ཀྲུང་གོའི་འཐུས་མི་ཚོགས་པས་གསེར་གྱི་རྟགས་མ་ཐོག་མ་བླངས།

རྩོམ་སྒྲིག སངས་རྒྱས་སྐྱིད། ཡོང་ཁུངས། མཚོ་སྔོན་བོད་ཡིག་ཚགས་པར། བཤེར་འབེབས། རིན་ཆེན་ཚེ་རིང་།

ཟླ9པའི་ཚེས24ཉིན། སྐབས་བཅུ་དགུ་པའི་ཧང་ཀྲོའུ་ཨ་ཤེ་ཡའི་ལུས་རྩལ་འགྲན་ཚོགས་ཀྱི་ལྗིད་ཚད་ཡང་བའི་བུད་མེད་མི་གཉིས་ཀྱི་གྲུ་གཟིངས་འགྲན་སྡུར་གྱི་རྟིང་རྩོད་འགྲན་སྡུར་ཁྲོད་ཀྲུང་གོའི་ལུས་རྩལ་པ་ཙེའུ་ཅ་ཆི་དང་ཆིའུ་ཞིའུ་ཕིང་གིས་གསེར་གྱི་རྟགས་མ་བླངས་ཡོད། འདི་ནི་སྐབས་འདིའི་ཨ་ཤེ་ཡའི་ལུས་རྩལ་འགྲན་ཚོགས་ལས་ཐོན་པའི་གསེར་གྱི་རྟགས་མ་ཐོག་མ་དེ་ཡིན་པ་མ་ཟད། ཀྲུང་གོའི་འཐུས་མི་ཚོགས་པར་ཐོབ་པའི་གསེར་གྱི་རྟགས་མ་ཐོག་མ་དེའང་རེད།

ཧང་ཀྲོའུ་ཧྥུ་དབྱང་ཆུ་ཐོག་ལུས་རྩལ་ལྟེ་གནས་ཀྱི་གྲུ་ཁར་རྣམ་གྲངས་འདིར་བྱ་དགའ་སྤྲོད་པའི་མཛད་སྒོ་བསྡུས།