མཚོ་བྱང་ཁུལ་མི་དམངས་སྲིད་གཞུང་གཞུང་ལས་ཁང་གི《མཚོ་བྱང་ཁུལ་གྱི་ལྗང་མདོག་སྐྱེ་ལྡན་ཞིང་ཕྱུགས་ཐོན་རྫས་ཕྱིར་གཏོང་ས་ཆའི་ སྣེ་ཁྲིད་ཁུལ་འཛུགས་པའི་བྱ་སྤྱོད་ཇུས་གཞི》དཔར་འགྲེམ་བྱས་པའི་སྐོར་གྱི་བརྡ་སྦྱོར།

བྱང་སྲིད་གཞུང་ལས་ཁང〔2022〕ཨང20པ། 

རྫོང་སོ་སོའི་མི་དམངས་སྲིད་གཞུང་དང་མཚོ་སྔོན་པོ་ཞིང་ར། ཁུལ་སྲིད་གཞུང་གི་སྡེ་ཁག་སོ་སོར།

《མཚོ་བྱང་ཁུལ་གྱི་ལྗང་མདོག་སྐྱེ་ལྡན་ཞིང་ཕྱུགས་ཐོན་རྫས་ཕྱིར་གཏོང་ས་ཆའི་སྣེ་ཁྲིད་ཁུལ་འཛུགས་པའི་བྱ་སྤྱོད་ཇུས་གཞི》དེ་ཁུལ་ཨུ་དང་ཁུལ་སྲིད་གཞུང་གིས་ཞིབ་འཇུག་བྱས་ནས་གྲོས་འཆམ་བྱུང་བས། ད་ལྟ་དཔར་འགྲེམས་བྱས་པ་བཞིན་ལག་བསྟར་གནང་རོགས།

མཚོ་བྱང་ཁུལ་མི་དམངས་སྲིད་གཞུང་གཞུང་ལས་ཁང་།

2022ལོའི་ཟླ4ཚེས19ཉིན།

མཚོ་བྱང་ཁུལ་གྱི་ལྗང་མདོག་སྐྱེ་ལྡན་ཞིང་ཕྱུགས་ཐོན་རྫས་ཕྱིར་གཏོང་ས་ཆའི་སྣེ་ཁྲིད་ཁུལ་འཛུགས་པའི་བྱ་སྤྱོད་ཇུས་གཞི།

མཚོ་སྔོན་ཞིང་ཆེན་གྱི་ལྗང་མདོག་སྐྱེ་ལྡན་ཞིང་ཕྱུགས་ཐོན་རྫས་ཕྱིར་གཏོང་བྱ་ཡུལ་གཏོད་རྒྱུའི་སྐོར་གྱི་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་མཛུབ་སྟོན་གལ་ཆེན་གྱི་དགོངས་དོན་ལག་བསྟར་དོན་འཁྱོལ་གཏིང་ཟབ་བྱས་ཏེ། 《མཚོ་བྱང་ཁུལ་གྱི་ལྗང་མདོག་སྐྱེ་ལྡན་ཞིང་ཕྱུགས་ལས་ཀྱི་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་དང་། མཚོ་སྔོན་ཞིང་ཆེན་གྱི་ལྗང་མདོག་སྐྱེ་ལྡན་ཞིང་ཕྱུགས་ཐོན་རྫས་ཕྱིར་གཏོང་བྱ་ཡུལ་གཏོད་པའི་བྱ་སྤྱོད་ཇུས་གཞིའི》བཀོད་སྒྲིག་གཞིར་བཟུང་ནས། མཚོ་བྱང་ཁུལ་གྱི་ལྗང་མདོག་སྐྱེ་ལྡན་ཞིང་ཕྱུགས་ཐོན་རྫས་ཕྱིར་གཏོང་ས་ཆའི་སྣེ་ཁྲིད་ཁུལ་ཏན་ཏིག་ངང་འཆར་འགོད་ཡག་པོ་དང་ཇུས་འགོད་བཟང་པོ། འཛུགས་སྐྲུན་ལེགས་པོ་བཅས་བྱེད་ཆེད། ད་ལྟ་མཚོ་བྱང་ཁུལ་གྱི་དོན་དངོས་དང་ཟུང་འབྲེལ་བྱས་ནས་བྱ་སྤྱོད་ཀྱི་ཇུས་གཞི་འདི་གཏན་འབེབས་བྱས་པ་ཡིན།

གཅིག  མཛུབ་སྟོན་བསམ་བློ།

ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་དོན་མཛུབ་ཁྲིད་དུ་འཛིན་རྒྱུ་མཐའ་འཁྱོངས་དང་། སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་རྒྱལ་ཡོངས་མི་དམངས་འཐུས་མི་ཚོགས་ཆེན་སྐབས་བཅུ་གསུམ་པའི་ཚོགས་འདུ་ཐེངས་བཞི་པའི་མཚོ་སྔོན་འཐུས་མི་ཚོགས་པའི་གྲོས་ཞིབ་དང་མཚོ་སྔོན་ལ་གཟིགས་ཞིབ་གནང་སྐབས་ཀྱི་མཛུབ་སྟོན་གལ་ཆེན་གྱི་དགོངས་དོན་ལག་བསྟར་དོན་འཁྱོལ་གཏིང་ཟབ་བྱས་ཏེ། འཕེལ་རྒྱས་ཀྱི་དུས་མཚམས་གསར་པར་གཞི་ཚུགས་པ་དང་། འཕེལ་རྒྱས་ཀྱི་འདུ་ཤེས་གསར་པ་དོན་འཁྱོལ་བྱེད་པ། འཕེལ་རྒྱས་ཀྱི་སྤྱི་ཁོག་གསར་བ་བསྐྲུན་པ་བཅས་ལ་དམིགས་ནས། “སྔོན་འགྲོ་གཅིག་དང་སྤུས་ལེགས་གཉིས”ཀྱི་འཐབ་ཇུས་བཀོད་སྒྲིག་ཁྱོན་ཡོངས་ནས་ལག་བསྟར་དང“གནས་བཞི”ཡི་འཛུགས་སྐྲུན་ནང་འདྲེས་པར་བྱེད་པ་དང་། ཞིང་ཕྱུགས་ལས་ཀྱི་མཁོ་སྤྲོད་ཕྱོགས་ཀྱི་གྲུབ་ཆའི་རང་བཞིན་གྱི་སྒྱུར་བཅོས་ལ་སྐུལ་འདེད་གཏིང་ཟབ་བྱེད་པ། ལྗང་མདོག་སྐྱེ་ལྡན་ཞིང་ཕྱུགས་ལས་ཀྱི་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏོང་རྒྱུ་དམིགས་ཚད་དུ་བྱེད་པ་དང་། པུ་དང་ཞིང་ཆེན་གྱིས་ལྗང་མདོག་སྐྱེ་ལྡན་ཞིང་ཕྱུགས་ཐོན་རྫས་ཀྱི་དཔེ་སྟོན་ཞིང་ཆེན་མཉམ་དུ་བསྐྲུན་རྒྱུ་གཞི་རྟེན་དུ་བྱེད་པ། སྤུས་ཚད་ལ་བརྟེན་ནས་ཞིང་ལས་དར་རྒྱས་དང་། སྤུས་རྟགས་ལ་བརྟེན་ནས་ཞིང་ལས་སྟོབས་ཆེར་གཏོང་བ། ལྗང་མདོག་ཞིང་ཕན་བཅས་ཕྱོགས་སྟོན་དུ་འཛིན་པ། གྲངས་འབོར་བརྟན་འཇགས་དང་སྤུས་ཚད་ཇེ་མཐོར། ཐོན་སྐྱེད་འབྲེལ་ཐག་ཁ་གསབ། ཕྱིར་གཏོང་རྒྱ་སྐྱེད་པ་བཅས་ཐབས་ལམ་བྱེད་པ། སྤུས་ལེགས་རིགས་སྣ་གསོ་སྐྱོང་དང་སྤུས་ཀ་མཐོར་འདེགས། ཚོང་རྟགས་མིང་གྲགས་ཅན་དང་ཚད་ལྡན་ཅན་དེ་གཞི་འཛིན་ས་རུ་བྱེད་པ། ཁྱད་ཆོས་འབུར་ཐོན་དང་ལྗང་མདོག་ཤུགས་སྣོན། ཚོང་རྟགས་གསར་བཟོ། རྣམ་པ་གཞན་སྒྱུར། སྒྲིག་གཞི་འཛུགས་སྐྱོང་། རྨང་གཞི་འདིང་བ་བཅས་འཛུགས་སྐྲུན་གྱི་ལམ་ཕྱོགས་ཡིན་པར་བྱས་ནས་མཚོ་བྱང་ཁུལ་གྱི་ལྗང་མདོག་སྐྱེ་ལྡན་ཞིང་ཕྱུགས་ཐོན་རྫས་མུ་མཐུད་དུ་ཇེ་ལེགས་ཇེ་བཟང་དུ་གཏོང་བ་དང་། ཞིང་ཕྱུགས་ལས་ཀྱི་ཐོན་སྐྱེད་ཇེ་མང་དང་རོང་འབྲོག་མང་ཚོགས་ཀྱི་ཡོང་སྒོ་ཇེ་མང་། རོང་འབྲོག་ཁུལ་གྱི་འཕེལ་རྒྱས་ཇེ་མགྱོགས་སུ་གཏོང་བ་མངོན་འགྱུར་བྱས་ཏེ། ཁྱོན་ཡོངས་ནས་གྲོང་གསེབ་དར་སྤེལ་དང་། ཞིང་ཕྱུགས་ལས་དང་རོང་འབྲོག་ཁུལ་དེ་དེང་རབས་ཅན་དུ་འགྱུར་བའི་གོམ་སྟབས་ཇེ་མགྱོགས་སུ་གཏོང་བའི་མཚོ་བྱང་གི་ལེའུ་རྩོམ་དགོས།

གཉིས། འཛུགས་སྐྲུན་རྩ་དོན།

“རི་སྔོ་ཆུ་དྭངས་ནི་གསེར་རི་དངུལ་རི་ཡིན་པའི”འདུ་ཤེས་ལག་ཏུ་བསྟར་ནས། སྐྱེ་ཁམས་དང་རྨོ་ཞིང་གི“དམར་ཐིག”བརྟན་སྲུང་བྱེད་པ་དང་། སྐྱེ་ཁམས་སྲུང་སྐྱོང་དང་ཞིང་ཕྱུགས་ལས་ཀྱི་འཕེལ་རྒྱས་མཉམ་འདྲེས་དམ་ཟབ་ཡོང་བར་སྐུལ་འདེད་གཏོང་བ། ལྗང་མདོག་སྐྱེ་ལྡན་ཐོན་སྐྱེད་ལ་ཕྱོགས་ཡོངས་ནས་སྐུལ་འདེད་དང་། སྤུས་ལེགས་ནུས་ཆེ་དང་ཐོན་ཁུངས་གྲོན་ཆུང་། འདེབས་གསོ་འཁོར་རྒྱུག ཁོར་ཡུག་མཛའ་མཐུན་བཅས་ཀྱི་འཕེལ་རྒྱས་ཀྱི་ལམ་བུར་བསྐྱོད་དགོས།ཞིང་ཕྱུགས་ལས་ཀྱི་མཁོ་སྤྲོད་ཕྱོགས་ཀྱི་གྲུབ་ཆའི་རང་བཞིན་གྱི་སྒྱུར་བཅོས་གཏིང་ཟབ་ཏུ་གཏོང་བ་དང་། ཞིང་ཕྱུགས་ལས་ཀྱི་ཐོན་ལས་ཕྱོགས་སྒྱུར་རིམ་སྤོར་ཇེ་མགྱོགས་སུ་གཏོང་བ། ལྗང་མདོག་ཅན་དང་སྐྱེ་ལྡན་ཅན་གྱི་འཕེལ་རྒྱས་ཇེ་མགྱོགས་སུ་གཏོང་བ། ཞིང་ཕྱུགས་ཐོན་རྫས་ཀྱི་སྤུས་ཚད་དང་ཕན་འབྲས་གཉིས་ཀ་མཐོ་རུ་གཏོང་བ་ཁག་ཐེག་བཅས་བྱས་ཏེ། སྤུས་ཚད་མཐོ་བའི་མཁོ་སྤྲོད་ལ་བརྟེན་ནས་ཉིན་རེར་འཕར་བཞིན་པའི་འཛད་སྤྱོད་དགོས་མཁོ་སྐོང་ཐུབ་པ་བྱེད་དགོས།

ས་ཁོངས་ཐོན་ཁུངས་ཀྱི་ལེགས་ཆ་དང་ཁོར་ཡུག་གི་ཐེག་ནུས་ལ་བརྟེན་ནས་ས་ཁོངས་ཀྱི་སྒྲིག་བཀོད་ཇེ་ལེགས་སུ་གཏོང་བ་དང་། དངོས་པོའི་སྒྲིག་ཆས་ཀྱི་ཆུ་ཚད་མཐོ་རུ་གཏོང་བ། གཙོ་ཁྲིད་ཐོན་ལས་རྒྱ་སྐྱེད་པ། ཁྱད་ལྡན་ཐོན་ལས་ཇེ་ལེགས་སུ་གཏོང་བ། ཐོན་ལས་སྦྲེལ་ཐག་རིང་དུ་གཏོང་བ་དང་། མཁོ་སྤྲོད་འབྲེལ་ཐག་ཤར་གཏོང་བྱེད་པ། རིན་ཐང་སྦྲེལ་ཐག་མཐོ་རུ་གཏོང་བ་བཅས་བྱས་ནས། ཐོན་ལས་དང་པོ་དང་གཉིས་པ། གསུམ་པ་བཅས་ཀྱི་མཉམ་འདྲེས་འཕེལ་རྒྱས་ལ་སྐུལ་འདེད་གཏོང་དགོས།

“རིག་སྟོབས་ནང་འདྲེན”གྱི་ནུས་པར་མཐོང་ཆེན་དང་། ལག་རྩལ་ཅན་གྱི་ཤེས་ལྡན་མི་སྣ་གསོ་སྐྱོང་བྱ་རྒྱུ་གཙིགས་སུ་བཟུང་ནས། ཞིང་ཕྱུགས་ལས་ཀྱི་ཉེར་སྤྱོད་ལག་རྩལ་གསོ་སྦྱོང་དང་ཁྱབ་གདལ་གཏོང་ཤུགས་ཆེ་རུ་གཏོང་བ། ཞིང་ཕྱུགས་ལས་ཀྱི་ཚན་རིག་ཞིབ་འཇུག་གི་གྲུབ་འབྲས་གཞན་སྒྱུར་བྱེད་པ་ཇེ་མགྱོགས་སུ་གཏོང་བ། ཤེས་ལྡན་མི་སྣའི་སྐུལ་ལྕག་ལམ་སྲོལ་རྒྱུན་ཆད་མེད་པར་གསར་གཏོད་བཅས་བྱས་ཏེ། སྣེ་ཁྲིད་ཁུལ་གྱི་ཞིང་ཕྱུགས་ལས་ཀྱི་ཚན་རྩལ་བཀོལ་སྤྱོད་ཆུ་ཚད་ཕྱོགས་ཡོངས་ནས་མཐོ་རུ་གཏོང་དགོས།

ལྗང་མདོག་སྐྱེ་ལྡན་གྱི་ཞིང་ཕྱུགས་ཐོན་རྫས་ཕྱིར་འཚོང་ཐབས་ལམ་རྒྱ་ཆེར་བཏང་ནས། སྟོབས་ཤུགས་ལྡན་པ་དང་ལེགས་ཆ་ལྡན་པ། ཁྱད་ཆོས་ལྡན་པ་བཅས་ཀྱི་དྲ་ཐོག་ཚོང་དོན་དང་སྨྱན་སྦྱོར་གསར་པ་སོགས་ཀྱི་ཚོང་གཉེར་ལས་སྟེགས་མཉམ་ལས་ལ་ཤུགས་སྣོན་བརྒྱབ་སྟེ། ས་ཁོངས་ཀྱི་ཁྱད་ལྡན་སྤུས་རྟགས་བཏོད་པ་དང་། སྤུས་ལེགས་སྤུས་རྟགས་ལ་བརྟེན་ནས་ཁྲོམ་ར་རྒྱ་སྐྱེད་དང་ཕྱིར་གཏོང་བྱེད་པ། ཕན་འབྲས་ཆེ་རུ་གཏོང་བ་བཅས་བྱེད་དགོས།

རིམ་པ་མང་བ་དང་རིགས་སྣ་མང་བ་ཅན་གྱི་ཞིང་ཕྱུགས་ལས་ཀྱི་གཉེར་སྐྱོང་བྱེད་པོ་གསོ་སྐྱོང་བྱས་ཏེ། རྒྱལ་ནང་གི་ཚོང་ར་གཞི་འཛུགས་ས་བྱེད་པ་དང་། རྒྱུ་རྐྱེན་སྣ་ཚོགས་བཀོད་སྒྲིག་ལུགས་མཐུན་བྱེད་པ། གཞི་ཁྱོན་ལྡན་པའི་གཉེར་སྐྱོང་ཆུ་ཚད་མཐོ་རུ་གཏོང་བ། ཁེ་ཕན་འབྲེལ་མཐུད་ཀྱི་ལམ་སྲོལ་འཐུས་ཚང་དུ་གཏོང་བ་བཅས་བྱས་ནས། ལྗང་མདོག་སྐྱེ་ལྡན་གྱི་ཞིང་ཕྱུགས་ཐོན་རྫས་ཕྱིར་གཏོང་ས་ཆའི་སྣེ་ཁྲིད་ཁུལ་གྱི་རྨང་གཞི་ཇེ་བརྟན་དུ་གཏོང་དགོས།

གསུམ། འཛུགས་སྐྲུན་དམིགས་འབེན།

“མ་ལག་དྲུག་འཐུས་ཚང་དང་སྣེ་ཁྲིད་དྲུག་འབུར་དུ་བཏོད་པར”གཞིགས་ནས་འཆར་འགོད་བྱེད་པ་སྟེ། ཞིང་ཕྱུགས་ལས་ཀྱི་ཐོན་སྐྱེད་དང་གཉེར་སྐྱོང་། ཐོན་ལས། ལག་རྩལ་གྱི་འདེགས་སྐྱོར། ཚོང་རའི་ཕྱིར་འཚོང་། ཚན་རྩལ་ཞབས་ཞུ་བཅས་མ་ལག་དྲུག་འཐུས་ཚང་དུ་བཏང་ནས། ལྗང་མདོག་འཕེལ་རྒྱས་དང་བྱེད་པོ་སྐྱེད་སྲིང་། ཐོན་ལས་མཉམ་འདྲེས། ཚན་རྩལ་གསར་གཏོད། ཚོང་རྟགས་འཛུགས་སྐྱོང་། འཇོན་མི་བསྡུ་སྒྲིལ་བཅས་ཀྱི་སྣེ་ཁྲིད་དྲུག་འབུར་དུ་བཏོད་པར་ཟེར། ལྗང་མདོག་སྐྱེ་ལྡན་ཚད་ལྡན་ཅན་གྱི་ཐོན་སྐྱེད་དང་གཉེར་སྐྱོང་བྱེད་པོ་གསར་པ་སྐྱེད་སྲིང་། དེང་རབས་ཞིང་ལས་ཐོན་ལས་གླིང་འཛུགས་སྐྲུན། ཚན་རྩལ་གསར་གཏོད་ནུས་པ་ཆེ་རུ་གཏོང་བ། ལྗང་མདོག་སྐྱེ་ལྡན་ཞིང་ཕྱུགས་ཐོན་རྫས་ཀྱི་ཚོང་རྟགས་གསར་གཏོད། འཇོན་མི་བསྡུ་སྒྲིལ་བཅས་ཕྱོགས་དྲུག་གི་ཐད་ནས་ཞིང་ཆེན་ཡོངས་ཀྱི་མདུན་གྲལ་དུ་སླེབས་ཡོད། 2025ལོར་སླེབས་སྐབས། ཁུལ་ཡོངས་ཀྱི་ཞིང་ཕྱུགས་ལས་ཀྱི་སྐྱེ་ཁམས་ཁོར་ཡུག་མངོན་གསལ་དོད་པོས་ཇེ་ལེགས་སུ་འགྲོ་བ་དང་། ཐོན་རྫས་ཀྱི་སྤུས་ཚད་མངོན་གསལ་དོད་པོས་མཐོ་རུ་འགྲོ་བ། ཕྱིར་གཏོང་ནུས་པ་མངོན་གསལ་དོད་པོས་ཆེ་རུ་གཏོང་བ། སྤུས་རྟགས་ཞིང་ལས་སྟོབས་ཆེར་གཏོང་བ། ཕྱོགས་བསྡུས་ཕན་འབྲས་མངོན་གསལ་དོད་པོས་ཇེ་མཐོར་འགྲོ་བ་བཅས་ཀྱི་དམིགས་ཚད་མངོན་འགྱུར་ཡོང་བ་མ་ཟད། མཚོ་བྱང་ཁུལ་དེ་ཞིང་ཆེན་ཡོངས་ཀྱི་ལྗང་མདོག་སྐྱེ་ལྡན་ཞིང་ཕྱུགས་ཐོན་རྫས་ཕྱིར་གཏོང་ས་ཆའི་སྣེ་ཁྲིད་ཁུལ་དུ་འཛུགས་སྐྲུན་བྱེད་པར་འབད་བརྩོན་བྱེད་དགོས།

ཁུལ་ཡོངས་ཀྱི་སྒོ་ཕྱུགས་དང་ཁྱིམ་བྱའི་ལུད་ཕྱོགས་བསྡུས་བེད་སྤྱོད་བྱེད་ཚད95% ཡན་ཟིན་པ་དང་། སོག་མ་ཕྱོགས་བསྡུས་བེད་སྤྱོད་བྱེད་ཚད90%ཡན་ཟིན་པ། མཚོ་སྐོར་ས་ཁོངས་ཡོངས་ཀྱི་ཞིང་ཁར་སྐྱེ་ལྡན་ལུད་ཀྱིས་ཚབ་བྱེད་པ། ཁུལ་ཡོངས་ཀྱི་རྫས་ལུད་དང་ཞིང་སྨན་སྤྱོད་ཚད40%དང་30%ཉུང་དུ་ཕྱིན་པ། ཞིང་ལས་སྐྱེ་དངོས་གཙོ་བོའི་ནད་འབུའི་གནོད་འཚེ་ཆེད་ལས་ཅན་གྱི་གཅིག་གྱུར་འགོག་བཅོས་ཁྱབ་ཚད40%ཡན་ཟིན་ཡོད།

ཁུལ་ཡོངས་ཀྱི་ཚད་གཞི་མཐོ་བའི་ཞིང་ས་མུའུ་ཁྲི31ཡན་རྒྱུན་འཁྱོངས་ཐུབ་པ་དང་། ཞིང་ལས་སྐྱེ་དངོས་འདེབས་འཛུགས་ས་ཁྱོན་མུའུ་ཁྲི80ཡན་བརྟན་པོ་བྱུང་། འབྲུ་སྣུམ་གྱི་སྤྱིའི་ཐོན་འབོར་ཏུན་ཁྲི14ཡན་ཟིན་ཡོད། གཟན་རྩྭ་འདེབས་འཛུགས་ས་ཁྱོན་ཁྲི12ཟིན་པ་དང་གཟན་རྩྭ་ཐོན་ཚད་ཏུན་ཁྲི20ཟིན། ནོར་ལུག་གསོ་སྤེལ་གྱི་མགོ་གྲངས་སོ་སོར་ཁྲི100དང་ཁྲི285ནང་དུ་བརྟན་འཇགས་ཡིན། ཤ་རིགས་དང་འོ་མའི་རིགས་ཀྱི་སྤྱིའི་ཐོན་འབོར་སོ་སོ་ཏུན་ཁྲི5.5དང་ཏུན་ཁྲི3.2ཟིན་ཡོད། ཚད་ལྡན་ཅན་གྱི་གསོ་སྤེལ་བསྡུར་ཚད50%ཟིན་ཡོད། འདེབས་འཛུགས་ལས་རིགས་ཀྱི་རྨོ་འདེབས་བསྡུ་གསུམ་ཕྱོགས་བསྡུས་འཕྲུལ་ཆས་ཅན་དུ་འགྱུར་ཚད80%ཡིན་པ་དང་། ཞིང་ཕྱུགས་ཐོན་རྫས་ཀྱི་ལས་སྣོན་གཞན་སྒྱུར་ཐུབ་ཚད65%ཡན་ཡིན། ཞིང་ལས་ཐོན་རྫས་ལས་སྣོན་རིན་ཐང་དང་ཞིང་ཕྱུགས་ལས་ཀྱི་ཐོན་རྫས་རིན་ཐང་བསྡོམས་འབོར་གྱི་བསྡུར་ཚད2.4:1ཡིན། ཞིང་ལས་ཚན་རྩལ་འཕེལ་རྒྱས་ཀྱི་ལེགས་སྐྱེས་འབུལ་ཚད62.2%ཡན་ཡིན།

ཞིང་ཕྱུགས་ཐོན་རྫས་ཀྱི་སྤུས་ཚད་བདེ་འཇགས་འགན་ལེན་ཐུབ་པ་དང་། བོད་ལུག་དང་ནོར་གནག ནས། ལོག་དཀར་སོགས་ཁྱད་ལྡན་ཞིང་ཕྱུགས་ཐོན་རྫས་ཀྱི་ཐོན་ཡུལ་ཁུངས་འདེད་ལམ་ལུགས་གཞི་རྩའི་ཐོག་འཛུགས་གྲུབ་བྱུང་ཡོད་པ་དང་། ཁྱབ་ཚད95%ཡན་ཡིན། ཞིང་ཕྱུགས་ཐོན་རྫས་ཀྱི་སྤུས་ཚད་བདེ་འཇགས་ལྟ་ཞིབ་ཚད་ལེན་ཚད་ཐིག་ཏུ་ཐོན་ཚད98%ཡན་ཡིན།

ས་གནས་ཚོང་རྟགས་ཀྱི་ཤུགས་རྐྱེན་ཐེབས་ཚད་རྒྱུན་མཐུད་ངང་ཆེ་རུ་སོང་ནས། གསར་དུ་ངོས་འཛིན་ཐོབ་པའི་ལྗང་མདོག་སྐྱེ་ལྡན་ཞིང་ཕྱུགས་ཐོན་རྫས་དང་ཞིང་ལས་ཐོན་རྫས་ཀྱི་ས་ཁམས་མཚོན་རྟགས50ཡན་ལ་ཐོན་པ་དང་། ཞིང་ཕྱུགས་ཐོན་རྫས་ཀྱི་ཚོང་རྟགས་གྲགས་ཅན15ཡན་དུ་སླེབས་ཡོད།

ཞིང་ཕྱུགས་ལས་ལྗང་མདོག་འཕེལ་རྒྱས་ལ་གོ་རིམ་ལྡན་པའི་ངང་སྐུལ་འདེད་བཏང་བ་དང་། སྐྱེ་ཁམས་ཞིང་ཕྱུགས་ཐོན་ལས་མ་ལག་དང་། ཐོན་སྐྱེད་མ་ལག གཉེར་སྐྱོང་མ་ལག་བཅས་ཟམ་མི་ཆད་པར་འཐུས་ཚང་དུ་བཏང་བ། སྤུས་ཚད་དང་ཕན་འབྲས་རྒྱུན་མཐུད་ངང་ཇེ་མཐོར་སོང་། རོང་འབྲོག་མང་ཚོགས་ཀྱི་ཡོང་འབབ་རྒྱུན་མཐུད་ངང་འཕར་བ་དང་། རོང་འབྲོག་མང་ཚོགས་ཀྱི་བཀོལ་སྤྱོད་ཆོག་པའི་ཡོང་འབབ་སྒོར་ཁྲི2ཡན་དུ་སླེབས། བྱང་ཚད་མཐོ་བའི་རོང་འབྲོག་མང་ཚོགས་མི5000གསོ་སྐྱོང་བཅས་བྱས་ཡོད།

བཞི། ལས་འགན་གཙོ་བོ།

གཅིག ཞིང་ཕྱུགས་ལས་ཀྱི་ཐོན་སྐྱེད་མ་ལག་འཐུས་ཚང་དུ་བཏང་ནས། ལྗང་མདོག་དང་སྐྱེ་ལྡན་འཕེལ་རྒྱས་ཀྱི་སྣེ་ཁྲིད་མངོན་གསལ་དོད་པོ་ཡོང་བ་བྱེད་དགོས།

ཚད་གཞི་མཐོ་བའི་ཞིང་ས་འཛུགས་སྐྲུན་བྱེད་ཤུགས་ཆེ་རུ་གཏོང་བ་དང་། ཞིང་ཆུ་འདྲེན་པ་སོགས་ཀྱི་ཆ་སྡེབ་སྒྲིག་བཀོད་འཐུས་ཚང་དུ་གཏོང་བ། རྨོ་ཞིང་ལ་འཚམ་པའི་སྒྱུར་བཀོད་བྱེད་ཐབས་དོན་འཁྱོལ་ཡོང་བར་སྐུལ་འདེད་བཏང་ནས། རྨོ་ཞིང་གི་ས་རྒྱུའི་ཁོར་ཡུག་དོ་དམ་ལ་ཤུགས་སྣོན་རྒྱག་པ་དང་། སྦགས་བཙོག་འབྱུང་ཁུངས་སྔོན་འགོག་ཚོད་འཛིན་བྱེད་ཤུགས་ཆེ་རུ་གཏོང་བ། མཁའ་རླུང་དང་ས་རྒྱུ། ཆུའི་སྤུས་ཚད་བཅས་ཀྱི་ཁོར་ཡུག་ལ་ལྟ་ཞིབ་ཚད་ལེན་དང་དཔྱད་དཔོག་བྱེད་ཤུགས་ཆེ་རུ་གཏོང་བ། རིགས་དབྱེའི་དོ་དམ་ཚོད་འཛིན་བྱེད་ཐབས་དོན་འཁྱོལ་བཅས་བྱས་ནས་རྨོ་ཞིང་བདེ་འཇགས་ངང་བེད་སྤྱོད་བྱེད་པའི་ཆུ་ཚད་མཐོ་རུ་གཏོང་དགོས། རྨོ་ཞིང“ཞིང་ས་མིན་པར་འགྱུར་བ”གཏན་འགོག་དང“འབྲུ་རིགས་མ་ཡིན་པར”འགྱུར་བ་སྔོན་འགོག་བྱེད་དགོས།སྣེ་ཁྲིད་ལས་ཁུངས། ཁུལ་ཞིང་ཕྱུགས་དང་ཚན་རྩལ་ཅུ། འགན་འཁུར་ལས་ཁུངས། རྫོང་སོ་སོའི་མི་དམངས་སྲིད་གཞུང་དང་ཁུལ་འཕེལ་རྒྱས་དང་བཅོས་སྒྱུར་ཨུ་ཡོན་ལྷན་ཁང་། ཁུལ་གྲོང་གསེབ་དར་སྤེལ་ཅུ། ཁུལ་རང་བྱུང་ཐོན་ཁུངས་ཅུ།

བོད་ལུག་དང་ནོར་གནག ནས། ལོག་དཀར། གཟན་རྩྭ་སོགས་ཁྱད་ལྡན་ཐོན་ལས་ཆེན་པོ་ལྔ་ལ་དམིགས་ཏེ། ཕྱུགས་རིགས་ཀྱི་དྲོད་ཁང་དང་། གཟན་རྩྭ་དང་གཟན་མཛོད། སྲོག་ཆགས་ཀྱི་རིམས་འགོག་སོགས་རྨང་གཞིའི་སྒྲིག་བཀོད་འཛུགས་སྐྲུན་བྱེད་ཤུགས་ཆེ་རུ་བཏང་ནས། ལྗང་མདོག་སྐྱེ་ལྡན་གྱི་ཕྱུགས་ལས་འཕེལ་རྒྱས་ཤུགས་ཆེན་གཏོང་དགོས། ཞིང་ཁུལ་གྱི་འདེབས་འཛུགས་ལས་རིགས་གོང་འཕེལ་གཏོང་བའི་ཆུ་ཚད་མཐོ་རུ་གཏོང་བ་དང་། ཞིང་ཕྱུགས་ལས་ཀྱི་སྒྲིག་བཀོད་སྒྱུར་བཀོད་རིམ་སྤོར་བྱེད་པ། ཚད་ལྡན་ཅན་གྱི་འདེབས་འཛུགས་རྟེན་གཞི་འཛུགས་སྐྲུན་བྱེད་པ་བཅས་བྱས་ནས་འབྲུ་སྣུམ་དང་། ཤ་དང་འོ་མ་སོགས་ཞིང་ཕྱུགས་ཐོན་རྫས་གཙོ་བོའི་ཕྱོགས་བསྡུས་ཐོན་སྐྱེད་ནུས་པ་ཟམ་མི་ཆད་པར་ཆེ་རུ་གཏོང་དགོས། སྣེ་ཁྲིད་ལས་ཁུངས། ཁུལ་ཞིང་ཕྱུགས་དང་ཚན་རྩལ་ཅུ། འགན་འཁུར་ལས་ཁུངས། རྫོང་སོ་སོའི་མི་དམངས་སྲིད་གཞུང་དང་ཁུལ་འཕེལ་རྒྱས་དང་བཅོས་སྒྱུར་ཨུ་ཡོན་ལྷན་ཁང་། ཁུལ་གྲོང་གསེབ་དར་སྤེལ་ཅུ།

ཞིང་ཕྱུགས་ཀྱི་རྒྱུད་བཟང་གསོ་སྤེལ་དང་། རྒྱུད་རྒྱུའི་ཐོན་ཁུངས་སྲུང་སྐྱོང་མ་ལག་འཛུགས་པ་དང་འཐུས་ཚང་དུ་བཏང་ནས། ཞིང་ཕྱུགས་ལས་ཀྱི་རྒྱུད་རྒྱུའི་ཐོན་ཁུངས་ལ་བརྟག་དཔྱད་དང་སྲུང་སྐྱོང་བྱས་ཏེ་བོད་ལུག་དང་ནོར་གནག ལོག་དཀར་བཅས་ཀྱི་འདེབས་ལས་གསར་གཏོད་ཡག་པོ་བྱེད་དགོས། རྒྱུད་སྤེལ་ལག་རྩལ་གྱི་འགག་གནད་སྒྲོལ་ཤུགས་ཆེ་རུ་བཏང་ནས་བོད་ལུག་དང་ནོར་གནག་གི་རྒྱུད་བཟང་འདེམས་གསོ་བྱ་རྒྱུར་སྐུལ་འདེད་གཏོང་བ་དང་། བོད་ལུག་དང་ནོར་གནག་སོགས་ཀྱི་རྒྱུད་བཟང་སྐྱེད་སྲིང་ལས་དོན་ལ་སྐུལ་འདེད་མགྱོགས་སུ་གཏོང་བ། 《མཚོ་བྱང་ཁུལ་གྱི་མཐོ་སྒང་གི་བོད་ལུག་སྲུང་སྐྱོང་སྲོལ་ཡིག》གི་ཁྲིམས་འཛིན་བྱེད་ཤུགས་ཆེ་རུ་བཏང་ནས་མཐོ་སྒང་བོད་ལུག་གི་རྒྱུད་འཛིན་ཐོན་ཁུངས་སྲུང་སྐྱོང་ཐུབ་པའི་འགན་ལེན་བྱེད་དགོས། ཞིང་ཕྱུགས་སོན་ལས་ཀྱི“གསོ་སྤེལ་དང་གསོ་སྤེལ་ཁྱབ་སྤེལ”གྱི་ལས་དོན་ལ་ཤུགས་སྣོན་བརྒྱབ་ནས། གསོ་སྤེལ་རྟེན་གཞི་འཛུགས་སྐྲུན་གྱི་བཀོད་པ་ལེགས་སུ་གཏོང་བ་དང་། “གསོ་སྤེལ་དང་གསོ་སྤེལ་ཁྱབ་སྤེལ་གཞི་གཅིག་ཅན”གྱི་དེང་རབས་འདེབས་ལས་ཁེ་ལས་གསོ་སྐྱོང་བྱེད་དགོས། ནས་དང་ལོག་དཀར་གྱི་སོན་གསར་འདེབས་གསོ་བྱེད་ཤུགས་ཆེ་རུ་གཏོང་བ་དང་། འཇུ་ལག་གི་སྤུས་བཟང་ནས་དང་སོན་བཟང་ལོག་དཀར་འདེབས་འཛུགས་ཀྱི་གནས་གཞི་འཛུགས་སྐྲུན་ཇེ་མགྱོགས་སུ་བཏང་ནས། ཞིང་ཆེན་ཡོངས་དང་ཐ་ན་རྒྱལ་ཡོངས་ཀྱི་སོན་བཟང་མཁོ་འདོན་རྟེན་གཞིར་འཛུགས་སྐྲུན་བྱེད་དགོས། མདོ་ལ་དང་རྐང་ཚ་རྫོང་དེ་བོད་ལུག་དང་ནོར་གནག་གི་ཞིང་ཆེན་ཡོངས་ཀྱི་འདེབས་འཛུགས་རྟེན་གཞི་ཞིག་ཏུ་སྒྱུར་དགོས། མཚོ་བྱང་ཁུལ་ཞིང་ཕྱུགས་ཚན་རིག་ཞིབ་འཇུག་ཁང་གཞི་རྟེན་དུ་བཟུང་ནས་ནས་དང་ལོག་དཀར་ཁུལ་གྱི་ཚོད་ལྟའི་ས་ཚིགས་དང་སོན་བཟང་གསོག་འཇོག་མཛོད་ཁང་བསྐྲུན་པ་དང་། མཚོ་བྱང་ཁུལ་གྱི་ས་མཐོའི་སྐྱེ་ཁམས་ཕྱུགས་ལས་ཚན་རྩལ་དཔེ་སྟོན་གླིང་གཞི་རྟེན་དུ་བྱས་ཏེ་བོད་ལུག་དང་འབྲི་གཡག་གི་གཤིས་ནུས་ཚད་འཇལ་གཏན་ཁེལ་ལྟེ་གནས་བསྐྲུན་རྒྱུ། ནས་ཀྱི་སྤུས་ལེགས་གསོ་སྤེལ་རྟེན་གཞི་མུའུ་ཁྲི5ཡན་དང་། ལོག་དཀར་གྱི་སྤུས་ལེགས་གསོ་སྤེལ་རྟེན་གཞི་མུའུ་ཁྲི2ཡན། གཟན་རྩྭ་དང་སྤུས་ལེགས་གསོ་སྤེལ་རྟེན་གཞི་མུའུ་ཁྲི1ཡན་བཅས་བསྐྲུན་ནས་བོད་ལུག་དང་ནོར་གནག  ཚགས་ཤ་དང་ལུག་བཅས་ཀྱི་སོན་བཟང་གསོ་སྤེལ་རྟེན་གཞི10ཡན་བསྐྲུན་རྒྱུ། ཁུལ་ཡོངས་ཀྱི་ཞིང་ཕྱུགས་རྒྱུད་བཟང་ཁྱབ་ཚད98%ཡན་ཟིན་པར་བྱེད་རྒྱུ།སྣེ་ཁྲིད་ལས་ཁུངས། ཁུལ་ཞིང་ཕྱུགས་དང་ཚན་རྩལ་ཅུ། འགན་འཁུར་ལས་ཁུངས། རྫོང་སོ་སོའི་མི་དམངས་སྲིད་གཞུང་དང་། ཁུལ་འཕེལ་རྒྱས་དང་བཅོས་སྒྱུར་ཨུ་ཡོན་ལྷན་ཁང་། ཁུལ་གྲོང་གསེབ་དར་སྤེལ་ཅུ།

རྐང་ཚ་རྫོང་གི་རྒྱལ་ཁབ་ཞིང་ལས་ལྗང་མདོག་འཕེལ་རྒྱས་སྔོན་སྐྱོད་ས་ཁུལ་འཛུགས་སྐྲུན་ཇེ་མགྱོགས་སུ་གཏོང་བ་དང་། མདོ་ལ་དང་རྐང་ཚ་རྫོང་གི་སྐྱེ་ལྡན་ཕྱུགས་ལས་དཔེ་སྟོན་རྟེན་གཞི་འཛུགས་སྐྲུན་ལ་སྐུལ་འདེད་གཏོང་བ། ཞིང་ཕྱུགས་ལས་ལྗང་མདོག་འཕེལ་རྒྱས་ཀྱི་སྔོན་དུ་ལག་བསྟར་དང་ཚོད་ལྟ་བྱེད་པའི་འདེགས་སྐྱོར་མ་ལག་འཛུགས་པ་དང་འཐུས་ཚང་བཟོ་དགོས། རྩྭ་ཐང་སྐྱེ་ཁམས་སྲུང་སྐྱོབ་ཀྱི་ཁ་གསབ་བྱ་དགའི་སྲིད་ཇུས་དོན་འཁྱོལ་དང་རྩྭ་ཐང་ཕྱོགས་བསྡུས་བཅོས་སྐྱོང་ཤུགས་ཆེན་གྱིས་སྤེལ་ནས་རྩྭ་ཕྱུགས་དོ་མཉམ་དོ་དམ་གྱི་ཆུ་ཚད་མཐོ་རུ་གཏོང་དགོས། “འབྲུ་རིགས་གཟན་ཆས་སུ་སྒྱུར་བའི”ལས་དོན་དམ་འཛིན་ཡག་པོ་བྱས་ནས་གཞི་ཁྱོན་ཅན་གྱི་གཟན་རྩྭའི་སོན་བཟང་དང་དེ་བཞིན་གཟན་རྩྭ་ཐོན་སྐྱེད་རྟེན་གཞི་འཛུགས་སྐྲུན་བྱེད་དགོས། ཁུལ་ཡོངས་ཀྱི་སྐྱེ་དངོས་སྐྱེ་ལྡན་ལུད་ཐོན་ལས་བཀོད་སྒྲིག་ལུགས་མཐུན་བྱས་ནས་སྐྱེ་ལྡན་ལུད་ཐོན་ལས་མཐུན་སྦྱོར་འཕེལ་རྒྱས་ལ་སྐུལ་འདེད་གཏོང་དགོས། རོང་ཁུལ་གྱི་ཕྱུགས་རིགས་དང་བྱ་རིགས་གསོ་ཚགས་ཀྱི་གྲུབ་ཆ་ལེགས་སུ་བཏང་ནས། ཕྱུགས་རིགས་དང་བྱ་རིགས་གསོ་ཚགས་བྱེད་སྟངས་ཚད་ལྡན་དུ་གཏོང་བ་དང་། འདེབས་གསོ་ཟུང་འབྲེལ་གྱི་ཞིང་ལས་འཕེལ་རྒྱས་ཤུགས་ཆེན་གཏོང་བ། ཞིང་ཕྱུགས་ལས་འཁོར་རྒྱུག་འཕེལ་རྒྱས་ལ་སྐུལ་འདེད་གཏོང་བ། “ཞིང་ཕྱུགས་ཟུང་འབྲེལ་དང་། རྩྭ་ཕྱུགས་མཉམ་འགུལ། འཁོར་རྒྱུག་འཕེལ་རྒྱས”བཅས་ཀྱི་འདེབས་གསོའི་ལམ་སྲོལ་གསར་པ་བཙུགས་ནས་འདེབས་གསོའི་འཁོར་རྒྱུག་དཔེ་སྟོན་སྡེ་བ་དང་དཔེ་སྟོན་ཡུལ་གྲོང་ཁག་གཅིག་འཛུགས་དགོས། རྫས་ལུད་དང་ཞིང་སྨན་ཉུང་གཏོང་དང་ཕན་འབྲས་ཆེར་གཏོང་གི་བྱ་སྤྱོད་བརྟན་པོའི་ངང་ལག་བསྟར་བྱས་ཏེ། “སྐྱེ་ལྡན་ལུད+N”ཚབ་བྱེད་ཉུང་དུ་གཏོང་བའི་རྣམ་པ་ཁྱབ་གདལ་བཏང་ནས། ལུགས་མཐུན་ལུད་འཇོག་དང་ལྗང་མདོག་སྐྱེ་ལྡན་གྱི་སྔོན་འགོག་ལག་རྩལ་ཁྱབ་གདལ་དང་བེད་སྤྱོད་བྱ་རྒྱུར་སྐུལ་འདེད་གཏོང་དགོས། ནད་ཀྱིས་ཤི་བའི་ཕྱུགས་ཟོག་གནོད་མེད་ཅན་དུ་བསྒྱུར་བའི་ཚོད་ལྟའི་ལས་དོན་ལ་སྐུལ་འདེད་གཏོང་བ་དང་། གཞི་ཁྱོན་ལྡན་པའི་གསོ་སྤེལ་ར་བའི་སྒོ་ཕྱུགས་དང་ཁྱིམ་བྱའི་ལུད་གནོད་མེད་ཅན་དུ་བསྒྱུར་བའི་སྒྲིག་བཀོད་འཛུགས་སྐྲུན་ལ་ཤུགས་སྣོན་རྒྱག་པ། སོག་མ་ཕྱོགས་བསྡུས་བེད་སྤྱོད་ལས་གྲྭ་དང་ཞིང་སྤྱོད་འགྱིག་ཤོག་ཕྱིར་བསྡུ་བའི་བྱ་སྤྱོད་ལག་བསྟར་བྱེད་པ། ཞིང་ཕྱུགས་ལས་ཀྱི་བེད་མེད་དངོས་པོ་ཐོན་ཁུངས་ཅན་དུ་བེད་སྤྱོད་བྱེད་པའི་རྣམ་པ་གསར་པ་འཚོལ་ཞིབ་བྱེད་པ། ལྗང་མདོག་འཕེལ་རྒྱས་ཀྱི་ཆུ་ཚད་མཐོ་རུ་གཏོང་བ་བཅས་བྱེད་དགོས།སྣེ་ཁྲིད་ལས་ཁུངས། ཁུལ་ཞིང་ཕྱུགས་དང་ཚན་རྩལ་ཅུ། འགན་འཁྲི་ལས་ཁུངས། རྫོང་སོ་སོའི་མི་དམངས་སྲིད་གཞུང་དང་། ཁུལ་འཕེལ་རྒྱས་དང་བཅོས་སྒྱུར་ཨུ་ཡོན་ལྷན་ཁང་། ཁུལ་ནགས་ལས་དང་རྩྭ་ཐང་ཅུ། ཁུལ་གྲོང་གསེབ་དར་སྤེལ་ཅུ།

ལྗང་མདོག་སྐྱེ་ལྡན་ཞིང་ཕྱུགས་ཐོན་རྫས་ཕྱིར་གཏོང་གི་ཚད་གཞི་ཡིན་པའི་ལག་རྩལ་གྱི་འདེགས་སྐྱོར་ནུས་པ་འདོན་སྤེལ་བྱས་ཏེ། “ཚད་གཞི་ཡོད་པར་ཚད་གཞི་དང་ལེན་དང་ཚད་གཞི་མེད་པར་ཚད་གཞི་གསར་དུ་བཏོད་པ། བརྒྱུད་རིམ་ཧྲིལ་བོར་ཚད་གཞི་ཡོད་པ་བཅས”རྒྱུན་འཁྱོངས་བྱས་ནས། གཙོ་གནད་རིགས་སྣ་དང་གཙོ་གནད་ལྷུ་ཚིགས་དེར་ཚད་ལྡན་ཅན་གྱི་ཐོན་སྐྱེད་གོ་རིམ་ཧྲིལ་བོར་ཁྱབ་པར་བྱེད་དགོས། ལྗང་མདོག་སྐྱེ་ལྡན་གྱི་ཞིང་ཕྱུགས་ཐོན་རྫས་ཐོན་སྐྱེད་དང་ལས་སྣོན། ཕྱིར་འཚོང་བཅས་གཉེར་སྐྱོང་བྱེད་པོའི་དོ་དམ་ལམ་སྲོལ་འཛུགས་དགོས། འཇུ་ལག་རྫོང་དུ“ཚལ་ཞིང”ཚད་ལྡན་ཅན་གྱི་ཐོན་སྐྱེད་ཚོད་ལྟ་བྱས་ནས། ཚད་ལྡན་ཅན་གྱི་ཐོན་སྐྱེད་དཔེ་སྟོན་རྫོང་བཙུགས་ཏེ། ཐོན་སྐྱེད་མ་བྱས་གོང་དང་ཐོན་སྐྱེད་བྱེད་པའི་རིང་། ཐོན་སྐྱེད་བྱས་རྗེས་བཅས་ཀྱི་ལྷུ་ཚིགས་ཁག་གི་ཐོན་ལས་སྦྲེལ་ཕྲེང་ཧྲིལ་པོའི་ཚད་གཞིའི་མ་ལག་འཛུགས་རྒྱུར་ཤུགས་སྣོན་པ། གཞི་ཁྱོན་ཅན་གྱི་གསོ་སྤེལ་ར་བ་ཚད་ལྡན་ཅན་དང་ལེགས་བསྡུས་ཞིབ་གཉེར་ཅན་དུ་འཛུགས་སྐྲུན་བྱེད་པར་སྐུལ་འདེད་གཏོང་བ། མཚོ་བྱང་ཁུལ་གྱི་ཚད་ལྡན་ཅན་གྱི་གཞི་ཁྱོན་གསོ་སྤེལ་དཔེ་སྟོན་ར་བ་གསར་འཛུགས་བྱེད་མགོ་བརྩམས་པ་དང་། བོད་ལུག་ཆིག་སྟོང་གི་ཚད་ལྡན་ཅན་གྱི་ཐོན་སྐྱེད་དཔེ་སྟོན་རྟེན་གཞི25ཡན་བསྐྲུན་པ་དང་ནོར་གནག་སྟོང་གི་ཚད་ལྡན་ཅན་གྱི་ཐོན་སྐྱེད་དཔེ་སྟོན་རྟེན་གཞི25ཡན་བསྐྲུན་པ། ཚད་ལྡན་ཅན་གྱི་ཐོན་སྐྱེད་ལ་བརྟེན་ནས་ལྗང་མདོག་སྐྱེ་ལྡན་ཞིང་ཕྱུགས་ལས་དེ་སླར་ཡང་སྐས་རིམ་གསར་བ་ཞིག་ཏུ་སླེབས་རྒྱུར་སྐུལ་འདེད་གཏོང་དགོས།སྣེ་ཁྲིད་ལས་ཁུངས། ཁུལ་ཞིང་ཕྱུགས་དང་ཚན་རྩལ་ཅུ། འགན་འཁྲི་ལས་ཁུངས། རྫོང་སོ་སོའི་མི་དམངས་སྲིད་གཞུང་དང་། ཁུལ་འཕེལ་རྒྱས་དང་བཅོས་བསྒྱུར་ཨུ་ཡོན་ལྷན་ཁང་། ཁུལ་གྲོང་གསེབ་དར་སྤེལ་ཅུ།

ཐོན་སྐྱེད་གཉེར་སྐྱོང་ཆོག་འཐུས་ལམ་ལུགས་ལག་བསྟར་ནན་པོ་བྱས་ནས། བཟའ་བཅའི་ཞིང་ལས་ཐོན་རྫས་ཀྱི་ཁས་ལེན་ཚད་ལོངས་ལམ་ལུགས་ལ་སྐུལ་འདེད་གཏོང་བ། སྲོག་ཆགས་ཀྱི་རིམས་ནད་སྔོན་འགོག་ལས་དོན་སྤེལ་ཤུགས་ཆེ་རུ་བཏང་ནས། “རིམས་ནད་གཉིས་དང་ནད་གཞི་གཅིག”མེད་པའི་རིམས་ནད་ཁུལ་འཛུགས་སྐྲུན་ལ་མུ་མཐུད་དུ་སྐུལ་འདེད་གཏོང་དགོས། ཐོག་མའི་ཐོན་ཡུལ་གྱི་ཁུངས་འདེད་མ་ལག་རྒྱུན་མཐུད་ངང་འཐུས་ཚང་དུ་བཏང་ནས། ཞིང་ཕྱུགས་ཐོན་རྫས་ཀྱི་སྤུས་ཚད་བདེ་འཇགས་ཁུངས་འདེད་ལས་དོན་ཡག་པོ་སྒྲུབ་དགོས། ཞིང་ཕྱུགས་ཐོན་རྫས་ཀྱི་སྤུས་ཚད་དཔྱད་ཞིབ་མཐོར་གཏོང་བྱ་སྤྱོད་གཏིང་ཟབ་སྤེལ་ནས། ཁུལ་དང་རྫོང་། ཡུལ་ཚོ་བཅས་རིམ་པ་གསུམ་གྱི་ཞིང་ཕྱུགས་ཐོན་རྫས་ཀྱི་སྤུས་ཚད་བདེ་འཇགས་ལྟ་སྐུལ་དོ་དམ་མ་ལག་འཐུས་ཚང་དུ་གཏོང་དགོས། “ཚད་བཀག་བྱས་པའི་སྨན་རྫས་ཁྲིམས་འགལ་བཀོལ་སྤྱོད་བྱེད་པ་བཅོས་སྐྱོང་དང་རྒྱུན་ལྡན་གྱི་ཞིང་ཕྱུགས་སྨན་ལྷག་ལུས་ཚད་གཞི་ལས་བརྒལ་བ་ཚོད་འཛིན། མཐོར་འདེགས་ལ་སྐུལ་འདེད”བཅས་ཀྱི་བྱ་སྤྱོད་གཏིང་ཟབ་སྤེལ་ནས། ཞིང་ཕྱུགས་ལས་ཀྱི་མ་འཇོག་ཐོན་རྫས་ཀྱི་ཐོན་སྐྱེད་དོ་དམ་ནན་མོ་དང་། ཚད་བཀག་སྨན་རྫས་བེད་སྤྱོད་ཀྱི་བྱ་སྤྱོད་ལ་རྡུང་རྡེག་ནན་མོ་གཏོང་བ། ཞིང་ཕྱུགས་སྨན་གྱི་ལྷག་ལུས་ཚད་བརྒལ་གནད་དོན་གཏན་འགོག་ནུས་ལྡན་བྱེད་དགོས། ཞིང་ཕྱུགས་ཐོན་རྫས་ཀྱི་ཐུམ་རྒྱག་དང་མཚོན་རྟགས་ལ་ལྟ་འདོམས་བྱེད་ཤུགས་ཆེ་རུ་གཏོང་བ། ལྟ་འདོམས་དང་དཔྱད་ཞིབ་ཚད་ལེན། ཁྲིམས་བསྟར་བཅས་ཀྱི་ལས་དོན་ལ་མཉམ་དུ་སྐུལ་འདེད་བཏང་སྟེ། ཞིང་ཕྱུགས་ཐོན་རྫས་ཀྱི་སྤུས་ཚད་བདེ་འཇགས་འགན་ལེན་བྱེད་དགོས།སྣེ་ཁྲིད་ལས་ཁུངས། ཁུལ་ཞིང་ཕྱུགས་དང་ཚན་རྩལ་ཅུ། འགན་འཁྲི་ལས་ཁུངས། རྫོང་སོ་སོའི་མི་དམངས་སྲིད་གཞུང་དང་། ཁུལ་ཚོང་ར་ལྟ་སྐུལ་དོ་དམ་ཅུ།

གཉིས། ཞིང་ཕྱུགས་ལས་ཀྱི་གཉེར་སྐྱོང་མ་ལག་འཐུས་ཚང་དུ་བཏང་ནས། བྱེད་པོ་སྐྱེད་སྲིང་གི་སྣེ་ཁྲིད་འབུར་དུ་བཏོད་པ།

ཞིང་ཕྱུགས་ལས་ཐོན་ལས་ཅན་གྱི་སྣེ་འདྲེན་ཁེ་ལས་གསོ་སྐྱོང་བྱེད་ཤུགས་ཆེ་རུ་གཏོང་བ་དང་། སྣེ་འདྲེན་ཁེ་ལས་ལ་གཟིགས་སྐྱོང་རོགས་སྐྱོར་བྱེད་པའི་སྲིད་ཇུས་བཏོན་ནས་རྟོག་འཇལ་ཞབས་ཞུ་དང་འགུལ་རྣམ་དོ་དམ་ཇེ་དྲག་ཏུ་གཏོང་བ། ཁེ་ལས་ཀྱི་ལྗང་མདོག་སྐྱེ་ལྡན་ཞིང་ཕྱུགས་ཐོན་རྫས་ཞིབ་འཇུག་གསར་སྤེལ་དང་ཕྱིར་གཏོང་ནུས་པ་ཆེ་རུ་བཏང་ནས་ཚོང་རའི་འགྲན་རྩོད་ནུས་པ་མཐོར་འདེགས་དང་ ཚོང་རའི་ཟིན་ཚད་རྒྱ་སྐྱེད་བྱེད་དགོས། སྣེ་འདྲེན་ཁེ་ལས་ཀྱིས་མ་རྩ་དང་ལག་རྩལ། སྤུས་རྟགས་བཅས་ལ་བརྟེན་ནས་མ་རྐང་མཉམ་ལས་དང་། ལས་རིམ་སྦྲེལ་མཐུད། ཐོན་ཚོང་སྦྲེལ་མཐུད་སོགས་ཀྱི་བྱེད་ཐབས་བརྒྱུད་དེ་ཐོན་ལས་ཅན་གྱི་མཉམ་འབྲེལ་སྒྲིག་གཞི་འཛུགས་པར་རོགས་སྐྱོར་བྱེད་དགོས། ཞིང་ཆེན་རིམ་པའི་ཞིང་ཕྱུགས་ལས་ཐོན་ལས་ཅན་གྱི་མཉམ་འབྲེལ་སྒྲིག་གཞི2ཡན་སྐྱེད་སྲིང་བྱེད་དགོས། ཞིང་ཕྱུགས་ཐོན་རྫས་བཟོ་སྣོན་བྱེད་རྒྱུའི“ཆེད་ལས་དང་སྤུས་ལེགས། ཁྱད་ལྡན”བཅས་ཀྱི་ཁེ་ལས་ཁག་གཅིག་གསོ་སྐྱོང་བྱས་ཏེ། ཚོང་གཉེར་ཁོར་ཡུག་ཇེ་ལེགས་སུ་གཏོང་བ་དང་ཞིང་ཕྱུགས་ལས་ཀྱི་ཚོང་འགུགས་མ་འདྲེན་བྱེད་ཤུགས་ཆེ་རུ་གཏོང་དགོས། མགོ་འཛུགས་ས་མཐོ་བ་དང་གཞི་ཁྱོན་ཆེ་བ། སྐུལ་ཁྲིད་ནུས་པ་ཆེ་བ་བཅས་ཀྱི་ཞིང་ཕྱུགས་ལས་ཀྱི་སྣེ་འདྲེན་ཁེ་ལས་ཁག་གཅིག་ཚུར་འགུག་བྱས་ནས་ཞིང་ཕྱུགས་ལས་ཐོན་ལས་ཅན་གྱི་འཕེལ་རིམ་ཇེ་མགྱོགས་སུ་གཏོང་དགོས། ཞིང་ཆེན་དང་ཁུལ་རིམ་པའི་ཞིང་ཕྱུགས་ལས་ཐོན་ལས་ཀྱི་སྣེ་འདྲེན་ཁེ་ལས10གསར་དུ་སྐྱེད་སྲིང་བྱེད་དགོས། སྣེ་ཁྲིད་ལས་ཁུངས། ཁུལ་ཞིང་ཕྱུགས་དང་ཚན་རྩལ་ཅུ། འགན་འཁྲི་ལས་ཁུངས། རྫོང་སོ་སོའི་མི་དམངས་སྲིད་གཞུང་དང་། ཁུལ་འཕེལ་རྒྱས་དང་བཅོས་བསྒྱུར་ཨུ་ཡོན་ལྷན་ཁང་། ཁུལ་བཟོ་ལས་ཚོང་དོན་དང་ཆ་འཕྲིན་ཅུ། ཁུལ་གྲོང་གསེབ་དར་སྤེལ་ཅུ།

རྫོང་ཧྲིལ་པོར་རོང་འབྲོག་པའི་མཉམ་ལས་ཁང་ཚད་ལྡན་ཅན་དུ་འཛུགས་སྐྱོང་བྱེད་རྒྱུར་སྐུལ་འདེད་གཏོང་བ་དང་། ཐོན་ལས་ཅན་གྱི་སྣེ་འདྲེན་ཁེ་ལས་ཀྱིས་ཞིང་ཕྱུགས་མཉམ་ལས་ཁང་དང་། ཁྱིམ་ཚང་ཞིང་ཕྱུགས་ར། གསོ་སྤེལ་དུད་ཚང་ཆེ་གྲས་སོགས་གཉེར་སྐྱོང་བྱེད་པོ་དང་མཉམ་འབྲེལ་བྱེད་རྒྱུར་ཁྲིད་སྟོན་བྱས་ཏེ། ཞིང་འབྲེལ་ཞིང་ཁྲིད་ཀྱི་ལམ་སྲོལ་བརྟན་པོ་འཛུགས་དགོས། ལྗང་མདོག་སྐྱེ་ལྡན་གྱི་གཉེར་སྐྱོང་རྩ་འཛུགས་གསར་པ་གཏན་ཁེལ་དོ་དམ་བྱེད་ཐབས་གཏན་འབེབས་བྱས་ཏེ། མཁོ་འཚོང་མཉམ་ལས་ཁང་སྐྱེད་སྲིང་དང་རྒྱ་སྐྱེད་གཏོང་བའི་ལས་གྲྭ་ལག་བསྟར་བྱེད་དགོས། ཆེད་ལས་ཅན་དང་སྤྱི་ཚོགས་ཅན་གྱི་ཞབས་ཞུའི་རྩ་འཛུགས་འཕེལ་རྒྱས་དང་། རྒྱ་སྐྱེད་བཏང་ནས་སྔོན་ཐོན་དང་བཀོལ་སྤྱོད་ལ་འཚམ་པའི་རིགས་སྣ་དང་། མ་གཏོང་དངོས་པོ། ལག་རྩལ། སྒྲིག་ཆས་བཅས་ཞིང་ཁྱིམ་ཆུང་བར་འདྲེན་པ་དང་། ཞིང་ཕྱུགས་ལས་ཐོན་སྐྱེད་དེ་ཁྱིམ་ཚང་ཁ་ཤས་ཀྱིས་གཉེར་སྐྱོང་བྱེད་པ་ནས་རྩ་འཛུགས་ཅན་དང་གཞི་ཁྱོན་ཅན། ལེགས་བསྡུས་ཞིབ་གཉེར་ཅན་དུ་འགྱུར་བར་སྐུལ་འདེད་གཏོང་དགོས། ལྗང་མདོག་སྐྱེ་ལྡན་འདེབས་འཛུགས་གསོ་ཚགས་དཔེ་སྟོན་དུད་ཚང80ཡན་དང་། ཁྱིམ་ཚང་གི་སྐྱེ་ཁམས་དཔེ་སྟོན་ཕྱུགས་ར50ཡན། ལྗང་མདོག་སྐྱེ་ལྡན་འདེབས་འཛུགས་གསོ་ཚགས་མཉམ་ལས་ཁང50ཡན་བཅས་གསར་དུ་ངོས་འཛིན་དང་གསོ་སྐྱོང་བྱེད་དགོས།སྣེ་ཁྲིད་ལས་ཁུངས། ཁུལ་ཞིང་ཕྱུགས་དང་ཚན་རྩལ་ཅུ། འགན་འཁྲི་ལས་ཁུངས། རྫོང་སོ་སོའི་མི་དམངས་སྲིད་གཞུང་དང་། ཁུལ་འཕེལ་རྒྱས་དང་བཅོས་བསྒྱུར་ཨུ་ཡོན་ལྷན་ཁང་། ཁུལ་ནོར་སྲིད་ཅུ། ཁུལ་བཟོ་ལས་ཚོང་དོན་དང་ཆ་འཕྲིན་ཅུ། ཁུལ་གྲོང་གསེབ་དར་སྤེལ་ཅུ། ཁུལ་མཁོ་འཚོང་མཉམ་ལས་ཁང་།

གསུམ། ཞིང་ཕྱུགས་ལས་ཀྱི་ཐོན་ལས་མ་ལག་འཐུས་ཚང་དུ་བཏང་ནས། ཐོན་ལས་མཉམ་འདྲེས་ཀྱི་སྣེ་ཁྲིད་འབུར་དུ་བཏོད་དགོས།

འཇུ་ལག་དང་མདའ་བཞིའི་རྒྱལ་ཁབ་རིམ་པ་དང་། རྐང་ཚ་དང་མདོ་ལ་རྫོང་གི་ཞིང་ཆེན་རིམ་པའི་དེང་རབས་ཅན་གྱི་ཞིང་ལས་དཔེ་སྟོན་ཁུལ་འཛུགས་སྐྲུན་བྱེད་ཤུགས་ཇེ་མགྱོགས་སུ་གཏོང་བ་དང་། འཇུ་ལག་གི་རྒྱལ་ཁབ་རིམ་པ་དང་། མདོ་ལ་དང་མདའ་བཞི། རྐང་ཚ་བཅས་ཀྱི་ཞིང་ཆེན་རིམ་པའི་དེང་རབས་ཅན་གྱི་ཞིང་ལས་ཐོན་ལས་གླིང་འཛུགས་སྐྲུན་ལ་སྐུལ་འདེད་གཏོང་བ། མདོ་ལ་རྫོང་གི་བོད་ལུག་གི་རྒྱལ་ཁབ་ཀྱི་ཁྱད་ལྡན་ཞིང་ལས་ཐོན་རྫས་ཀྱི་ལེགས་ཆའི་ཁུལ་འཛུགས་སྐྲུན་ལ་སྐུལ་འདེད་གཏོང་བ། ཁྱད་ལྡན་ཐོན་ལས་ཁྱུ་ཚོགས་འཕེལ་རྒྱས་རྒྱ་ཆེར་བཏང་ནས། ཐོན་ལས་ཀྱི་ཁྱད་ཆོས་མངོན་གསལ་ཡིན་པ་དང་རྒྱུ་རྐྱེན་གཙོ་བོ་ཚད་མཐོའི་གཅིག་སྡུད་ཡིན་པ། སྒྲིག་བཀོད་སྒྲིག་ཆས་སྔོན་ཐོན་ཡིན་པ་བཅས་ཀྱི་ལྗང་མདོག་སྐྱེ་ལྡན་ཞིང་ཕྱུགས་ཐོན་རྫས་ལས་སྣོན་ཁུལ་ཧུར་ཐག་གིས་བཏོད་དེ། ཐོན་སྐྱེད་ལས་སྣོན་ཚན་རྩལ་ཅན་གྱི་ཁེ་ལས་གཙོ་གནད་དུ་གསོ་སྐྱོང་བྱས་ནས་ཐོན་སྐྱེད་དང་ལས་སྣོན། མཛོད་ཉར། ཟོང་སྐྱེལ། ཚོང་གཉེར། ཞིབ་འཇུག་གསར་སྤེལ། ཞབས་ཞུ་སོགས་གཞི་གཅིག་ཏུ་འདུས་པའི་ཐོན་ལས་མཉམ་འདྲེས་འཕེལ་རྒྱས་ཀྱི་རྣམ་པ་ཞིག་གཏོད་དགོས།སྣེ་ཁྲིད་ལས་ཁུངས། ཁུལ་ཞིང་ཕྱུགས་དང་ཚན་རྩལ་ཅུ། འགན་འཁྲི་ལས་ཁུངས། རྫོང་སོ་སོའི་མི་དམངས་སྲིད་གཞུང་དང་། ཁུལ་འཕེལ་རྒྱས་དང་བཅོས་བསྒྱུར་ཨུ་ཡོན་ལྷན་ཁང་། ཁུལ་བཟོ་ལས་ཚོང་དོན་དང་ཆ་འཕྲིན་ཅུ། ཁུལ་གྲོང་གསེབ་དར་སྤེལ་ཅུ།

སྣེ་འདྲེན་ཁེ་ལས་ཀྱི་ལག་རྩལ་སྒྱུར་བཀོད་བྱེད་རྒྱུར་སྐུལ་ལྕག་བཏང་ནས། ལས་སྣོན་ཐོན་རྫས་འཁོར་རྒྱུག་བེད་སྤྱོད་དང་རིན་ཐང་ཆ་ཚང་བེད་སྤྱོད། རིམ་བཞིན་བེད་སྤྱོད་བཅས་བྱས་ཏེ། སྙིགས་རོ་བཀོལ་སྤྱོད་ཆོག་པར་བསྒྱུར་བ་དང་གནོད་འཚེ་ཕན་ལྡན་ཅན་དུ་བསྒྱུར་བ་བྱས་ནས། ཞིང་ཕྱུགས་ཐོན་རྫས་ལས་སྣོན་ཞིབ་ཚགས་བྱེད་པའི་ཕྱོགས་བསྡུས་ཆུ་ཚད་མཐོ་རུ་གཏོང་དགོས། སྦྲེལ་ཐག་འཛུགས་སྐྲུན་དང་། སྦྲེལ་ཐག་ཁ་གསབ། སྦྲེལ་ཐག་ལེགས་ཤོས་ཡིན་པ་བཅས་ཀྱི་རྣམ་གྲངས་ཁག་ཅིག་ལག་བསྟར་བྱས་ཏེ། མཚོ་བྱང་གི་ཁྱད་ལྡན་ཞིང་ཕྱུགས་ཐོན་རྫས་ཀྱི་འཚོ་བཅུད་ཁྱད་ཆོས་དང་བདེ་ཐང་ཕན་འབྲས་སྔོག་འདོན་བྱེད་དགོས། ལྗང་མདོག་སྐྱེ་ལྡན་ཞིང་ཕྱུགས་ཐོན་རྫས་བྱེད་ནུས་ཀྱི་བཟའ་བཅའ་ཞིབ་འཇུག་གསར་སྤེལ་དང་བེད་སྤྱོད་བྱེད་ཤུགས་ཆེ་རུ་གཏོང་བ། ཟུར་སྣོན་རིན་ཐང་མཐོ་བའི་ཐོན་རྫས་ཐོན་སྐྱེད་བྱེད་དགོས། རོང་འབྲོག་མང་ཚོགས་ཀྱི་ཆེད་གཉེར་མཉམ་ལས་ཁང་དང་། ཁྱིམ་ཚང་གི་ཞིང་ཕྱུགས་ར། ཁེ་ལས་འབྲིང་ཆུང་ཕྲན་གསུམ་ཀྱི་ཞིང་ཕྱུགས་ཐོན་རྫས་ཐོན་ཡུལ་གྱི་ཐོག་མའི་ལས་སྣོན་བྱེད་པར་རྒྱབ་སྐྱོར་བྱས་ཏེ། ཁྱིམ་ཚང་གི་བཟོ་གྲྭ་དང་། ལག་ཤེས་བཟོ་ཁང་། གྲོང་གསེབ་ཀྱི་འཁོར་ཁང་ཁག་ཅིག་གསོ་སྐྱོང་བྱས་ནས་ཐོན་སྐྱེད་བྱས་རྗེས་ཀྱི་གྱོང་གུན་ཇེ་ཆུང་དུ་བཏང་སྟེ། སྤུས་ཚད་དང་ཕན་འབྲས་ཆེ་རུ་གཏོང་དགོས།སྣེ་ཁྲིད་ལས་ཁུངས། ཁུལ་ཞིང་ཕྱུགས་དང་ཚན་རྩལ་ཅུ། འགན་འཁྲི་ལས་ཁུངས། རྫོང་སོ་སོའི་མི་དམངས་སྲིད་གཞུང་། ཁུལ་འཕེལ་རྒྱས་དང་བཅོས་བསྒྱུར་ཨུ་ཡོན་ལྷན་ཁང་། ཁུལ་བཟོ་ལས་ཚོང་དོན་དང་ཆ་འཕྲིན་ཅུ། ཁུལ་གྲོང་གསེབ་དར་སྤེལ་ཅུ།

ཐོན་ལས་མཉམ་འདྲེས་འཕེལ་རྒྱས་ཀྱི་ལས་སྟེགས་འཛུགས་སྐྲུན་བྱེད་པ་ཇེ་མགྱོགས་སུ་གཏོང་བ་དང་། ཐོན་ལས་མཉམ་འདྲེས་འཕེལ་རྒྱས་ཀྱི་དཔེ་སྟོན་ཁུལ་གསར་འཛུགས་བྱེད་པར་སྐུལ་འདེད་གཏོང་བ། ཐོན་ལས་སྦྲེལ་ཕྲེང་གི་ཡུན་ཇེ་རིང་དུ་གཏོང་བ་དང་མཁོ་སྤྲོད་ཀྱི་སྦྲེལ་ཕྲེང་ཇེ་བཟང་དུ་གཏོང་བ། རིན་ཐང་གི་སྦྲེལ་ཕྲེང་ཇེ་མཐོར་གཏོང་བ་བཅས་བྱེད་དགོས། རྣམ་པ་གསར་བའི་མཁར་གྲོང་འཛུགས་སྐྲུན་ལ་བརྟེན་ནས། ཞིང་ལས་ཐོན་རྫས་ལས་སྣོན་དང་ཉོ་ཚོང་ཟོག་འདྲེན་སོགས་ཆེད་ལས་ཡིན་ལ་ཁྱད་ཆོས་ལྡན་པའི་མཁར་གྲོང་གསར་སྐྲུན་བྱེད་པར་སྐུལ་འདེད་གཏོང་དགོས། ཞིང་ཕྱུགས་ལས་དེ་བཟའ་བཏུང་རིག་གནས་དང་ཞིང་ལས་རིག་གནས། དམངས་སྲོལ་རིག་གནས་བཅས་དང་མཉམ་འདྲེས་བྱེད་པ་ཇེ་མགྱོགས་སུ་བཏང་ནས། ཞིང་ལས་དང་བཟོ་ལས། དེང་རབས་ཞབས་ཞུའི་ལས་རིགས་བཅས“ཐོན་ལས་གསུམ་པོ་མཉམ་འདྲེས”ཀྱི་འཕེལ་རྒྱས་ལ་སྐུལ་འདེད་ཤུགས་ཆེན་གཏོང་དགོས།སྣེ་ཁྲིད་ལས་ཁུངས། ཁུལ་ཞིང་ཕྱུགས་དང་ཚན་རྩལ་ཅུ། འགན་འཁྲི་ལས་ཁུངས། རྫོང་སོ་སོའི་མི་དམངས་སྲིད་གཞུང་། ཁུལ་འཕེལ་རྒྱས་དང་བཅོས་བསྒྱུར་ཨུ་ཡོན་ལྷན་ཁང་། ཁུལ་བཟོ་ལས་ཚོང་དོན་དང་ཆ་འཕྲིན་ཅུ། ཁུལ་གྲོང་གསེབ་དར་སྤེལ་ཅུ།

བཞི། ཞིང་ཕྱུགས་ལས་ལག་རྩལ་གྱི་འདེགས་སྐྱོར་མ་ལག་འཐུས་ཚང་དུ་བཏང་ནས། ཚན་རྩལ་གསར་གཏོད་ཀྱི་སྣེ་ཁྲིད་འབུར་དུ་བཏོད་དགོས།

ཞིང་ལས་ཚན་རྩལ་གླིང་ཁུལ་འཛུགས་སྐྲུན་བྱེད་པ་ཇེ་མགྱོགས་སུ་གཏོང་བ་དང་། ཐོན་སྐྱེད་དང་ཞིབ་འཇུག་གི་ཟུང་འབྲེལ་ལ་སྐུལ་འདེད་གཏིང་ཟབ་བཏང་ནས། ཁུལ་གྱི་མཐོ་སྒང་གི་སྐྱེ་ཁམས་ཕྱུགས་ལས་ཚན་རྩལ་ཚོད་ལྟའི་དཔེ་སྟོན་གླིང་དང་། ཁུལ་ཞིང་ཕྱུགས་ཚན་རིག་ཞིབ་འཇུག་ཁང་གཙོ་གནད་དུ་བྱས་ནས། ཞིང་ཆེན་ཕྱི་ནང་གི་ཚན་རིག་ཞིབ་འཇུག་ལས་ཁུངས་དང་། ཞིང་ལས་དང་འབྲེལ་བའི་སློབ་ཆེན་སློབ་གླིང་། ཚན་རྩལ་ཅན་གྱི་ཁེ་ལས་བཅས་དང་ཚན་རིག་ཞིབ་འཇུག་གི་མཉམ་ལས་ལ་ཤུགས་སྣོན་བྱས་ཏེ། ཐོན་ཁུངས་མཉམ་སྤྱོད་དང་ཉེན་ཁ་མཉམ་འཁུར། ཁེ་ཕན་མཉམ་མྱོང་བཅས་ཡུན་རིང་མཉམ་ལས་ཀྱི་ལམ་སྲོལ་འཛུགས་དགོས། བོད་ལུག་དང་ནོར་གནག  ནས། ལོག་དཀར་བཅས་ཀྱི་ཐོན་ལས་འཕེལ་རྒྱས་གཏོང་བའི “གནད་འགག”གི་ལག་རྩལ་གཙོ་བོའི་འགག་སྒྲོལ་ལ་ཤུགས་སྣོན་པ་དང་། ལྗང་མདོག་སྐྱེ་ལྡན་འདེབས་གསོའི་ལག་རྩལ་ཁྱབ་གདལ་གཏོང་ཤུགས་ཆེ་རུ་གཏོང་བ། སྔོན་ཐོན་སྤྱོད་སྒོར་འཚམ་པའི་ལག་རྩལ་ཁག་ཅིག་གཅིག་བསྡུས་ངང་ཁྱབ་གདལ་གཏོང་བ་བཅས་བྱེད་དགོས། མཚོ་བྱང་ཁུལ་གྱི་བོད་ལུག་དང་ནོར་གནག་གསོ་སྤེལ་ལག་རྩལ་གསར་གཏོད་ལྟེ་གནས་བཙུགས་ནས། ཁུལ་དང་རྫོང་གི་ཚན་རྩལ་དཔེ་སྟོན་གླིང་གི་གསར་གཏོད་ནུས་པ་ཆེ་རུ་གཏོང་དགོས།སྣེ་ཁྲིད་ལས་ཁུངས། ཁུལ་ཞིང་ཕྱུགས་དང་ཚན་རྩལ་ཅུ། འགན་འཁྲི་ལས་ཁུངས། རྫོང་སོ་སོའི་མི་དམངས་སྲིད་གཞུང་། ཁུལ་འཕེལ་རྒྱས་དང་བཅོས་བསྒྱུར་ཨུ་ཡོན་ལྷན་ཁང་། ཁུལ་བཟོ་ལས་ཚོང་དོན་དང་ཆ་འཕྲིན་ཅུ། ཁུལ་གྲོང་གསེབ་དར་སྤེལ་ཅུ། ཁུལ་མཐོ་སྒང་སྐྱེ་ཁམས་ཕྱུགས་ལས་ཚན་རྩལ་ཚོད་ལྟའི་དཔེ་སྟོན་དོ་དམ་ཨུ་ཡོན་ལྷན་ཁང་།

མཚོ་བྱང་གི་ཁྱད་ལྡན་ཞིང་ཕྱུགས་ལས་ཀྱི་གཞི་གྲངས་ཆེ་མོའི་ལས་སྟེགས་འཛུགས་སྐྲུན་འཐུས་ཚང་དུ་བཏང་ནས། ཧྲན་ཏུང་དང་མཚོ་བོད་ས་མཐོའི་སྐྱེ་ཁམས་ཞིང་ཕྱུགས་ཀྱི་རྒྱང་བསྟེན་རྣམ་དཔྱོད་ཞབས་ཞུའི་ལས་སྟེགས་བེད་སྤྱོད་བྱ་རྒྱུར་སྐུལ་འདེད་གཏོང་དགོས། ཞིང་ཕྱུགས་ལས་གྲངས་འཛིན་ཅན་དུ་འགྱུར་བའི་འཛུགས་སྐྲུན་ལ་སྐུལ་འདེད་བཏང་ནས། ཟོང་འབྲེལ་དྲ་རྒྱ་དང་མིས་བཟོས་རིག་ནུས། གཞི་གྲངས་ཆེན་མོ། ཁུལ་དུམ་སྦྲེལ་ཕྲེང་། 5Gསོགས་དེང་རབས་ཆ་འཕྲིན་ལག་རྩལ་བེད་སྤྱོད་གང་ལེགས་བྱས་ནས་དེང་རབས་ཀྱི་ཞིང་ཕྱུགས་ལས་རིགས་འཕེལ་རྒྱས་གཏོང་བ་དང་། ཐོན་ལས་ཀྱི་རྣམ་པ་བསྒྱུར་ཏེ་ཇེ་རྒྱས་སུ་གཏོང་བར་སྐུལ་འདེད་གཏོང་དགོས། དེང་རབས་ཞིང་ལས་ཐོན་ལས་གླིང་དུ་ཟོག་འབྲེལ་དྲ་རྒྱའི་ལག་རྩལ་བཀོལ་སྤྱོད་བྱ་རྒྱུར་སྐུལ་ལྕག་དང་རྒྱབ་སྐྱོར་བྱས་ནས། ཞིང་ཕྱུགས་ལས་ཐོན་སྐྱེད་ཁོར་ཡུག་ལ་ལྟ་ཞིབ་ཚད་ལེན་དང་རིག་ནུས་དོ་དམ། རིག་ནུས་དབྱེ་ཞིབ། རིག་ནུས་ཚོད་འཛིན་ལག་རྩལ་དང་། སྒྲིག་ཆས་གཅིག་བསྡུས་བཀོལ་སྤྱོད་ལ་སྐུལ་འདེད་བཏང་ནས། ཞིང་ཕྱུགས་ལས་ཐོན་སྐྱེད་དོ་དམ་ཆ་འཕྲིན་ཅན་གྱི་ཆུ་ཚད་མཐོ་རུ་གཏོང་དགོས།སྣེ་ཁྲིད་ལས་ཁུངས། ཁུལ་ཞིང་ཕྱུགས་དང་ཚན་རྩལ་ཅུ། འགན་འཁྲི་ལས་ཁུངས། རྫོང་སོ་སོའི་མི་དམངས་སྲིད་གཞུང་དང་། ཁུལ་འཕེལ་རྒྱས་དང་བཅོས་བསྒྱུར་ཨུ་ཡོན་ལྷན་ཁང་། ཁུལ་བཟོ་ལས་ཚོང་དོན་དང་ཆ་འཕྲིན་ཅུ།

རིགས་སོ་སོའི་ལས་གཏོད་ལས་སྟེགས་བསྐྲུན་ནས་ཕ་ཡུལ་དུ་ལོག་པའི་ཞིང་པ་ལས་མི་དང་ཆེད་ལས་སློབ་གྲྭ་ཆེ་འབྲིང་གི་མཐར་ཕྱིན་སློབ་མ། དམག་འཁྱུར་དམག་མི་སོགས་རོང་འབྲོག་ཁུལ་དུ་ལས་གཏོད་བྱ་རྒྱུར་ཁྲིད་སྟོན་ཧུར་ཐག་བྱས་ནས། ཞིང་ཕྱུགས་ལས་མཉམ་ལས་ཀྱི་དཔལ་འབྱོར་རྩ་འཛུགས་སྒྲིག་པར་སྣེ་ཁྲིད་བྱེད་དགོས། རོང་འབྲོག་ཁུལ་གྱི་གློག་རྡུལ་ཚོང་པ་དང་བཟོ་རྩལ་མཁས་པ། ཕྱུག་སྒྱུར་མཁས་པོ་སོགས་ཕྱོགས་མང་པོའི་ཤེས་ལྡན་པ་གསོ་སྐྱོང་གང་མགྱོགས་བྱས་ཏེ། ཚན་རྩལ་ཞབས་ཞུ་དེ་ཐོན་ལས་གཉིས་པ་དང་གསུམ་པར་སྣུར་སྲིང་བྱེད་རྒྱུར་སྐུལ་འདེད་གཏོང་དགོས། རོང་འབྲོག་ཁུལ་གྱི་གཞོན་ནུའི་ལས་གཏོད་གསོ་སྦྱོང་བྱེད་སྒོ་སྤེལ་ནས་ཞིང་ཕྱུགས་ལས་ཀྱི་ཤེས་ལྡན་པ་གསོ་སྐྱོང་གི་དངོས་སྦྱོང་རྟེན་གཞི་ཁག་གཅིག་བཏོད་དེ། “ཞིང་སའི་ཤེས་ཡོན་པ”དང“ས་གཤིས་ཆེད་ལས་པ”ཁག་གཅིག་གསོ་སྐྱོང་བྱེད་དགོས། ཞིང་ལས་ལས་ཤེས་པ་དང་གྲོང་གསེབ་ལ་དགའ་བ། ཞིང་པར་དགའ་བ་བཅས་ཀྱི་གཞི་རིམ་ལས་དོན་དཔུང་སྡེ་ཞིག་དང་། ལྗང་མདོག་གི་སྐྱེ་ལྡན་ངོས་འཛིན་དང་ལྟ་འདོམས། ཐོན་སྐྱེད། དོ་དམ་བཅས་ལ་རྒྱུས་མངའ་ཡོད་པའི་ཤེས་ལྡན་མི་སྣའི་དཔུང་སྡེ་ཁག་ཅིག་མྱུར་དུ་གསོ་སྐྱོང་བྱས་ཏེ། ཕྱིར་གཏོང་ས་ཆའི་སྣེ་ཁྲིད་ཁུལ་འཛུགས་སྐྲུན་བྱེད་པར་ཤེས་ལྡན་མི་སྣའི་འདེགས་སྐྱོར་མཁོ་འདོན་བྱེད་དགོས།སྣེ་ཁྲིད་ལས་ཁུངས། ཁུལ་ཞིང་ཕྱུགས་དང་ཚན་རྩལ་ཅུ། འགན་འཁྲི་ལས་ཁུངས། རྫོང་སོ་སོའི་མི་དམངས་སྲིད་གཞུང་། ཁུལ་གྲོང་གསེབ་དར་སྤེལ་ཅུ། ཁུལ་མི་ཤུགས་ཐོན་ཁུངས་དང་སྤྱི་ཚོགས་འགན་སྲུང་ཅུ།

ལྔ། ཞིང་ཕྱུགས་ལས་རིགས་ཀྱི་ཚོང་རའི་ཚོང་གཉེར་མ་ལག་འཐུས་ཚང་དུ་བཏང་ནས། ཚོང་རྟགས་འཛུགས་སྐྱོང་གི་སྣེ་ཁྲིད་འབུར་དུ་བཏོད་དགོས།

ལྗང་མདོག་སྐྱེ་ལྡན་ཞིང་ཕྱུགས་ཐོན་རྫས་ཀྱི་སྤུས་རྟགས་སྐྱེད་སྲིང་བྱ་སྤྱོད་ལག་བསྟར་དང་། རིག་གནས་དོན་སྙིང་སྔོག་འདོན་དང་རིག་གནས་གསར་གཏོད་བྱེད་ཤུགས་ཆེ་རུ་གཏོང་དགོས། མཚོ་བྱང་གི་བོད་ལུག་དང་ནོར་གནག ནས། ལོག་དཀར། སྦྲང་རྩི། ཤ་མོ་སེར་བོ། འཁྱག་ཉ། བཟའ་བཅའི་ཤ་མོ། གྲོ་མ་སོགས་མངའ་ཁོངས་ཀྱི་སྤྱི་སྤྱོད་ཚོང་རྟགས་ཧུར་ཐག་གིས་བཏོད་དེ། རིམ་བཞིན་རྒྱལ་ཁབ་ཀྱི་ཞིང་ལས་ཐོན་རྫས་ཁུངས་འདེད་ལས་སྟེགས་ནང་བཅུག་ནས་དོ་དམ་བྱེད་དགོས། ལྗང་མདོག་སྐྱེ་ལྡན་ས་ཁམས་མཚོན་རྟགས་ཀྱི་ཞིང་ཕྱུགས་ཐོན་རྫས་ཀྱི་བདེན་དཔང་ར་སྤྲོད་བྱེད་ཤུགས་ཆེ་རུ་བཏང་ནས། ལྗང་མདོག་སྐྱེ་ལྡན་ཞིང་ཕྱུགས་ཐོན་རྫས་ཀྱི་ཚོང་རྟགས་གྲགས་ཅན་ཁག་ཅིག་ཐོ་འགོད་བྱེད་དགོས། ཚོགས་པ་བསྒྲིགས་ནས་ཞིང་ལས་ཐོན་རྫས་ཀྱི་ཉོ་ཚོང་ཚོགས་འདུ་དང་། ཞིང་ལས་ཐོན་རྫས་དངོས་མང་བཤམས་སྟོན་ཚོགས་འདུ། ཚོང་རྟགས་གྲགས་ཅན་ཚོང་རྫས་ཀྱི་འོས་སྦྱོར་ཚོགས་འདུ། དངུལ་གཏོང་ཉོ་ཚོང་གི་ངོ་འཕྲད་གྲོས་མོལ་ཚོགས་འདུ། མཐོ་རིམ་གླེང་སྟེགས་སོགས་འོས་སྦྱོར་གཞི་རྟེན་ནང་ཞུགས་ནས་སྤུས་རྟགས་ཀྱི་ཤུགས་རྐྱེན་ཐེབས་ཤུགས་དང་། སྐད་གྲགས་ཤེས་ཚད་ཆེ་རུ་གཏོང་དགོས། མཚོ་བྱང་ཁུལ་གྱི་རྒྱུད་བཟང་ཕྱུགས་རིགས་དཔྱད་བསྡུར་བྱེད་སྒོ་སྤེལ་བ་དང་། སྣེ་འདྲེན་ཁེ་ལས་དང་རོང་འབྲོག་པའི་མཉམ་ལས་ཁང་སོགས་ཞིང་ཕྱུགས་ལས་རིགས་ཀྱི་གཉེར་སྐྱོང་མཁན་གསར་གྲས་ལ་སྐུལ་ལྕག་བཏང་ནས། ཁྱད་ཆོས་འབུར་དུ་བཏོད་པ་དང་སྣེ་ཁྲིད་ནུས་པ་ཆེ་བ། འགྲན་རྩོད་ནུས་རྩལ་མཐོ་བ་བཅས་ཀྱི་ཞིང་ཕྱུགས་ཐོན་རྫས་གྲགས་ཅན་ཁག་ཅིག་གསར་དུ་གཏོད་དགོས།སྣེ་ཁྲིད་ལས་ཁུངས། ཁུལ་བཟོ་ལས་ཚོང་དོན་དང་ཆ་འཕྲིན་ཅུ། འགན་འཁྲི་ལས་ཁུངས། ཁུལ་ཞིང་ཕྱུགས་དང་ཚན་རྩལ་ཅུ། རྫོང་སོ་སོའི་མི་དམངས་སྲིད་གཞུང་དང་། ཁུལ་རིག་ལུས་གནས་སྐོར་རྒྱང་བརྙན་ཅུ། ཁུལ་ཞིང་ཕྱུགས་དང་ཚན་རྩལ་ཅུ། ཁུལ་གྲོང་གསེབ་དར་སྤེལ་ཅུ།

རྒྱལ་ནང་གི་གློག་རྡུལ་ཚོང་དོན་ཁེ་ལས་གྲགས་ཅན་དང་མཉམ་ལས་བྱེད་ཤུགས་ཆེ་རུ་གཏོང་བ་དང་། ལྗང་མདོག་སྐྱེ་ལྡན་གྱི་ཞིང་ཕྱུགས་ཐོན་རྫས་ཕྱིར་འཚོང་དྲ་རྒྱ་འཐུས་ཚང་དུ་གཏོང་བ། ཞིང་ཕྱུགས་ཐོན་རྫས་ཀྱི་གློག་རྡུལ་ཚོང་དོན་འཕེལ་རྒྱས་གཏོང་བ་བཅས་བྱེད་དགོས། རྒྱལ་ཁབ་ཀྱི་གློག་རྡུལ་ཚོང་དོན་གྲོང་གསེབ་ཏུ་སྐྱོད་པའི་ཕྱོགས་བསྡུས་རྫོང་ཁག་གསར་སྤེལ་བྱེད་པར་བརྟེན་ནས“དྲ་སྦྲེལ+”ཞིང་ཕྱུགས་ཐོན་རྫས་གྲོང་ཚོ་ནས་གྲོང་ཁྱེར་དུ་བསྐྱོད་པའི་འདུ་འགོད་ལ་སྐུལ་འདེད་གཏིང་ཟབ་གཏོང་བ་དང་། གློག་རྡུལ་ཚོང་དོན་དང་ཚོང་དོན་ཟོང་སྐྱེལ། མཁོ་ཚོང་། སྦྲག་སྲིད། མྱུར་སྐྱེལ་སོགས་གློག་རྡུལ་ཚོང་དོན་གཉེར་མཁན་སྣ་ཚོགས་གྲོང་གསེབ་ཏུ་བཀོད་སྒྲིག་བྱེད་པར་ཁྲིད་སྟོན་བྱས་ཏེ། གྲོང་གསེབ་ཀྱི་གློག་རྡུལ་ཚོང་དོན་ཕྱོགས་བསྡུས་ཞབས་ཞུའི་མ་ལག་མགྱོགས་མྱུར་འཐུས་ཚང་དུ་གཏོང་དགོས། མཚོ་བྱང་ཁུལ་གྱི་ལྗང་མདོག་སྐྱེ་ལྡན་ཞིང་ཕྱུགས་ཐོན་རྫས་ཉོ་ཚོང་ལྟེ་གནས་བསྐྲུན་པ་དང་། མཚོ་སྔོན་གྱི་ལྗང་མདོག་སྐྱེ་ལྡན་ཞིང་ཕྱུགས་ཐོན་རྫས་ཀྱི་གྲངས་གཞི་ཆེ་མོའི་ལས་སྟེགས་སྦྲེལ་མཐུད་བྱས་ཏེ། ཞིང་ཕྱུགས་ཐོན་རྫས་ཁ་ཐོར་ཅན་གྱི་ཉོ་འཚོང་ནས་སྟེགས་བུ་ཅན་གྱི་ཕྱོགས་སུ་བསྒྱུར་རྒྱུར་སྐུལ་འདེད་གཏོང་དགོས། གྲངས་གཞིའི་ཞིང་ཕྱུགས་ལས་རྣམ་གྲངས་ལག་བསྟར་བྱས་ནས་རོང་འབྲོག་ཁུལ་ལ་ཐད་ཀར་མཁོ་འདོན་དང་། འཛད་སྤྱོད་པས་སྒྲིག་བཟོ། ཞིང་ཕྱུགས་ལས་མངགས་ཐོ་སོགས་ཀྱི་རྣམ་པ་འཕེལ་རྒྱས་གཏོང་རྒྱུར་སྐུལ་འདེད་བཏང་ནས། ཞིང་ཕྱུགས་ལས་གཉེར་སྐྱོང་གྲངས་གཞི་ཅན་གྱི་ཆུ་ཚད་མཐོ་རུ་གཏོང་དགོས།སྣེ་ཁྲིད་ལས་ཁུངས། ཁུལ་བཟོ་ལས་ཚོང་དོན་དང་ཆ་འཕྲིན་ཅུ། འགན་འཁྲི་ལས་ཁུངས། རྫོང་སོ་སོའི་མི་དམངས་སྲིད་གཞུང་། ཁུལ་རིག་ལུས་གནས་སྐོར་རྒྱང་བརྙན་ཅུ། ཁུལ་ཞིང་ཕྱུགས་དང་ཚན་རྩལ་ཅུ། ཁུལ་གྲོང་གསེབ་དར་སྤེལ་ཅུ།

བྱེད་ནུས་ཆ་ཚང་ཡིན་པའི་ཟོང་སྐྱེལ་ཆ་འཕྲིན་མ་ལག་བསྐྲུན་པར་སྐུལ་ལྕག་གཏོང་བ་དང་། ལས་སྣོན་དང་མཛོད་ཉར། སོས་ཉར། འཁྱག་ཕྲེང་། དངོས་ཟོག་སྐྱེལ་འདྲེན་ཞབས་ཞུའི་སྒྲིག་བཀོད་འཛུགས་སྐྲུན་ལ་ཤུགས་སྣོན་བྱེད་དགོས། ཞིང་ཕྱུགས་ཐོན་རྫས་ཐོན་ཡུལ་གྱི་ཚོང་ཟོག་ཅན་གྱི་ཐག་གཅོད་ནུས་པ་ཆེ་རུ་བཏང་ནས། ཞིང་ཕྱུགས་ཐོན་རྫས་འཁོར་རྒྱུག་གི“ཆུ་གསོག་རྫིང་བུ”ཆགས་པ་བྱེད་དགོས། ཞིང་ཕྱུགས་ཐོན་རྫས་གསར་བའི་ལྗང་མདོག་བགྲོད་ལམ་གྱི་ནུས་པ་འདོན་སྤེལ་ཡག་པོ་བྱས་ནས། འཁོར་རྒྱུག་མགྱོགས་ཚད་དང་སྟབས་བདེའི་རང་བཞིན་ཆེ་རུ་གཏོང་དགོས། མཚོ་བྱང་ཁུལ་གྱི་ཕྱུགས་རིགས་ཉོ་ཚོང་ཚོང་ར་དང་ཞིང་ཕྱུགས་ཐོན་རྫས་ཚོང་རའི་ཆ་འཕྲིན་ཞབས་ཞུའི་ལས་སྟེགས་བཙུགས་ནས། གྲོང་ཚོ་རིམ་པའི་ཞིང་ཕན་ཆ་འཕྲིན་ཁང་འཛུགས་སྐྲུན་ལ་སྐུལ་འདེད་དང་། ཐོན་སྐྱེད་བྱེད་མཁན་དང་ཚོང་རའི་ཆ་འཕྲིན་སྦྲེལ་མཐུད་མངོན་འགྱུར་སྒོས་ཐོན་རྫས་ཕྱིར་གཏོང་ལ་གནད་ཁེལ་དང་། དུས་ཐོག་ལྟར་ཆ་འཕྲིན་ཞབས་ཞུ་མཁོ་འདོན་བྱེད་དགོས། ཐོན་ལས་ཀྱི་ཁྱད་ཆོས་མངོན་གསལ་དོད་པ་དང་སྒྲིག་བཀོད་ཆ་ཚང་བ། བཀོད་པ་ལུགས་མཐུན་ཡིན་པ། ནུས་པ་འཐུས་སྒོ་ཚང་བ་བཅས་ཀྱི་ཞིང་ཕྱུགས་ཐོན་རྫས་སྐྱེལ་འདྲེན་གཉེར་སྐྱོང་བྱེད་མཁན་ཁག་ཅིག་མྱུར་དུ་སྐྱེད་སྲིང་བྱས་ཏེ། དངོས་ཟོག་སྐྱེལ་འདྲེན་གྱི་ཁེ་ལས་དེ་ཆེད་ལས་ཅན་གྱི་ཟོག་སྐྱེལ་ཞབས་ཞུའི་ལས་སྟེགས་སུ་གཞན་སྒྱུར་བྱེད་པར་རྒྱབ་སྐྱོར་བྱེད་པ་དང་། ཟོག་སྐྱེལ་ཞབས་ཞུའི་ནུས་པ་འཐུས་ཚང་དུ་གཏོང་དགོས།སྣེ་ཁྲིད་ལས་ཁུངས། ཁུལ་བཟོ་ལས་ཚོང་དོན་དང་ཆ་འཕྲིན་ཅན་ཅུ། འགན་འཁྲི་ལས་ཁུངས། རྫོང་སོ་སོའི་མི་དམངས་སྲིད་གཞུང་། ཁུལ་འཕེལ་རྒྱས་དང་བཅོས་སྒྱུར་ཨུ་ཡོན་ལྷན་ཁང་། ཁུལ་ཞིང་ཕྱུགས་དང་ཚན་རྩལ་ཅུ། ཁུལ་གྲོང་གསེབ་དར་སྤེལ་ཅུ།

པེ་ཅིང་དང་ཐེན་ཅིན། ཧོ་པེ། ཧྲན་ཏུང་བཅས་དང་། འབྲི་ཆུའི་ཟུར་གསུམ་གླིང་། ཀྲུའུ་ཅང་ཟུར་གསུམ་གླིང་སོགས་ས་ཁུལ་གྱི་གྲོང་ཁྱེར་དུ་མཚོ་བྱང་ཁུལ་གྱི་ས་མཐོའི་ཁྱད་ལྡན་ཞིང་ཕྱུགས་ཐོན་རྫས་ཆེད་ཚོང་ཁང་དང་ཉམས་ལེན་ཚོང་ཁང་སོགས་ཚོང་གཉེར་བྱེད་ས་བཙུགས་ནས་ལྗང་མདོག་སྐྱེ་ལྡན་གྱི་ཞིང་ཕྱུགས་ཐོན་རྫས་གཉེར་ཚོང་ཉམས་ལེན་དང་དྲིལ་སྒྲོག་འོས་སྦྱོར་གྱི་བྱེད་སྒོ་སྤེལ་དགོས། མཚོ་བྱང་གི་ལྗང་མདོག་སྐྱེ་ལྡན་ཞིང་ཕྱུགས་ཐོན་རྫས་འགྲེམས་ཚོང་ལྟེ་གནས་གཉེར་སྐྱོང་དང་། སྣེ་སྦྲེལ་རོགས་སྐྱོར་དང་ཤར་ནུབ་རྒྱུད་མཉམ་ལས། གནས་སྦྲེལ་རོགས་སྐྱོར་སོགས་ལས་སྟེགས་ཀྱི་ལེགས་ཆ་འདོན་སྤེལ་གང་ལེགས་བྱས་ཏེ། སྤུས་རྟགས་ཚོང་གཉེར་འོས་སྦྱོར་ལ་ཤུགས་སྣོན་བྱེད་པ་དང་ལྗང་མདོག་སྐྱེ་ལྡན་གྱི་ཞིང་ཕྱུགས་ཐོན་རྫས་ཕྱིར་གཏོང་ཐབས་ལམ་རྒྱ་ཆེར་གཏོང་དགོས། ཞིང་ལས་དང་གནས་སྐོར་ཟུང་འབྲེལ་ལ་སྐུལ་འདེད་སྒོས་གནས་སྐོར་མཛེས་ལྗོངས་ཁུལ་དང་། གཞུང་ལམ་ལྕགས་ལམ་འགྲུལ་སྐྱེལ་ས་ཚིགས། མྱུར་བགྲོད་གཞུང་ལམ་ཞབས་ཞུ་ཁུལ། གནམ་གྲུ་ཐང་གི་སྒུག་སྡོད་ཚོམས་ཆེན་སོགས་སུ་མཚོ་བྱང་ཁུལ་གྱི་ལྗང་མདོག་སྐྱེ་ལྡན་ཞིང་ཕྱུགས་ཐོན་རྫས་དྲིལ་སྒྲོག་འགྲེམས་ཚོང་ཆེད་སྒྲོམ་བཙུགས་ནས། མཚོ་བྱང་གི་ལྗང་མདོག་སྐྱེ་ལྡན་ཞིང་ཕྱུགས་ཐོན་རྫས་འཚོང་སྐུལ་ཐབས་ལམ་རྒྱ་ཆེར་གཏོང་དགོས།སྣེ་ཁྲིད་ལས་ཁུངས། ཁུལ་བཟོ་ལས་ཚོང་དོན་དང་ཆ་འཕྲིན་ཅུ། འགན་འཁྲི་ལས་ཁུངས། རྫོང་སོ་སོའི་མི་དམངས་སྲིད་གཞུང་། ཁུལ་ཨུའི་དྲིལ་སྒྲོག་པུ། ཁུལ་འཕེལ་རྒྱས་དང་བཅོས་སྒྱུར་ཨུ་ཡོན་ལྷན་ཁང་། ཁུལ་ཞིང་ཕྱུགས་དང་ཚན་རྩལ་ཅུ། ཁུལ་རིག་ལུས་གནས་སྐོར་རྒྱང་བརྙན་ཅུ། ཁུལ་གྲོང་གསེབ་དར་སྤེལ་ཅུ། ཁུལ་འགྲིམ་འགྲུལ་སྐྱེལ་འདྲེན་ཅུ།

དྲུག ཚན་རྩལ་ཞབས་ཞུའི་མ་ལག་འཐུས་ཚང་དུ་བཏང་ནས། ཤེས་ལྡན་མི་སྣ་གཅིག་སྡུད་ཀྱིས་སྣེ་ཁྲིད་བྱ་རྒྱུ་འབུར་ཐོན་ཡོང་བར་བྱེད་དགོས།

རྒྱལ་ཁབ་ཀྱི་དེང་རབས་ཞིང་ལས་ཐོན་ལས་ལག་རྩལ་མ་ལག་གི་ལས་སྟེགས་དང་། ཞིང་ཆེན་དང་ཁུལ། རྫོང་བཅས་ཀྱི་ཆེད་ལས་ལག་རྩལ་ཤེས་ལྡན་མི་སྣའི་དཔུང་སྡེ་ལ་བརྟེན་ནས། ཕྱིར་གཏོང་ས་ཆའི་སྣེ་ཁྲིད་ཁུལ་གྱི་ཆེད་མཁས་པའི་རིག་མཛོད་དང་ཐབས་ཇུས་བློ་འདྲིའི་ལས་སྟེགས་བཙུགས་ནས། ཡུན་ཕན་གཉེར་སྐྱོང་གི་ལམ་སྲོལ་འཛུགས་སྐྲུན་བྱེད་དགོས། ཞིང་ཕྱུགས་ལས་ཀྱི་མཐོ་རིམ་སྣེ་ཁྲིད་ཤེས་ལྡན་པ་དང་ཚན་རྩལ་གསར་གཏོད་ཀྱི་སྣེ་ཁྲིད་པ་ནང་འདྲེན་དང་གསོ་སྐྱོང་བྱེད་པ་ཇེ་མགྱོགས་སུ་བཏང་ནས། ཞིང་ཕྱུགས་ལས་ཀྱི་ཚན་རྩལ་ཤེས་ལྡན་པའི་དཔུང་སྡེ་རྒྱ་ཆེར་གཏོང་དགོས། ཐོན་ལས་སྦྲེལ་ཕྲེང་གི་སྟེང་ཚན་རིག་ཞིབ་འཇུག་གི་ལས་སྟེགས་བཙུགས་ནས“ཚན་རྩལ་ཁང་ཆུང་བ”ཆགས་སུ་འཇུག་པ་དང་། ཞིང་ཕྱུགས་ལས་དང་རོང་འབྲོག་ཁུལ་འཕེལ་རྒྱས་གཏོང་བའི་དཀའ་གནད་སེལ་དགོས། རྣམ་གྲངས་ཀྱི་རྒྱབ་སྐྱོར་བྱེད་ཤུགས་ཇེ་ཆེར་དང་ནང་འདྲེན་བྱས་པའི་ཤེས་ལྡན་མི་སྣའི་ཐོབ་ཐང་ཇེ་མཐོར་གཏོང་བ་སོགས་ཀྱི་བྱེད་ཐབས་བརྒྱུད། ལྗང་མདོག་སྐྱེ་ལྡན་གྱི་ཞིང་ཕྱུགས་ཐོན་རྫས་ཕྱིར་གཏོང་བྱ་ཡུལ་འཛུགས་སྐྲུན་ལ་དམིགས་ནས། རིགས་སྣ་གསར་པ་དང་ལག་རྩལ་གསར་པའི་ཚོད་ལྟའི་དཔེ་སྟོན་ཁྱབ་གདལ་གཏོང་བ་སོགས་གསར་གཏོད་ལས་གཏོད་ཀྱི་འཚོལ་ཞིབ་དང་ལག་ལེན་སྤེལ་བ་དང་། སྣེ་ཁྲིད་ཁུལ་གྱི་ཞིང་ཕྱུགས་ཐོན་ལས་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་དང་། རོང་འབྲོག་པའི་ཡོང་སྒོ་ཇེ་མང་དུ་བཏང་ནས་ཕྱུག་འགྱུར་ཡོང་བར་སྐུལ་ཁྲིད་བྱེད་དགོས།སྣེ་ཁྲིད་ལས་ཁུངས། ཁུལ་ཞིང་ཕྱུགས་དང་ཚན་རྩལ་ཅུ། འགན་འཁྲི་ལས་ཁུངས། རྫོང་སོ་སོའི་མི་དམངས་སྲིད་གཞུང་། ཁུལ་ཨུའི་རྩ་འཛུགས་པུ། ཁུལ་མི་ཤུགས་ཐོན་ཁུངས་དང་སྤྱི་ཚོགས་འགན་སྲུང་ཅུ།

སྤྱི་ཕན་རང་བཞིན་གྱི་ལག་རྩལ་ཞབས་ཞུའི་སྟོབས་ཤུགས་གཙོ་བོར་བྱེད་པ་དང་ཚོང་ར་ཅན་གྱི་ཚན་རྩལ་ཞབས་ཞུའི་སྟོབས་ཤུགས་ཁ་གསབ་བྱེད་པའི་ཞིང་ཕྱུགས་ལས་ཀྱི་སྤྱི་ཚོགས་ཅན་གྱི་ཞབས་ཞུའི་མ་ལག་འཐུས་ཚང་དུ་གཏོང་དགོས། རྒྱལ་ཁབ་ཀྱི་གཞི་རིམ་ཞིང་ལས་ལག་རྩལ་གྱི་ཁྱབ་གདལ་མ་ལག་སྒྱུར་བཅོས་དང་འཛུགས་སྐྲུན་གྱི་ཁ་གསབ་རྣམ་གྲངས་མུ་མཐུད་ལག་བསྟར་བྱེད་པ་དང་། ཞིང་ལས་ལག་རྩལ་མི་སྣ་རིམ་དབྱེ་རིགས་དབྱེ་སྒོས་གསོ་སྦྱོང་བྱེད་པ། ལག་རྩལ་ཞབས་ཞུའི་སྟོབས་ཤུགས་ཀྱི་འདེགས་སྐྱོར་ལ་ཤུགས་སྣོན་པ་བཅས་བྱས་ཏེ་ལག་རྩལ་གཙོ་བོ་དོན་འཁྱོལ་ཡོང་བ་འགན་སྲུང་བྱེད་དགོས། ཚན་རྩལ་ཆེད་མངགས་པ་འདེམས་གཏོང་ལམ་ལུགས་འཐུས་ཚང་དུ་གཏོང་བ་དང་། ཚན་རྩལ་ཆེད་མངགས་པའི་ཤེས་ལྡན་མི་སྣར་སྐུལ་མ་གཏོང་བའི་ལམ་སྲོལ་འཛུགས་པ་དང་འཐུས་ཚང་དུ་གཏོང་བ། “ཚན་རྩལ་ཁང་ཆུང་བའི”ནུས་པ་འདོན་སྤེལ་གང་ལེགས་བཅས་བྱས་ནས་ཚན་རྩལ་ཞབས་ཞུའི་ཆུ་ཚད་ཇེ་མཐོར་གཏོང་དགོས། ཁུལ་དང་རྫོང་། ཡུལ་ཚོ་བཅས་ཀྱི་ཞིང་ལས་ལག་རྩལ་མི་སྣས་གྲོང་ཚོ་འགན་ལེན་བྱེད་པའི་ལམ་ལུགས་ཁྱོན་ཡོངས་ནས་ཁྱབ་སྤེལ་གཏོང་དགོས། ཞིང་ཕྱུགས་ལས་ཀྱི་ལག་རྩལ་གསོ་སྦྱོང་བྱེད་ཤུགས་ཆེ་རུ་བཏང་ནས་ལྗང་མདོག་སྐྱེ་ལྡན་འདེབས་གསོའི་ལག་རྩལ་དང་། ཞིང་ཕྱུགས་ཐོན་རྫས་ལས་སྣོན། ཚོང་རྟགས་སྐྱེད་སྲིང་སོགས་ཀྱི་གསོ་སྦྱོང་ལ་ཤུགས་སྣོན་བརྒྱབ་སྟེ་ཚན་རྩལ་ཞབས་ཞུ་ཆེད་ལས་ཅན་དང་སྤྱི་ཚོགས་ཅན་གྱི་ཆུ་ཚད་མཐོ་རུ་གཏོང་དགོས།སྣེ་ཁྲིད་ལས་ཁུངས། ཁུལ་ཞིང་ཕྱུགས་དང་ཚན་རྩལ་ཅུ། འགན་འཁྲི་ལས་ཁུངས། རྫོང་སོ་སོའི་མི་དམངས་སྲིད་གཞུང་། ཁུལ་ཨུའི་རྩ་འཛུགས་པུ། ཁུལ་མི་ཤུགས་ཐོན་ཁུངས་དང་སྤྱི་ཚོགས་འགན་སྲུང་ཅུ།

ལྔ། འགན་སྲུང་བྱེད་ཐབས།

གཅིག རྩ་འཛུགས་ཀྱི་མགོ་ཁྲིད་ལ་ཤུགས་བསྣན་ནས། འགན་འཁྲི་དོན་འཁྱོལ་བྱེད་ཤུགས་ཆེ་རུ་གཏོང་དགོས། མཚོ་བྱང་ཁུལ་གྱི་ལྗང་མདོག་སྐྱེ་ལྡན་ཞིང་ཕྱུགས་ཐོན་རྫས་ཕྱིར་གཏོང་ས་ཆའི་སྣེ་ཁྲིད་ཁུལ་གྱི་ལས་དོན་མགོ་ཁྲིད་ཚན་ཆུང་འཛུགས་པ་དང་། མཚོ་བྱང་ཁུལ་མི་དམངས་སྲིད་གཞུང་གི་ཁུལ་དཔོན་གྱིས་ཚན་གཙོའི་འགན་འཁུར་བ་དང་། ལས་བགོས་ཁུལ་དཔོན་གཞོན་པས་ཚན་གཙོ་གཞོན་པའི་འགན་འཁུར་བ། འབྲེལ་ཡོད་ལས་ཁུངས་ཀྱིས་ཁོངས་མིའི་འགན་འཁུར་དགོས། མགོ་ཁྲིད་ཚན་ཆུང་གིས་ཐབས་ཇུས་གལ་ཆེན་དང་གནད་དོན་གལ་ཆེན། ལས་དོན་གལ་ཆེན་བཅས་ལ་ཞིབ་འཇུག་དང་གྲོས་ཞིབ་བྱེད་པའི་འགན་འཁུར་ནས། མཚོ་བྱང་ཁུལ་གྱི་ལྗང་མདོག་སྐྱེ་ལྡན་ཞིང་ཕྱུགས་ཐོན་རྫས་ཕྱིར་གཏོང་ས་ཆའི་སྣེ་ཁྲིད་ཁུལ་གྱི་འབྲེལ་ཡོད་ལས་དོན་ལ་སྤྱི་འདོམས་ངང་སྐུལ་འདེད་གཏོང་དགོས། མགོ་ཁྲིད་ཚན་ཆུང་གི་འོག་ཏུ་གཞུང་ལས་ཁང་འཛུགས་པ་དང་། གཞུང་ལས་ཁང་དེ་ཁུལ་ཞིང་ཕྱུགས་དང་ཚན་རྩལ་ཅུའི་ནང་འཛུགས་པ། མགོ་ཁྲིད་ཚན་ཆུང་གི་རྒྱུན་ལྡན་ལས་དོན་གྱི་འགན་འཁུར་བ་དང་། ཕྱོགས་བསྡུས་མཐུན་སྦྱོར་དང་ལྟ་སྐུལ་མཛུབ་ཁྲིད་ལ་ཤུགས་སྣོན་བྱས་ཏེ། སྣེ་ཁྲིད་ཁུལ་གྱི་འཛུགས་སྐྲུན་ལས་དོན་ཏན་ཏིག་དང་ཞིབ་ཚགས་ངང་སྒྲུབ་པར་འགན་ལེན་བྱེད་དགོས། རྫོང་སོ་སོའི་མི་དམངས་སྲིད་གཞུང་དང་ཁུལ་ཐད་གཏོགས་སྡེ་ཁག་དག་གིས་གཞོགས་འདེགས་དམ་ཟབ་དང་སེམས་ཤུགས་གཅིག་སྒྲིལ། འགན་འཁྲི་ནན་ཏན་བཅས་བྱས་ཏེ་ལས་དོན་ཁག་ཏན་ཏིག་ངང་ཡག་པོ་སྒྲུབ་དགོས།

གཉིས། སྲིད་ཇུས་ཀྱི་རྒྱབ་སྐྱོར་བྱེད་ཤུགས་ཆེ་རུ་བཏང་ནས། མ་དངུལ་འཇོག་ཚད་ཇེ་མང་དུ་གཏོང་དགོས། མཚོ་བྱང་ཁུལ་ལྗང་མདོག་སྐྱེ་ལྡན་ཞིང་ཕྱུགས་ཐོན་རྫས་ཕྱིར་གཏོང་ས་ཆའི་སྣེ་ཁྲིད་ཁུལ་གྱི་ཆེད་དོན་ཁྲིད་སྟོན་མ་དངུལ་བཙུགས་ནས། ཐོན་སྐྱེད་ལས་སྣོན་སོགས་ལྷུ་ཚིགས་ཀྱི་མ་དངུལ་རོགས་སྐྱོར་བྱེད་ཤུགས་ཆེ་རུ་བཏང་སྟེ་རྟེན་གཞི་འཛུགས་སྐྲུན་དང་། ལས་སྣོན་ཞིབ་ཚགས། ཚོང་རྟགས་གསར་གཏོད། གླིང་ཁུལ་གསར་གཏོད། ཐོན་རྫས་གཉེར་ཚོང་སོགས་འགག་རྩའི་ལྷུ་ཚིགས་སུ་སྔོན་ལ་བཀོད་སྒྲིག་དང་གཙོ་གནད་ལ་རྒྱབ་སྐྱོར་བྱེད་དགོས། རྫོང་སོ་སོས་ཕྱིར་གཏོང་སྣེ་ཁྲིད་ཁུལ་འཛུགས་སྐྲུན་ལ་དམིགས་ནས་རྣམ་གྲངས་མ་དངུལ་བསྡུ་སྒྲིལ་བྱེད་རྒྱུར་སྐུལ་མ་གཏོང་བ་དང་། ནོར་སྲིད་ཀྱི་ཁ་གསབ་བྱེད་སྟངས་ཇེ་ལེགས་སུ་གཏོང་བ། དངུལ་བུན་གྱི་སྐྱེད་ཀ་འཇལ་བ། བྱ་དགའ་ཡིས་ཁ་གསབ་ཀྱི་ཚབ་བྱེད་པ། འཛུགས་སྐྲུན་བྱས་རྗེས་ཁ་གསབ་བྱེད་པ། སྲིད་གཞུང་གིས་ཞབས་ཞུ་ཉོ་སྒྲུབ་སོགས་ཀྱི་བྱེད་ཐབས་བརྒྱུད་དངུལ་རྩ་དང་སྤྱི་ཚོགས་ཀྱི་མ་རྩ་དེ་བས་མང་བ་གཏོང་རྒྱུར་སྐུལ་འདེད་བཏང་ནས། སྣ་མང་ཅན་གྱི་མ་དངུལ་གཏོང་བའི་ལམ་སྲོལ་ཆགས་སུ་འཇུག་དགོས། ཞིང་ལས་ཀྱི་འཛུགས་སྐྲུན་ལ་མཁོ་བའི་ས་ཆ་གསར་སྣོན་གྱི་འགན་སྲུང་སྲིད་ཇུས་དོན་འཁྱོལ་ཡག་པོ་བྱས་ནས། ཞིང་ཕྱུགས་ཐོན་རྫས་ལས་སྣོན་ལ་མཁོ་བའི་ས་ཆའི་གནད་དོན་འགན་སྲུང་བྱེད་དགོས། དངུལ་རྩའི་ཞབས་ཞུ་བྱེད་ཤུགས་ཆེ་རུ་གཏོང་བ་དང་། གཟིགས་སྐྱོང་སྲིད་ཇུས་འདོན་པ། ཡིད་རྟོན་དངུལ་བུན་གྱི་འགྲོ་ལུགས་སྟབས་བདེ་བཟོ་བ། ཡིད་རྟོན་དངུལ་བུན་གྱི་གཞི་ཁྱོན་ཆེ་རུ་གཏོང་བ་བཅས་བྱེད་དགོས། ཞིང་ཕྱུགས་ལས་རིགས་ཀྱི་མ་དངུལ་བསྡུ་སྒྲིལ་གྱི་འགན་སྲུང་མ་ལག་གི་ནུས་པ་འདོན་སྤེལ་བྱས་ནས། མ་དངུལ་བསྡུ་སྒྲིལ་གྱི་ཁག་ཐེག་ནུས་པ་ཆེ་རུ་གཏོང་དགོས། ཞིང་ཕྱུགས་ལས་ཀྱི་ཐོན་སྐྱེད་གུན་སྐྱོབ་སྲིད་ཇུས་འཐུས་ཚང་དུ་གཏོང་བ་དང་། སྲིད་ཇུས་རང་བཞིན་གྱི་འགན་བཅོལ་ཁྱབ་རྒྱ་ཆེ་རུ་བཏང་སྟེ་ཞིང་ཕྱུགས་ཐོན་ལས་ཀྱི་རྨང་གཞི་བརྟན་པོ་ཡོང་བ་འགན་ལེན་བྱེད་དགོས།

གསུམ། དཔྱད་ཞིབ་ལམ་སྲོལ་འཐུས་ཚང་དུ་བཏང་ནས། ལྟ་སྐུལ་ཞིབ་བཤེར་བྱེད་ཤུགས་ཆེ་རུ་གཏོང་དགོས། ལག་བསྟར་ཇུས་གཞི་བཟོ་བ་དང་། འགན་འཁྲི་ལས་འགན་ཁ་གསལ་བཟོ་བ། ལས་འགན་གསལ་ཐོ་བཟོ་བ། ལས་ཀའི་བྱེད་ཐབས་ཞིབ་ཕྲ་བཟོ་བ་བཅས་བྱེད་དགོས། དམིགས་ཚད་ལྟ་སྐུལ་ཞིབ་བཤེར་དང་དཔྱད་ཞིབ་བྱེད་ཤུགས་ཆེ་རུ་བཏང་ནས། ལྗང་མདོག་སྐྱེ་ལྡན་གྱི་ཞིང་ཕྱུགས་ཐོན་རྫས་ཕྱིར་གཏོང་ཁུལ་འཛུགས་སྐྲུན་གྱི་ལས་དོན་དེ་རྫོང་སོ་སོ་དང་། ཁུལ་ཐད་གཏོགས་སྡེ་ཁག་དག་གི་ལོ་འཁོར་གྱི་དམིགས་ཚད་ལས་འགན་དཔྱད་ཞིབ་ཁྱབ་ཁོངས་སུ་འཇུག་པ་དང་། ལས་དོན་རྩིས་ཁྲ་བཟོས་ཏེ་ལས་ཀའི་འཕེལ་རིམ་དུས་ཚིགས་ལྟར་བཀོད་སྒྲིག་དང་། ལོ་ཕྱེད་ཕྱོགས་སྡོམ། ལོ་འཁོར་དཔྱད་ཞིབ་བཅས་བྱས་ཏེ་མ་དངུལ་དོན་འཁྱོལ་བྱས་ཚུལ་དང་རྣམ་གྲངས་འཛུགས་སྐྲུན་གྱི་ཕན་འབྲས་སོགས་ལ་དུས་བཅད་ལྟར་ལྟ་སྐུལ་ཞིབ་བཤེར་བྱེད་དགོས། ལྟ་ཞིབ་ཚད་ལེན་དང་གདེང་འཇོག་དམིགས་ཚད་མ་ལག་འཛུགས་པ་དང་འཐུས་ཚང་དུ་བཏང་ནས་གདེང་འཇོག་བྱས་པའི་མཇུག་འབྲས་དེ་སྲིད་གཞུང་གི་ཕན་འབྲས་དཔྱད་ཞིབ་དམིགས་ཚད་མ་ལག་ནང་འཇུག་དགོས།

བཞི། དྲིལ་སྒྲོག་སྣེ་ཁྲིད་བྱེད་པར་ཤུགས་བསྣན་ནས། སྣང་ཚུལ་ལེགས་པོ་གསར་དུ་བསྐྲུན་དགོས། རླུང་འཕྲིན་དང་བརྙན་འཕྲིན། སྨྱན་སྦྱོར་གསར་པ་སོགས་ཀྱི་བྱེད་ཐབས་སྣ་ཚོགས་བེད་སྤྱོད་གང་ལེགས་བྱས་ནས། ལྗང་མདོག་སྐྱེ་ལྡན་གྱི་ཞིང་ཕྱུགས་ཐོན་རྫས་ཕྱིར་གཏོང་ཁུལ་འཛུགས་སྐྲུན་བྱེད་པའི་གལ་ཆེའི་དོན་སྙིང་དང་། དམིགས་ཚད་ལས་འགན། སྲིད་ཇུས་བྱེད་ཐབས་བཅས་རྒྱ་ཁྱབ་ངང་དྲིལ་སྒྲོག་བྱེད་དགོས། དུས་ཐོག་ཏུ་ཉམས་མྱོང་ཕྱོགས་སྡོམ་དང་དཔེ་སྟོན་དཔེ་མཚོན་འཛུགས་པ། ཉམས་མྱོང་བཟང་པོ་དང་བྱེད་ཐབས་བཟང་པོ་ཁྱབ་གདལ་གཏོང་བ་བཅས་བྱས་ནས། སྤྱི་ཚོགས་ཡོངས་ཀྱིས་ལྗང་མདོག་སྐྱེ་ལྡན་ཞིང་ཕྱུགས་ཐོན་རྫས་ཕྱིར་གཏོང་ས་ཆའི་སྣེ་ཁྲིད་ཁུལ་ལ་དོ་ཁུར་དང་དེར་ཞུགས་པ། རྒྱབ་སྐྱོར་བཅས་བྱེད་པའི་རྣམ་པ་བཟང་པོ་ཞིག་གཏོད་དགོས།