ཐའེ་ཝན་གླིང་ཕྲན་སོགས་ཀྱི་ས་ཁུལ་ཁ་ཤས་སུ་ཆར་ཆུང་ནས་ཆར་འབྲིང་འབབ་རྒྱུ་རེད།