མཚོ་བྱང་ཁུལ་མི་དམངས་སྲིད་གཞུང་གཞུང་ལས་ཁང་གི《མཚོ་བྱང་ཁུལ་གྱི་ནད་ཀྱིས་ཤི་བའི་སྒོ་ཟོག་ཁྱིམ་བྱ་དང་ནད་ཕོག་པའི་སྒོ་ཟོག་ཁྱིམ་བྱའི་ཐོན་རྫས་གནོད་མེད་ཅན་དུ་ཐག་གཅོད་པའི་ལས་དོན་གྱི་ཚོད་ལྟའི་བྱེད་ཐབས》དཔར་འགྲེམ་བྱས

རྩོམ་སྒྲིག དམ་ཆོས་བསམ་འགྲུབ། ཡོང་ཁུངས། མཚོ་བྱང་སྲིད་དོན་སྤྱི་བསྒྲགས།  བཤེར་འབེབས། རྡོ་རྗེ་བྱམས།

བྱང་སྲིད་གཞུང་ལས་ཁང〔2022〕ཨང53པ།

རྫོང་སོ་སོའི་མི་དམངས་སྲིད་གཞུང་དང་མཚོ་སྔོན་པོའི་ཞིང་ར། ཁུལ་སྲིད་གཞུང་གི་སྡེ་ཁག་དང་ལས་ཁུངས་སོ་སོར། 

ཁུལ་ཞིང་ཕྱུགས་དང་ཚན་རྩལ་ཅུས་འཆར་འགོད་བྱས་པའི《མཚོ་བྱང་ཁུལ་གྱི་ནད་ཀྱིས་ཤི་བའི་སྒོ་ཟོག་ཁྱིམ་བྱ་དང་ནད་ཕོག་པའི་སྒོ་ཟོག་ཁྱིམ་བྱའི་ཐོན་རྫས་གནོད་མེད་ཅན་དུ་ཐག་གཅོད་པའི་ལས་དོན་གྱི་ཚོད་ལྟའི་བྱེད་ཐབས》ཁུལ་སྲིད་གཞུང་གི་རྒྱུན་ལས་གྲོས་ཚོགས་ཐེངས19པའི་ཐོག་ཞིབ་འཇུག་བྱས་ནས་གྲོས་འཆམ་བྱུང་ཞིང་། ད་ལྟ་ཁྱེད་ཚོར་དཔར་འགྲེམ་བྱ་རྒྱུ་ཡིན་པས་སྒྲིག་འཛུགས་དང་ལག་བསྟར་ནན་ཏན་བྱེད་རོགས། 

མཚོ་བྱང་ཁུལ་མི་དམངས་སྲིད་གཞུང་གཞུང་ལས་ཁང་གིས། 

2022ལོའི་ཟླ7ཚེས11ཉིན། 

མཚོ་བྱང་ཁུལ་གྱི་ནད་ཀྱིས་ཤི་བའི་སྒོ་ཟོག་ཁྱིམ་བྱ་དང་ནད་ཕོག་པའི་སྒོ་ཟོག་ཁྱིམ་བྱའི་ཐོན་རྫས་གནོད་མེད་ཅན་དུ་ཐག་གཅོད་པའི་ལས་དོན་གྱི་ཚོད་ལྟའི་བྱེད་ཐབས།

རང་ཁུལ་དུ་སྐྱེ་ཁམས་དཔལ་ཡོན་གྱི་མཐོ་ས་གསར་པ་བསྐྲུན་ནས་སྐྱེ་ཁམས་ཁོར་ཡུག་སྲུང་སྐྱོང་དང་ཕྱུགས་ལས་སྐྱོན་བྲལ་དང་བརྟན་པོར་འཕེལ་རྒྱས་འགྲོ་རྒྱུར་སྐུལ་འདེད་གཏོང་བ་དང་། རང་ཁུལ་གྱི་ནད་ཀྱིས་ཤི་བའི་སྒོ་ཟོག་ཁྱིམ་བྱ་དང་ནད་ཕོག་པའི་སྒོ་ཟོག་ཁྱིམ་བྱའི་ཐོན་རྫས་གནོད་མེད་ཅན་དུ་ཐག་གཅོད་པའི་ལས་དོན་ལ་སྐུལ་འདེད་བརྟན་པོར་གཏོང་བ། ཞིང་ལས་ཀྱི་ཁ་གཏིང་གཉིས་ཀྱི་སྦགས་བཙོག་བཅོས་སྐྱོང་ནུས་ལྡན་བྱེད་པ། བེད་མེད་དངོས་པོ་ཐོན་ཁུངས་ཅན་དུ་བེད་སྤྱོད་བྱེད་ནུས་ཆེ་རུ་གཏོང་བ། ནུས་བསྲི་གཏོང་འཕྲི་དང་སྐྱེ་ཁམས་མ་ལག་བརྟན་བརླིང། ཐོན་ཁུངས་འཁོར་རྒྱུག་ནུས་ཆེའི་བེད་སྤྱོད་བཅས་ཀྱི་ཕྱུགས་ལས་ལྗང་མདོག་འཕེལ་རྒྱས་ཀྱི་རྣམ་པ་གསར་པ་ཞིག་ཆགས་པ་བཅས་བྱས་ཏེ། མཚོ་བྱང་ཁུལ་གྱི་ལྗང་མདོག་སྐྱེ་ལྡན་ཞིང་ཕྱུགས་ཐོན་རྫས་ཕྱིར་གཏོང་བྱ་ཡུལ་གྱི་སྣེ་ཁྲིད་ཁུལ་འཛུགས་སྐྲུན་ལ་རམ་འདེགས་བྱེད་དགོས། ཞིང་ལས་ཞིང་སྡེ་པུ་དང་ནོར་སྲིད་པུའི《ནད་ཀྱིས་ཤི་བའི་སྒོ་ཟོག་ཁྱིམ་བྱ་གནོད་མེད་ཅན་དུ་ཐག་གཅོད་པའི་ལས་དོན་ལ་སྔར་བས་ཤུགས་སྣོན་པའི་སྐོར་གྱི་བསམ་འཆར》(ཞིང་ཕྱུགས་སྤེལ〔2020〕ཨང6པ)དང་། ཞིང་ལས་ཞིང་སྡེ་པུའི《ནད་ཀྱིས་ཤི་བའི་སྒོ་ཟོག་ཁྱིམ་བྱ་དང་ནད་ཕོག་པའི་སྒོ་ཟོག་ཁྱིམ་བྱའི་གནོད་མེད་ཅན་དུ་ཐག་གཅོད་པའི་དོ་དམ་བྱེད་ཐབས》། ཞིང་ཆེན་ཞིང་ལས་ཞིང་སྡེ་ཐིང་དང་ཞིང་ཆེན་ནོར་སྲིད་ཐིང་། ཞིང་ཆེན་འཕེལ་རྒྱས་དང་བཅོས་སྒྱུར་ཨུ་ལྷན། ཞིང་ཆེན་དངུལ་ཁང་རྟོག་དམ་ཅུ་བཅས་ཀྱི《མཚོ་སྔོན་ཞིང་ཆེན་གྱི་ནད་ཀྱིས་ཤི་བའི་སྒོ་ཟོག་ཁྱིམ་བྱ་གཅིག་སྡུད་གནོད་མེད་ཅན་དུ་ཐག་གཅོད་པའི་སྲིད་ཇུས་ཚོད་ལྟའི་ལས་དོན་ཇུས་གཞི་དཔར་འགྲེམ་བྱས་པའི་སྐོར་གྱི་བརྡ་སྦྱོར》(མཚོ་སྔོན་ཞིང་ལས་སྨན་རྫས〔2022〕ཨང88པ)གྱི་བླང་བྱ་གཞིར་བཟུང་ནས། རང་ཁུལ་གྱི་དོན་དངོས་ལ་ཟུང་འབྲེལ་བྱས་ཏེ་ཚོད་ལྟའི་ཇུས་གཞི་འདི་ཆེད་དུ་གཏན་འབེབས་བྱས་ཡོད་ལ། ཚོད་ལྟའི་དུས་ཚད2022ལོ་ནས2023ལོའི་བར་ཡིན།

གཅིག  སློབ་སྟོན་བསམ་བློ། 

ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་པ་མཛུབ་ཁྲིད་དུ་བྱས་ཏེ། ཏང་གི་ཚོགས་ཆེན་བཅུ་དགུ་པ་དང་སྐབས་བཅུ་དགུ་པའི་ཚང་འཛོམས་གྲོས་ཚོགས་རིམ་བྱུང་དང་ཞིང་ཆེན་གྱི་ཏང་གི་འཐུས་མི་ཚོགས་ཆེན་ཐེངས་བཅུ་བཞི་པའི་དགོངས་དོན་ཕྱོགས་ཡོངས་ནས་ལག་བསྟར་དོན་འཁྱོལ་བྱེད་པ་དང་། ལྗང་མདོག་སྐྱེ་ལྡན་གྱི་ཞིང་ཕྱུགས་ཐོན་རྫས་ཕྱིར་གཏོང་སྣེ་ཁྲིད་ཁུལ་འཛུགས་སྐྲུན་བྱ་རྒྱུ་དམིགས་ཚད་དུ་བྱེད་པ། འཕེལ་རྒྱས་ཀྱི་འདུ་ཤེས་གསར་པ་རྒྱུན་འཁྱོངས་བྱེད་པ། སྐྱེ་ཁམས་འཁོར་རྒྱུག་གི་ཞིང་ཕྱུགས་ལས་འཕེལ་རྒྱས་གཏོང་རྒྱུ་གཙོ་གནད་དུ་བྱེད་པ། “ཕྱོགས་ཡོངས་བཞི”ལ་མཐུན་སྦྱོར་སྐུལ་འདེད་གཏོང་བ་དང“སྔོན་འགྲོག་གཅིག་དང་སྤུས་ལེགས་གཉིས”ཀྱི་འཐབ་ཇུས་བཀོད་སྒྲིག་ཕྱོགས་ཡོངས་ནས་དོན་འཁྱོལ་བྱེད་པ། “ས་ཁུལ་བཞིའི་འཛུགས་སྐྲུན”ནང་རང་འགུལ་ངང་ཞུགས་པ། ལྗང་མདོག་འཕེལ་རྒྱས་གཏོང་རྒྱུ་ཁྲིད་སྟོན་དུ་བྱེད་པ་བཅས་བྱས་ཏེ། “སྤུས་ལེགས་ནུས་ཆེ་དང་སྐྱེ་ལྡན་བདེ་འཇགས། ཐོན་ཁུངས་གྲོན་ཆུང་། ཁོར་ཡུག་མཛའ་མཐུན”བཅས་ཀྱི་མཐོ་སྒང་དེང་རབས་ཞིང་ཕྱུགས་ལས་འབུར་དུ་གཏོད་དགོས། སྐྱེ་ཁམས་དཔལ་ཡོན་འཛུགས་སྐྲུན་དང་གྲོང་གསེབ་དར་སྤེལ། སྐྱོན་བྲལ་མཚོ་སྔོན་བཅས་ལ་སྐུལ་འདེད་གཏོང་བའི་སྤྱིའི་བླང་བྱ་གཞིར་བཟུང་སྟེ། “སྐྱེ་ཁམས་སྔོན་ལ་འཇོག་པ་དང་། རིམས་འགོག་སྔོན་ལ་འཇོག་པ། ལྗང་མདོག་འཕེལ་རྒྱས་གཏོང་བའི”རྩ་དོན་རྒྱུན་འཁྱོངས་བྱེད་དགོས། ནད་ཀྱིས་ཤི་བའི་སྒོ་ཟོག་ཁྱིམ་བྱ་དང་ནད་ཕོག་པའི་སྒོ་ཟོག་ཁྱིམ་བྱའི་ཐོན་རྫས་གནོད་མེད་ཅན་དུ་ཐག་གཅོད་པའི་དྲ་བ་གཅིག་གྱུར་གྱིས་འཆར་འགོད་དང་བཀོད་སྒྲིག་ལུགས་མཐུན་བྱེད་པ་དང་། སྒོ་ཟོག་ཁྱིམ་བྱའི་གུན་སྐྱོབ་དང་གནོད་མེད་ཅན་དུ་ཐག་གཅོད་པའི་མཉམ་འགུལ་རྐྱེན་སྲོལ་འཐུས་ཚང་དུ་གཏོང་བ། ཡུལ་བབ་དང་བསྟུན་ནས་འབྲོག་ཁུལ་དེང་རབས་ཅན་དུ་སྒྱུར་བའི་འཛུགས་སྐྲུན་ལ་འཚམ་པའི་ནད་ཀྱིས་ཤི་བའི་སྒོ་ཟོག་ཁྱིམ་བྱ་དང་ནད་ཕོག་པའི་སྒོ་ཟོག་ཁྱིམ་བྱའི་ཐོན་རྫས་གནོད་མེད་ཅན་དུ་ཐག་གཅོད་པའི་མ་ལག་དང་རྐྱེན་སྲོལ་ཧུར་ཐག་གིས་འཚོལ་ཞིབ་དང་འཐུས་ཚང་དུ་གཏོང་བ་བཅས་བྱས་ཏེ།  ནད་ཀྱིས་ཤི་བའི་སྒོ་ཟོག་ཁྱིམ་བྱ་དང་ནད་ཕོག་པའི་སྒོ་ཟོག་ཁྱིམ་བྱའི་ཐོན་རྫས་གནོད་མེད་ཅན་དུ་ཐག་གཅོད་པ་ཐོན་ཁུངས་ཅན་གྱི་ཕྱོགས་བསྡུས་བེད་སྤྱོད་ཕྱོགས་སུ་བར་བརྒལ་བྱེད་པར་སྐུལ་སྤེལ་བྱེད་དགོས།

གཉིས། ལས་དོན་དམིགས་ཚད། 

ནད་ཀྱིས་ཤི་བའི་སྒོ་ཟོག་ཁྱིམ་བྱ་དང་ནད་ཕོག་པའི་སྒོ་ཟོག་ཁྱིམ་བྱའི་ཐོན་རྫས་གནོད་མེད་ཅན་དུ་ཐག་གཅོད་པའི་མ་ལག་འཛུགས་སྐྲུན་བྱ་རྒྱུ་དེ་སྤྱི་ཚོགས་ཀྱི་སྤྱི་ཕན་བྱ་གཞག་གི་ཁོངས་སུ་གཏོགས་པ་དང་ཁོར་ཡུག་སྲུང་སྐྱོང་གི་བཟོ་སྐྲུན་ཞིག་ཡིན། “སྲིད་གཞུང་གིས་གཙོ་ཁྲིད་དང་ཚོང་རའི་འཁོར་སྐྱོད། གཅིག་གྱུར་འཆར་འགོད། ཡུལ་བབ་དང་བསྟུན་པ། ནོར་སྲིད་ཀྱི་ཁ་གསབ། གུན་སྐྱོབ་མཉམ་འགུལ”བཅས་ཀྱི་རྩ་དོན་གཞིར་བཟུང་ནས། མཚོ་སྔོན་ཞིང་ཆེན་གྱིས་རང་ཁུལ་དུ་ནད་ཀྱིས་ཤི་བའི་སྒོ་ཟོག་ཁྱིམ་བྱ་གནོད་མེད་ཅན་དུ་ཐག་གཅོད་པའི་ཚོད་ལྟའི་འཛུགས་སྐྲུན་གྱི་སྤྱིའི་བླང་བྱ་སྔོན་ལ་སྤེལ་བ་རེད། “ལྔ་བཅུ་བཞི”ཡི་དུས་མཇུག་ཏུ་གསོ་བ་དང་བཤའ་བ། གཉེར་སྐྱོང་། བསྡུ་རུབ། སྐྱེལ་འདྲེན་སོགས་ལྷུ་ཚིགས་སུ་ནད་ཀྱིས་ཤི་བའི་སྒོ་ཟོག་ཁྱིམ་བྱ་གནོད་མེད་ཅན་དུ་ཐག་གཅོད་པའི་མ་ལག་རིམ་བཞིན་བསྐྲུན་ནས། ཚན་རིག་དང་མཐུན་ཞིང་འཐུས་སྒོ་ཚང་བ་དང་འཁོར་སྐྱོད་ནུས་ཆེའི་ནད་ཀྱིས་ཤི་བའི་སྒོ་ཟོག་ཁྱིམ་བྱ་དང་ནད་ཕོག་པའི་སྒོ་ཟོག་ཁྱིམ་བྱའི་ཐོན་རྫས་ལས་བྱུང་བའི་ཟས་རིགས་བདེ་འཇགས་དང་ཁོར་ཡུག་སྦགས་བཙོག རིམས་ནད་འགོས་ཁྱབ་སོགས་སྤྱི་བའི་འཕྲོད་བསྟེན་དོན་རྐྱེན་མི་འབྱུང་བར་འགན་ལེན་བྱེད་པ་དང་། ཁུལ་ཡོངས་ཀྱི་ཕྱུགས་ལས་ཐོན་རྫས་བདེ་འཇགས་དང་སྐྱེ་ཁམས་ཁོར་ཡུག་བདེ་འཇགས། ཕྱུགས་ལས་འཕེལ་རྒྱས་བདེ་འཇགས་བཅས་འགན་ལེན་བྱེད་དགོས། 

གསུམ། ལས་དོན་འགན་འཁྲི། 

(གཅིག) གནོད་མེད་ཅན་དུ་ཐག་གཅོད་པའི་འཁོར་སྐྱོད་མ་ལག་འཛུགས་པ་དང་འཐུས་ཚང་དུ་གཏོང་བ། 

“གཏོགས་ཁོངས་དོ་དམ་དང་སྲིད་གཞུང་གི་ཁྲིད་སྟོན། ཚོང་ར་འཁོར་སྐྱོད”བཅས་ཀྱི་བྱ་བའི་རྩ་དོན་གཞིར་བཟུང་ནས་རྩ་འཛུགས་ཀྱི་མགོ་ཁྲིད་ལ་ཤུགས་སྣོན་རྒྱག་པ་དང་སྡོམ་འགོད་ཀྱིས་འཆར་འགོད་བཀོད་སྒྲིག་བྱས་ཏེ། སྤྱི་ཚོགས་ཀྱི་སྟོབས་ཤུགས་ནད་ཀྱིས་ཤི་བའི་སྒོ་ཟོག་ཁྱིམ་བྱ་དང་ནད་ཕོག་པའི་སྒོ་ཟོག་ཁྱིམ་བྱའི་ཐོན་རྫས་གནོད་མེད་ཅན་དུ་ཐག་གཅོད་པའི་མ་ལག་ནང་ཞུགས་རྒྱུར་སྐུལ་མ་བཏང་ནས། ཁུལ་ཡོངས་ཀྱི་ནད་ཀྱིས་ཤི་བའི་སྒོ་ཟོག་ཁྱིམ་བྱ་དང་ནད་ཕོག་པའི་སྒོ་ཟོག་ཁྱིམ་བྱའི་ཐོན་རྫས་གནོད་མེད་ཅན་དུ་ཐག་གཅོད་པའི་སྒྲིག་བཀོད་འཛུགས་སྐྲུན་དང་འཁོར་སྐྱོད་དོ་དམ་རྐྱེན་སྲོལ་འཛུགས་རྒྱུར་སྐུལ་འདེད་གཏོང་བ་དང་། གནོད་མེད་ཅན་དུ་ཐག་གཅོད་པའི་སྤྱི་ཚོགས་ཅན་གྱི་ཞབས་ཞུར་ཕྱོགས་ཡོངས་ནས་སྐུལ་སྤེལ་བྱེད་དགོས།

1.གནོད་མེད་ཅན་དུ་ཐག་གཅོད་པའི་མ་ལག་འཛུགས་སྐྲུན་ལ་སྐུལ་འདེད་གཏོང་བ། ཁུལ་མི་དམངས་སྲིད་གཞུང་གིས《རྨང་གཞིའི་སྒྲིག་བཀོད་དང་སྤྱི་སྤྱོད་བྱ་གཞག་གི་དམིགས་བསལ་གཉེར་སྐྱོང་དོ་དམ་བྱེད་ཐབས》ཀྱི་གཏན་འབེབས་གཞིར་བཟུང་སྟེ། དམིགས་བསལ་གཉེར་སྐྱོང་དབང་ཆ་དམིགས་འགུག་དམིགས་འཇུག་གི་རྣམ་པའི་ཐོག་ནས་ནད་ཀྱིས་ཤི་བའི་སྒོ་ཟོག་ཁྱིམ་བྱ་དང་ནད་ཕོག་པའི་སྒོ་ཟོག་ཁྱིམ་བྱའི་ཐོན་རྫས་གནོད་མེད་ཅན་དུ་ཐག་གཅོད་པའི་ཐོབ་ཐང་ལྡན་པའི་ཕྱོགས་གསུམ་པའི་ཁེ་ལས་ཤིག་གཏན་ཁེལ་བྱེད་པ་དང་། མདའ་བཞི་རྫོང་ཁོངས་སུ་མཚོ་བྱང་ཁུལ་གྱི་ནད་ཀྱིས་ཤི་བའི་སྒོ་ཟོག་ཁྱིམ་བྱ་དང་ནད་ཕོག་པའི་སྒོ་ཟོག་ཁྱིམ་བྱའི་ཐོན་རྫས་གནོད་མེད་ཅན་གྱི་གཅིག་སྡུད་ཐག་གཅོད་ལྟེ་གནས(གཤམ་དུ་གནོད་མེད་ཅན་གྱི་གཅིག་སྡུད་ཐག་གཅོད་ལྟེ་གནས་སུ་བསྡུ་རྒྱུ)ཤིག་འཛུགས་སྐྲུན་བྱས་ཏེ། ཁུལ་གྱི་ཁོངས་གཏོགས་སུ་ནད་ཀྱིས་ཤི་བའི་སྒོ་ཟོག་ཁྱིམ་བྱ་དང་ནད་ཕོག་པའི་སྒོ་ཟོག་ཁྱིམ་བྱའི་ཐོན་རྫས་སྐྱེལ་འདྲེན་དང་གནོད་མེད་ཅན་དུ་ཐག་གཅོད་པའི་བྱ་བར་འགན་ཁུར་བ་དང་། རང་ས་གནས་ཀྱི་སྲིད་གཞུང་དང་འབྲེལ་ཡོད་སྡེ་ཁག་གི་རྟོག་དམ་དང་ལེན་བྱེད་དགོས། རྩ་དོན་ཐོག་ཁུལ་ནང་ཁུལ་དུ་གནོད་མེད་ཅན་གྱི་གཅིག་སྡུད་ཐག་གཅོད་ལྟེ་གནས་གཞན་འཛུགས་སྐྲུན་མི་བྱེད།  

2.འཚོལ་སྡུད་མ་ལག་བཀོད་སྒྲིག་དང་འཐུས་ཚང་དུ་གཏོང་བ། རྫོང་སྲིད་གཞུང་སོ་སོས་ཡུལ་སྡེ་གཙོ་བོར་བྱས་ཏེ། སྡེ་བའི་ཨུ་ལྷན་དང་མཉམ་ལས་ཁང་། བཤས་ར། གཞི་ཁྱོན་ལྡན་པའི་གསོ་ར། ཁ་ཐོར་གསོ་སྤེལ་ཁྱིམ་ཚང་བཅས་ཀྱིས་གཞོགས་འདེགས་བྱེད་པའི་ནད་ཀྱིས་ཤི་བའི་སྒོ་ཟོག་ཁྱིམ་བྱ་དང་ནད་ཕོག་པའི་སྒོ་ཟོག་ཁྱིམ་བྱའི་ཐོན་རྫས་སྡུད་རུབ་བྱེད་པའི་མ་ལག་གང་མགྱོགས་ངང་འཛུགས་དགོས། ཁོངས་གཏོགས་ཁུལ་གྱི་གསོ་སྤེལ་ཁྱབ་ཚུལ་ལ་གཞིགས་ནས་ཚད་གཞི་གཅིག་གྱུར་ཡིན་པའི་ནད་ཀྱིས་ཤི་བའི་སྒོ་ཟོག་ཁྱིམ་བྱ་དང་ནད་ཕོག་པའི་སྒོ་ཟོག་ཁྱིམ་བྱའི་ཐོན་རྫས་གཅིག་སྡུད་སྐབས་ཉར་བྱེད་ས་འཛུགས་དགོས། 2022ལོར་རྫོང་རེར་ཉུང་མཐར་ཡང་ནད་ཀྱིས་ཤི་བའི་སྒོ་ཟོག་ཁྱིམ་བྱ་གཅིག་སྡུད་སྐབས་ཉར་བྱེད་ས2བསྐྲུན་རྒྱུ་དང་། གཅིག་སྡུད་སྐབས་ཉར་བྱེད་ས་ཕྱོགས་ཡོངས་ནས་བསྐྲུན་མ་ཐུབ་སྔོན་ལ་ཡུལ་སྡེ་རེ་རེས་གནས་སྐབས་གཅིག་སྡུད་འཚོལ་བསྡུ་ས་ཚིགས1ནས2གཏན་ཁེལ་བྱེད་དགོས། 2025ལོར་སླེབས་དུས་ཡུལ་སྡེ་རེ་རེར་ཉུང་མཐར་ཡང་ནད་ཀྱིས་ཤི་བའི་སྒོ་ཟོག་ཁྱིམ་བྱ་གཅིག་སྡུད་སྐབས་ཉར་བྱེད་ས1རེ་བསྐྲུན་ནས། བཀོད་སྒྲིག་ཚན་རིག་དང་མཐུན་ཞིང་ལུགས་མཐུན་ཡིན་པ་དང་། གཅིག་གྱུར་ཐོག་སྡུད་རུབ་དོ་དམ་བྱེད་པའི་ནད་ཀྱིས་ཤི་བའི་སྒོ་ཟོག་ཁྱིམ་བྱ་དང་ནད་ཕོག་པའི་སྒོ་ཟོག་ཁྱིམ་བྱའི་ཐོན་རྫས་སྡུད་རུབ་མ་ལག་ཅིག་ཆགས་པ་བྱེད་དགོས། གཅིག་སྡུད་སྐབས་ཉར་བྱེད་ས་ནི་ཁོངས་གཏོགས་ཅན་གྱི་དོ་དམ་རྩ་དོན་ལྟར་རང་ས་གནས་ཀྱི་ཡུལ་ཚོ་དང་གྲོང་རྡལ་སྲིད་གཞུང་གིས་དོ་དམ་བྱེད་པ་དང་། གཅིག་སྡུད་སྐབས་ཉར་བྱེད་ས་རེ་རེར་ཉུང་མཐར་ཡང་ཆེད་བསྐོས་དོ་དམ་མི་སྣ་རེ་བཀོད་སྒྲིག་བྱེད་དགོས་ལ། དོ་དམ་མི་སྣ་ནི་གུན་སྐྱོབ་རོགས་ལས་པས་འགན་ཁུར་དགོས། གཅིག་སྡུད་སྐབས་ཉར་བྱེད་ས་འཁོར་སྐྱོད་དོ་དམ་དང་སྒྲིག་བཀོད་སྒྲིག་ཆས་སྲུང་སྐྱོང་། ནད་ཀྱིས་ཤི་བའི་སྒོ་ཟོག་ཁྱིམ་བྱ་སྡུད་རུབ་སྐབས་ཉར་བྱེད་པ། དུག་སེལ། གུན་སྐྱོབ་གུན་གསབ་ཐོ་འགོད། གནོད་མེད་ཅན་གྱི་གཅིག་སྡུད་ཐག་གཅོད་ལྟེ་གནས་ལ་གཞོགས་འདེགས་བྱས་ནས་ནད་ཀྱིས་ཤི་བའི་སྒོ་ཟོག་ཁྱིམ་བྱ་དང་ནད་ཕོག་པའི་སྒོ་ཟོག་ཁྱིམ་བྱའི་ཐོན་རྫས་དོ་དམ་སོགས་ཀྱི་བྱ་བ་བྱེད་འགན་འཁུར་ནས། རིམས་ནད་མི་འགོ་བ་བྱེད་དགོས། ཟླ་རེའི་ཚེས25ཉིན་གྱི་སྔོན་ལ་འབྲེལ་ཡོད་དཔྱད་གཞི་དེ་རང་གནས་སའི་ཡུལ་ཚོ་དང་གྲོང་རྡལ་གྱི་ཕྱུགས་སྨན་ས་ཚིགས་སུ་སྐྱེལ་དགོས། གཅིག་སྡུད་སྐབས་ཉར་བྱེད་སར་དུས་བཅད་ལྟར་དུག་སེལ་སྨན་རྫས་དང་མི་སྣའི་འགོག་སྲུང་མཁོ་ཆས་གྲངས་ཀ་ངེས་ཅན་ཞིག་གསོག་འཇོག་བྱེད་དགོས།

3.གནོད་མེད་ཅན་དུ་ཐག་གཅོད་པའི་གོ་རིམ་ཚད་ལྡན་དང་འཐུས་ཚང་དུ་གཏོང་བ།  “སྲིད་གཞུང་གིས་སྐབས་ཉར་བྱེད་འགན་འཁུར་བ་དང་། ཁེ་ལས་ཀྱིས་བརྒྱུད་འདྲེན་ཐག་གཅོད་བྱེད་འགན་འཁུར་བའི”འཁོར་སྐྱོད་རྩ་དོན་གཞིར་བཟུང་ནས། བྱེད་པོའི་འགན་འཁྲི་ཆེ་རུ་བཏང་ནས་འཁོར་སྐྱོད་ནུས་ལྡན་གྱི“སྡུད་རུབ་སྐབས་ཉར་དང་། བརྒྱུད་འདྲེན་ཚད་ལྡན། གཅིག་སྡུད་ཐག་གཅོད”ཀྱི་སྡུད་རུབ་དང་དབོར་འདྲེན་ཐག་གཅོད་ཀྱི་གོ་རིམ་བཙུགས་ཏེ། ནད་ཀྱིས་ཤི་བའི་སྒོ་ཟོག་ཁྱིམ་བྱ་དང་ནད་ཕོག་པའི་སྒོ་ཟོག་ཁྱིམ་བྱའི་ཐོན་རྫས་གཅིག་སྡུད་ཐོག་གནོད་མེད་ཅན་དུ་ཐག་གཅོད་པ“བསྡུ་འོས་ཡོངས་བསྡུ་དང་སྒྱུར་འོས་ཡོངས་སྒྱུར”འགན་ལེན་བྱེད་དགོས། གཅིག་ནས་སྡུད་རུབ་སྐབས་ཉར་བྱེད་དགོས། སྲོག་ཆགས་གསོ་བ་དང་བཤའ་བ། གཉེར་སྐྱོང་། སྐྱེལ་འདྲེན་བཅས་ཀྱི་ལས་ཁུངས(ཁུལ་ཁོངས་ཀྱི་རྒྱལ་དབང་ཞིང་ཕྱུགས་ར་ཚུད)དང་མི་སྒེར་གྱིས་ནད་ཀྱིས་ཤི་བའི་སྒོ་ཟོག་ཁྱིམ་བྱ་དང་ནད་ཕོག་པའི་སྒོ་ཟོག་ཁྱིམ་བྱའི་ཐོན་རྫས་ཡོད་པ་ཤེས་རྗེས། ནད་ཀྱིས་ཤི་བའི་སྒོ་ཟོག་ཁྱིམ་བྱ་དང་ནད་ཕོག་པའི་སྒོ་ཟོག་ཁྱིམ་བྱའི་ཐོན་རྫས་དུས་ཐོག་ཏུ་གཅིག་སྡུད་སྐབས་ཉར་བྱེད་ས(གནས་སྐབས་སྡུད་རུབ་བྱེད་ས)ལ་སྐྱེལ་དགོས། གང་འདོད་དུ་བཏང་བའི་བདག་པོ་མེད་པའི་སྒོ་ཟོག་ཁྱིམ་བྱའི་རིགས་དང་ནད་ཕོག་པའི་སྒོ་ཟོག་ཁྱིམ་བྱའི་ཐོན་རྫས་ལ《སྲོག་ཆགས་ཀྱི་རིམས་འགོག་བཅའ་ཁྲིམས》ཀྱི་འགན་འཁྲི་ལྟར་ལས་བགོས་བྱས་ཏེ། རང་གནས་སའི་ཡུལ་གྲོང་མི་དམངས་སྲིད་གཞུང་གིས་ཆེད་མི་བཀོད་སྒྲིག་བྱས་ནས་གཅིག་སྡུད་སྐབས་ཉར་བྱེད་ས(གནས་སྐབས་སྡུད་རུབ་བྱེད་ས)རུ་སྡུད་དགོས། སྲིད་འཛིན་ཁྲིམས་བསྟར་ལས་ཁུངས་དང་ཁྲིམས་འཛིན་ལས་ཁུངས་ཀྱིས་འབྲེལ་ཡོད་ཁྲིམས་འགལ་ཉེས་གསོག་གྱོད་གཞི་ཞིབ་བཤེར་ཐག་གཅོད་དང་ཞིབ་གཅོད་བྱེད་སྐབས་ནད་ཀྱིས་ཤི་བའི་སྒོ་ཟོག་ཁྱིམ་བྱ་དང་ནད་ཕོག་པའི་སྒོ་ཟོག་ཁྱིམ་བྱའི་ཐོན་རྫས་བཀག་ཉར་བྱས་པ་དེར་གཏན་འཇགས་དཔང་རྟགས་བཟོས་རྗེས། ཁྲིམས་ལྟར་མེད་པར་བཟོ་དགོས་རིགས་གྱོད་འབྲེལ་དོ་བདག་གིས་གཅིག་སྡུད་སྐབས་ཉར་བྱེད་ས(གནས་སྐབས་སྡུད་རུབ་བྱེད་ས)རུ་བརྒྱུད་འདྲེན་བྱེད་འགན་འཁུར་དགོས། གཅིག་སྡུད་སྐབས་ཉར་བྱེད་ས(གནས་སྐབས་སྡུད་རུབ་བྱེད་ས)ཡི་དོ་དམ་མི་སྣས་སྲོག་ཆགས་གསོ་བ་དང་བཤའ་བ། གཉེར་སྐྱོང་། སྐྱེལ་འདྲེན་བཅས་བྱེད་མཁན་ལས་ཁུངས་དང་མི་སྒེར། གྱོད་འབྲེལ་དོ་བདག་བཅས་ལ་འབྲེལ་ཡོད་དཔང་རྟགས་དཔྱད་གཞི་མཁོ་འདོན་བྱས་ནས། པར་རྒྱག་གྲ་སྒྲིག་བྱས་ཏེ་འབྲེལ་ཡོད་གྲངས་གཞི་གཅིག་གྱུར་རྟོག་དམ་ལས་སྟེགས་མ་ལག་ནང་འཇུག་དགོས།  གཉིས་ནས་བརྒྱུད་འདྲེན་དོ་དམ་བྱེད་དགོས། གནོད་མེད་ཅན་གྱི་གཅིག་སྡུད་ཐག་གཅོད་ལྟེ་གནས་ཀྱིས་གཅིག་སྡུད་སྐབས་ཉར་བྱེད་ས(གནས་སྐབས་སྡུད་རུབ་བྱེད་ས)སོ་སོའི་ནད་ཀྱིས་ཤི་བའི་སྒོ་ཟོག་ཁྱིམ་བྱ་དང་ནད་ཕོག་པའི་ཐོན་རྫས་སྐྱེལ་འདྲེན་བྱེད་པའི་བྱ་བར་གཅིག་གྱུར་གྱིས་འགན་ཁུར་དགོས། གནས་ཚུལ་དངོས་ལ་གཞིགས་ནས་ཚན་རིག་དང་མཐུན་པའི་སྒོ་ནས་བརྒྱུད་འདྲེན་བྱ་བ་བཀོད་སྒྲིག་ལུགས་མཐུན་བྱེད་ཆོག གཅིག་སྡུད་སྐབས་ཉར་བྱེད་ས(གནས་སྐབས་སྡུད་རུབ་བྱེད་ས)ཡི་དོ་དམ་མི་སྣས་མཛོད་ནས་ཕྱིར་གཏོང་བརྒྱུད་འདྲེན་གྱི་འགྲོ་ལུགས་ཡག་པོ་སྒྲུབ་དགོས། གསུམ་ནས་གཅིག་སྡུད་ཐོག་ཐག་གཅོད་བྱེད་དགོས། གནོད་མེད་ཅན་གྱི་གཅིག་སྡུད་ཐག་གཅོད་ལྟེ་གནས་ཀྱིས་ཞིང་ལས་ཞིང་སྡེ་པུའི《ནད་ཀྱིས་ཤི་བ་དང་ནད་ཕོག་པའི་སྲོག་ཆགས་གནོད་མེད་ཅན་དུ་ཐག་གཅོད་པའི་ལག་རྩལ་ཚད་གཞིའི》ནང་གཏན་འབེབས་བྱས་པའི་ཐག་གཅོད་བརྒྱུད་རིམ་དང་བཟོ་རྩལ་གནོད་མེད་ཅན་གྱི་གཅིག་སྡུད་ཐག་གཅོད་བཀོལ་སྤྱོད་ནན་པོ་བྱེད་དགོས།

གཅིག་སྡུད་གནོད་མེད་ཅན་དུ་ཐག་གཅོད་པའི་བྱེད་ཐབས་བས་མཐའི་འབྲོག་ཁུལ་དུ་ཁེབས་མི་ཐུབ་པའི་ཁ་ཐོར་ཐག་གཅོད་བྱེད་དགོས་རིགས། ཡར་སྔོན་ནས་རང་ས་གནས་ཀྱི་རྫོང་རིམ་པའི་ཞིང་ཕྱུགས་གཙོ་འགན་འཁུར་མཁན་སྡེ་ཁག་ལ་སྙན་འབུལ་ཞུ་ཚགས་བྱེད་དགོས་ལ། ཞིང་ཕྱུགས་གཙོ་འགན་འཁུར་མཁན་སྡེ་ཁག་གིས་དུས་ཐོག་ཏུ་ཆེད་ལས་ལག་རྩལ་མི་སྣ་ཡུལ་དངོས་སུ་མངགས་ནས་ལྟ་སྐུལ་མཛུབ་ཁྲིད་བྱེད་དུ་འཇུག་དགོས། ཁ་ཐོར་གནོད་མེད་ཅན་དུ་ཐག་གཅོད་པར་འབྲེལ་ཡོད་གཏན་འབེབས་ཀྱི་ཆ་རྐྱེན་འཛོམས་དགོས་ཏེ། གནོད་མེད་ཅན་དུ་ཐག་གཅོད་པའི་ལག་རྩལ་གྱི་ཚད་གཞི་དང་མཐུན་པ་དང་། འབྲེལ་ཡོད་ཆ་འཕྲིན་དུས་ཐོག་ཏུ་རྟོག་དམ་ལས་སྟེགས་ནང་འཇུག་དགོས། དེ་ལྟར་མ་བྱས་ཚེ་གནོད་མེད་ཅན་དུ་ཐག་གཅོད་པའི་སྲོག་ཆགས་ལ་ཁ་གསབ་མི་སྤྲོད་པ་མ་ཟད། ད་དུང་ཁྲིམས་ལྟར་དེའི་འགན་འཁྲི་བདའ་འདེད་བྱེད་རྒྱུ་ཡིན། 

(གཉིས།) གནོད་མེད་ཅན་དུ་ཐག་གཅོད་པའི་འགན་འཁྲིའི་མ་ལག་འཛུགས་པ་དང་འཐུས་ཚང་དུ་གཏོང་བ། 

1.ཐག་གཅོད་ཀྱི་བྱེད་པོའི་འགན་འཁྲི་དོན་འཁྱོལ་བྱེད་དགོས། སྲོག་ཆགས་གསོ་བ་དང་བཤའ་བ། གཉེར་སྐྱོང་། སྐྱེལ་འདྲེན་བཅས་བྱེད་པའི་ལས་ཁུངས་དང་མི་སྒེར་ནི་ནད་ཀྱིས་ཤི་བའི་སྒོ་ཟོག་ཁྱིམ་བྱ་དང་ནད་ཕོག་པའི་སྒོ་ཟོག་ཁྱིམ་བྱའི་ཐོན་རྫས་གནོད་མེད་ཅན་དུ་ཐག་གཅོད་པའི་འགན་ཁུར་མཁན་དང་པོ་ཡིན། སྡེ་ཁག་གང་དང་སྐྱེ་བོ་སུ་ཞིག་གིས་ཀྱང་ནད་ཀྱིས་ཤི་བའི་སྲོག་ཆགས་འདོར་བ་དང་ཉོ་སྒྲུབ། ལྐོག་འཚོང་། བཤའ་བ། ལས་སྣོན་བཅས་བྱེད་མི་ཆོག

2.ས་ཁོངས་དོ་དམ་གྱི་འགན་འཁྲི་དོན་འཁྱོལ་བྱེད་དགོས། “ས་ཁོངས་དོ་དམ”གྱི་རྩ་དོན་གཞིར་བཟུང་སྟེ། རྫོང་དང་ཡུལ་གྲོང་མི་དམངས་སྲིད་གཞུང་སོ་སོས་ཁོངས་གཏོགས་ཁུལ་གྱི་ནད་ཀྱིས་ཤི་བའི་སྒོ་ཟོག་ཁྱིམ་བྱ་དང་ནད་ཕོག་པའི་སྒོ་ཟོག་ཁྱིམ་བྱའི་ཐོན་རྫས་གནོད་མེད་ཅན་དུ་ཐག་གཅོད་པའི་ལས་དོན་གྱི་སྤྱིའི་འགན་ཁུར་དགོས་ཤིང་། སྲོག་ཆགས་གསོ་བ་དང་རིམས་ནད་བྱུང་བ། སྲོག་ཆགས་ཤི་བའི་གནས་ཚུལ་ལ་གཞིགས་ནས། ནད་ཀྱིས་ཤི་བའི་སྒོ་ཟོག་ཁྱིམ་བྱ་དང་ནད་ཕོག་པའི་སྒོ་ཟོག་ཁྱིམ་བྱའི་ཐོན་རྫས་གཅིག་སྡུད་སྐབས་ཉར་བྱེད་ས(གནས་སྐབས་སྡུད་རུབ་བྱེད་ས)དང་། གཅིག་སྡུད་གནོད་མེད་ཅན་དུ་ཐག་གཅོད་པའི་ལྟེ་གནས་འཛུགས་སྐྲུན་ལ་སྤྱོད་པའི་ས་ཆ་དང་གློག་སོགས་ཀྱི་བྱ་བར་གཞོགས་འདེགས་ཧུར་ཐག་བྱེད་དགོས་ལ།  ནད་ཀྱིས་ཤི་བའི་སྒོ་ཟོག་ཁྱིམ་བྱ་དང་ནད་ཕོག་པའི་སྒོ་ཟོག་ཁྱིམ་བྱའི་ཐོན་རྫས་གཅིག་སྡུད་སྐབས་ཉར་བྱེད་ས་དང་གཅིག་སྡུད་གནོད་མེད་ཅན་དུ་ཐག་གཅོད་པའི་སྤྱི་བའི་སྒྲིག་བཀོད་འཛུགས་སྐྲུན་ལ་རམ་འདེགས་བྱས་ཏེ། འབྲེལ་ཡོད་ལམ་ལུགས་འཐུས་ཚང་དུ་གཏོང་དགོས། 

3.ཁེ་ལས་ཀྱི་ཐག་གཅོད་འགན་འཁྲི་དོན་འཁྱོལ་བྱེད་དགོས། འཁོར་སྐྱོད་ཁེ་ལས་ཀྱིས་དོ་དམ་ལམ་ལུགས་དང་བཀོལ་སྤྱོད་བྱེད་སྲོལ། སྐྱེ་དངོས་བདེ་འཇགས་འགོག་སྲུང་བྱེད་ཐབས་བཅས་འཛུགས་པ་དང་འཐུས་ཚང་དུ་བཏང་སྟེ། དོན་དངོས་ཐོག་ཐོན་སྐྱེད་བདེ་འཇགས་དང་སྐྱེ་དངོས་བདེ་འཇགས་ཀྱི་བྱ་བ་ལེགས་པོར་སྒྲུབ་དགོས་ཤིང་། ནད་ཀྱིས་ཤི་བའི་སྒོ་ཟོག་ཁྱིམ་བྱ་དང་ནད་ཕོག་པའི་སྒོ་ཟོག་ཁྱིམ་བྱའི་ཐོན་རྫས་བརྒྱུད་འདྲེན་དང་ཐག་གཅོད་ལག་རྩལ་ཚད་ལྡན་མིན་པའི་དབང་གིས་རིམས་ནད་འགོས་པ་དང་མཆེད་པ། སྐྱེ་ཁམས་ཁོར་ཡུག་སྦགས་བཙོག་བཟོས་པ་བཅས་སྔོན་འགོག་བྱས་ནས། ཐོན་སྐྱེད་བདེ་འཇགས་དང་སྐྱེ་དངོས་བདེ་འཇགས་ཀྱི་དོན་རྐྱེན་འབྱུང་བར་སྔོན་འགོག་བྱེད་དགོས། 

(གསུམ།) གནོད་མེད་ཅན་དུ་ཐག་གཅོད་པའི་རྟོག་དམ་མ་ལག་འཛུགས་པ་དང་འཐུས་ཚང་དུ་གཏོང་བ།

1.མགྱོགས་མྱུར་ངང་གནོད་མེད་ཅན་དུ་ཐག་གཅོད་པའི་རྟོག་དམ་ཆ་འཕྲིན་མ་ལག་འཛུགས་སྐྲུན་བྱེད་པ། བརྙན་ལམ་རྟོག་སྡོམ་དང་གནས་ཐིག་གཏན་ཁེལ། བརྙན་པར་མ་ལག་སོགས་སྒྲིག་ཆས་སྤྱད་ནས་ནད་ཀྱིས་ཤི་བའི་སྒོ་ཟོག་ཁྱིམ་བྱ་དང་ནད་ཕོག་པའི་སྒོ་ཟོག་ཁྱིམ་བྱའི་ཐོན་རྫས་སྡུད་རུབ་དང་གསོག་ཉར། སྐྱེལ་འདྲེན། གནོད་མེད་ཅན་དུ་ཐག་གཅོད་པ་སོགས་བྱ་བའི་ལྷུ་ཚིགས་ཁག་ལ་ལྟ་སྐུལ་དོ་དམ་བྱེད་དགོས། མཚོ་བྱང་ཁུལ་གྱི་ནད་ཀྱིས་ཤི་བའི་སྒོ་ཟོག་ཁྱིམ་བྱ་དང་ནད་ཕོག་པའི་སྒོ་ཟོག་ཁྱིམ་བྱའི་ཐོན་རྫས་གནོད་མེད་ཅན་དུ་ཐག་གཅོད་པའི་ལས་དོན་དེ“མཚོ་སྔོན་ཞིང་ཆེན་གྱི་ནད་ཀྱིས་ཤི་བའི་སྲོག་ཆགས་གནོད་མེད་ཅན་དུ་ཐག་གཅོད་པའི་རྟོག་དམ་ལས་སྟེགས”དང་འབྲེལ་མཐུད་ཡག་པོ་བྱེད་ཐུབ་དགོས།

2.རྒྱུན་ལྡན་གྱི་རྟོག་དམ་ལ་ཤུགས་སྣོན་རྒྱག་དགོས། ཁུལ་དང་རྫོང་གི་ཞིང་ཕྱུགས་གཙོ་འགན་ཁུར་མཁན་སྡེ་ཁག་གིས་གནོད་མེད་ཅན་དུ་ཐག་གཅོད་པའི་རྒྱུན་གཏན་གྱི་རྟོག་དམ་ལས་དོན་གྱི་འགན་ཁུར་ནས། ནད་ཀྱིས་ཤི་བའི་སྒོ་ཟོག་ཁྱིམ་བྱ་དང་ནད་ཕོག་པའི་སྒོ་ཟོག་ཁྱིམ་བྱའི་ཐོན་རྫས་སྡུད་རུབ་དང་སྐབས་ཉར། བརྒྱུད་འདྲེན། ཐག་གཅོད་སོགས་ཀྱི་ཆ་འཕྲིན་དུས་ཐོག་ཏུ་ཞིབ་བཤེར་བྱས་ཏེ། རིམ་པ་བཞིན་གོང་ཞུ་བྱེད་དགོས། ནད་ཀྱིས་སྒོ་ཟོག་ཁྱིམ་བྱ་ཤི་བའི་སྙན་ཞུ་དང་སྡུད་རུབ། ཞིབ་བསྡུར་ཐོ་འགོད་སོགས་ཀྱི་ལམ་ལུགས་འཐུས་ཚང་དུ་གཏོང་དགོས་ལ། གསོ་སྤེལ་ར་བ་དང་གཅིག་སྡུད་སྐབས་ཉར་བྱེད་ས། གནོད་མེད་ཅན་གྱི་གཅིག་སྡུད་ཐག་གཅོད་ལྟེ་གནས། གུན་སྐྱོབ་སྤྱི་གཉེར། ཕྱུགས་སྨན་ས་ཚིགས་བཅས་ཀྱིས་སོ་སོར་རྩིས་ཁྲ་བཟོས་ནས། ནད་ཀྱིས་ཤི་བའི་སྒོ་ཟོག་ཁྱིམ་བྱ་དང་ནད་ཕོག་པའི་སྒོ་ཟོག་ཁྱིམ་བྱའི་ཐོན་རྫས་སྡུད་རུབ་དང་གསོག་ཉར། བརྒྱུད་འདྲེན། ཐག་གཅོད་སོགས་ཀྱི་ལྷུ་ཚིགས་སུ་ཆེད་མིས་ཐོ་འགོད་དང་ཆེད་མིས་ཞིབ་བཤེར། ཆེད་མིས་དོ་དམ་བཅས་བྱས་ཏེ། “རྩིས་ཐོ་ཕན་ཚུན་མཐུན་པ་དང་། རྩིས་དངོས་ཕན་ཚུན་མཐུན་པ། རྩིས་ཐོ་དངོས་ཟོག་ལ་བསྟུན་པ། ཉིན་དང་ཟླ་རེའི་རྩིས་གསལ་བ”འགན་ལེན་བྱེད་དགོས། གནོད་མེད་གཅིག་སྡུད་ཐག་གཅོད་ལྟེ་གནས་གནས་སའི་ཞིང་ཕྱུགས་སྡེ་ཁག་གིས་ཆེད་མི་བཀོད་སྒྲིག་བྱས་ནས། ནད་ཀྱིས་ཤི་བའི་སྒོ་ཟོག་ཁྱིམ་བྱ་དང་ནད་ཕོག་པའི་སྒོ་ཟོག་ཁྱིམ་བྱའི་ཐོན་རྫས་བརྒྱུད་འདྲེན་དང་ཐག་གཅོད་ལས་དོན་ལ་རྒྱུན་གཏན་གྱི་རྟོག་དམ་བྱེད་དགོས། ཁུལ་དང་རྫོང་གི་སྐྱེ་ཁམས་ཁོར་ཡུག་སྡེ་ཁག་གིས་དུས་བཅད་ལྟར་ནད་ཀྱིས་ཤི་བའི་སྒོ་ཟོག་ཁྱིམ་བྱ་དང་ནད་ཕོག་པའི་སྒོ་ཟོག་ཁྱིམ་བྱའི་ཐོན་རྫས་སྡུད་རུབ་དང་བརྒྱུད་འདྲེན། ཐག་གཅོད་སོགས་ཀྱི་ལྷུ་ཚིགས་ལ་རྟོག་དམ་ཡག་པོ་བྱེད་དགོས། ཁུལ་དང་རྫོང་གི་སྲོག་ཆགས་ཀྱི་རིམས་ནད་འགོག་སྡོམ་ལས་ཁུངས་ཀྱིས་གནོད་མེད་ཅན་དུ་ཐག་གཅོད་པའི་གནས་དང་གཅིག་སྡུད་སྐབས་ཉར་བྱེད་སར་ལྟ་སྐུལ་ཞིབ་བཤེར་བྱས་ནས། ནད་ཀྱིས་ཤི་བའི་སྒོ་ཟོག་ཁྱིམ་བྱའི་ཤི་རོ་དང་ནད་ཕོག་པའི་སྒོ་ཟོག་ཁྱིམ་བྱའི་ཐོན་རྫས་ཡོད་ཚད་སྡུད་རུབ་ཐག་གཅོད་བྱེད་ཐུབ་པ་འགན་ལེན་བྱེད་དགོས། ཁུལ་དང་རྫོང་གི་ཞིང་ཕྱུགས་ཕྱོགས་བསྡུས་སྲིད་འཛིན་ཁྲིམས་འཛིན་ལས་ཁུངས་ཀྱིས་གནོད་མེད་ཅན་དུ་ཐག་གཅོད་པའི་ལྷུ་ཚིགས་ཁག་ལ་ཁྲིམས་འཛིན་ཞིབ་བཤེར་བྱས་ནས། ཁྲིམས་འགལ་སྒྲིག་འགལ་གྱི་བྱ་སྤྱོད་ཞིབ་བཤེར་ཐག་གཅོད་བྱེད་ཤུགས་ཆེ་རུ་གཏོང་དགོས། 

3.ལྟ་སྐུལ་ཞུ་གཏུག་གི་རྐྱེན་སྲོལ་འཛུགས་པ་དང་འཐུས་ཚང་དུ་གཏོང་དགོས། སྤྱི་ཚོགས་མང་ཚོགས་ཀྱི་ལྟ་སྐུལ་བྱེད་ཤུགས་འདོན་སྤེལ་གང་ལེགས་བྱེད་པ་དང་། ལྟ་སྐུལ་དང་ཞུ་གཏུག་བྱེད་ལམ་ཤར་གཏོང་བྱས་ཏེ། མང་ཚོགས་དང་སྨྱན་སྦྱོར་གྱིས་ནད་ཀྱིས་ཤི་བའི་སྒོ་ཟོག་ཁྱིམ་བྱ་འདོར་བ་དང་ཉོ་སྒྲུབ། བཤའ་བ། ལས་སྣོན་བྱེད་པ་སོགས་ཀྱི་ཁྲིམས་འགལ་བྱ་སྤྱོད་ལ་ལྟ་སྐུལ་དང་ཞུ་གཏུག་བྱེད་པར་སྐུལ་མ་གཏོང་དགོས། ཞུ་གཏུག་གི་ནང་དོན་ཞིབ་བཤེར་བྱས་པ་བརྒྱུད་གནས་ཚུལ་དངོས་ཡིན་པ་ར་སྤྲོད་བྱུང་ཚེ་བྱ་དགའ་སྤྲོད་དགོས། ཞུ་གཏུག་བྱེད་མཁན་དང་ཁྲིམས་གཏུག་བྱེད་མཁན་ལ་འཇིགས་སྐུལ་དང་འཁོན་ལན་སློག་པ་ཡིན་ན། ཁྲིམས་ལྟར་ཆད་པ་གཅོད་དགོས། 

4.ཁ་གསབ་མ་དངུལ་བེད་སྤྱོད་ཀྱི་རྟོག་དམ་བྱེད་ཤུགས་ཆེ་རུ་གཏོང་དགོས། དཔྱད་ཡིག་རྫུན་མ་མཁོ་འདོན་དང་གཡོ་ཐབས་ཀྱིས་ལེན་པ། ཁ་གསབ་མ་དངུལ་གཞན་སྤྱོད་བཅས་བྱེད་མཁན་གྱི་ལས་ཁུངས་དང་མི་སྒེར་རྩད་ཆོད་མཐའ་གསལ་བྱུང་ཚེ། ཁ་གསབ་མ་དངུལ་ཡོངས་རྫོགས་ཕྱིར་ལེན་པ་དང་འབྲེལ་བཅའ་ཁྲིམས་དང་སྒྲིག་སྲོལ་ལྟར་ཐག་གཅོད་བྱེད་དགོས། 

(བཞི།) གནོད་མེད་ཅན་དུ་ཐག་གཅོད་པའི་སྲིད་ཇུས་ཀྱི་འགན་སྲུང་མ་ལག་འཛུགས་པ་དང་འཐུས་ཚང་དུ་གཏོང་བ། 

1.ཁ་གསབ་ཀྱི་རྩ་དོན་དང་ཁྱབ་ཁོངས། ཚད་གཞི་བཅས་ཁ་གསལ་བཟོ་དགོས། 

ཁ་གསབ་ཀྱི་རྩ་དོན་ནི། “སུས་ཐག་བཅད་ན་དེར་ཁ་གསབ་བྱེད་པ་དང་། སུས་སྐྱེལ་འདྲེན་བྱས་ན་དེར་ཁ་གསབ་བྱེད་པ”ཡི་རྩ་དོན་གཞིར་འཛིན་དགོས། (རང་ཤུགས་ཀྱིས་ནད་ཀྱིས་ཤི་བའི་སྒོ་ཟོག་ཁྱིམ་བྱ་དང་ནད་ཕོག་པའི་སྲོག་ཆགས་ཀྱི་ཐོན་རྫས་སུ་ཐག་བཅད་པ་དེ་ཁ་གསབ་ཀྱི་ཁྱབ་ཁོངས་སུ་མི་འཇུག)

ཁ་གསབ་སྤྲོད་ཁོངས་ནི། འགོས་ནད་ཕོག་པའམ་འགོས་ནད་ཕོག་ནས་ཤི་བ། ནད་ཀྱིས་ཤི་བའམ་ཡང་ན་ཤི་རྐྱེན་མི་གསལ་བའི་རིགས་དང་། རིམས་ནད་ཞིབ་བཤེར་བྱས་པ་བརྒྱུད་མིའི་ལུས་པོའམ་སྲོག་ཆགས་ཀྱི་བདེ་ཐང་ལ་གནོད་སྲིད་པའི་རིགས། རང་བྱུང་གནོད་འཚེ་དང་འཚུབ་བསྟུན་བརྡ་ལན། དངོས་ལུགས་བཙིར་གནོན་སོགས་ཀྱི་རྒྱུ་རྐྱེན་གྱིས་ཤི་བའི་རིགས། བཤའ་བའི་བརྒྱུད་རིམ་ཁྲོད་ཤའི་སྤུས་ཚད་ཞིབ་བཤེར་བྱས་པ་བརྒྱུད་བཟའ་མི་རུང་བར་ངོས་འཛིན་བྱས་པའི་རིགས། མངལ་ཤི་དང་མུ་ནེ་དབྱི་སྦྲུམ་སོགས་ཡོད། སྲོག་ཆགས་ཀྱི་རིམས་ནད་འགོག་སྡོམ་གྱི་དགོས་མཁོའི་དབང་གིས་གསོད་པའམ་ཡང་ན་མེད་པར་བཟོ་དགོས་པའི་རིགས། གནོད་མེད་ཐག་གཅོད་བྱེད་དགོས་པའི་རིགས་གཞན་དག་བཅས་ཡིན། 

ཁ་གསབ་ཚད་གཞི་ནི། ནད་ཀྱིས་ཤི་བའི་སྒོ་ཟོག་ཁྱིམ་བྱ་དང་ནད་ཕོག་པའི་སྒོ་ཟོག་ཁྱིམ་བྱའི་ཐོན་རྫས་གནོད་མེད་ཅན་དུ་ཐག་གཅོད་པའི་ཁ་གསབ་མ་དངུལ་དེ་རྒྱལ་ཁབ་དང་ཞིང་ཆེན་རིམ་པ། རྫོང་རིམ་པ་བཅས་ཀྱི་ནོར་སྲིད་ཀྱིས་ཐུན་མོང་ཐོག་འགན་ཁུར་བ་དང་། རྒྱལ་ཁབ་དང་ཞིང་ཆེན་རིམ་པའི་ཁ་གསབ་མ་དངུལ་ཕུད། མི་འདང་བའི་ཆ་དང་ནད་ཀྱིས་ཤི་བའི་སྒོ་ཟོག་ཁྱིམ་བྱ་སྡུད་རུབ་བརྒྱུད་འདྲེན་གྱི་བརྒྱུད་རིམ་གྱི་ཁ་གསབ་མ་དངུལ་ཚང་མ་རྫོང་རིམ་པའི་ནོར་སྲིད་ཀྱིས་འགན་ཁུར་ནས། ས་གནས་ནོར་སྲིད་ཀྱི་སྔོན་རྩིས་ནང་བཅུག་སྟེ། མཁོ་བའི་འགྲོ་གྲོན་དེ་ལོ་དེའི་དོན་དངོས་ཐོག་གནོད་མེད་ཅན་དུ་ཐག་གཅོད་པའི་གྲངས་ཀ་ལྟར་བཤེར་རྩིས་རྒྱག་དགོས། རྒྱལ་ཁབ་དང་ཞིང་ཆེན་རིམ་པའི་ཁ་གསབ་མ་དངུལ་ལོ་འཁོར་གོང་མའི་སྒོ་ཟོག་གི་གུན་སྐྱོབ་ཀྱི་གུན་གསབ་གྲངས་འབོར་ལྟར་ཞིབ་རྩིས་བརྒྱབ་རྗེས་རྫོང་སོ་སོར་སྤྲོད་དགོས། 

(1)ནད་ཀྱིས་ཤི་བའི་སྒོ་ཟོག་ཁྱིམ་བྱ་གནོད་མེད་ཅན་དུ་ཐག་གཅོད་པའི་ཁ་གསབ་ཚད་གཞི། ཕག་ལ་རྒྱལ་ཁབ་ཀྱི་ད་ལྟ་ལག་བསྟར་བྱེད་བཞིན་པའི་ཚད་གཞི་ལྟར་ཁ་གསབ་རོགས་དངུལ་སྒོར80སྤྲོད་རྒྱུ་དང་། ནད་ཀྱིས་ཤི་བའི་སྒོ་ཟོག་ཁྱིམ་བྱ་དང་ནད་ཕོག་པའི་སྒོ་ཟོག་ཁྱིམ་བྱའི་ཐོན་རྫས་གཞན་དག་གནོད་མེད་ཅན་དུ་ཐག་གཅོད་པའི་འགྲོ་གྲོན་ཏུན་རེར་སྒོར1500སྤྲོད་རྒྱུ་ཡིན། ཕབ་རྩིས་རྒྱག་པའི་ཚད་གཞི་ནི་ལུག་རེར་སྤྱི་རྒྱ20དང་ནོར་རེར་སྤྱི་རྒྱ90ཡིན། 

(2) བརྒྱུད་འདྲེན་ཁ་གསབ་ཚད་གཞི། གཅིག་སྡུད་སྐབས་ཉར་བྱེད་ས(གནས་སྐབས་སྡུད་རུབ་བྱེད་ས)སོ་སོས་སྡུད་རུབ་བྱས་པའི་ནད་ཀྱིས་ཤི་བའི་སྒོ་ཟོག་ཁྱིམ་བྱ་དང་ནད་ཕོག་པའི་སྒོ་ཟོག་ཁྱིམ་བྱའི་ཐོན་རྫས་མཛོད་ཉར་བྱེད་ཚད་ངེས་ཅན་ཞིག་ཟིན་རྗེས། གནོད་མེད་གཅིག་སྡུད་ཐག་གཅོད་ལྟེ་གནས་དང་འབྲེལ་བ་བྱས་ནས་བརྒྱུད་འདྲེན་བྱེད་དགོས་ལ། བརྒྱུད་འདྲེན་ཁ་གསབ་དེ་མདོ་ལ་རྫོང་ལ་ཏུན་རེར་སྒོར600དང་འཇུ་ལག་རྫོང་ལ་ཏུན་རེར་སྒོར500དང་། རྐང་ཚ་རྫོང་ལ་ཏུན་རེར་སྒོར300དང་། མདའ་བཞི་རྫོང་ལ་ཏུན་རེར་སྒོར100བཅས་ཡིན། གནོད་མེད་ཅན་དུ་ཐག་གཅོད་པའི་ལྟེ་གནས་ཀྱིས་གཏན་འབེབས་ལྟར་རྩིས་སྤྲོད་དང་བརྒྱུད་འདྲེན། རྒྱ་ཚད་འཇལ་བ། མཛོད་འཇུག་བཅས་ཡག་པོ་བྱེད་དགོས་པ་དང་། དེའི་རིང་སྲོག་ཆགས་ཀྱི་རིམས་འགོག་བླང་བྱ་གཞིར་བཟུང་ནས་དུག་སེལ་དང་མི་སྣའི་འགོག་སྲུང་ཡག་པོ་བྱེད་དགོས། འབྲེལ་ཡོད་བརྒྱུད་འདྲེན་རྒྱུ་ཆ་དང་རྒྱ་ཚད་འཛིན་ཡིག སྐྱེལ་འདྲེན་ལམ་ཚད་སོགས་དུས་བཅད་ལྟར་རང་རང་ས་གནས་ཀྱི་ཞིང་ཕྱུགས་གཙོ་གཉེར་སྡེ་ཁག་ལ་ཕུལ་ནས་བརྒྱུད་འདྲེན་དང་ཐག་གཅོད་ཁ་གསབ་ཀྱི་གཞི་འཛིན་ས་བྱེད་དགོས། 

(3) གཅིག་སྡུད་སྐབས་ཉར་བྱེད་སའི་འཁོར་སྐྱོད་འགྲོ་གྲོན། གཅིག་སྡུད་སྐབས་ཉར་བྱེད་ས་སོ་སོའི་འཁོར་སྐྱོད་དོ་དམ་དང་། བརྫངས་སྐྱེལ་རླངས་འཁོར། རིམས་འགོག་དངོས་ཟོག་སོགས་ཀྱི་འགྲོ་གྲོན་དེ་རྫོང་སོ་སོའི་ནོར་སྲིད་ཀྱིས་འཁོར་སྐྱོད་གནས་ཚུལ་དངོས་ལ་གཞིགས་ནས་ཁ་གསབ་སྤྲོད་རྒྱུ་དང་འབྲེལ་རང་ས་གནས་ཀྱི་ནོར་སྲིད་ཀྱི་སྔོན་རྩིས་ནང་འཇུག་དགོས། དོ་དམ་མི་སྣ་ནི་སྒོ་ཟོག་གི་གུན་སྐྱོབ་སྤྱི་གཉེར་གྱི་རོགས་ལས་པས་འགན་ཁུར་བ་དང་། གླ་ཕོགས་དང་ཐོབ་ཆ་ནི་གུན་སྐྱོབ་སྤྱི་གཉེར་གྱིས་འགན་ཁུར་དགོས་པ་མ་ཟད་གཅིག་གྱུར་གྱིས་སྤྲོད་དགོས། 

2.ས་ཞིང་དང་ཁོར་ཡུག་སྲུང་སྐྱོང་སོགས་ཀྱི་འབྲེལ་ཡོད་ཆ་སྒྲིག་སྲིད་ཇུས་དོན་འཁྱོལ་བྱེད་དགོས། ནད་ཀྱིས་ཤི་བའི་སྒོ་ཟོག་ཁྱིམ་བྱ་གནོད་མེད་ཅན་དུ་ཐག་གཅོད་པའི་སྒྲིག་བཀོད་འཛུགས་སྐྲུན་ལ་མཁོ་བའི་ས་ཆ་དེ་རང་བྱུང་ཐོན་ཁུངས་སྡེ་ཁག་གིས་ས་ཞིང་དོ་དམ་བཅའ་ཁྲིམས་དང་ཁྲིམས་སྲོལ་གྱི་གཏན་འབེབས་ལྟར། དམིགས་བསལ་གྱིས་སྔོན་ལ་འགན་སྲུང་བྱེད་དགོས། ནད་ཀྱིས་ཤི་བའི་སྒོ་ཟོག་ཁྱིམ་བྱ་གནོད་མེད་ཅན་དུ་ཐག་གཅོད་པའི་མི་སྒེར་དང་ལས་ཁུངས་ཀྱིས་གཏན་འབེབས་ལྟར་ཁྲལ་བསྡུ་དང་གློག་བཀོལ་བ་སོགས་ཀྱི་གཟིགས་སྐྱོང་སྲིད་ཇུས་ལོངས་སུ་སྤྱོད་ཆོག ཁོར་ཡུག་སྲུང་སྐྱོབ་སྡེ་ཁག་གིས་དམིགས་བསལ་གྱི་དོན་དག་དམིགས་བསལ་གྱིས་སྒྲུབ་པའི་རྩ་དོན་ལྟར། ནད་ཀྱིས་ཤི་བའི་སྒོ་ཟོག་ཁྱིམ་བྱ་གནོད་མེད་ཅན་དུ་ཐག་གཅོད་པའི་ཁོར་ཡུག་གདེང་འཇོག་གི་ཡིག་ཆར་བཤེར་མཆན་འགོད་པའི་ལས་དོན་ཇེ་མགྱོགས་སུ་གཏོང་དགོས། ནད་ཀྱིས་ཤི་བའི་སྒོ་ཟོག་ཁྱིམ་བྱ་གནོད་མེད་ཅན་དུ་ཐག་གཅོད་ས་ཡིས་ཆ་རྐྱེན་འཛོམས་པའི་ཁོར་ཡུག་སྲུང་སྐྱོང་རྣམ་གྲངས་ཀྱི་ཡོང་འབབ་བཞིན་གཏན་འབེབས་ལྟར་ཁེ་ལས་ཀྱི་ཐོབ་ཁྲལ་གཟིགས་སྐྱོང་སྲིད་ཇུས་ལོངས་སུ་སྤྱོད་རྒྱུ་ཡོད། དངུལ་རྩའི་ལས་ཁུངས་ཀྱིས་དངུལ་རྩའི་རྒྱབ་སྐྱོར་ཁྱབ་ཁོངས་རྒྱ་ཆེར་བཏང་ནས་གནོད་མེད་ཅན་དུ་ཐག་གཅོད་པའི་ཁེ་ལས་ཀྱི་དངུལ་བུན་རོགས་སྐྱོར་བྱེད་ཤུགས་ཆེ་རུ་གཏོང་དགོས།

(ལྔ།) གནོད་མེད་ཅན་དུ་ཐག་གཅོད་པ་དང་གུན་སྐྱོབ་མཉམ་འགུལ་མ་ལག་འཛུགས་པ་དང་འཐུས་ཚང་དུ་གཏོང་བ། 

“སྲིད་གཞུང་གི་རྟོག་དམ་དང་ནོར་སྲིད་ཀྱི་རྒྱབ་སྐྱོར། ཁེ་ལས་ཀྱི་འཁོར་སྐྱོད། གུན་སྐྱོབ་མཉམ་འགུལ”བཅས་ཀྱི་ནད་ཀྱིས་ཤི་བའི་སྒོ་ཟོག་ཁྱིམ་བྱ་གནོད་མེད་ཅན་དུ་ཐག་གཅོད་པའི་རྟོག་དམ་དང་གུན་སྐྱོབ་ཞིང་ཕན་སྲིད་ཇུས་གཉིས་ཕན་གྱི་ཚོང་ར་ཅན་གྱི་འཁོར་སྐྱོད་རྐྱེན་སྲོལ་འཚོལ་ཞིབ་བྱས་ནས་ཆགས་ཐུབ་པ་བྱས་ཏེ། “སྔོན་ལ་ཐག་གཅོད་དང་རྗེས་སུ་གུན་གསབ་སྤྲོད་པའི”རྩ་དོན་གཞིར་བཟུང་ནས་ནད་ཀྱིས་ཤི་བའི་སྒོ་ཟོག་ཁྱིམ་བྱ་གནོད་མེད་ཅན་དུ་ཐག་གཅོད་པ་དེ་གུན་སྐྱོབ་གུན་གསབ་ཀྱི་སྔོན་འགྲོའི་ཆ་རྐྱེན་དུ་བརྩིས་ནས། སྒོ་ཟོག་ཁྱིམ་བྱའི་གུན་སྐྱོབ་གུན་གསབ་དང་གནོད་མེད་ཅན་དུ་ཐག་གཅོད་པའི་ཐོན་ཁུངས་མཉམ་སྤྱོད་དང་སྦྲེལ་མཐུད་ཡག་པོ་བྱེད་པ་དང་། གུན་སྐྱོབ་ཐག་གཅོད་མཉམ་འགུལ་ཕྱོགས་ཡོངས་སུ་ཁྱབ་པ་བྱེད་དགོས། རྫོང་དང་ཡུལ་གྲོང་སྲིད་གཞུང་སོ་སོས་སྒོ་ཟོག་ཁྱིམ་བྱ་གསོ་སྤེལ་གུན་སྐྱོབ་དེ་གྲོས་རིམ་ནང་བཅུག་ནས། ཁོངས་གཏོགས་ཁུལ་གྱི་གསོ་སྤེལ་ར་བ(ཁྱིམ་ཚང)དང་ཁ་ཐོར་གསོ་ཚགས་ཁྱིམ་ཚང་སྒོ་ཟོག་གི་གུན་སྐྱོབ་ནང་ཞུགས་རྒྱུར་སྐུལ་ལྕག་ཧུར་ཐག་བཏང་ཏེ་སྐྱོབ་འོས་ཡོངས་སྐྱོབ་འགན་ལེན་ཐུབ་པ་དང་། གུན་སྐྱོབ་དང་གུན་གསབ་ལས་དོན་གྱི་བརྒྱུད་རིམ་ཤར་གཏོང་ཐུབ་པ་བྱས་ཏེ་གོ་རིམ་ལྡན་པའི་ངང་སྤེལ་དགོས། ཞིང་ཕྱུགས་སྡེ་ཁག་གིས་སྲོག་ཆགས་ཀྱི་རིམས་ནད་འགོག་སྡོམ་ལས་དོན་སྤེལ་བ་དང་ཆབས་ཅིག་སྒོ་ཟོག་གི་གུན་སྐྱོབ་ལ་ལག་རྩལ་གྱི་ཞབས་ཞུ་དང་གྲངས་གཞིའི་རྒྱབ་སྐྱོར་ཧུར་ཐག་བྱེད་དགོས། ཡུལ་གྲོང་གི་སྒོ་ཟོག་སྨན་བཅོས་ས་ཚིགས་ཀྱིས་རང་ངོས་ཀྱི་ལེགས་ཆ་འདོན་སྤེལ་བྱས་ནས། རང་འགུལ་ངང་སྒོ་ཟོག་ཁྱིམ་བྱ་གུན་སྐྱོབ་བྱེད་པའི་ཁྲོད་ཞུགས་ཏེ། ཡུལ་གྲོང་སྲིད་གཞུང་ལ་གཞོགས་འདེགས་བྱས་ནས་གསོ་སྤེལ་གུན་སྐྱོབ་ལས་དོན་ཡག་པོ་སྒྲུབ་དགོས། གུན་སྐྱོབ་སྡེ་ཁག་གིས་སྔོན་ལ་སྡེ་བ་རིམ་པའི་སྲོག་ཆགས་ཀྱི་རིམས་ནད་སྔོན་འགོག་མི་སྣ་གདན་ཞུ་བྱས་ཏེ་རོགས་སྐྱོབ་པ་བྱེད་དུ་བཅུག་ནས། གུན་སྐྱོབ་སྤྱི་གཉེར་ལ་རམ་འདེགས་བྱས་ནས་རྩད་ཞིབ་དང་གུན་གསབ་ཀྱི་ལས་དོན་ཡག་པོ་སྒྲུབ་དགོས་པ་དང་། དུས་མཚུངས་ལོ་རེར་རང་ས་གནས་ཀྱི་ཞིང་ཕྱུགས་གཙོ་གཉེར་སྡེ་ཁག་ལ་ལོ་འཁོར་གྱི་སྒོ་ཟོག་གུན་སྐྱོབ་དང་ནད་ཀྱིས་ཤི་བའི་སྒོ་ཟོག་ཀྱི་གུན་གསབ་སྤྲད་ཚུལ་བརྡ་ཁྱབ་གཏོང་དགོས། 

(དྲུག) གནོད་མེད་ཅན་དུ་ཐག་གཅོད་པའི་ལག་རྩལ་འདེགས་སྐྱོར་མ་ལག་འཛུགས་པ། 

ཁུལ་ནང་ཁུལ་གྱི་ཞིང་ཕྱུགས་ཚན་རྩལ་ཁྱབ་གདལ་ལས་ཁུངས་དང་ཞིང་ཆེན་ཕྱི་ནང་གི་ཚན་ཞིབ་ཁང་། མཐོ་རིམ་སློབ་གླིང་། ཁྱབ་གདལ་ལས་ཁུངས། ཁེ་ལས་བཅས་ཀྱིས་ནད་ཀྱིས་ཤི་བའི་སྒོ་ཟོག་ཁྱིམ་བྱ་གནོད་མེད་ཅན་དུ་ཐག་གཅོད་པའི་ལག་རྩལ་དང་བཟོ་རྩལ། སྒྲིག་ཆས་ཆ་ཚང་བཅས་ཞིབ་འཇུག་དང་གསར་སྤེལ། བེད་སྤྱོད་བཅས་བྱ་རྒྱུར་སྐུལ་ལྕག་དང་རྒྱབ་སྐྱོར་བྱེད་དགོས། རང་ཁུལ་གྱི་སྒོ་ཟོག་ཁྱིམ་བྱ་གསོ་སྤེལ་བྱེད་སྟངས་དང་འཚམ་པའི་སྒྲིག་བཀོད་དང་སྒྲིག་ཆས་ཞིབ་འཇུག་བྱས་ནས་དེ་མཚུངས་ཀྱི་ལག་རྩལ་དོ་དམ་ཚད་གཞི་བཟོ་དགོས་པ་དང་། ཁོར་ཡུག་གཙང་མ་དང་ཐོན་ཁུངས་བེད་སྤྱོད་བྱས་ནས་ནད་ཀྱིས་ཤི་བའི་སྒོ་ཟོག་ཁྱིམ་བྱ་དང་ནད་ཕོག་པའི་སྒོ་ཟོག་ཁྱིམ་བྱའི་ཐོན་རྫས་གནོད་མེད་ཅན་དུ་ཐག་གཅོད་པའི་ལག་རྩལ་གསར་པ་དང་བཟོ་རྩལ་གསར་པ་ཁྱབ་སྤེལ་དང་བེད་སྤྱོད་བྱེད་ཤུགས་ཆེ་རུ་གཏོང་དགོས་ལ། དྲིལ་སྒྲོག་དང་གསོ་སྦྱོང་ཡག་པོ་བྱེད་དགོས། ཞིང་ཆེན་ཕྱི་ནང་གི་འབྲེལ་ཡོད་ལག་རྩལ་སྤེལ་རེས་རྩ་འཛུགས་བྱས་ནས། ནད་ཀྱིས་ཤི་བའི་སྒོ་ཟོག་ཁྱིམ་བྱ་གནོད་མེད་ཅན་དུ་ཐག་གཅོད་པའི་བཟོ་སྐྲུན་ལག་རྩལ་གྱི་ཤེས་ལྡན་པ་དང་རྩ་འཛུགས་དོ་དམ་གྱི་ཤེས་ལྡན་པ་གསོ་སྐྱོང་ཤུགས་ཆེན་བྱས་ཏེ། རང་ཁུལ་གྱི་ནད་ཀྱིས་ཤི་བའི་སྒོ་ཟོག་ཁྱིམ་བྱ་དང་ནད་ཕོག་པའི་སྒོ་ཟོག་ཁྱིམ་བྱའི་ཐོན་རྫས་གནོད་མེད་ཅན་དུ་ཐག་གཅོད་པའི་ལས་དོན་བདེ་བླག་ངང་སྤེལ་རྒྱུར་སྐུལ་སྤེལ་བྱེད་དགོས། 

(བདུན།) གནོད་མེད་ཅན་དུ་ཐག་གཅོད་པའི་ཡིག་ཚགས་དོ་དམ་མ་ལག་འཐུས་ཚང་དུ་གཏོང་བ། 

རྫོང་རིམ་པའི་སྲོག་ཆགས་ཀྱི་རིམས་ནད་འགོག་སྡོམ་ལས་ཁུངས་ཀྱིས་ས་ཁོངས་དེའི་ནང་གི་ནད་ཀྱིས་ཤི་བའི་སྲོག་ཆགས་གནོད་མེད་ཅན་དུ་ཐག་གཅོད་པའི་ལས་དོན་གྱི་རྩིས་ཁྲ་བཟོ་དགོས་པ་དང་། གཅིག་སྡུད་སྐབས་ཉར་བྱེད་ས་སོ་སོས་རང་ས་གནས་ཀྱི་ཡུལ་ཚོའི(གྲོང་རྡལ)ཕྱུགས་ལས་སྨན་བཅོས་ས་ཚིགས་ཀྱི་ལྟ་སྐུལ་མཛུབ་ཁྲིད་འོག་ནད་ཀྱིས་ཤི་བའི་སྒོ་ཟོག་ཁྱིམ་བྱ་སྡུད་རུབ་དང་མཛོད་འཇུག་ཐོ་འགོད། དུག་སེལ་སོགས་ཀྱི་བྱ་བའི་རྩིས་ཁྲ་བཟོ་དགོས་པ་མ་ཟད། སྲིད་གཞུང་གི་འབྲེལ་ཡོད་སྡེ་ཁག་ལ་གཞོགས་འདེགས་ཧུར་ཐག་བྱས་ནས་རྒྱུན་གཏན་གྱི་ལྟ་སྐུལ་ཞིབ་བཤེར་དང་མཛུབ་ཁྲིད་ལས་དོན་ཡག་པོ་སྒྲུབ་དགོས། ནད་ཀྱིས་ཤི་བའི་སྒོ་ཟོག་ཁྱིམ་བྱ་གནོད་མེད་ཅན་དུ་ཐག་གཅོད་པའི་ལྟེ་གནས་ཀྱིས་རྫོང་རིམ་པའི་སྲོག་ཆགས་ཀྱི་རིམས་ནད་འགོག་སྡོམ་ལས་ཁུངས་ཀྱི་ལྟ་སྐུལ་མཛུབ་ཁྲིད་འོག ནད་ཀྱིས་ཤི་བའི་སྒོ་ཟོག་ཁྱིམ་བྱའི་བེམ་པོ་དང་འབྲེལ་ཡོད་ཐོན་རྫས་བརྒྱུད་འདྲེན་དང་དུག་སེལ། རླངས་འཁོར་ཐོ་འགོད་སོགས་ཀྱི་བྱ་བའི་རྩིས་ཁྲ་བཟོས་ནས། རླངས་འཁོར་བརྒྱུད་གཏོང་ཆ་འཕྲིན་དང་འབྲེལ་ཡོད་ལྷུ་ཚིགས་བརྙན་ལམ་ཟིན་ཐོ་ཡག་པོ་འགོད་དགོས་ལ། ནང་དོན་ལ་སྐྱེལ་འདྲེན་མི་སྣ་དང་དུས་ཚོད། འཁོར་བྱང་ཨང་རྟགས། ནད་ཀྱིས་ཤི་བའི་སྲོག་ཆགས། ཐོན་རྫས་ཀྱི་རིགས་དང་གྲངས་ཀ། སྲོག་ཆགས་ཀྱི་མཚོན་རྟགས། དུག་སེལ་བྱེད་སྟངས། སྐྱེལ་འདྲེན་བྱ་ཡུལ་སོགས་འདུས་པ་ཡིན། ད་དུང་སྲིད་གཞུང་གི་འབྲེལ་ཡོད་སྡེ་ཁག་ལ་གཞོགས་འདེགས་ཧུར་ཐག་བྱས་ཏེ་རྒྱུན་ལྡན་གྱི་ལྟ་སྐུལ་ཞིབ་བཤེར་ལས་དོན་ལེགས་པོར་སྒྲུབ་དགོས། 

བཞི། འགན་སྲུང་བྱེད་ཐབས། 

(གཅིག) རྩ་འཛུགས་མགོ་ཁྲིད་ལ་ཤུགས་སྣོན་བྱས་ནས་བྱ་བའི་འགན་འཁྲི་དོན་འཁྱོལ་བྱེད་དགོས། ནད་ཀྱིས་ཤི་བའི་སྒོ་ཟོག་ཁྱིམ་བྱ་དང་ནད་ཕོག་པའི་སྒོ་ཟོག་ཁྱིམ་བྱའི་ཐོན་རྫས་གནོད་མེད་ཅན་དུ་ཐག་གཅོད་པའི་ལས་དོན་གྱི་ཁོངས་གཏོགས་དོ་དམ་འགན་འཁྲི་དོན་འཁྱོལ་ནན་ཏན་བྱས་ཏེ། རྫོང་མི་དམངས་སྲིད་གཞུང་གིས་སྣེ་ཁྲིད་ཅིང་། ཞིང་ཕྱུགས་དང་འཕེལ་བཅོས། ནོར་སྲིད། སྐྱེ་ཁམས་ཁོར་ཡུག ཚོང་ར་རྟོག་དམ། རྒྱལ་ཁོངས། ཁྲལ་དོན། གློག་ཤུགས། ཆུ་བེད། གུན་སྐྱོབ་སོགས་སྡེ་ཁག་ཕན་ཚུན་གཞོགས་འདེགས་དང་། ཐུན་མོང་མཉམ་ལས་བྱས་ནས། ལས་བགོས་འགན་ཁུར་དང་མཉམ་དུ་སྐུལ་སྤེལ་བྱེད་པའི་བྱ་བའི་རྐྱེན་སྲོལ་བཟང་པོ་ཞིག་ཆགས་པར་བྱས་ཏེ། ནད་ཀྱིས་ཤི་བའི་སྒོ་ཟོག་ཁྱིམ་བྱ་དང་ནད་ཕོག་པའི་སྒོ་ཟོག་ཁྱིམ་བྱའི་ཐོན་རྫས་གནོད་མེད་ཅན་དུ་ཐག་གཅོད་པའི་མ་ལག་འཛུགས་སྐྲུན་གྱི་ལས་དོན་ཡོངས་འགྲུབ་བྱེད་དགོས། རིམ་བཞིན་ནད་ཀྱིས་ཤི་བའི་སྒོ་ཟོག་ཁྱིམ་བྱ་དང་ནད་ཕོག་པའི་སྒོ་ཟོག་ཁྱིམ་བྱའི་ཐོན་རྫས་གནོད་མེད་ཅན་དུ་ཐག་གཅོད་པའི་མགོ་ཁྲིད་ཚོ་ཆུང་བཙུགས་ཏེ། རྩ་འཛུགས་མགོ་ཁྲིད་དང་སྡོམ་འགོད་མཐུན་སྦྱོར་བྱེད་པའི་འགན་ཁུར་དགོས་པ་དང་། ས་ཁོངས་དང་སྡེ་ཁག་བར་གྱི་མཉམ་འགོག་མཉམ་འགུལ་གྱི་རྐྱེན་སྲོལ་བཙུགས་ཏེ། འགན་སྲུང་གི་ཆ་རྐྱེན་ཁག་འགན་ལེན་བྱེད་དགོས། 

(གཉིས།) རྟོག་དམ་གྱི་འགན་འཁྲི་ཁ་གསལ་བཟོས་ནས་མཐུན་སྦྱོར་གཞོགས་འདེགས་བྱེད་རྒྱུར་ཤུགས་སྣོན་རྒྱག་དགོས། སྲིད་གཞུང་རིམ་པ་སོ་སོས་ལས་བགོས་མཉམ་སྒྲུབ་དང་གཞོགས་འདེགས་དམ་ཟབ་བྱས་ཏེ་གནོད་མེད་ཅན་དུ་ཐག་གཅོད་པའི་ལས་དོན་ཚད་ལྡན་ངང་འཁོར་སྐྱོད་ཐུབ་པ་འགན་ལེན་བྱེད་དགོས། ལྷག་པར་དུ་རྫོང་སོ་སོ་དང་ཡུལ་གྲོང་སོ་སོའི་སྲིད་གཞུང་གིས་རང་ས་ཁོངས་ཀྱི་གསོ་སྤེལ་ར་བ(ཆུས)དང་། ཕྱུགས་ལས་ཨུ་ལྷན་དང་སྡེ་དམངས་ཨུ་ལྷན། མཉམ་ལས་ཁང་། གསོ་ཚགས་ཁྱིམ་ཚང་བཅས་ཀྱི་ནད་ཀྱིས་ཤི་བའི་སྲོག་ཆགས་གནོད་མེད་ཅན་དུ་ཐག་གཅོད་པའི་ལས་དོན་དྲིལ་སྒྲོག་དང་ཁྲིད་སྟོན། སྒྲིག་འཛུགས་བཅས་ཀྱི་ལས་དོན་གྱི་འགན་ཁུར་ནས་སྡུད་སྐྱེལ་དང་དུག་སེལ། རྩིས་ཁྲ་སོགས་ཀྱི་རྒྱུན་གཏན་དོ་དམ་ལས་དོན་ཡག་པོ་སྒྲུབ་དགོས་པ་དང། ཞིང་ཕྱུགས་སྡེ་ཁག་གིས་ནད་ཀྱིས་ཤི་བའི་སྲོག་ཆགས་གནོད་མེད་ཅན་དུ་ཐག་གཅོད་པའི་གྲངས་གཞི་ཕྱོགས་བསྡུས་དང་ཞིབ་བཤེར་གོང་ཞུ་བྱེད་པའི་ལས་དོན་གྱི་འགན་ཁུར་ནས། ནད་ཀྱིས་ཤི་བའི་སྲོག་ཆགས་གནོད་མེད་ཅན་དུ་ཐག་གཅོད་པའི་ཐོན་དངོས་རྟོག་དམ་ལ་ཤུགས་སྣོན་རྒྱག་དགོས། སྤྱི་བདེ་དང་ཞིབ་དཔྱོད་སྡེ་ཁག་གིས་ནད་ཀྱིས་ཤི་བའི་སྲོག་ཆགས་དང་ཐོན་རྫས་ཐོན་སྐྱེད་དང་གཉེར་སྐྱོང་། བཤའ་བ། ལས་སྣོན། ཉོ་སྒྲུབ། གསོག་ཉར་བཅས་ཀྱི་ཉེས་གསོག་གྱོད་གཞི་ཞིབ་གཅོད་བྱེད་འགན་འཁུར་དགོས། ཚོང་རའི་རྟོག་དམ་སྡེ་ཁག་གིས་འཁོར་རྒྱུག་དང་བཟའ་བཏུང་ལྷུ་ཚིགས་ཀྱི་ནད་ཕོག་པའི་སྲོག་ཆགས་དང་ཐོན་རྫས་ཞིབ་བཤེར་ཐག་གཅོད་བྱེད་འགན་འཁུར་ནས། ཞིབ་བཤེར་ཐག་གཅོད་བྱས་པའི་ནད་ཕོག་པའི་སྲོག་ཆགས་དང་ཐོན་རྫས་གཅིག་གྱུར་ཐོག་སྡུད་རུབ་བྱེད་དགོས། སྐྱེ་ཁམས་ཁོར་ཡུག་སྡེ་ཁག་གིས་སྒོ་ཟོག་གསོ་སྤེལ་གྱིས་ཁོར་ཡུག་སྦགས་བཙོག་བཟོ་བའི་ཁྲིམས་འགལ་བྱ་སྤྱོད་ཞིབ་བཤེར་ཐག་གཅོད་བྱེད་འགན་འཁུར་ནས། ནད་ཀྱིས་ཤི་བའི་སྲོག་ཆགས་གནོད་མེད་ཅན་དུ་སྒྱུར་གནས་ལ་ལྟ་སྐུལ་ཞིབ་བཤེར་བྱེད་ཤུགས་ཆེ་རུ་བཏང་སྟེ། བེད་མེད་རླངས་རོ་དང་བཙོག་ཆུ་གཙང་སེལ་སྒྲིག་ཆས་རྒྱུན་གཏན་ལྟར་འཁོར་སྐྱོད་ཐུབ་པ་འགན་ལེན་བྱས་ཏེ། ཚད་གཞི་ལོངས་ན་ད་གཟོད་ཕྱིར་འབུད་བྱེད་དགོས། ནོར་སྲིད་སྡེ་ཁག་གིས་ནད་ཀྱིས་ཤི་བའི་སྲོག་ཆགས་གནོད་མེད་ཅན་དུ་ཐག་གཅོད་པའི་ནོར་སྲིད་ཁ་གསབ་མ་དངུལ་སྔོན་རྩིས་ནང་འཇུག་པ་དང་འབྲེལ་དོན་འཁྱོལ་གནད་ལ་འཁེལ་བའི་འགན་ཁུར་དགོས། རྒྱལ་ཁོངས་དང་ཁྲལ་དོན། གློག་ཤུགས། ཆུ་བེད་སོགས་འབྲེལ་ཡོད་སྡེ་ཁག་གིས་ནད་ཀྱིས་ཤི་བའི་སྲོག་ཆགས་གནོད་མེད་ཅན་དུ་ཐག་གཅོད་པའི་འཛུགས་སྐྲུན་ལས་དོན་ཐད་རྒྱལ་ཁོངས་དང་ཁྲལ་བསྡུ། གློག་སྤྱོད། ཆུ་སྤྱོད་སོགས་ཀྱི་ཐད་འབྲེལ་ཡོད་གཟིགས་སྐྱོང་སྲིད་ཇུས་བཏོན་ནས་ལས་དོན་བདེ་བླག་ངང་སྤེལ་ཐུབ་པ་འགན་ལེན་བྱེད་དགོས། 

(གསུམ།) ལྟ་སྐུལ་ཞིབ་བཤེར་ལ་ཤུགས་བསྣན་ནས་ལས་དོན་དཔྱད་ཞིབ་ཇེ་དྲག་ཏུ་གཏོང་དགོས། ཁུལ་གྱི་ནད་ཀྱིས་ཤི་བའི་སྲོག་ཆགས་གནོད་མེད་ཅན་དུ་ཐག་གཅོད་པའི་ལས་དོན་མགོ་ཁྲིད་ཚན་ཆུང་གཞུང་ལས་ཁང་གིས་ནད་ཀྱིས་ཤི་བའི་སྒོ་ཟོག་ཁྱིམ་བྱ་གཅིག་སྡུད་གནོད་མེད་ཅན་དུ་ཐག་གཅོད་པའི་ལས་དོན་ལམ་ལུགས་དང་། བྱ་བའི་འགན་འཁྲི། བཀོལ་སྤྱོད་སྒྲིག་སྲོལ་བཅས་དུས་ཐོག་ཏུ་བཟོས་ནས། རྒྱུན་རྣམ་ཅན་གྱི་ལས་དོན་ལ་ལྟ་བཤེར་དང་ཁྱབ་སྒྲོག་ལམ་ལུགས་འཛུགས་དགོས། ལྟ་སྐུལ་དང་ཁྲིམས་བསྟར་ལ་ཤུགས་བརྒྱབ་ནས། ཁྲིམས་འགལ་བྱ་སྤྱོད་ལ་རྡུང་རྡེག་ནན་མོ་བཏང་སྟེ། ནད་ཀྱིས་ཤི་བའི་སྲོག་ཆགས་གང་བྱུང་དུ་གཡུག་པ་དང་འཚོང་འགྲེམ་བྱེད་པ། ནད་ཀྱིས་ཤི་བའི་སྲོག་ཆགས་ཀྱི་ཐོན་རྫས་ལས་སྣོན་བྱེད་པ་སོགས་ཁྲིམས་འགལ་ཉེས་གསོག་གི་བྱ་སྤྱོད་ལ་རྡུང་རྡེག་ནན་མོ་གཏོང་དགོས། 

(བཞི།) དྲིལ་སྒྲོག་སློབ་གསོ་བྱེད་ཤུགས་ཆེ་རུ་བཏང་ནས་གླེང་ཕྱོགས་ཀྱི་ཉམས་སྣང་ལེགས་པོ་གཏོད་དགོས། ཡུལ་གྲོང་སོ་སོས་གསོ་སྤེལ་ར་བ(ཆུས)དང་ཕྱུགས་ལས་ཨུ་ལྷན། སྡེ་དམངས་ཨུ་ལྷན། མཉམ་ལས་ཁང་། གསོ་སྤེལ་ཁྱིམ་ཚང་སོགས་ལ་ཁས་ལེན་ཡི་གེའམ་ཡང་ན་འགན་འཁྲིའི་ཡི་གེ་བྲིས་ནས་མང་ཚོགས་ལ་དྲིལ་སྒྲོག་དཔྱད་ཡིག་དང་བརྡ་ཡིག་འགྲེམ་པ་དང་། ད་དུང་རླུང་འཕྲིན་དང་བརྙན་འཕྲིན། ཚགས་དེབ་སོགས་གསར་འགྱུར་སྨྱན་སྦྱོར་དང་དྲ་རྒྱའི་སྨྱན་སྦྱོར། གསོ་སྦྱོང་སོགས་ཐབས་ལམ་སྣ་ཚོགས་ལ་བརྟེན་ནས། ནད་ཀྱིས་ཤི་བའི་སྲོག་ཆགས་གཅིག་སྡུད་གནོད་མེད་ཅན་དུ་ཐག་གཅོད་བྱེད་པའི་དོན་སྙིང་གལ་ཆེན་རྒྱ་ཁྱབ་ངང་དྲིལ་སྒྲོག་བྱས་ཏེ། སྲོག་ཆགས་ཀྱི་རིམས་འགོག་དང་བཟའ་བཅའི་བདེ་འཇགས་བཅའ་ཁྲིམས་ཁྲིམས་སྲོལ་དྲིལ་སྒྲོག་ཤུགས་ཆེན་བྱེད་པ་དང་། སྤྱི་དམངས་ཀྱི་བདེ་འཇགས་འདུ་ཤེས་ཇེ་མཐོར་གཏོང་དགོས་ལ། ནད་ཀྱིས་ཤི་བའི་སྒོ་ཟོག་ཁྱིམ་བྱ་འདོར་བ་དང་ཉོ་སྒྲུབ། ཉོ་འཚོང། བཤའ་བ། ལས་སྣོན་སོགས་ཀྱི་ཁྲིམས་འགལ་བྱ་སྤྱོད་ལ་ལྟ་སྐུལ་དང་ཞུ་གཏུག་བྱེད་པར་སྤྱི་ཚོགས་ཡོངས་ལ་སྐུལ་སློང་བྱས་ཏེ། ནད་ཀྱིས་ཤི་བའི་སྲོག་ཆགས་གནོད་མེད་ཅན་དུ་ཐག་གཅོད་པའི་སྤྱི་ཚོགས་ཅན་གྱི་ཞབས་ཞུ་ཕྱོགས་ཡོངས་ནས་སྒྲུབ་པ་དང་།  ནད་ཀྱིས་ཤི་བའི་སྲོག་ཆགས་གནོད་མེད་ཅན་དུ་ཐག་གཅོད་པའི་ནུས་པ་ཆེ་རུ་བཏང་ནས། ཡིད་རྟོན་གཉེར་སྐྱོང་དང་བློ་བདེའི་འཛད་སྤྱོད་ཀྱི་སྤྱི་ཚོགས་ཉམས་སྣང་ལེགས་པོ་ཞིག་ཧུར་ཐག་གིས་གཏོད་དགོས།

(ལྔ།) ནོར་སྲིད་ཀྱི་རྒྱབ་སྐྱོར་བྱེད་ཤུགས་ཆེ་རུ་བཏང་ནས་ཕུགས་ཕན་རྐྱེན་སྲོལ་འཛུགས་དགོས།  གསོ་སྤེལ་ལྷུ་ཚིགས་ཀྱི་ནད་ཀྱིས་ཤི་བའི་སྲོག་ཆགས་གནོད་མེད་ཅན་དུ་ཐག་གཅོད་པའི་ཁ་གསབ་སྲིད་ཇུས་དོན་འཁྱོལ་ནན་པོ་བྱས་ནས། ནད་ཀྱིས་ཤི་བའི་སྲོག་ཆགས་གནོད་མེད་ཅན་དུ་ཐག་གཅོད་པའི་ཐག་གཅོད་ཁྱབ་ཚད་ཆེ་རུ་གཏོང་དགོས། ཁུལ་དང་རྫོང་གི་ནོར་སྲིད་དང་ཞིང་ཕྱུགས། སྐྱེ་ཁམས་ཁོར་ཡུག་སྲུང་སྐྱོང་སོགས་འབྲེལ་ཡོད་སྡེ་ཁག་གིས་ཕྱུགས་ལས་སྐྱོན་བྲལ་ངང་གསོ་སྤེལ་དང་། གསོ་སྤེལ་གྱི་བེད་མེད་དངོས་པོའི་སྦགས་བཙོག་འགོག་བཅོས། ནོར་སྲིད་ཀྱིས་ཞིང་སྐྱོར་དང་སྲིད་ཇུས་གུན་སྐྱོབ་སོགས་རྣམ་གྲངས་ཀྱི་མ་དངུལ་སྡོམ་འགོད་བྱས་ནས། ནད་ཀྱིས་ཤི་བའི་སྲོག་ཆགས་གནོད་མེད་ཅན་དུ་ཐག་གཅོད་པའི་རྐྱེན་སྲོལ་འཛུགས་སྐྲུན་དང་འཁོར་སྐྱོད་ལ་ཕྱོགས་ནས། སྐྱེ་དངོས་བདེ་འཇགས་འགོག་སྲུང་བྱེད་ཐབས་ཚགས་དམ་པ་དང་སྡུད་རུབ་ནུས་པ་ཆེ་བ། ཁྱབ་ཚད་མཐོ་བ། འཁོར་སྐྱོད་རྟོག་དམ་ནན་མོ་བཅས་ཀྱི་ནད་ཀྱིས་ཤི་བའི་སྒོ་ཟོག་སྡུད་རུབ་དང་འཁོར་སྐྱོད། སྐྱེལ་འདྲེན་སྒྲིག་བཀོད་འཛུགས་སྐྲུན་བྱེད་དགོས། དུས་མཚུངས་སུ་གསོ་སྤེལ་གུན་སྐྱོབ་དང་ནོར་སྲིད་ཁ་གསབ་སྲིད་ཇུས་སྡོམ་འགོད་སྦྲེལ་མཐུད་ཡག་པོ་བྱས་ནས། ནད་ཀྱིས་ཤི་བའི་སྲོག་ཆགས་གནོད་མེད་ཅན་དུ་ཐག་གཅོད་པའི་ཁ་གསབ་ཀྱི་ཕུགས་ཕན་རྐྱེན་སྲོལ་འཛུགས་པ་དང་འཐུས་སྒོ་ཚང་དུ་བཏང་སྟེ། ནད་ཀྱིས་ཤི་བའི་སྲོག་ཆགས་གནོད་མེད་ཅན་དུ་བསྒྱུར་ནས་རྒྱུན་གཏན་འཁོར་སྐྱོད་ལ་འགན་ལེན་བྱེད་པ་དང་། ཚད་གཞི་མཐོ་ཤོས་ཀྱི་སྒོ་ནས་ཕན་འབྲས་འདོན་སྤེལ་བྱེད་དགོས། 

ཟུར་བཀོད། 

མཚོ་བྱང་ཁུལ་གྱི་ནད་ཀྱིས་ཤི་བའི་སྒོ་ཟོག་ཁྱིམ་བྱ་དང་ནད་ཕོག་པའི་སྒོ་ཟོག་ཁྱིམ་བྱའི་ཐོན་རྫས་གནོད་མེད་ཅན་དུ་ཐག་གཅོད་པའི་ལས་དོན་མགོ་ཁྲིད་ཚན་ཆུང་གི་ཁོངས་མིའི་མིང་ཐོ།

མཚོ་བྱང་ཁུལ་གྱི་ནད་ཀྱིས་ཤི་བའི་སྒོ་ཟོག་ཁྱིམ་བྱ་དང་ནད་ཕོག་པའི་སྒོ་ཟོག་ཁྱིམ་བྱའི་ཐོན་རྫས་གནོད་མེད་ཅན་དུ་ཐག་གཅོད་པའི་ལས་དོན་ལ་སྐུལ་སྤེལ་ཏན་ཏིག་གཏོང་ཆེད། ཞིབ་འཇུག་བྱས་པ་བརྒྱུད། མཚོ་བྱང་ཁུལ་གྱི་ནད་ཀྱིས་ཤི་བའི་སྒོ་ཟོག་ཁྱིམ་བྱ་གནོད་མེད་ཅན་དུ་ཐག་གཅོད་པའི་ལས་དོན་མགོ་ཁྲིད་ཚན་ཆུང་བཙུགས་ཤིང་། ཁོངས་མི་གཤམ་གསལ་ལྟར། 

ཚན་གཙོ། ཨ་ཁྱུང་། ཁུལ་ཨུའི་རྒྱུན་ཨུའམ་རྒྱུན་ལས་ཁུལ་དཔོན་གཞོན་པ། 

ཚན་གཙོ་གཞོན་པ། ཚའོ་ཅི་ཆང་། ཁུལ་དཔོན་གཞོན་པའམ་ཁུལ་ནོར་སྲིད་ཅུའི་ཅུ་ཀྲང་། 

ཝེ་པིན་ཡན། ཁུལ་མི་དམངས་སྲིད་གཞུང་གི་དྲུང་ཡིག་ཆེན་མོ་གཞོན་པ། 

ཝང་ཆིང་། ཁུལ་སྐྱེ་ཁམས་ཁོར་ཡུག་ཅུའི་ཅུ་ཀྲང་། 

ཏུང་པོ། ཁུལ་ཞིང་ཕྱུགས་དང་ཚན་རྩལ་ཅུའི་ཅུ་ཀྲང་།

ཁོངས་མི། དབྱི་ཅུན། ཁུལ་ཞིབ་དཔྱོད་ཁང་གི་ཞིབ་དཔྱོད་དཔོན་གཞོན་པ། 

ཝང་ཡུས་མིང་། འཇུ་ལག་རྫོང་གི་རྫོང་དཔོན་གཞོན་པ། 

ཆི་ཚེ་རིང་། མདོ་ལ་རྫོང་གི་རྫོང་དཔོན་གཞོན་པ།

བློ་བཟང་རྒྱལ། རྐང་ཚ་རྫོང་གི་རྫོང་དཔོན་གཞོན་པ།

ཏོ་ཧའོ་ཡུན། མདའ་བཞི་རྫོང་གི་རྫོང་དཔོན་གཞོན་པ།

ཆོས་དབྱིངས་རྒྱ་མཚོ། ཁུལ་འཕེལ་རྒྱས་དང་བཅོས་སྒྱུར་ཨུ་ལྷན་གྱི་ཀྲུའུ་རེན་གཞོན་པ། 

ལི་ཞའོ་ནན། ཁུལ་ནོར་སྲིད་ཅུའི་ཅུ་ཀྲང་གཞོན་པ། 

མཱ་ཝེ་ཏུང་། ཁུལ་སྤྱི་བདེ་ཅུའི་ཅུ་ཀྲང་གཞོན་པ། 

ཧན་ཅན་ཕིང་། ཁུལ་ཚོང་ར་ལྟ་སྐུལ་དོ་དམ་ཅུའི་ཏང་ཙུའུ་ཡི་ཁོངས་མི།

ལི་ཝན་ལུའུ། ཁུལ་རང་བྱུང་ཐོན་ཁུངས་ཅུའི་ཅུ་ཀྲང་གཞོན་པ། 

ཕན་ཧྲུའུ་ནུང་། ཁུལ་ཆུ་བེད་ཅུའི་ཅུ་ཀྲང་གཞོན་པ། 

ལིའུ་ཡུས་ཀུའེ། ཁུལ་ཁྲལ་དོན་ཅུའི་ཅུ་ཀྲང་གཞོན་པ། 

ཝང་ཞོན། ཀྲུང་གོ་གློག་དྲ་མཚོ་བྱང་གློག་འདོན་སྤྱི་གཉེར་གྱི་སྤྱི་གཉེར་བ་གཞོན་པ། 

མཱ་མིང་རུའེ། ཀྲུང་གོ་མི་དམངས་གུན་སྐྱོབ་སྤྱི་གཉེར་མཚོ་བྱང་ཡན་ལག་སྤྱི་གཉེར། 

མགོ་ཁྲིད་ཚན་ཆུང་གི་འོག་ཏུ་གཞུང་ལས་ཁང་བཙུགས་ནས་ས་ཁོངས་དེ་གའི་ནད་ཀྱིས་ཤི་བའི་སྲོག་ཆགས་གནོད་མེད་ཅན་དུ་ཐག་གཅོད་པའི་རྩ་འཛུགས་ལག་བསྟར་དང་སྲིད་ཇུས་གཏན་འབེབས། ལྟ་སྐུལ་དོ་དམ་སོགས་ཀྱི་ལས་དོན་གྱི་འགན་ཁུར་དགོས། གཞུང་ལས་ཁང་ནི་ཁུལ་ཞིང་ཕྱུགས་དང་ཚན་རྩལ་ཅུ་རུ་བཙུགས་ཡོད་ལ། བློ་མཐུན་ཏུང་པོ་ཡིས་གཞུང་ལས་ཁང་གི་ཀྲུའུ་རེན་གྱི་འགན་གཅིག་ལྕོགས་སུ་འཁུར་ཡོད། 

本期证报PDF文件