མཚོ་བྱང་ཁུལ་མི་དམངས་སྲིད་གཞུང་གཞུང་ལས་ཁང་གི《མཚོ་བྱང་ཁུལ་གྱི2022ལོའི་སྡེབ་སྒྲིག་རྣམ་པའི་ཁྲལ་གྲོན་རྒྱབ་སྐྱོར་སྲིད་ཇུས་གསར་པ་དོན་འཁྱོལ་བྱེད་པའི་ཞིབ་ཕྲའི་བྱེད་ཐབས》དཔར་འགྲེམ་བྱས་པའི་སྐོར་གྱི་བརྡ་སྦྱོར།

རྩོམ་སྒྲིག དམ་ཆོས་བསམ་འགྲུབ། ཡོང་ཁུངས། མཚོ་བྱང་སྲིད་དོན་སྤྱི་བསྒྲགས།  བཤེར་འབེབས། རྡོ་རྗེ་བྱམས།

བྱང་སྲིད་གཞུང་ལས་ཁང〔2022〕ཨང54པ།

རྫོང་སོ་སོའི་མི་དམངས་སྲིད་གཞུང་དང་མཚོ་སྔོན་པོ་ཞིང་ར། ཁུལ་སྲིད་གཞུང་གི་སྡེ་ཁག་དང་ལས་ཁུངས་སོ་སོར།

《མཚོ་བྱང་ཁུལ་གྱི2022ལོའི་སྡེབ་སྒྲིག་རྣམ་པའི་ཁྲལ་གྲོན་རྒྱབ་སྐྱོར་སྲིད་ཇུས་གསར་པ་དོན་འཁྱོལ་བྱེད་པའི་ཞིབ་ཕྲའི་བྱེད་ཐབས》ཁུལ་སྲིད་གཞུང་གི་རྒྱུན་ལས་གྲོས་ཚོགས་ཐེངས19པའི་ཐོག་ཞིབ་འཇུག་བྱས་ནས་གྲོས་འཆམ་བྱུང་བ་བརྒྱུད། ད་ལྟ་ཁྱེད་ཚོར་དཔར་འགྲེམ་བྱ་རྒྱུ་ཡིན་པས་དོན་དངོས་ལ་ཟུང་འབྲེལ་བྱས་ཏེ། ལག་བསྟར་དོན་འཁྱོལ་ནན་ཏན་བྱེད་དགོས།མཚོ་བྱང་ཁུལ་མི་དམངས་སྲིད་གཞུང་གཞུང་ལས་ཁང་།

2022ལོའི་ཟླ7ཚེས13ཉིན།

མཚོ་བྱང་ཁུལ་གྱིས2022ལོའི་སྡེབ་སྒྲིག་རྣམ་པའི་ཁྲལ་གྲོན་རྒྱབ་སྐྱོར་སྲིད་ཇུས་གསར་པ་དོན་འཁྱོལ་བྱེད་པའི་ཞིབ་ཕྲའི་བྱེད་ཐབས།

2022ལོའི་སྡེབ་སྒྲིག་རྣམ་པའི་ཁྲལ་གྲོན་རྒྱབ་སྐྱོར་སྲིད་ཇུས་གསར་པ་ལག་བསྟར་དོན་འཁྱོལ་ནན་ཏན་བྱེད་ཆེད། ཁྲལ་འཕྲི་དངུལ་གཅོག་ལས་དོན་གོ་རིམ་ལྡན་པའི་ངང་དོན་འཁྱོལ་ཞིབ་ཚགས་བྱེད་པར་སྡོམ་འགོད་ཀྱིས་སྐུལ་འདེད་བཏང་ནས་ཁེ་ལས་ཀྱི་དཀའ་ངལ་སྔར་བས་སེལ་རོགས་བྱེད་དགོས། ཚོང་རའི་བྱེད་པོའི་ཡིད་ཆེས་ཆེ་རུ་གཏོང་བ་དང་ཚོང་རའི་བྱེད་པོའི་གསོན་ཤུགས་འཕེལ་བར་བྱས་ནས་ཁུལ་ཡོངས་ཀྱི་དཔལ་འབྱོར་དང་སྤྱི་ཚོགས་བརྟན་པོ་དང་སྐྱོན་བྲལ་ངང་འཕེལ་རྒྱས་འགྲོ་རྒྱུར་སྐུལ་འདེད་གཏོང་དགོས།《མཚོ་སྔོན་ཞིང་ཆེན་གྱི2022ལོའི་སྡེབ་སྒྲིག་རྣམ་པའི་ཁྲལ་གྲོན་རྒྱབ་སྐྱོར་སྲིད་ཇུས་གསར་བའི་བྱེད་ཐབས་འགའ》(མཚོ་སྲིད་གཞུང〔2022〕ཨང29པ)ཡི་ཡིག་ཆའི་བླང་བྱ་གཞིར་བཟུང་ནས། རང་ཁུལ་གྱི་དོན་དངོས་ལ་ཟུང་འབྲེལ་བྱས་ཏེ་གཤམ་གསལ་གྱི་བྱེད་ཐབས་དམིགས་བཀར་གྱིས་གཏན་འབེབས་བྱས་ཡོད།

གཅིག ལས་དོན་ལམ་སྲོལ་འཐུས་ཚང་དུ་གཏོང་དགོས། ཁུལ་སྲིད་གཞུང་གིས་དེ་སྔའི་ཁུལ་གྱི་ཁྲལ་རིན་གཉིས་གཅོག་ལས་དོན་མགོ་ཁྲིད་ཚན་ཆུང་གི་ཚན་གཙོ་དང་ཁོངས་མི་ལེགས་སྒྲིག་བྱས་ནས། སྲིད་གཞུང་གི་འགན་ཁུར་བློ་མཐུན་གཙོ་བོས་ཚན་གཙོའི་འགན་ཁུར་བའི་ཁུལ་གྱི་ཁྲལ་རིན་གཉིས་གཅོག་གི་ལས་དོན་མགོ་ཁྲིད་ཚན་ཆུང་བཙུགས་ཏེ། ཁུལ་ཡོངས་ཀྱི་ཁྲལ་སློག་དང་གྲོན་དངུལ་གཉིས་གཅོག་གི་ལས་དོན་ལ་ལྟ་སྐུལ་མཛུབ་ཁྲིད་དང་སྡོམ་འགོད་མཐུན་སྦྱོར་བྱེད་དགོས་ལ། རྫོང་སོ་སོའི་སྲིད་གཞུང་གིས་དེ་མཚུངས་ཀྱི་ལས་དོན་ལམ་སྲོལ་འཛུགས་དགོས། མགོ་ཁྲིད་ཚན་ཆུང་གི་ཁོངས་མིའི་ལས་ཁུངས་ཀྱིས་མཉམ་ལས་དམ་ཟབ་བྱས་ཏེ། ཆ་འཕྲིན་མཉམ་སྤྱོད་དང་དུས་བཅད་གྲོས་མོལ་ལམ་སྲོལ་བཙུགས་ནས་གནད་དོན་མགྱོགས་མྱུར་སྒོས་ཐག་གཅོད་བྱས་ཏེ་ཁུལ་ཡོངས་ཀྱི་ཁྲལ་སློག་དང་ཁྲལ་འཕྲི་དངུལ་གཅོག་བྱེད་པའི་རྒྱབ་སྐྱོར་སྲིད་ཇུས་ལག་བསྟར་སྐུལ་འདེད་གཏོང་དགོས། རིམ་པ་སོ་སོའི་ནོར་སྲིད་དང་ཁྲལ་དོན། མི་དམངས་དངུལ་ཁང་སོགས་སྡེ་ཁག་གིས་གནས་ཐང་འཕར་ཁྲལ་གྱི་འཕྲི་གཅོག་ཁྲལ་སློག་མ་དངུལ་འགན་ལེན་བྱེད་པ་དང་། མ་དངུལ་གཏོང་སྤྲོད་ཀྱི་བརྒྱུད་རིམ་ཤར་གཏོང་བྱེད་པ། སྲིད་ཇུས་ལག་བསྟར་གྱི་ཉེན་ཁར་དོགས་ཟོན་ནུས་ལྡན་བྱེད་པ། ཁྲལ་སློག་དང་ཁྲལ་འཕྲི་དངུལ་གཅོག་གི་སྲིད་ཇུས་དོན་འཁྱོལ་ཡོང་བ་འགན་ལེན་བྱེད་དགོས།

གཉིས། ཁྲལ་སློག་གི་ཁྲལ་འཕྲི་དངུལ་གཅོག་ལ་སྐུལ་འདེད་ཏན་ཏིག་གཏོང་དགོས།  མགོ་ཁྲིད་ཚན་ཆུང་གི་ཁོངས་མིའི་ལས་ཁུངས་ཀྱིས་ཏང་ཀྲུང་དབྱང་དང་རྒྱལ་སྲིད་སྤྱི་ཁྱབ་ཁང་གི་ཐབས་ཇུས་བཀོད་སྒྲིག་དང་ཞིང་ཨུ་དང་ཞིང་ཆེན་སྲིད་གཞུང་གི་ལས་དོན་བཀོད་སྒྲིག་ལག་བསྟར་དོན་འཁྱོལ་ནན་ཏན་བྱས་ཏེ་གནས་ཐང་འཕར་ཁྲལ་གྱི་ཁྲལ་སློག་འཇོག་པ་དང་། ཁེ་ལས་འབྲིང་ཆུང་ཕྲན་གསུམ་དང་སྒེར་གཉེར་བཟོ་ཚོང་ཁྱིམ་ཚང་གི་ཁྲལ་གྲོན་ཆག་ཡང་དང་རྩ་ཆག་ཏུ་གཏོང་བ། དུས་མཚམས་རང་བཞིན་གྱིས་ལས་ཤོར་དང་ལས་རྨས་འགན་བཅོལ་དངུལ་སོགས་སྡེབ་སྒྲིག་རྣམ་པའི་ཁྲལ་གྲོན་རྒྱབ་སྐྱོར་སྲིད་ཇུས་དོན་འཁྱོལ་ཡག་པོ་བྱས་ནས། ཁྲལ་འཇལ་མཁན་གྱི་ཁྲལ་འཕྲི་དངུལ་གཅོག་གི“འཕྲི་དགོས་རིགས་འཕྲི་བ”དང་། ཁྲལ་གྲངས་བཞག་ཡོད་པ“སློག་དགོས་རིགས་སློག་པ”འགན་སྲུང་བྱེད་དགོས། རིམ་པ་སོ་སོའི་ནོར་སྲིད་དང་ཁྲལ་དོན། མི་དམངས་དངུལ་ཁང་སོགས་སྡེ་ཁག་གིས་ཁྲལ་སློག་སྡོམ་རྩིས་ཞིབ་རྩིས་ཞིབ་བཤེར་ཡག་པོ་བྱས་ནས་ས་ཁུལ་དབྱེ་སྟེ་ཁྲལ་སློག་གི་སྔོན་དཔག་གཞི་ཁྱོན་དང་རྩིས་ཁྲ་བཟོ་དགོས།

གསུམ། སྲིད་ཇུས་ལག་བསྟར་དམ་འཛིན་ཡག་པོ་བྱེད་དགོས། ཁུལ་དང་རྫོང་སྲིད་གཞུང་གིས་སྡེབ་སྒྲིག་རྣམ་པའི་ཁྲལ་གྲོན་རྒྱབ་སྐྱོར་སྲིད་ཇུས་ཀྱི་སྣ་སོ་སོའི་གཏན་འབེབས་ལག་བསྟར་དོན་འཁྱོལ་བྱས་ཏེ། ཡོང་སྒོའི་གནས་བབ་ཀྱི་དབྱེ་ཞིབ་བརྡར་གཅོད་བྱེད་པར་ཤུགས་སྣོན་པ་དང་། སྔོན་རྩིས་ཀྱི་ཡོང་འགྲོ་སྒོའི་དོ་དམ་ཇེ་དྲག་ཏུ་བཏང་ནས་ནུས་ཤུགས་ཡོད་རྒུས་ཁྲལ་སློག་མ་དངུལ་འདང་ངེས་ཀྱིས་གནས་སར་འབྱོར་བ་ཁག་ཐེག་བྱེད་དགོས། རིམ་པ་སོ་སོའི་ནོར་སྲིད་དང་ཁྲལ་དོན། མི་ཤུགས་ཐོན་ཁུངས་དང་སྤྱི་ཚོགས་འགན་སྲུང་སོགས་སྡེ་ཁག་གིས་རྒྱལ་ཁབ་ཀྱིས་བཏོན་པའི་ཁྲལ་སློག་གི་ཁྲལ་འཕྲི་དངུལ་གཅོག་གི་རྒྱབ་སྐྱོར་རང་བཞིན་གྱི་སྲིད་ཇུས་གཏན་འབེབས་ལ་དམ་པོར་དམིགས་ནས། དུས་ཐོག་ཏུ་བཀོད་སྒྲིག་དང་སྲིད་ཇུས་དོན་འཁྱོལ་དམ་འཛིན་གང་མགྱོགས་བྱེད་དགོས་ལ། རིམ་པ་སོ་སོའི་ནོར་སྲིད་ཁྲལ་དོན་དང་མི་དམངས་དངུལ་ཁང་སོགས་སྡེ་ཁག་གིས་འགག་རྩའི་ལྷུ་ཚིགས་ཁོང་དུ་ཆུད་པ་བྱས་ཏེ་གཞི་གྲངས་གསལ་རྟོགས་དང་། མཆན་འགོད་ཐེངས་གྲངས་དགར་བ། འོས་ཤིང་འཚམ་པའི་སྒོ་ནས་ཁྲལ་སློག་གི་ཁྲལ་འཕྲི་དངུལ་གཅོག་གི་བྱ་བ་སྐུལ་སྤེལ་གཏོང་དགོས། ཁྲལ་འཇལ་མཁན་དཔྱད་འདེམས་ནང་ཞུགས་རྒྱུར་ཁྲིད་སྟོན་ཧུར་ཐག་བྱས་ནས་ཁྲལ་འཇལ་ཡིད་རྟོན་གདེང་འཇོག་ལས་དོན་ལ་སྐུལ་འདེད་བཏང་སྟེ། ཁྲལ་འཇལ་ཡིད་རྟོན་གདེང་འཇོག་བྱས་འབྲས་གནད་ལ་འཁེལ་བ་དང་ཕན་ནུས་ལྡན་པ་འགན་ལེན་བྱེད་དགོས། ཁྲལ་སློག་གི་ཁྲལ་འཕྲི་དངུལ་གཅོག་ལས་དོན་གྱི་བླང་བྱ་གཞིར་བཟུང་ནས་འབྲེལ་ཡོད་ཆ་འཕྲིན་མ་ལག་གི་འཁོར་རྒྱུག་ལག་རྩལ་འགན་ལེན་ཡག་པོ་བྱས་ཏེ་མ་ལག་བརྟན་པོའི་ངང་འཁོར་སྐྱོད་ཐུབ་པ་འགན་ལེན་བྱེད་དགོས།

བཞི། ཁྲལ་སློག་མ་དངུལ་འཇོག་པ་ཕྱིར་སློག་བྱེད་ཚད་མགྱོགས་སུ་གཏོང་དགོས། རིམ་པ་སོ་སོའི་ནོར་སྲིད་དང་ཁྲལ་དོན། མི་དམངས་དངུལ་ཁང་སོགས་སྡེ་ཁག་གིས་ཁྲལ་སློག་བྱ་བའི་བྱེད་ཐབས་བཟོས་ནས། བརྒྱུད་རིམ་ལེགས་སུ་གཏོང་བ་དང་། མགྱོགས་མྱུར་བཤེར་མཆན་འགོད་པ། ཉིན་དེར་རྩིས་ཐོ་འབྱོར་བ་སོགས་ཁྲལ་སློག་བྱེད་ཐབས་ཁ་གསལ་བཟོ་དགོས། དུས་ཐོག་ཏུ་ཁྲལ་སློག་བྱེད་པའི་ལམ་སྲོལ་བཙུགས་ནས་ཁྲལ་སློག་གི“ལྗང་མདོག་བགྲོད་ལམ”འཐུས་ཚང་དུ་བཏང་སྟེ། “འཕྲལ་མར་ཞིབ་བཤེར་བྱས་ནས་སྒྲུབ་དགོས་རིགས་ཚང་མ་སྒྲུབ་དགོས”པའི་བླང་བྱ་གཞིར་བཟུང་ནས། ཁྲལ་སློག་མ་དངུལ་འཇོག་པ་བདག་སྤྲོད་བྱེད་པའི་ཉིན་དེའམ་ཡང་ན་ཕྱི་ཉིན་ཁྲལ་འཇལ་མཁན་ལ་འབྱོར་དགོས། ཁྲལ་སློག་མ་དངུལ་གྱི་འཚུབ་བསྟུན་ཐག་གཅོད་སྔོན་ཇུས་བཟོས་ནས་ཁྲལ་སློག་མ་དངུལ་འཇོག་པ་དུས་ཐོག་ཏུ་སྤྲོད་ཐུབ་པ་འགན་ལེན་བྱེད་དགོས། རྫོང་སོ་སོའི་ནོར་སྲིད་སྡེ་ཁག་གིས་ས་གནས་རང་གི་ཁྲལ་སློག་གི་ཆེད་སྤྱོད་མ་དངུལ་བཞག་པའི་མཛོད་ཀྱི་འགན་སྲུང་ཆུ་ཚད་ཚོད་རྩིས་བྱས་ནས། གོང་རིམ་ནོར་སྲིད་སྡེ་ཁག་ལ་འབྲེལ་མཐུད་ཧུར་ཐག་བྱས་ཏེ་རྒྱལ་ཁབ་ཀྱི་དངུལ་མཛོད་ལ་ཟླ་བ་ཕྱེད་ཀའི་ཁྲལ་སློག་ལ་མཁོ་བའི་མ་དངུལ་བཅོལ་བ་འགན་ལེན་བྱེད་དགོས་ལ། ཁྲལ་སློག་མ་དངུལ་གྱི་དགོས་མཁོ་སྐོང་ཐུབ་པ་བྱེད་དགོས། རྫོང་སོ་སོའི་ནོར་སྲིད་དང་ཁྲལ་དོན་སྡེ་ཁག་གིས་ཁྲལ་སློག་གི་མ་དངུལ་བཞག་ཡོད་པའི་དགོས་མཁོ་སྣ་ཚོགས་ཚོད་རྩིས་དང་དབྱེ་ཞིབ་བྱས་ནས། རྒྱལ་མཛོད་མ་དངུལ་གྱི་འགུལ་རྣམ་ལྟ་སྐུལ་ཚོད་འཛིན་བྱེད་པ་དང་། ཁྲལ་སློག་མ་དངུལ་དུས་ཐོག་དང་འདང་ངེས་ཀྱིས་ཕྱིར་སློག་ཐུབ་པ་འགན་ལེན་བྱེད་དགོས། གལ་ཏེ་གནད་དོན་གལ་ཆེན་ལ་འཕྲད་ཚེ་དུས་ཐོག་ཏུ་ས་གནས་དེ་གའི་སྲིད་གཞུང་དང་གོང་རིམ་ནོར་སྲིད་སྡེ་ཁག་ལ་སྙན་སེང་ཞུ་དགོས།

ལྔ། ཆེད་དོན་མ་དངུལ་མགྱོགས་མྱུར་དུ་ཤར་གཏོང་ཐུབ་པ་འགན་ལེན་བྱེད་དགོས།  ཁུལ་ནོར་སྲིད་ཅུ་ཡིས་གོང་རིམ་ནོར་སྲིད་སྡེ་ཁག་ལ་གཞོགས་འདེགས་ཧུར་ཐག་བྱས་ཏེ། དུས་ལྟར་རྒྱལ་ཁབ་ཀྱིས་ཁྲལ་སློག་དང་ཁྲལ་འཕྲི་དངུལ་གཅོག་གི་ཆེད་དོན་མ་དངུལ་གནད་ལ་འཁེལ་བ་དང་འདང་ངེས་ཀྱིས་བགོ་བཤའ་བརྒྱབ་ནས་རྫོང་སོ་སོར་གཤམ་སྤྲོད་བྱེད་དགོས་ལ། ཁ་གསབ་མ་དངུལ་དང་ཁྲལ་སློག་ཏུ་བཞག་པའི་གཞི་ཁྱོན་ཕན་ཚུན་དང་འཚམ་མིན་ལ་བལྟས་ནས། རྫོང་རིམ་པའི་ནོར་ཤུགས་འགན་ལེན་ལ་ཤུགས་སྣོན་དགོས་པ་དང་། རྫོང་སོ་སོའི་ཁྲལ་སློག་མ་དངུལ་གྱི་དགོས་མཁོ་འགན་ལེན་བྱས་ཏེ། རིམ་པ་སོ་སོའི་ནོར་སྲིད་དང་ཁྲལ་དོན། མི་དམངས་དངུལ་ཁང་བཅས་ཀྱིས་ཆེད་དོན་མ་དངུལ་གྱི་བཀོལ་སྤྱོད་ལ་ལྟ་སྐུལ་དོ་དམ་བྱེད་པར་ཤུགས་སྣོན་དགོས་ལ། ཆེད་སྤྱོད་མ་དངུལ་བགོ་བའི་ཐོ་འགོད་སྙན་སེང་དང་སྔོན་རྩིས་གཤམ་སྤྲོད། མ་དངུལ་གཏོང་སྤྲོད་སོགས་ཀྱི་དོ་དམ་བླང་བྱ་གཟབ་ནན་གྱིས་ལག་བསྟར་བྱས་ནས། ཆེད་སྤྱོད་མ་དངུལ་ཐད་ཀར་དུ་ཐོན་པའི་མ་དངུལ་གྱི་ཁོངས་སུ་འཇུག་དགོས་ཤིང་། ཐད་ཀར་དུ་ཐོན་པའི་མ་དངུལ་གྱི་ལྟ་སྐུལ་ཚོད་འཛིན་བྱེད་པའི་མ་ལག་ལ་བརྟེན་ནས་འགུལ་རྣམ་ལ་ལྟ་སྐུལ་ཚོད་འཛིན་བྱེད་པ་དང་། མ་དངུལ་བགོ་འགྲེམ། བཀོལ་སྤྱོད་བཅས་ཀྱི་བརྒྱུད་རིམ་ཧྲིལ་བོར་རྗེས་འདེད་དང་ལྟ་སྐུལ་ཚོད་འཛིན་བྱས་ཏེ། དོན་དངོས་ཐོག་ཁེ་ལས་ལ་ཕན་པའི་ཕན་འབྲས་དངོས་འདོན་སྤེལ་བྱ་དགོས། ལས་སྒོའི་མ་ལག་འཁོར་སྐྱོད་དོ་དམ་ཡག་པོ་བྱེད་པ་དང་། འཁོར་སྐྱོད་དཔྱད་གྲངས་ལ་སྲུང་སྐྱོབ་ཡག་པོ་བྱེད་པ། མ་ལག་འཁོར་སྐྱོད་ཁྲོད་ཀྱི་འབྲེལ་ཡོད་གནད་དོན་ཐག་གཅོད་འོས་འཚམ་བྱེད་པ། ཁྲལ་སློག་ལས་སྒོ་བདེ་འཇགས་དང་བརྟན་པོའི་ངང་འཁོར་སྐྱོད་ཐུབ་པ་བཅས་འགན་ལེན་བྱེད་དགོས།

དྲུག ནོར་སྲིད་བརྟན་པོ་དང་བདེ་འཇགས་ངང་འཁོར་སྐྱོད་ཐུབ་པར་འགན་ལེན་ཏན་ཏིག་བྱ་དགོས།  རྫོང་སོ་སོའི་སྲིད་གཞུང་གིས་སྲིད་གཞུང་རང་བཞིན་གྱི་བུ་ལོན་ཉེན་ཁར་དོགས་ཟོན་དང་སེལ་ཐབས་ཧུར་ཐག་བྱེད་པ་དང་། སྲིད་གཞུང་རང་བཞིན་གྱི་བུ་ལོན་བཅད་གྲངས་དོ་དམ་དོན་འཁྱོལ་ནན་པོ་བྱེད་པ། རང་ས་གནས་ཀྱི་དཔལ་འབྱོར་དང་སྤྱི་ཚོགས་འཕེལ་རྒྱས་ཀྱི་ཆུ་ཚད་དང་། བུ་ལོན་གྱི་ཉེན་ཁ། ནོར་ཤུགས་ཀྱི་གནས་ཚུལ། སྲིད་གཞུང་གི་གསོག་འཇོག་བུ་ལོན་གྱི་ཆུ་ཚད་འདྲ་མཉམ་གྱི་རྒྱུ་རྐྱེན་བཅས་ལ་ཕྱོགས་བསྡུས་བསམ་གཞིགས་བྱས་ཏེ། ནོར་སྲིད་རྒྱུན་མཐུད་འཕེལ་རྒྱས་ཡོང་བའི་སྔོན་འགྲོའི་ཆ་རྐྱེན་འོག་བུ་ལོན་ཚད་རན་པོ་ལེན་དགོས་པ་དང་། བུ་ལོན་གྱི་ཉེན་ཁ་ཐོན་ནས“འགན་ལེན་གསུམ”གྱི་འགན་ལེན་ལ་ཤུགས་རྐྱེན་མི་ཐེབས་པ་མཐའ་གཅིག་ཏུ་བྱས་ཏེ། ས་ཁོངས་རང་བཞིན་གྱི་ཉེན་ཁ་མི་འབྱུང་བར་འགན་ལེན་བྱེད་དགོས། རིམ་པ་སོ་སོའི་ནོར་སྲིད་སྡེ་ཁག་གིས་ཁྲལ་སློག་དང་ཁྲལ་འཕྲི་དངུལ་གཅོག་དང་གཞི་རིམ་གྱི“འགན་ལེན་གསུམ”གྱི་དོ་སྙོམས་འབྲེལ་བ་དོན་འཁྱོལ་གནད་ལ་འཁེལ་བའི་སྒོ་ནས་ཁོང་དུ་ཆུད་པ་བྱས་ཏེ། ཀྲུང་དབྱང་དང་ཞིང་ཆེན་རིམ་པས་གཤམ་སྤྲོད་བྱས་པའི་ཁྲལ་འཕྲི་དངུལ་གཅོག་དང་དམངས་འཚོ་གཙོ་གནད་ཡིན་པའི་སྤོ་སྒྱུར་གཏོང་སྤྲོད་མ་དངུལ་དེ་ཁྲལ་འཕྲི་དངུལ་གཅོག་གི་སྲིད་ཇུས་ལས་གྲུབ་པའི་ཡོང་འབབ་ཆག་པའི་ཁ་གསབ་དོན་འཁྱོལ་བྱེད་པར་སྤྱོད་དགོས། “འགན་ལེན་གསུམ”གྱི་གཏོང་སྒོ་ཡི་ནོར་སྲིད་གཏོང་སྒོའི་ཁྲོད་ཀྱི་སྔོན་ཐོབ་གོ་རིམ་རྒྱུན་འཁྱོངས་བྱས་ཏེ། ཚན་རིག་དང་མཐུན་པའི་སྒོ་ནས་སྤོ་སྒྱུར་གཏོང་སྤྲོད་དང་རང་བདག་ནོར་ཤུགས་གཅིག་གྱུར་འཆར་འགོད་དང་། “འགན་ལེན་གསུམ”གྱི་མ་མཐའི་ཚད་ཐིག་བརྟན་པོར་སྲུང་ནས། ནོར་སྲིད་བརྟན་པོའི་ངང་འཁོར་སྐྱོད་བྱེད་པར་སྐུལ་འདེད་གཏོང་དགོས། རིམ་པ་སོ་སོའི་ནོར་སྲིད་དང་ཁྲལ་དོན་སྡེ་ཁག་གིས་ཁྲལ་སློག་དང་ཁྲལ་འཕྲི་དངུལ་གཅོག་གིས་ནོར་སྲིད་ཡོང་འབབ་ལ་ཤུགས་རྐྱེན་ཐེབས་ཚུལ་ཚོད་རྩིས་ལུགས་མཐུན་བྱས་ཏེ། ནོར་སྲིད་ཀྱི་གསོག་འཇོག་མ་དངུལ་གང་འགབ་ཅི་སྤྱོད་དང་། སྤྱིར་བཏང་རང་བཞིན་གྱི་གཏོང་སྒོ་ཚོད་འཛིན་ནན་པོ་བྱེད་པ་སོགས་ཀྱི་བྱེད་ཐབས་སྤྱད་དེ་ནོར་སྲིད་ཀྱི་གཏོང་ཡོང་འགལ་བ་ཞི་ལྷོད་དུ་གཏོང་དགོས།

བདུན། ཁྲལ་གཡོལ་ཁྲལ་བསླུའི་བྱ་སྤྱོད་ལ་ཚོད་འཛིན་ནན་པོ་བྱེད་དགོས། རིམ་པ་སོ་སོའི་ཁྲལ་དོན་སྡེ་ཁག་གིས་གནས་ཐང་འཕར་ཁྲལ་གྱི་ཁྲལ་སློག་བཞག་པའི་ཉེན་ཁར་དོགས་ཟོན་ནན་པོ་བྱས་ཏེ། ཁྱིམ་ཚང་གཅིག་གི་རྣམ་པའི་དོ་དམ་ལམ་སྲོལ་དང་གྲངས་གཞི་ཆེན་པོ་སྤྱད་དེ་གནད་ལ་འཁེལ་བའི་ལྟ་སྐུལ་དོ་དམ་བྱེད་ཤུགས་ཆེ་རུ་གཏོང་བ་དང་། དོན་དག་མ་བསྒྲུབས་གོང་དང་སྒྲུབ་བཞིན་པའི་སྒང་གི་ཉེན་བརྡ་གཏོང་ཤུགས་ཆེ་རུ་གཏོང་བ་དང་། དོན་དག་བསྒྲུབས་རྗེས་ཀྱི་ཉེན་ཁའི་དོ་དམ་འཐུས་ཚང་དུ་གཏོང་བ་བཅས་བྱས་ཏེ། “ཞིབ་བཤེར་ལ་བརྟེན་ནས་དོ་དམ་ལ་སྐུལ་འདེད”གཏོང་དགོས་ཤིང་།  ཁྲལ་བསྡུའི་ཉེན་ཁ་ཚབས་ཆེན་འགོག་ཟོན་དང་སེལ་ཐབས་བྱས་ནས། ས་ཆ་གཞན་ནས་ཞིབ་བཤེར་གཞོགས་འདེགས་དང་བརྟག་དཔྱད་བྱེད་པའི་ཁེ་ལས་དང་། རྫུན་འབྲི་དང་ལེན་བྱས་པའི་ཉེན་ཁ་ཐོན་མང་བའི་ལས་རིགས། ཉེན་ཁ་ཆེ་བའི་ཁྲིམས་མིའི་གསར་འཛུགས་ཁེ་ལས་གསར་པ། གོང་འོག་གི་རྒྱུན་ལྡན་མིན་པའི་ཁེ་ལས། དུས་ཐུང་ནང་ས་གནས་གཞན་གྱི་བཙོངས་འཛིན་དང་ལེན་བྱས་པ་སོགས་ཀྱི་ཉེན་ཁ་ཆེ་བའི་ཁྲལ་འཇལ་མཁན་བཅས་ལ་ཉེན་ཟོན་བྱས་ནས་ཉེན་ཁའི་དོན་གནད་གྲལ་བཤེར་བྱས་ཏེ་ཉེན་ཁ་ནུས་ལྡན་ངང་སེལ་དགོས། ཧེ་བག་ཅན་གྱི་ཉེན་ཁར་ཁ་གཏད་གཅོག་པའི་བྱེད་ཐབས་སྤྱད་དེ་ཉེན་ཁ་ཆུང་བའི་ཁྲལ་འཇལ་མཁན་ལ་དྲན་སྐུལ་ཟུར་ཁྲིད་བྱེད་པ་དང་། ཉེན་ཁ་འབྲིང་བའི་ཁྲལ་འཇལ་མཁན་ལ་སྐོང་འདྲི་དང་དཔྱད་དཔོག་བྱེད་པ། ཁྲལ་གཡོལ་དང་འཛིན་ཤོག་རྫུན་བཟོ་སོགས་ཁྲལ་བསྡུའི་ཁྲིམས་འགལ་བྱ་སྤྱོད་ཀྱི་ཉེན་ཁ་ཆེ་བའི་ཁྲལ་འཇལ་མཁན་ཞིབ་བཤེར་སྡེ་ཁག་རྩིས་སྤྲོད་བྱེད་དགོས། ཁྲལ་སློག་ཁ་བསླུས་རྒྱག་པའི་བྱ་སྤྱོད་ལ་རྡུང་རྡེག་ནན་པོ་བཏང་ནས་རྫུན་བཟོ་དང་། སྙན་ཞུ་རྫུན་མ། མགོ་སྐོར་གཏོང་བའི་བྱེད་ཐབས་གཞན་དག་བཅས་ཀྱིས་ཁྲལ་སློག་བཞག་པ་མགོ་སྐོར་བཏང་ནས་ཁྱེར་བའི་ཁྲིམས་འགལ་བྱ་སྤྱོད་ལ་དམིགས་ནས། ཁྲལ་དོན་ཞིབ་བཤེར་བྱས་ཏེ“མགོ་ཐོན་མ་ཐག་རྡུང་རྡེག་དང་། སྔ་ཙམ་དང་ཆུང་ཙམ་ནས་རྡུང་རྡེག་གཏོང་དགོས”།

བརྒྱད། རྗེས་འདེད་ཕན་འབྲས་འདྲི་བར་ཤུགས་སྣོན་རྒྱག་དགོས། རིམ་པ་སོ་སོའི་ནོར་སྲིད་དང་ཁྲལ་དོན་སྡེ་ཁག་གིས་ཁྲལ་སློག་སྒྲུབ་གཉེར་གྱི་ལས་ཕྱོད་ཆེ་རུ་གཏོང་བ་དང་། ཁྲལ་འཇལ་མཁན་གྱི་རེ་ཞུ་མགྱོགས་མྱུར་ངང་དང་ལེན་བྱེད་པའི་བགྲོད་ལམ་ཤར་གཏོང་བྱེད་དགོས་ལ། ཚོང་རའི་བྱེད་པོར་དཀའ་ངལ་ཐག་གཅོད་བྱེད་རོགས་ཧུར་ཐག་བྱེད་པ་དང་། གནད་དོན་ལ་དབྱེ་ཞིབ་དང་ཞིབ་འཇུག་བརྡར་གཅོད་བྱེད་ཤུགས་ཆེ་རུ་བཏང་ནས། ཁྲིམས་དང་སྒྲིག་སྲོལ་ལྟར་རིགས་དབྱེ་ཐག་གཅོད་བྱེད་དགོས། ཁྲལ་སློག་དང་ཁྲལ་འཕྲི་དངུལ་གཅོག་གི་ལས་དོན་གྱི་འཕེལ་རིམ་ལ་དུས་ཐོག་ཏུ་རྗེས་སྙེག་ནས། བརྒྱུད་རིམ་གྱི་གྲུབ་འབྲས་སྤྱི་སྡོམ་བྱེད་པ་དང་། རིམ་པ་རྗེས་མའི་བྱ་བར་གཅིག་གྱུར་འཆར་འགོད་བྱེད་དགོས་ཤིང་། བྱེད་ཐབས་གནད་ལ་འཁེལ་བར་བྱས་ཏེ་ཁྲལ་སློག་དང་ཁྲལ་འཕྲི་དངུལ་གཅོག་གི་སྲིད་ཇུས་དོན་འཁྱོལ་ཞིབ་ཕྲ་བྱེད་དགོས།

དགུ། དྲིལ་སྒྲོག་ཁྲིད་སྟོན་བྱེད་པར་མཐོང་ཆེན་བྱེད་དགོས། ཁུལ་དང་རྫོང་གི་འབྲེལ་ཡོད་སྡེ་ཁག་གིས་རིམ་པ་གཅིག་མཚུངས་ཀྱི་ཏང་ཨུའི་དྲིལ་སྒྲོག་སྡེ་ཁག་ལ་མཐུན་སྦྱོར་བྱས་ནས་ཁྲལ་སློག་དང་ཁྲལ་འཕྲི་དངུལ་གཅོག་གི་འཕྲིན་སྤེལ་ཆེད་སྒྲིག་ལེ་ཚན་བཙུགས་ཏེ། རྒྱལ་ཁབ་དང་མཚོ་སྔོན་ཞིང་ཆེན་གྱིས་བཏོན་པའི་ཁྲལ་སློག་དང་ཁྲལ་འཕྲི་དངུལ་གཅོག་གི་སྲིད་ཇུས་བྱེད་ཐབས་དང་འགྲེལ་བཤད་ཆེད་དོན་འགོད་པ་དང་། སྡེབ་སྒྲིག་རྣམ་པའི་ཁྲལ་གྲོན་རྒྱབ་སྐྱོར་སྲིད་ཇུས་ལས་དོན་གྱི་འཕེལ་རིམ་དང་ཕན་འབྲས་ལ་རྗེས་སྙེག་བྱས་ཏེ། ཁྲལ་སློག་དང་ཁྲལ་འཕྲི་དངུལ་གཅོག་གི་སྲིད་ཇུས་ཕན་ནུས་དང་དོན་འཁྱོལ་ཕན་ནུས། སྡེ་ཁག་མགོ་ཁྲིད་ཀྱི་ཆེད་དོན་བཅར་འདྲི་བཅས་ཀྱི་ནང་དོན་འཚོལ་སྒྲིག་བྱེད་དགོས། རིམ་པ་སོ་སོའི་འཕེལ་རྒྱས་བཅོས་སྒྱུར་དང་ནོར་སྲིད། ཁྲལ་དོན། བཟོ་ལས་དང་ཆ་འཕྲིན་ཅན། མི་དམངས་དངུལ་ཁང་སོགས་སྡེ་ཁག་གིས་སྡེབ་སྒྲིག་རྣམ་པའི་ཁྲལ་གྲོན་རྒྱབ་སྐྱོར་སྲིད་ཇུས་དོན་འཁྱོལ་དང་། ནོར་སྲིད་ཀྱི་གཏོང་ཡོང་བརྟན་པོའི་ངང་འཁོར་སྐྱོད་བྱེད་པ། ལས་ཞུགས་བརྟན་པོ། ལས་ཞུགས་འགན་ལེན་སྲིད་ཇུས་དོན་འཁྱོལ་དང་ཕན་འབྲས་སོགས་ཀྱི་ནང་དོན་ལ་དམིགས་ནས། གསར་འགྱུར་སྨྱན་སྦྱོར་དང་། གཙོ་ཆེའི་དྲ་ཚིགས། སྐད་འཕྲིན་སྤྱི་རྟགས་སོགས་ཀྱི་རྣམ་པ་བརྒྱུད་དེ། སྡེབ་སྒྲིག་རྣམ་པའི་ཁྲལ་གྲོན་རྒྱབ་སྐྱོར་སྲིད་ཇུས་སྤྱི་ཚོགས་སུ་དྲིལ་སྒྲོག་བྱེད་པའི་གཞི་ཁྱོན་རྒྱ་བསྐྱེད་དགོས། ཁེ་ལས་ཆུང་གྲས་དང་ཆེས་ཆུང་གྲས་ཕྱོགས་ཡོངས་ནས་གསོ་སྦྱོང་ཡག་པོ་བྱེད་པ་དང་། གཙོ་གནད་ལས་རིགས་ཀྱི་ཟུར་ཁྲིད་ཞིབ་ཚགས་བྱེད་པ། དྲ་ཐོག་དང་དྲ་ཕྱི་ནས་སྣ་མང་ཟུར་ཁྲིད་རྒྱུན་འཁྱོངས་བྱེད་པ། “དམངས་ཕན་ཁྲལ་སྒྲུབ་ཀྱི་དཔྱིད་རླུང་འགུལ་སྐྱོད”དང་ཁྲལ་བསྡུའི་དྲིལ་སྒྲོག་ཟླ་བའི་བྱེད་སྒོ་བཅས་ལ་བརྟེན་ནས། སྲིད་ཇུས་དྲིལ་སྒྲོག་ཏན་ཏིག་ཡག་པོ་བྱེད་དགོས་ལ། ཁྲལ་འཇལ་མཁན་གྱི་རིགས་དང་རང་གཤིས་ཅན་གྱི་དགོས་མཁོར་གཞིགས་ནས“ས་ཚིགས་དང་ས་ཚིགས”ཀྱི་ཟུར་ཁྲིད་དྲན་སྐུལ་དང་སྲིད་ཇུས་སྐུལ་སྤེལ་གཏོང་དགོས།

བཅུ། མ་དངུལ་ལ་ལྟ་སྐུལ་དོ་དམ་བྱེད་ཤུགས་ཆེ་རུ་གཏོང་དགོས། རྫོང་སོ་སོའི་སྲིད་གཞུང་གིས་ཞི་ཅིན་ཕིང་གི་ནོར་དཔལ་སྒྲིག་ཁྲིམས་ནན་དུ་གཏོང་རྒྱུའི་སྐོར་གྱི་མཛུབ་སྟོན་གལ་ཆེན་གྱི་དགོངས་དོན་སློབ་སྦྱོང་དང་ལག་བསྟར་དོན་འཁྱོལ་གཏིང་ཟབ་བྱེད་པ་དང་། ཞིང་ཨུ་དང་ཞིང་ཆེན་སྲིད་གཞུང་གི《ནོར་དཔལ་གྱི་སྒྲིག་ཁྲིམས་སྔར་བས་ནན་དུ་གཏོང་རྒྱུའི་སྐོར་གྱི་བསམ་འཆར》དོན་འཁྱོལ་ནན་མོ་བྱས་ནས། ཆེད་དོན་མ་དངུལ་དོ་དམ་བྱེད་ཐབས་གཞིར་བཟུང་སྟེ། ཁྲལ་སློག་མ་དངུལ་ལ་ལྟ་སྐུལ་དོ་དམ་བྱེད་ཤུགས་ཆེ་རུ་གཏོང་བ་དང་། བེད་མེད་དུ་བཞག་ནས་ཧམ་བཟུང་དང་གཞན་སྤྱོད་བྱེད་རིགས་སྔོན་འགོག་བྱེད་དགོས། རིམ་པ་སོ་སོའི་ནོར་སྲིད་དང་རྩིས་བཤེར། ཁྲལ་དོན། མི་དམངས་དངུལ་ཁང་སོགས་སྡེ་ཁག་གིས་རང་ཉིད་ཀྱི་འགན་འཁྲི་གཞིར་བཟུང་ནས་དུས་བཅད་ནང་ཞིབ་བཤེར་དང་ལྟ་སྐུལ་མཛུབ་ཁྲིད་བྱེད་ཤུགས་ཆེ་རུ་བཏང་སྟེ། ལས་དོན་ཏན་ཏིག་དང་གོ་རིམ་ལྡན་པའི་ངང་སྤེལ་བ་འགན་ལེན་བྱེད་དགོས། སྡེབ་སྒྲིག་རྣམ་པའི་ཁྲལ་གྲོན་རྒྱབ་སྐྱོར་སྲིད་ཇུས་གསར་པ་དོན་འཁྱོལ་མི་བྱེད་པ་དང་། ཁྲིམས་འགལ་སྒྲིག་འགལ་གྱིས་ནོར་སྲིད་ཡོང་འབབ་འཕར་སྣོན་གཏོང་བའི་ས་ཁུལ་དང་སྡེ་ཁག་ལ་འགན་འཁྲི་འདྲི་རྩད་དང་འགན་འཁྲི་བདའ་འདེད་ནན་མོ་བྱེད་དགོས།

ཟུར་བཀོད། 

མཚོ་བྱང་ཁུལ་གྱི་ཁྲལ་འཕྲི་དངུལ་གཅོག་ལས་དོན་མགོ་ཁྲིད་ཚན་ཆུང་གི་ཁོངས་མི་དང་འགན་འཁྲི་གཙོ་བོ།

ཁྲལ་འཕྲི་དངུལ་གཅོག་ལས་དོན་གྱི་དགོས་མཁོ་དང་མི་སྣ་འགྱུར་ལྡོག་བྱུང་ཚུལ་ལ་གཞིགས་ནས། མཚོ་བྱང་ཁུལ་གྱི་ཁྲལ་འཕྲི་དངུལ་གཅོག་མགོ་ཁྲིད་ཚན་ཆུང་གི་ཁོངས་མི་དང་འགན་འཁྲི་གཙོ་བོ་གཤམ་གསལ་ལྟར།

གཅིག  མགོ་ཁྲིད་ཚན་ཆུང་གི་ཁོངས་མི།

ཚན་གཙོ།  རྡོ་རྗེ། ཁུལ་མི་དམངས་སྲིད་གཞུང་གི་ཁུལ་དཔོན།

ཚན་གཙོ་གཞོན་པ། ཚོ་ཅི་ཆང་། ཁུལ་མི་དམངས་སྲིད་གཞུང་གི་ཁུལདཔོན་གཞོན་པ། 

ཁུལ་ནོར་སྲིད་ཅུ་ཡི་ཅུ་ཀྲང་།

ཁོངས་མི། ཀྲུའུ་ལིན། ཁུལ་སྲིད་གཞུང་གི་དྲུང་ཡིག་ཆེན་མོ།

ཞུང་ཀུའོ་ཁྲང་། ཁུལ་སྲིད་གཞུང་གི་དྲུང་ཡིག་ཆེན་མོ་གཞོན་པ།

མ་ཞའོ་ཧྥེང་། འཇུ་ལག་རྫོང་མི་དམངས་སྲིད་གཞུང་གི་རྫོང་དཔོན།

ཧོ་ཧྲེང་ཅེ། མདོ་ལ་རྫོང་མི་དམངས་སྲིད་གཞུང་གི་རྫོང་དཔོན།

སྟག་ལྷ། རྐང་ཚ་རྫོང་མི་དམངས་སྲིད་གཞུང་གི་རྫོང་དཔོན།

ཀྲང་ཧྲི་དབྱིན། མདའ་བཞི་རྫོང་མི་དམངས་སྲིད་གཞུང་གི་རྫོང་དཔོན།

ཝང་ཧའེ་ཡུན། ཁུལ་ཨུའི་དྲིལ་སྒྲོག་པུའི་པུ་ཀྲང་གཞོན་པ།

ཏུང་ཀོང་ཧྲུའུ། ཁུལ་འཕེལ་རྒྱས་བཅོས་སྒྱུར་ཨུ་ལྷན་གྱི་ཀྲུའུ་རེན།

ཀྲང་ཆི་ཧྥེང་། ཁུལ་བཟོ་ལས་ཚོང་དོན་དང་ཆ་འཕྲིན་ཅུའི་ཅུ་ཀྲང་།

ལི་ཞའོ་ནན། ཁུལ་ནོར་སྲིད་ཅུའི་ཅུ་ཀྲང་གཞོན་པ།

ཧྲེང་ཧྲའོ་རྨིན། ཁུལ་མི་ཤུགས་ཐོན་ཁུངས་དང་སྤྱི་ཚོགས་འགན་སྲུང་ཅུའི་ཅུ་ཀྲང་།

ལི་པིན། ཁུལ་རྩིས་བཤེར་ཅུའི་ཅུ་ཀྲང་།

དོན་གྲུབ་ཚེ་རིང་། ཁུལ་ཚོང་ར་ལྟ་སྐུལ་དོ་དམ་ཅུའི་ཅུ་ཀྲང་།

མའོ་རུང་པའོ། མཚོ་བྱང་ཁུལ་ཁྲལ་དོན་ཅུའི་ཅུ་ཀྲང་།

ཐང་ཧྲུན་ཞིན། མི་དམངས་དངུལ་ཁང་མཚོ་བྱང་ཁུལ་ལྟེ་བའི་ཡན་ལག་

དངུལ་ཁང་གི་མགོ་འཛིན་གཞོན་པ།

མཚོ་བྱང་ཁུལ་གྱི་ཁྲལ་འཕྲི་དངུལ་གཅོག་ལས་དོན་མགོ་ཁྲིད་ཚན་ཆུང་གཞུང་ལས་ཁང་ནི་ཁུལ་ནོར་སྲིད་ཅུ་རུ་བཙུགས་ཡོད་པ་དང་། བློ་མཐུན་ལི་ཞའོ་ནན་གྱིས་གཞུང་ལས་ཁང་གི་ཀྲུའུ་རེན་གྱི་འགན་གཅིག་ལྕོགས་སུ་འཁུར་ཡོད།

གཉིས། མགོ་ཁྲིད་ཚན་ཆུང་དང་གཞུང་ལས་ཁང་གི་འགན་འཁྲི་གཙོ་བོ།

（གཅིག）མགོ་ཁྲིད་ཚན་ཆུང་གི་འགན་འཁྲི་གཙོ་བོ་ནི། ཏང་ཀྲུང་དབྱང་དང་རྒྱལ་སྲིད་སྤྱི་ཁྱབ་ཁང་གི་ཐབས་ཇུས་བཀོད་སྒྲིག་དང་ཞིང་ཨུ་དང་ཞིང་ཆེན་སྲིད་གཞུང་གི་ལས་དོན་གྱི་བླང་བྱ་ལག་བསྟར་དོན་འཁྱོལ་བྱེད་པ་དང་། ཁུལ་ཡོངས་ཀྱི་སྡེབ་སྒྲིག་རྣམ་པའི་ཁྲལ་གྲོན་རྒྱབ་སྐྱོར་སྲིད་ཇུས་ལས་དོན་ལ་སྤྱི་འདོམས་སྐུལ་འདེད་གཏོང་བ། དཔྱ་ཁྲལ་ཆག་ཡང་དང་ཁྲལ་སློག  གྲོན་དངུལ་གཅོག་པའི་ལས་དོན་ཁྲོད་ཀྱི་གནད་དོན་གལ་ཆེན་ཞིབ་འཇུག་ཐག་གཅོད་བྱེད་པ། སྡེབ་སྒྲིག་རྣམ་པའི་ཁྲལ་གྲོན་རྒྱབ་སྐྱོར་སྲིད་ཇུས་དོན་འཁྱོལ་བྱས་ཚུལ་ལ་ལྟ་སྐུལ་མཛུབ་ཁྲིད་དང་ཞིབ་བཤེར་བཅས་བྱེད་དགོས།

མགོ་ཁྲིད་ཚན་ཆུང་ནང་སྲིད་ཇུས་མཐུན་སྦྱོར་དང་། སྲིད་ཇུས་ལག་བསྟར། གསར་འགྱུར་དྲིལ་སྒྲོག  ལྟ་སྐུལ་ཞིབ་བཤེར་བཅས་ལས་དོན་ཚན་ཆུང་བཞི་བཙུགས་ཡོད།

1.སྲིད་ཇུས་མཐུན་སྦྱོར་ཚན་ཆུང་། ཁུལ་ནོར་སྲིད་ཅུ་ཡིས་སྣེ་ཁྲིད་པ་དང་། ཁུལ་ཁྲལ་དོན་ཅུ་དང་མི་ཤུགས་ཐོན་ཁུངས་དང་སྤྱི་ཚོགས་འགན་སྲུང་ཅུ་སོགས་སྡེ་ཁག་ཐེ་ཞུགས་བྱས་ནས། རང་ཁུལ་གྱི་སྡེབ་སྒྲིག་རྣམ་པའི་ཁྲལ་གྲོན་རྒྱབ་སྐྱོར་སྲིད་ཇུས་ཀྱི་ཞིབ་ཕྲའི་བྱེད་ཐབས་ཞིབ་འཇུག་དང་བཟོ་རྒྱུའི་འགན་ཁུར་དགོས།

2.སྲིད་ཇུས་ལག་བསྟར་ཚན་ཆུང་། རྫོང་སོ་སོའི་མི་དམངས་སྲིད་གཞུང་གིས་སྣེ་ཁྲིད་པ་དང་། ཁུལ་ནོར་སྲིད་ཅུ་དང་། ཁུལ་ཁྲལ་དོན་ཅུ། ཁུལ་མི་ཤུགས་ཐོན་ཁུངས་དང་སྤྱི་ཚོགས་འགན་སྲུང་ཅུ། མི་དམངས་དངུལ་ཁང་མཚོ་བྱང་ཁུལ་ལྟེ་བའི་ཡན་ལག་དངུལ་ཁང་སོགས་སྡེ་ཁག་ཐེ་ཞུགས་བྱས་ནས། རང་ཁུལ་གྱི་སྡེབ་སྒྲིག་རྣམ་པའི་ཁྲལ་གྲོན་རྒྱབ་སྐྱོར་སྲིད་ཇུས་དོན་འཁྱོལ་དང་ལག་བསྟར་ཡག་པོ་བྱ་རྒྱུའི་འགན་ཁུར་དགོས།

3.གསར་འགྱུར་དྲིལ་སྒྲོག་ཚན་ཆུང་། ཁུལ་ཨུའི་དྲིལ་སྒྲོག་པུས་སྣེ་ཁྲིད་པ་དང་། ཁུལ་ནོར་སྲིད་ཅུ་དང་ཁུལ་ཁྲལ་དོན་ཅུ་ཡིས་གཞོགས་འདེགས་བྱས་ཏེ། སྡེབ་སྒྲིག་རྣམ་པའི་ཁྲལ་གྲོན་རྒྱབ་སྐྱོར་སྲིད་ཇུས་དྲིལ་སྒྲོག་དང་གསར་འགྱུར་སྤེལ་གཏོང་གི་འགན་ཁུར་དགོས།

4.ལྟ་སྐུལ་ཞིབ་བཤེར་ཚན་ཆུང་། ཁུལ་སྲིད་གཞུང་ལྟ་སྐུལ་ཞིབ་བཤེར་ཁང་གིས་སྣེ་ཁྲིད་པ་དང་། ཁུལ་བཟོ་ལས་ཚོང་དོན་དང་ཆ་འཕྲིན་ཅན་ཅུ་དང་ཁུལ་རྩིས་བཤེར་ཅུ། ཁུལ་ཁྲོམ་ར་ལྟ་སྐུལ་དོ་དམ་ཅུ་བཅས་ཀྱིས་གཞོགས་འདེགས་བྱས་ཏེ། སྡེབ་སྒྲིག་རྣམ་པའི་ཁྲལ་གྲོན་རྒྱབ་སྐྱོར་སྲིད་ཇུས་ལས་དོན་དོན་འཁྱོལ་བྱས་ཚུལ་ལ་ལྟ་སྐུལ་མཛུབ་ཁྲིད་དང་ཞིབ་བཤེར་བྱེད་པའི་འགན་ཁུར་དགོས།

（གཉིས།）མགོ་ཁྲིད་ཚན་ཆུང་གཞུང་ལས་ཁང་གི་འགན་འཁྲི་གཙོ་བོ་ནི། མགོ་ཁྲིད་ཚན་ཆུང་གི་བྱ་བ་སྣ་སོ་སོའི་བླང་བྱ་ལག་བསྟར་དོན་འཁྱོལ་བྱས་ཏེ། མགོ་ཁྲིད་ཚན་ཆུང་གི་ཁོངས་མིའི་ལས་ཁུངས་སོ་སོ་ལ་མཐུན་སྦྱོར་བྱས་ནས་ལས་དོན་སྤེལ་རྒྱུ་དང་། སྡེབ་སྒྲིག་རྣམ་པའི་ཁྲལ་གྲོན་རྒྱབ་སྐྱོར་སྲིད་ཇུས་ལས་དོན་གྱི་འཕེལ་རིམ་གནས་ཚུལ་ཕྱོགས་བསྡུས་བྱས་ནས་མགོ་ཁྲིད་ཚན་ཆུང་ལ་སྙན་སེང་ཞུས་ཏེ་དུས་ཐོག་ཏུ་ཆ་འཕྲིན་བརྡ་ཁྱབ་གཏོང་དགོས་ལ། སྡེབ་སྒྲིག་རྣམ་པའི་ཁྲལ་གྲོན་རྒྱབ་སྐྱོར་སྲིད་ཇུས་ཀྱི་ནང་དོན་འགྲེལ་བཤད་དང་མགོ་ཁྲིད་ཚན་ཆུང་གིས་བསྒྲུབ་རྒྱུར་སྤྲད་པའི་ལས་དོན་གཞན་དག་དོན་འཁྱོལ་བྱེད་དགོས།