མཚོ་བྱང་ཁུལ་མི་དམངས་སྲིད་གཞུང་གཞུང་ལས་ཁང་གི《མཚོ་བྱང་ཁུལ་གྱི་ཉོ་ཚོང་དོ་དམ་ཁྱབ་ཁོངས་ཀྱི་སྡེབ་སིལ་འཚོང་དང་ཞག་སྡོད་བཟའ་བཏུང་ལས་རིགས་འཕེལ་རྒྱས་ཀྱི་རྒྱབ་སྐྱོར་བྱེད་ཐབས》 དཔར་འགྲེམ་བྱས་པའི་སྐོར་གྱི་བརྡ་སྦྱོར།

བྱང་སྲིད་གཞུང་འཕྲིན〔2022〕ཨང38པ། 

རྫོང་སོ་སོའི་མི་དམངས་སྲིད་གཞུང་དང་མཚོ་སྔོན་པོ་ཞིང་ར། ཁུལ་སྲིད་གཞུང་གི་སྡེ་ཁག་སོ་སོར།     

《མཚོ་བྱང་ཁུལ་གྱི་ཉོ་ཚོང་ཁྱབ་ཁོངས་ཀྱི་སྡེབ་སིལ་འཚོང་དང་ཞག་སྡོད་བཟའ་བཏུང་ལས་རིགས་འཕེལ་རྒྱས་ཀྱི་རྒྱབ་སྐྱོར་བྱེད་ཐབས》ལ་ཁུལ་སྲིད་གཞུང་གི་རྒྱུན་ལས་ཚོགས་འདུ་ཐེངས13པའི་སྟེང་ཞིབ་འཇུག་བྱས་ནས་གྲོས་འཆམ་བྱུང་། ད་ལྟ་ཁྱེད་ཚོར་དཔར་འགྲེམ་བྱེད་པ་ཡིན་པས། དོན་དངོས་དང་ཟུང་འབྲེལ་གྱིས་ལག་བསྟར་དོན་འཁྱོལ་ནན་ཏན་བྱེད་རོགས།     

མཚོ་བྱང་ཁུལ་མི་དམངས་སྲིད་གཞུང་གཞུང་ལས་ཁང་།
2022ལོའི་ཟླ4ཚེས8ཉིན།     

མཚོ་བྱང་ཁུལ་གྱི་ཉོ་ཚོང་ཁྱབ་ཁོངས་ཀྱི་སྡེབ་སིལ་འཚོང་དང་ཞག་སྡོད་བཟའ་བཏུང་ལས་རིགས་འཕེལ་རྒྱས་ཀྱི་རྒྱབ་སྐྱོར་བྱེད་ཐབས།

པྲོག་གསར་གློ་ཚད་རིམས་ནད་ཀྱི་ཤུགས་རྐྱེན་ལ་ཁ་གཏད་ནུས་ལྡན་འཇལ་བ་དང་མཚོ་བྱང་ཁུལ་གྱི་ཉོ་ཚོང་ཁྱབ་ཁོངས་ཀྱི་སྡེབ་སིལ་འཚོང་དང་ཞག་སྡོད་བཟའ་བཏུང་ལས་རིགས་སླར་གསོ་འཕེལ་རྒྱས་གཏོང་བ། ཚོང་རའི་འཛད་སྤྱོད་བརྟན་བརླིང་དང་འཛད་སྤྱོད་ཡིད་ཆེས་ཆེ་རུ་གཏོང་བ། དཔལ་འབྱོར་བརྟན་འཇགས་ངང་འཕེལ་རྒྱས་བཅས་ཡོང་བར་སྐུལ་འདེད་གཏོང་ཆེད། 《རྒྱལ་ཁབ་འཕེལ་རྒྱས་དང་བཅོས་སྒྱུར་ཨུ་ལྷན་སོགས་སྡེ་ཁག་གིས་འགྲེམ་སྤེལ་བྱས་པའི〈ཞབས་ཞུའི་ལས་རིགས་ཁྱབ་ཁོངས་ཀྱི་དཀའ་ངལ་ཡོད་པའི་ལས་རིགས་འཕེལ་རྒྱས་སླར་གསོ་ཡོང་བར་སྐུལ་འདེད་གཏོང་བའི་སྐོར་གྱི་སྲིད་ཇུས་འགའི〉བརྡ་སྦྱོར》ལྟར། འཕེལ་བཅོས་ནོར་སྲིད་དངུལ་རྩ2022ཨང271དང《མཚོ་སྔོན་ཞིང་ཆེན་མི་དམངས་སྲིད་གཞུང་གཞུང་ལས་ཐིང་གིས་དཔར་འགྲེམ་བྱས་པའི〈ཁེ་ལས་ལ་རོགས་སྐྱོར་དང་དཀའ་ངལ་སེལ་རོགས་བྱེད་ཤུགས་སྔར་བས་ཆེ་རུ་བཏང་ནས་ཁེ་ལས་འབྲིང་ཆུང་སྤུས་ཚད་མཐོན་པོའི་སྒོ་ནས་འཕེལ་རྒྱས་གཏོང་བར་སྐུལ་སྤེལ་བྱེད་པའི་བྱེད་ཐབས་འགའི〉བརྡ་སྦྱོར》མཚོ་སྲིད་གཞུང་ལས་ཁང2022ཨང4པཡིག་ཆའི་དགོངས་དོན་སྐོར་ལ་གཤམ་གསལ་གྱི་བྱེད་ཐབས་དམིགས་སུ་བཀར་ནས་གཏན་འབེབས་བྱས་ཡོད། 

ཁུལ་སྲིད་གཞུང་གཞུང་ལས་ཁང་གིས《མཚོ་བྱང་ཁུལ་ནོར་སྲིད་ཀྱིས་དངོས་ཚན་དཔལ་འབྱོར་ལ་རྒྱབ་སྐྱོར་བྱེད་པའི་དངུལ་བུན་སྐྱེད་གསབ་མ་དངུལ་དོ་དམ་བྱེད་ཐབསབཟོ་བཅོས་མདཔར་འགྲེམ་བྱས་པའི་སྐོར་གྱི་བརྡ་སྦྱོར》བྱང་སྲིད་གཞུང་ལས་ཁང2021ཨང121གྱི་བླང་བྱ་ལྟར་མུ་མཐུད་དུ་སྡེབ་སིལ་འཚོངཐོན་ཁུངས་སྔོག་འདོན་ལས་སྣོན་དང་འཛུགས་སྐྲུན་རིགས་ཚུད་མེདདང་ཞག་སྡོད་བཟའ་བཏུང་ཁེ་ལས་གྱི་དངུལ་ཁང་གི་དངུལ་བུན་སྐྱེད་གསབ་ལ་རྒྱབ་སྐྱོར་བྱེད་ཤུགས་ཆེ་རུ་གཏོང་དགོས། 

《ཞིང་ཆེན་ཏང་ཨུའི་གཞུང་ལས་ཐིང་དང་ཞིང་ཆེན་སྲིད་གཞུང་གི་གཞུང་ལས་ཐིང་གི〈དམངས་གཉེར་ཁེ་ལས་དང་ཁེ་ལས་ཆུང་གྲས་ལ་དངུལ་རྩའི་ཞབས་ཞུ་ཆེ་རུ་གཏོང་བའི་བྱེད་ཐབས་འགའ〉དཔར་འགྲེམ་བྱས་པའི་སྐོར་གྱི་བརྡ་སྦྱོར》མཚོ་གཞུང་ལས་ཐིང་སྤེལ2019ཨང32པདང་མཚོ་བྱང་ཁུལ་གྱི《མཚོ་བྱང་ཁུལ་གྱི་དམངས་གཉེར་ཁེ་ལས་དང་ཁེ་ལས་ཆུང་གྲས་ལ་དངུལ་རྩའི་ཞབས་ཞུ་ཆེ་རུ་གཏོང་བའི་སྐོར་གྱི་བྱེད་ཐབས་བཅུ་གསུམ》གྱི་བླང་བྱ་ལྟར། སྡེབ་སིལ་འཚོང་དང་ཞག་སྡོད། བཟའ་བཏུང་ཁེ་ལས་ཀྱིས་རང་ཡོད་མ་དངུལ་དང་སྤྱི་ཚོགས་ཀྱི་མ་དངུལདངུལ་ཁང་གི་དངུལ་བུན་ཚུད་མེདསྤྱད་དེ་གཏན་འཇགས་རྒྱུ་ནོར་ལ་མ་དངུལ་གཏོང་པའི་རྣམ་གྲངས་སྤེལ་ན། བྱེད་ཐབས་འདི་པར་འགྲེམ་བྱས་ཉིན་ནས་བཟུང་གསར་སྣོན་བྱུང་བའི་བཅད་གྲངས་ཡན་གྱི་ཚོང་དོན་ཁེ་ལས་ཡིན་རུང། གཏན་འཇགས་རྒྱུ་ནོར་གྱི་དངུལ་གཏོང་རྣམས་གྲངས་ལ་རིམ་པ་སོ་སོའི་ནོར་སྲིད་ཀྱི་རིགས་སྣ་སོ་སོའི་ནོར་སྲིད་མ་དངུལ་གྱི་རྒྱབ་སྐྱོར་སྲིད་ཇུས་ལོངས་སྤྱོད་བྱེད་མྱོང་མེད་པར། རྣམ་གྲངས་འཛུགས་སྐྲུན་གྱི་ནང་དོན་དང་མ་འཇོག་གཞི་ཁྱོན་སོགས་ལ་གཞིགས་ནས་ཁ་གསབ་དངུལ་གྲངས་གཏན་ཁེལ་བྱེད་རྒྱུ་དང་། རྣམ་གྲངས་རྐྱང་པའི་ཁ་གསབ་དངུལ་གྲངས་དེ་རྣམ་གྲངས་མ་གཏོང་སྡོམ་འབོར་གྱི5%ལས་མི་བརྒལ་བ་དང་ཁ་གསབ་དངུལ་གྲངས་མཐོ་ཤོས་སྒོར་ཁྲི50ལས་མི་བརྒལ་བ་བྱ་རྒྱུ་ཡིན། 

《མཚོ་བྱང་ཁུལ་གྱིས་〈མཚོ་སྔོན་ཞིང་ཆེན་གྱི་དམངས་གཉེར་དཔལ་འབྱོར་དང་ཁེ་ལས་ཆུང་འབྲིང་སྤུས་ཚད་མཐོན་པོའི་ངང་འཕེལ་རྒྱས་སུ་གཏོང་བར་སྐུལ་འདེད་བྱེད་པའི་སྲིད་ཇུས་དང་བྱེད་ཐབས་འགའི་ལག་བསྟར་ཇུས་གཞི〉ལག་བསྟར་དོན་འཁྱོལ་བྱེད་པའི་འོས་འགན་ལས་བགོས་ཇུས་གཞིའི》བླང་བྱ་ལྟར། འཛད་སྤྱོད་དངོས་རྫས་ཀྱི་ཐོན་ལས་གྲུབ་ཚུལ་སྔར་བས་ཇེ་ལེགས་སུ་གཏོང་བ་དང་། ཚོང་རའི་ཐོབ་སྐལ་ཚོད་འཛིན་བྱེད་པ་མཐོར་འདེགས། གཞི་ཁྱོན་ངེས་ཅན་ཡོད་པ་མ་ཟད་འཕེལ་རྒྱས་ཀྱི་གཏིང་ཤུགས་ཅུང་ཆེན་པོ་ལྡན་ཞིང་། གཅིག་གྱུར་ཐོག་སྡོམ་རྩིས་རྒྱག་པའི་ཁེ་ལས་དེ་བཅད་གྲངས་ཡན་གྱི་ཁྲིམས་མིའི་ཁེ་ལས་སུ་རྩིས་ནས་སྐྱེད་སྲིང་དང་འཕེལ་རྒྱས་གཏོང་དགོས། ལོ་རེར་བྲིན་ཚོང་བྱེད་ཚད་སྒོར་ཁྲི1500ཡན་ཟིན་པའི་སྡེབ་ཚོང་ཁེ་ལས་དང་། སྒོར་ཁྲི300ཡན་གྱི་སིལ་ཚོང་ཁེ་ལས། སྒོར་ཁྲི100ཡན་གྱི་ཞག་སྡོད་བཟའ་བཏུང་ཁེ་ལས་བཅས་གཙོ་གནད་དུ་བཟུང་ནས་སྐྱེད་སྲིང་བྱས་ཏེ། ཚོང་དོན་འཁོར་རྒྱུག་ཁྱབ་ཁོངས་ཀྱི་བཅད་གྲངས་ཡན་གྱི་ཁེ་ལས་ཀྱི་གྲངས་འབོར་མང་དུ་གཏོང་དགོས། བཅད་གྲངས་ཡན་གྱི་ཚད་གཞི་ལོན་པའི་གསར་བཙུགས་དང་གཅིག་གྱུར་ཁེ་ལས་ལ་ཐེངས་གཅིག་རང་བཞིན་གྱི་བྱ་དགའ་སྒོར་ཁྲི10སྤྲོད་རྒྱུ། 

ཁུལ་སྡོམ་རྩིས་ཅུ་ཡིས་ལོ་མཇུག་ཏུ་ལྡོག་འདྲེན་བྱས་པའི་གཞི་གྲངས་ལྟར། ལོ་འཁོར་གོང་མར་ཁུལ་ཡོངས་ཀྱི་སྤྱི་ཚོགས་འཛད་རྫས་སིལ་ཚོང་སྡོམ་འབོར་གྱིས་ཟིན་ཚད་ཅུང་ཆེ་བ་དང་ལེགས་སྐྱེས་འབུལ་ཚད་ཅུང་མཐོ་བ་མ་ཟད། སྤྱི་ཚོགས་ཀྱི་འཛད་རྫས་སིལ་ཚོང་བྱེད་ཚད་ལོ་གོང་མའི་དུས་མཚུངས་ལས10%ཡན་འཕར་བའི་བཅད་གྲངས་ཡན་གྱི་ཁེ་ལས་ལ་ཐེངས་གཅིག་རང་བཞིན་གྱི་བྱ་དགའ་སྒོར་ཁྲི10སྤྲོད་པ་དང་བཅད་གྲངས་ཡན་གྱི་ཞག་སྡོད་བཟའ་བཏུང་ཁེ་ལས་ལ་བྱ་དགའ་སྒོར་ཁྲི5སྤྲོད་པ་ཡིན། 

འཛད་སྤྱོད་ལ་སྐུལ་འདེད་གཏོང་བའི་བྱེད་སྒོ་མུ་མཐུད་དུ་ལེགས་པར་སྤེལ་བ་དང་། ཁེ་ཕབ་གཅོག་དང་འཛད་སྤྱོད་འཛིན་ཤོག་སྤྲོད་པ་སོགས་ཀྱི་བྱེད་ཐབས་སྣ་ཚོགས་སྤྱད་དེ། ས་གནས་རང་གི་འཛད་སྤྱོད་ཀྱི་མངོན་མེད་ནུས་པ་སྐུལ་སློང་བྱེད་པ་དང་། ས་གནས་རང་གི་ཚོང་ར་དང་ས་གནས་རང་གི་ཁེ་ལས་ལ་གཟིགས་སྐྱོང་སྔར་ལས་མང་ཙམ་བྱས་ཏེ། འཛད་སྤྱོད་མཚོ་བྱང་དུ་འཇོག་པ་དང་མཚོ་བྱང་གི་ཁེ་ལས་ལ་སྔར་ལས་མང་བའི་ཕན་ཐོགས་པར་སྐུལ་འདེད་གཏོང་དགོས། ས་ཁུལ་སོ་སོ་དང་སྡེ་ཁག་སོ་སོས་བཟོ་ཚོགས་ཀྱི་ཕན་བདེ་དང་། གཞུང་དོན་མཁོ་ཆས་ཉོ་སྒྲུབ། ལས་ཁུངས་ཀྱི་ཟ་ཁང་གི་བཟའ་བཅའི་རྒྱུ་ཆ་སོགས་དངོས་ཟོག་སྤྲོད་སྐབས་རང་ཁོངས་གཏོགས་ཀྱི་བཅད་གྲངས་ཡན་གྱི་ཚོང་ལས་ཁྲོམ་ར་ཁེ་ལས་ནས་ཉོ་སྒྲུབ་བྱ་རྒྱུར་ཁྲིད་སྟོན་དང་ལྕག་སྐུལ་བྱེད་པ་མ་ཟད། ཡུན་རིང་ཚོང་ཟོག་མཁོ་འདོན་གྱི་གན་རྒྱ་བཞག་ནས་ཁུལ་ཡོངས་ཀྱི་སྤྱི་ཚོགས་འཛད་རྫས་སིལ་ཚོང་སྡོམ་འབོར་བརྟན་པོའི་ངང་འཕར་བར་སྔར་བས་སྐུལ་མ་བཏང་སྟེ། རང་རེའི་ཁུལ་གྱི་ཐོན་ལས་གསུམ་པསGDPནང་བཟུང་བའི་བསྡུར་ཚད་ཆེ་རུ་གཏོང་དགོས།