མཚོ་བྱང་ཁུལ་མི་དམངས་སྲིད་གཞུང་གཞུང་ལས་ཁང་གི《མཚོ་བྱང་ཁུལ་གྱི་མི་སྣ་འདུ་འཛོམས་ཆེ་སའི་མེ་འགོག་བདེ་འཇགས་ཕྱོགས་བསྡུས་བཅོས་སྐྱོང་གི་ལས་དོན་བྱེད་ཐབས》དཔར་འགྲེམ་བྱས་པའི་སྐོར་གྱི་བརྡ་སྦྱོར།

རྩོམ་སྒྲིག དམ་ཆོས་བསམ་འགྲུབ། ཡོང་ཁུངས། མཚོ་བྱང་སྲིད་དོན་སྤྱི་བསྒྲགས།  བཤེར་འབེབས། རྡོ་རྗེ་བྱམས།

བྱང་སྲིད་གཞུང་ལས་ཁང〔2022〕ཨང55པ།

རྫོང་སོ་སོའི་མི་དམངས་སྲིད་གཞུང་དང་མཚོ་སྔོན་པོ་ཞིང་ར།  ཁུལ་སྲིད་གཞུང་གི་སྡེ་ཁག་དང་ལས་ཁུངས་སོ་སོར།

ཁུལ་མེ་འགོག་རོགས་སྐྱོབ་ཉིང་ལག་རུ་ཁག་གིས་འཆར་འགོད་བྱས་པའི《མཚོ་བྱང་ཁུལ་གྱི་མི་སྣ་འདུ་འཛོམས་ཆེ་སའི་མེ་འགོག་བདེ་འཇགས་ཕྱོགས་བསྡུས་བཅོས་སྐྱོང་གི་ལས་དོན་བྱེད་ཐབས》ལ་ཁུལ་སྲིད་གཞུང་ཡིད་འཐད་བྱུང་ཡོད་ལ། ད་ལྟ་ཁྱེད་ཚོར་དཔར་འགྲེམ་བྱས་པ་ཡིན་པས། ལག་བསྟར་དོན་འཁྱོལ་ཡག་པོ་བྱེད་དགོས།

                              མཚོ་བྱང་ཁུལ་མི་དམངས་སྲིད་གཞུང་གཞུང་ལས་ཁང་།

                                        2022ལོའི་ཟླ7ཚེས13ཉིན།

མཚོ་བྱང་ཁུལ་གྱི་མི་སྣ་འདུ་འཛོམས་ཆེ་སའི་མེ་འགོག་བདེ་འཇགས་ཕྱོགས་བསྡུས་བཅོས་སྐྱོང་གི་ལས་དོན་བྱེད་ཐབས།

སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་བདེ་འཇགས་ཐོན་སྐྱེད་སྐོར་གྱི་མཆན་བཀོད་མཛུབ་སྟོན་གལ་ཆེན་གྱི་དགོངས་དོན་ལག་བསྟར་དོན་འཁྱོལ་ནན་ཏན་བྱེད་པ་དང་། “མི་དམངས་བླ་ན་མེད་པ་དང་ཚེ་སྲོག་བླ་ན་མེད་པའི”འདུ་ཤེས་ལག་བསྟར་བྱེད་པ། རྒྱལ་སྲིད་སྤྱི་ཁྱབ་ཁང་བདེ་འཇགས་ཨུ་ལྷན་གྱི་བྱེད་ཐབས་དོན་ཚན་བཅོ་ལྔ་བ་དང་ཞིང་ཨུ་དང་ཞིང་ཆེན་སྲིད་གཞུང་གི་འགན་འཁྲིའི་གསལ་ཐོ་ཞིབ་ཕྲའི་ངང་དོན་འཁྱོལ་བྱེད་ཆེད། ཞིང་ཨུ་དང་ཞིང་ཆེན་སྲིད་གཞུང་གི་མགོ་ཁྲིད་ཀྱི་མཆན་བཀོད་མཛུབ་སྟོན་གྱི་བླང་བྱར་ཟུང་འབྲེལ་བྱེད་པ་དང་།    གཏིང་ཟབ་ཀྱིས་ཟི་ལིང་གི“5•6”མེ་སྐྱོན་ཆག་སྒོའི་བསླབ་བྱ་དང་ལེན་བྱས་ནས། མེ་འགོག་བདེ་འཇགས་ཀྱི་ཞིབ་བཤེར་ཆེན་མོའི་ལས་དོན་ལ་སྐུལ་འདེད་གཏོང་བ་དང་། མི་སྣ་འདུ་འཛོམས་ཆེ་སའི་ཚོགས་རའི་མེ་སྐྱོན་དང་ཆེས་ཚབས་ཆེའི་མེ་སྐྱོན་བྱུང་བར་སྔོན་འགོག་དང་བཀག་འགོག་མཐའ་གཅིག་ཏུ་བྱས་ཏེ། རང་ཁུལ་གྱི་དོན་དངོས་ལ་ཟུང་འབྲེལ་བྱས་ནས་གཤམ་གྱི་བྱེད་ཐབས་འདི་བཟོས་པ་ཡིན། 

གཅིག  ལས་དོན་དམིགས་ཚད།

ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་པ་མཛུབ་ཁྲིད་དུ་བྱས་ནས། སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་བདེ་འཇགས་ཐོན་སྐྱེད་སྐོར་གྱི་དཔྱད་བརྗོད་གལ་ཆེན་དང་མཛུབ་སྟོན་གྱི་དགོངས་དོན་ལག་བསྟར་དོན་འཁྱོལ་གཏིང་ཟབ་བྱེད་པ་དང་། རྒྱལ་སྲིད་སྤྱི་ཁྱབ་ཁང་བདེ་འཇགས་ཨུ་ལྷན་གྱི་བྱེད་ཐབས་དོན་ཚན15དང་ཞིང་ཨུ་དང་ཞིང་ཆེན་སྲིད་གཞུང་གི་འགན་འཁྲིའི་གསལ་ཐོ་དོན་འཁྱོལ་གང་ལེགས་བྱེད་དགོས། སྲིད་གཞུང་གིས་གཅིག་གྱུར་མགོ་ཁྲིད་དང་། སྡེ་ཁག་གིས་ཁྲིམས་ལྟར་ལྟ་སྐུལ་དོ་དམ། ལས་ཁུངས་ཀྱིས་ཁྱོན་ཡོངས་ནས་འགན་ཁུར། སྤྱི་དམངས་ཧུར་ཐག་གིས་ཞུགས་པ་བཅས་ཀྱི་རྩ་དོན་ལྟར། མེ་འགོག་གི་རོགས་སྐྱོབ་ལས་ཁུངས་ཀྱི་གཙོ་ནུས་དང་གཙོ་ཤུགས་དམག་གི་ནུས་པ་འདོན་སྤེལ་གང་ལེགས་བྱས་ནས།  མུ་མཐུད་དུ་མི་སྣ་འདུ་འཛོམས་ཆེ་སའི་ཉེན་ཁ་དང་བྱུར་རྐྱེན་ཚབས་ཆེན་གྲལ་བཤེར་དང་བཅོས་སྒྲིག་བྱེད་པ་དང་། མེ་འགོག་བདེ་འཇགས་ཀྱི་འགན་འཁྲི་དོན་འཁྱོལ་བྱ་རྒྱུར་སྐུལ་འདེད་ཤུགས་ཆེན་གཏོང་དགོས་ལ།  སྤྱི་ཚོགས་ཡོངས་ཀྱི་མེ་སྐྱོན་འགོག་ཟོན་ཆུ་ཚད་མཐོ་རུ་གཏོང་དགོས། ཁུལ་ཡོངས་སུ་མེ་སྐྱོན་ཆག་སྒོའི་ཤུགས་རྐྱེན་ངན་པ་མི་ཐེབས་པར་འགན་ལེན་བྱས་ནས། ཏང་གི་ཚོགས་ཆེན་ཐེངས་ཉི་ཤུ་པ་རྒྱལ་ཁའི་ངང་འཚོག་ཐུབ་པར་མེ་འགོག་བདེ་འཇགས་ཀྱི་ཁོར་ཡུག་བཟང་པོ་ཞིག་བསྐྲུན་དགོས།

གཉིས། རྩ་འཛུགས་མགོ་ཁྲིད།

ཁུལ་ཡོངས་ཀྱི་མི་སྣ་འདུ་འཛོམས་ཆེ་སའི་མེ་འགོག་བདེ་འཇགས་ཕྱོགས་བསྡུས་བཅོས་སྐྱོང་ལས་དོན་མགོ་ཁྲིད་ཚན་ཆུང་བཙུགས་ནས། ཁུལ་ཡོངས་ཀྱི་ཕྱོགས་བསྡུས་བཅོས་སྐྱོང་ལས་དོན་ལ་སྡོམ་འགོད་དང་།  མཐུན་སྦྱོར།  རྩ་འཛུགས་བཅས་བྱེད་དགོས། མི་སྣ་གྲུབ་ཚུལ་གཤམ་གསལ་ལྟར།

ཚན་གཙོ། ཨ་ཁྱུང་། ཁུལ་ཨུའི་རྒྱུན་ཨུའམ་རྒྱུན་ལས་ཁུལ་དཔོན་གཞོན་པ།

ཚན་གཙོ་གཞོན་པ། ཝེ་པིན་ཡན། ཁུལ་མི་དམངས་སྲིད་གཞུང་གི་དྲུང་ཡིག་ཆེན་མོ་གཞོན་པ།

མིན་ཝེ། ཁུལ་མེ་འགོག་རོགས་སྐྱོབ་ཉིང་ལག་རུ་ཁག་གི་རུ་དཔོན།

ཁོངས་མི། ཝང་ཧོའེ་པིན། ཁུལ་བཟོ་ཚོང་ཆ་འཕྲིན་ཅུའི་ཅུ་ཀྲང་གཞོན་པ།

རུའུ་དབྱི། ཁུལ་སློབ་གསོ་ཅུའི་ཆེད་བསྐོས་ཧྲུའུ་ཅི་གཞོན་པ།

ཧན་ཧྲེང་ཅུན། ཁུལ་མི་རིགས་ཆོས་ལུགས་ཨུ་ལྷན་གྱི་ཀྲུའུ་རེན་གཞོན་པ།

ལིའུ་དབྱི། ཁུལ་སྤྱི་བདེ་ཅུའི་ཅུ་ཀྲང་གཞོན་པ།

ལི་ཞིན་ཕིན། ཁུལ་དམངས་སྲིད་ཅུའི་ཅུ་ཀྲང་གཞོན་པ།

ཀྲུའུ་ཧྲེང་ཡོན། ཁུལ་མི་ཤུགས་འགན་སྲུང་ཅུའི་ཅུ་ཀྲང་གཞོན་པ།

དབྱང་ཀུའེ་མིང་། ཁུལ་སྡོད་ཁང་འཛུགས་སྐྲུན་ཅུའི་ཅུ་ཀྲང་གཞོན་པ།

ཀྲེང་ཝུན་ཅ། ཁུལ་འགྲིམ་འགྲུལ་སྐྱེལ་འདྲེན་ཅུའི་ཅུ་ཀྲང་གཞོན་པ།

ཧོང་ཧྥེ། ཁུལ་འཕྲོད་བསྟེན་བདེ་ཐང་ཨུ་ལྷན་གྱི་ཀྲུའུ་རེན་གཞོན་པ།

དབྱང་ཁྲུན་ཝང་། ཁུལ་གྲོང་གསེབ་དར་སྤེལ་ཅུའི་ཅུ་ཀྲང་གཞོན་པ།

མེན་ཏུ་ལི་ཧྥུ། ཁུལ་ཁྲོམ་ར་ལྟ་སྐུལ་དོ་དམ་ཅུའི་ཅུ་ཀྲང་གཞོན་པ།

ཀྲང་ཅུན།  ཁུལ་རིག་ལུས་གནས་སྐོར་རྒྱང་བརྙན་ཅུའི་ཅུ་ཀྲང་གཞོན་པ།

ཀྲེང་ཡིའུ་ཕེང་། ཁུལ་འཚུབ་བསྟུན་དོ་དམ་ཅུའི་ཅུ་ཀྲང་གཞོན་པ།

སོ་ཁྲོ། ཁུལ་དམག་འཁྱུར་དམག་མི་ལས་དོན་ཅུའི་ཅུ་ཀྲང་གཞོན་པ།

མཱ་ཡོན་ཏེ། ཁུལ་ཁྲིམས་འཛིན་ཅུའི་ཆབ་སྲིད་པུའི་ཀྲུའུ་རེན།

ཀུའོ་ཡུང་ཧུང་། ཁུལ་སྦྲག་སྲིད་དོ་དམ་ཅུའི་ཅུ་ཀྲང་གཞོན་པ།

ཧྲེན་ཞན་མིང་། ཁུལ་མེ་འགོག་རོགས་སྐྱོབ་ཉིང་ལག་རུ་ཁག་གི་རུ་དཔོན་གཞོན་པ།

མགོ་ཁྲིད་ཚན་ཆུང་གི་འོག་ཏུ་གཞུང་ལས་ཁང་བཙུགས་ནས་ཕྱོགས་བསྡུས་བཅོས་སྐྱོང་ལས་དོན་གྱི་སྡོམ་འགོད་མཐུན་སྦྱོར་དང་། བཀོད་གཏོང་སྐུལ་འདེད། ལྟ་སྐུལ་མཛུབ་ཁྲིད་ཞིབ་བཤེར་སོགས་ཀྱི་ལས་དོན་ལ་ཞིབ་ཕྲའི་འགན་ཁུར་དགོས་པ་དང་། ཕྱོགས་བསྡུས་བཅོས་སྐྱོང་བྱེད་པའི་སྐབས་ཀྱི་འབྲེལ་ཡོད་དོན་ཚན་དང་དཀའ་གནད་གནད་དོན་དུས་ཐོག་ཏུ་ཞིབ་འཇུག་ཐག་གཅོད་བྱེད་དགོས།  གཞུང་ལས་ཁང་དེ་ཁུལ་མེ་འགོག་བདེ་འཇགས་ཨུ་ལྷན་གཞུང་ལས་ཁང（ཁུལ་མེ་འགོག་རོགས་སྐྱོབ་ཉིང་ལག་རུ་ཁག）དུ་བཙུགས་ཡོད་པ་དང་། བློ་མཐུན་མིང་ཝུའེ་ཡིས་གཞུང་ལས་ཁང་གི་ཀྲུའུ་རེན་གྱི་འགན་གཅིག་ལྕོགས་སུ་འཁུར་བ་དང་། བློ་མཐུན་ཧྲེན་ཞན་མིང་གིས་གཞུང་ལས་ཁང་གི་ཀྲུའུ་རེན་གཞོན་པའི་འགན་གཅིག་ལྕོགས་སུ་འཁུར་ཡོད།

གསུམ།  དུས་ཚོད་ཀྱི་གོ་རིམ།

2022ལོའི་ཟླ7པ་ནས་མགོ་བརྩམས་ཏེ2022ལོའི་ཟླ10བའི་ཟླ་མཇུག་བར་ཡིན་ལ། དུས་མཚམས་གསུམ་དུ་དབྱེ་ནས་སྤེལ་རྒྱུ་ཡིན།

（གཅིག）སྐུལ་སློང་བཀོད་སྒྲིག་བྱེད་པའི་དུས་མཚམས། （2022ལོའི་ཟླ7ཚེས15ཉིནགྱི་སྔོན།）ས་གནས་སོ་སོ་དང་སྡེ་ཁག་སོ་སོས་དོན་དངོས་ལ་ཟུང་འབྲེལ་བྱས་ཏེ་ལས་དོན་གྱི་བྱེད་ཐབས་བཟོ་བ་དང་། རྩ་འཛུགས་སྒྲིག་གཞི་འཛུགས་པ། བཀོད་སྒྲིག་ཚོགས་འདུ་འཚོགས་པ། འགན་འཁྲི་ལས་འགན་ཁ་གསལ་བྱེད་པ། ལས་དོན་བྱེད་ཐབས་ཞིབ་ཚགས་སུ་གཏོང་དགོས་ལ། ས་ཁུལ་དང་ལས་རིགས། ཁྱབ་ཁོངས་བཅས་དབྱེ་ནས་བཀོད་སྒྲིག་གནད་ལ་འཁེལ་བ་བྱེད་དགོས།

（གཉིས།）རྩ་འཛུགས་ལག་བསྟར་བྱེད་པའི་དུས་མཚམས།（2022ལོའི་ཟླ7ཚེས16ཉིན་ནས་ཟླ10ཚེས25ཉིན་བར།）ས་གནས་སོ་སོ་དང་སྡེ་ཁག་སོ་སོས་གཏན་ཁེལ་བྱས་པའི་དམིགས་ཚད་ལས་འགན་གཞིར་བཟུང་ནས་དུས་བཀག་ལྟར་ཉེན་ཁར་ཞིབ་འཇུག་དང་བརྡར་ཤ་གཅོད་པ། གནད་དོན་ལ་དབྱེ་ཞིབ་དང་བརྡ་ཁྱབ་གཏོང་བ། བྱེད་ཐབས་ཞིབ་འཇུག་དང་སྐུལ་འདེད་གཏོང་བ་བཅས་བྱས་ནས། མི་སྣ་འདུ་འཛོམས་ཆེ་སའི་མེ་འགོག་བདེ་འཇགས་བཅོས་སྐྱོང་ལ་ཤུགས་སྣོན་རྒྱག་པ་དང་། སྡེ་ཁག་གི་མཉམ་འབྲེལ་ཞིབ་བཤེར་དང་ཁྲིམས་འཛིན་སྦྲེལ་མཐུད་ལམ་སྲོལ་འཐུས་སྒོ་ཇེ་ཚང་དུ་གཏོང་བ་བཅས་བྱས་ནས་འགན་འཁྲི་དང་བྱེད་ཐབས་དོན་འཁྱོལ་དམ་འཛིན་ནན་མོ་བྱེད་དགོས།   གསར་དར་ལས་རྣམ（དཔེར་ན། གློག་འགྲན་མགྲོན་ཁང་དང་དྲ་ཐོག་ཚོང་དོན་སོགས）དང་ལྷག་པར་དུ་འགན་འཁྲི་སྣོལ་འདྲེས་དང་འབྲེལ་བ་དམ་ཟབ་ཡོད་པའི་ཁྱབ་ཁོངས་ལ“སུས་གཙོ་གཉེར་བྱས་ན་དེས་སྣེ་ཁྲིད་པ་དང་། སུས་གཙོ་བོར་བྱས་ན་དེས་སྣེ་ཁྲིད་པ། སུ་དང་ཉེ་ན་དེས་སྣེ་ཁྲིད་པ”བཅས་ཀྱི་རྩ་དོན་གཞིར་བཟུང་ནས། ལྟ་སྐུལ་དོ་དམ་སྡེ་ཁག་ཁ་གསལ་དང་། ལྟ་སྐུལ་དོ་དམ་གྱི་འགན་འཁྲི་གསལ་པོ་བཟོ་བ། མཐུན་སྦྱོར་བཅོས་སྐྱོང་ལ་ཤུགས་སྣོན་རྒྱག་པ་བཅས་བྱེད་དགོས།

（གསུམ།）ཕྱོགས་སྡོམ་ཞིབ་བཤེར་རྩིས་ལེན་བྱེད་པའི་དུས་མཚམས།（2022ལོའི་ཟླ10ཚེས26ཉིན་ནས་ཚེས31ཉིན་བར།）ས་གནས་སོ་སོ་དང་སྡེ་ཁག་སོ་སོས་ཕྱོགས་བསྡུས་བཅོས་སྐྱོང་ལས་དོན་ལ་ཕྱོགས་སྡོམ་ནན་ཏན་བྱས་ནས། གནས་བའི་གནད་དོན་གཙོ་བོར་དབྱེ་ཞིབ་བྱེད་པ་དང་། ལས་དོན་བྱ་ཐབས་ལེགས་སུ་གཏོང་བ། བཅོས་སྒྲིག་གི་ཕན་འབྲས་སྲ་བརྟན་དུ་གཏོང་བ་བཅས་བྱས་ནས་མེ་འགོག་བདེ་འཇགས་ཀྱི་ཉེན་ཁ་ཚབས་ཆེན་སྔོན་འགོག་དང་སེལ་བའི་ཕུགས་ཕན་ལམ་སྲོལ་འཛུགས་པ་དང་འཐུས་ཚང་དུ་གཏོང་དགོས།

བཞི།   བཅོས་སྐྱོང་ཁྱབ་ཁོངས།

སྤྱི་དམངས་འདུ་འཛོམས་བྱེད་ས（མགྲོན་ཁང་། གསོལ་མགྲོན་ཁང་། ཚོང་ར། ཚོང་འདུས་ཁྲོམ་ར། འགྲུལ་སྐྱེལ་རླངས་འཁོར་འབབ་ཚུགས་ཀྱི་རླངས་འཁོར་སྒུག་ཁང་། ལུས་རྩལ་ར་བ། ཚོགས་ཁང་། སྤྱི་བའི་རོལ་རྩེད་བྱེད་ས་སོགས）དང་། སྨན་ཁང་གི་སྒོ་བསྟེན་ཐོག་ཁང་དང་། ནད་ཁང་གི་ཐོག་ཁང་། སློབ་གྲྭའི་སློབ་ཁྲིད་ཐོག་ཁང་། དཔེ་མཛོད་ཁང་། ཟ་ཁང་། མཉམ་སྡེབ་ཉལ་ཁང་། རྒན་གསོ་ཁང་། བུ་བཅོལ་ཁང་། བྱིས་གཉོར་ཁང་། སློབ་ཕྱིའི་གསོ་སྦྱོང་ཁང་། སྤྱི་བའི་དཔེ་མཛོད་ཁང་གི་དཔེ་ཀློག་ཁང་།  སྤྱི་བའི་འགྲེམས་སྟོན་ཁང་།    དངོས་མང་བཤམས་སྟོན་ཁང་།    ངལ་རྩོལ་འདུས་ཚད་ཆེ་བའི་ཁེ་ལས་ཀྱི་ཐོན་སྐྱེད་ལས་སྣོན་འཁོར་ཁང་དང་ལས་བཟོ་པའི་ཐུན་མོང་གི་ཉལ་ཁང་།    གནས་སྐོར་སྤྲོ་གསེང་དང་ཆོས་ལུགས་བྱེད་སྒོ་སྤེལ་ཡུལ་བཅས་ཡིན།    

ལྔ།    ལས་དོན་ལས་འགན།

1.ལས་རིགས་ནང་ཁུལ་གྱི་བྱུར་རྐྱེན་གྲལ་བཤེར་བྱེད་ཤུགས་ཆེ་རུ་གཏོང་དགོས། འབྲེལ་ཡོད་སྡེ་ཁག་སོ་སོས་ལས་རིགས་ནང་ཁུལ་གྱི་མེ་འགོག་བདེ་འཇགས་ལ་ཆེད་དོན་ཞིབ་བཤེར་རྩ་འཛུགས་བྱས་ནས། ཁོངས་གཏོགས་མི་སྣ་འདུ་འཛོམས་ཆེ་སར་ཉེན་ཁའི་བྱུར་རྐྱེན་གྱི“རང་ཤེས། རང་བཤེར། རང་བཅོས”དང་ཁས་ལེན་གྱི་བླང་བྱ་ཡོངས་བསྒྲགས་བྱས་ཏེ་རྒྱུན་གཏན་གྱི་མེ་འགོག་དོ་དམ་ནན་མོ་བྱེད་པ་དང་། མེ་སྐྱོན་གྱི་བྱུར་རྐྱེན་དུས་ཐོག་ཏུ་མེད་པར་བཟོས་ནས། མེ་སྐྱོན་གྱི་ཉེན་ཁའི་གནོད་འཚེ་ཇེ་ཆུང་དུ་གཏོང་དགོས།

2.ལས་རིགས་དང་སྡེ་ཁག་རྩ་འཛུགས་བྱས་ཏེ་མཉམ་འབྲེལ་ཐོག་ཞིབ་བཤེར་བྱེད་དགོས། ས་གནས་སོ་སོའི་སྲིད་གཞུང་གིས་འབྲེལ་ཡོད་སྡེ་ཁག་རྩ་འཛུགས་བྱས་ནས་མཉམ་འབྲེལ་ཞིབ་བཤེར་ཚན་ཆུང་བཙུགས་ཏེ་ཚོང་ར་དང་།  མགྲོན་ཁང་།  གསོལ་མགྲོན་ཁང་།  སྤྱི་བའི་རོལ་རྩེད།  སྨན་ཁང་། སྤྱི་ཚོགས་ཕན་བདེའི་ལས་ཁུངས། བཅའ་སྡོད་སློབ་གྲྭ། གནས་སྐོར་བྱེད་ས། ཆོས་ལུགས་དགོན་སྡེ་སོགས་གཙོ་གནད་ཁུལ་དུ་ཞིབ་བཤེར་བྱེད་པ་དང་། གནད་དོན་གྱི་བྱུར་རྐྱེན་དང་དག་ཐེར་འགན་འཁྲིའི་“གསལ་ཐོ་གཉིས”བཟོས་ནས་རྗེས་སྙེག་ལྟ་སྐུལ་དང་དོན་འཁྱོལ་བྱེད་དགོས།

3.ལས་རིགས་གསར་པར་ཞིབ་བཤེར་ནན་མོ་བྱེད་དགོས། བཟོ་ལས་ཐད་སྤྱོད་པའི་ཁང་པ་དང་། རང་བསྐྲུན་ཁང་པ་སྒྱུར་བཀོད་བྱེད་པའི་མི་སྣ་འདུ་འཛོམས་བྱེད་ས། གློག་འགྲན་མགྲོན་ཁང་དང་། སློབ་ཕྱིའི་གསོ་སྦྱོང་ཁང་། དྲ་ཐོག་ཚོང་དོན་སོགས་འགན་ནུས་སྣོལ་འབྲེལ་ཀྱི་ལས་རྣམ་གསར་པའི་ཁྱབ་ཁོངས་ལ་ས་གནས་སོ་སོའི་སྲིད་གཞུང་གིས“སུས་གཙོ་གཉེར་བྱས་ན་དེས་སྣེ་ཁྲིད་པ་དང་། སུས་གཙོ་བོར་བྱས་ན་དེས་སྣེ་ཁྲིད་པ། སུ་དང་ཉེ་ན་དེས་སྣེ་ཁྲིད་པ”བཅས་ཀྱི་རྩ་དོན་གཞིར་བཟུང་ནས། འབྲེལ་ཡོད་སྡེ་ཁག་རྩ་འཛུགས་བྱས་ནས་དག་ཐེར་དང་ལེགས་བཅོས་ཀྱི་བྱེད་ཐབས་བཟོས་ཏེ། སྣེ་ཁྲིད་དང་གཞོགས་འདེགས་སྡེ་ཁག་ཁ་གསལ་བཟོ་བ་དང་། ལྟ་སྐུལ་དོ་དམ་གྱི་འགན་འཁྲི་གསལ་པོ་བཟོ་བ། གྲལ་བཤེར་དང་བཅོས་སྒྲིག་ལ་ཤུགས་སྣོན་རྒྱག་པ། ཁག་འགན་ཕར་དཀྲི་ཚུར་དཀྲི་དང་།   འགན་འཁྲི་སྟོང་གྱུར།  ལྟ་སྐུལ་དོ་དམ་གྱི་ལས་གནས་སྟོང་པར་ལུས་པ་བཅས་ནན་འགོག་བྱེད་དགོས།

4.དུས་ཚོད་དགར་ནས་སྣོལ་སྡེབ་ཞིབ་བཤེར་བྱེད་ཐབས་དོན་འཁྱོལ་བྱེད་དགོས། ཚོང་ར་དང་། མགྲོན་ཁང་། སྤྱི་བའི་རོལ་རྩེད་སོགས་མཚན་མོའི་ཚོང་གཉེར་བྱ་ཡུལ་ལ་འབྲེལ་ཡོད་སྡེ་ཁག་སོ་སོས་དུས་ཚོད་དགར་ནས་ཞིབ་བཤེར་བྱེད་ཤུགས་དང་ཐེངས་གྲངས་མང་དུ་གཏོང་དགོས། ཚོང་ལས་ཕྱོགས་བསྡུས་ཁང་དང་ཁང་བརྩེགས་མཐོན་པོའི་ཁང་པ་སོགས་གཙོ་གནད་ཁྱབ་ཁོངས་སུ་ས་ཁོངས་ལས་བརྒལ་བའི་སྣོལ་སྡེབ་ཞིབ་བཤེར་རྩ་འཛུགས་བྱས་ནས་ཕྱོགས་བསྡུས་བཅོས་སྐྱོང་ལས་དོན་གྱི་སྤུས་ཚད་དང་ཕན་འབྲས་ཆེ་རུ་གཏོང་དགོས།

5.“གནས་ཡུལ་ཆུང་བ་དགུ”རྩ་འཛུགས་བྱས་ནས་གྲལ་བཤེར་བྱེད་དགོས། སྤྱི་བདེ་མངགས་གཏོང་ཁང་དང་། ཡུལ་ཚོ་དང་གྲོང་རྡལ། གཞིས་ཁུལ། གྲོང་ཚོ་ཨུ་ལྷན་སོགས་གཞི་རིམ་རྩ་འཛུགས་ཀྱིས“གནས་ཡུལ་ཆུང་བ་དགུ”དང་རང་བསྐྲུན་ཁང་པ་བཟོ་བཅོས་རྒྱག་མཁན་འདུ་འཛོམས་ཆེ་སར་གྲལ་བཤེར་བྱེད་ཤུགས་ཆེ་རུ་བཏང་ནས། སྒྲིག་འགལ་ངང་མེ་དང་གློག སྣུམ། རླངས་དབུགས་སྤྱོད་པ་དང་། སྒྲིག་འགལ་ངང་མི་སྡོད་པ་དང་སྒྲིག་འགལ་གྱིས་གློག་སྒུལ་རྐང་འཁོར་ལ་གློག་གསོག་པ་སོགས་ཀྱི་གནད་དོན་གཙོ་གནད་ཐོག་ཞིབ་བཤེར་ཐག་གཅོད་བྱས་ཏེ། “མེ་ཆུང་གིས་མི་ཤི་བའི”ཆག་སྒོ་སྔོན་འགོག་ནན་མོ་བྱེད་དགོས།

6.བྱེད་སྒོ་གལ་ཆེན་གྱི་མེ་འགོག་བདེ་སྲུང་མངོན་གསལ་དོད་པོ་ཡོང་བ་བྱེད་དགོས། ཞིང་ཆེན་ཡོངས་ཀྱི་མཚོ་སྔོན་ངོ་འཕྲད་གྲོས་ཚོགས་དང་། མཚོ་སྐོར་འགྲན་བསྡུར། སྐྱེ་ཁམས་དངོས་མང་བཤམས་སྟོན་སོགས་བྱེད་སྒོ་གལ་ཆེན་ལ་དམིགས་ནས། ས་གནས་སོ་སོའི་སྲིད་གཞུང་དང་སྡེ་ཁག་སོ་སོས་བཀོད་སྒྲིག་ཞིབ་ཚགས་བྱས་ཏེ། འཇོན་ཐང་ཆེ་བའི་མི་སྣ་མངགས་ནས་ས་གནས་སོ་སོའི་མི་སྣ་འདུ་འཛོམས་བྱེད་སར“དྲ་འཐེན་རྣམ་པའི”གྲལ་བཤེར་བྱེད་པ་དང་། བྱུར་རྐྱེན་གྱི་གནད་དོན་གནས་བ་ལ་འབྲེལ་ཡོད་ལས་རིགས་སྡེ་ཁག་གིས་རང་འགུལ་སྒོས་ངོས་འཛིན་རྩིས་ལེན་དང་རྗེས་སྙེག་བཅོས་སྒྲིག་བྱེད་དགོས།

དྲུག    གཙོ་གནད་བཅོས་སྐྱོང་དང་བྱེད་ཐབས།

（གཅིག）སྒྲིག་བཟོ་དང་མཛེས་བཟོའི་སྐོར།

1.མི་ཚོགས་འདུ་འཛོམས་བྱེད་སར་འབར་སླ་བའམ་འབར་ཐུབ་པའི་རྒྱུ་ཆས་མཛེས་བཟོ་བྱེད་པ་དང་། མི་ཚོགས་འདུ་འཛོམས་ཆེ་སར་འབར་སླ་བའམ་འབར་ཐུབ་པའི་ལྕགས་ལེབ་བར་འཚང་ཅན་སོགས་བཤིག་པའམ་བརྗེ་རུ་འཇུག་དགོས།

2.བརྩེགས་མཐོའི་ཁང་པ་དང་། ཚོང་ཁང་དང་སྡོད་ཁང་མཉམ་བསྲེས་ཅན་སོགས་ཀྱི་འབར་སླ་བའམ་འབར་ཐུབ་པའི་གྱང་ཕྱིའི་དྲོད་སྲུང་རྒྱུ་ཆ་སྤྱད་ཡོད་ས་ནས། བདེ་འཇགས་བར་ཐག་ནང་ཤོག་སྦག་རྒྱག་པ་དང་སྒྲིག་འགལ་ངང་མེ་བཀོལ་བའི་ལས་བྱེད་མི་ཆོག མེ་བཀོལ་བ་དང་ཚ་ལ་བྱེད་དགོས་པའི་ལས་ཀ་ཡོད་རིགས་ཀྱིས་ལས་ཡུལ་དངོས་ནས་ལྟ་སྐྱོང་དང་དོགས་ཟོན་བྱེད་ཐབས་དོན་འཁྱོལ་ནན་པོ་བྱེད་དགོས།

3.གློག་ཤུགས་སྐུད་པ་དེ་མེར་འབར་སླ་བའི་སྒྲིག་སྦྱོར་རྒྱུ་ཆ་བརྒྱུད་དགོས་ཚེ་སྦུ་གུས་སྲུང་སྐྱོབ་སོགས་ཀྱི་མེ་འགོག་བྱེད་ཐབས་སྤྱོད་དགོས། གློག་སྒོ་དང་བསྒར་ཁུང་སོགས་གློག་ཆས་ལྷུ་ལག་གི་མཐའ་འཁོར་དུ་མེ་འབར་དཀའ་བའི་ཚ་འགོག་རྒྱུ་ཆ་བཀོལ་ནས་མེ་འགོག་ལོགས་སུ་འཇོག་དགོས།

(གཉིས།)  མེ་སྐྱོན་འགོག་མཚམས་དབྱེ་བ།

1.འཛུགས་སྐྲུན་གྱི་ས་འོག་དང་ས་སྟེང་གི་བར་མཚམས་དང་། སྡོད་ཁང་དང་སྡོད་ཁང་མིན་པའི་བར་མཚམས་ཀྱི་མེ་འགོག་གི་མཚམས་གསལ་པོར་བཅད་མེད་ན། མེ་འགོག་གྱང་ངམ་ཡང་ན་མེ་འགོག་སྒོ་ཡི་བར་མཚམས་ཡོངས་སུ་གཅོད་དགོས།

2.མེ་འགོག་གྱང་དང་། མེ་འགོག་སྒྲིལ་ཡོལ། མེ་འགོག་སྒོ།  མེ་འགོག་སྒེའུ་ཁུང་སོགས་མེ་འགོག་དབྱེ་འབྱེད་སྒྲིག་བཀོད་ཆག་སྐྱོན་བྱུང་ཡོད་ན་དུས་ཐོག་ཏུ་ཞིག་གསོ་བྱེད་པའམ་ཡང་ན་བརྗེ་དགོས།

3.ཁང་བརྩེགས་ཀྱི་སྐས་ཁང་དང་མདུན་ཁང་གི་དུས་རྒྱུན་སྒོ་རྒྱག་དགོས་པ་རྣམ་པའི་མེ་འགོག་གི་སྒོ་ཕྱེ་ཡོད་པ་ཡིན་ན། མྱུར་དུ་སྒོ་རྒྱག་དགོས་པ་མ་ཟད་རྒྱུན་དུ་སྒོ་རྒྱག་པའི་རྣམ་པ་རྒྱུན་འཛིན་བྱེད་དགོས་ལ། སྒོ་རྒྱག་འཕྲུལ་ཆས་དང་གོ་རིམ་སྒྲིག་ཆས་ལ་ཆག་སྐྱོན་བྱུང་བའི་རྐྱེན་གྱིས་མེ་འགོག་སྒོ་རང་ཤུགས་ཀྱིས་རྒྱག་མི་ཐུབ་པ་ཡིན་ན་དུས་ཐོག་ཏུ་ཞིག་གསོ་བྱེད་དགོས།

4.སྦུག་ལམ་གྱང་ངོས་ཀྱི་ཁུང་བུ་དང་སྲུབས་ཀ་བརྒྱུད་དེ་གྱེན་འཐེན་སྦུག་ལམ་ཁྲོན་དང་ཁང་པ། དཔྱང་རྩེ་ཕན་ཚུན་སྦྲེལ་བའི་ཁུང་བུ་དང་ཐོག་ཁང་གི་ལྕམ་ཁེབས་བར་སྲུབས་ཀྱི་མེ་འགོག་དབྱེ་མཚམས་དམ་པོ་བྱེད་མེད་པ་ཡིན་ན། མེ་འགོག་རྒྱུ་ཆས་ཁ་གསབ་རྒྱག་པའམ་སྲུབ་ཁ་གཅོད་དགོས།

（གསུམ།）བདེ་འཇགས་ཁ་འགྲེམ།

1.མེ་གསོད་རླངས་འཁོར་གྱི་བགྲོད་ལམ་དང་། ཁ་འགྲེམ་བགྲོད་ལམ། བདེ་འཇགས་ཐོན་སྒོ་ བཅས་ཀྱི་སྒོ་བརྒྱབ་ཡོད་པ་དང་བཀག་ཡོད་པ། བཟུང་སྤྱོད་བྱེད་ཡོད་པ་བཅས་བྱས་རིགས་འཕྲལ་མར་གཤོང་བ་དང་། བཤིག་པ། གཙང་སེལ་བཅས་བྱས་ནས་ཤར་གཏོང་ཐུབ་པ་བྱེད་དགོས།

2.སྒོ་དང་སྒེའུ་ཁུང་སྟེང་བརྡ་ཁྱབ་བྱང་བུ་སོགས་བསྒྲིགས་ནས་སྲོག་ཉེན་ལས་ཐར་བ་དང་མེ་གསོད་རོགས་སྐྱོབ་ལ་གནོད་པའི་གེགས་དངོས་རྣམས་བཤིག་དགོས།

3.ཨར་སྐྲུན་བར་མཚམས་སུ་སྒྲིག་འགལ་ངང་གནས་སྐབས་ཨར་སྐྲུན་བྱས་ནས། མེ་འགོག་བར་ཐག་དང་ཁ་འགྲེམ་བགྲོད་ལམ་བཟུང་སྤྱོད་བྱས་ཡོད་པ་དེ། བཤིག་ནས་སྔར་གྱི་རྣམ་པ་སླར་གསོ་བྱེད་དགོས།

4.མི་སྣ་ཞག་སྡོད་བྱ་ཡུལ་གྱི་བདེ་འཇགས་ཐོན་སྒོ་ཆུ་ཚོད24རིང་ཤར་གཏོང་ཐུབ་པར་བྱེད་དགོས་པ་དང་། སྤྱི་དམངས་འདུ་འཛོམས་བྱ་ཡུལ་གྱི་ལས་གཉེར་བྱེད་དུས་ཀྱི་བདེ་འཇགས་ཐོན་སྒོ་ཤར་གཏོང་ཐུབ་པར་བྱེད་དགོས།

（བཞི།）སྒྲིག་བཀོད་རྒྱུ་ཆས།

1.མེ་སྐྱོན་གྱི་རང་འགུལ་ཉེན་བརྡ་གཏོང་བའི་མ་ལག་སྤྱོད་མཚམས་འཇོག་པའམ་ཡང་ན་རྒྱུན་ལྡན་ལྟར་འཁོར་སྐྱོད་བྱེད་མི་ཐུབ་པ་ཡིན་ན་དུས་ཐོག་ཏུ་ཞིག་གསོ་བྱས་ཏེ། མ་ལག་གི་ཉེན་བརྡ་རྒྱུན་ལྡན་དུ་གཏོང་བའི་ནུས་པ་སླར་གསོ་བྱེད་དགོས།

2.མེ་འགོག་ཆུ་འཐེན་འཕྲུལ་འཁོར་གྱི་ཚོད་འཛིན་སྒྲོམ་དེ་ལག་སྒུལ་ཚོད་འཛིན་གྱི་རྣམ་པར་གནས་ཡོད་ཚེ། འཕྲལ་མར་དག་ཐེར་བྱས་ཏེ་ཚོད་འཛིན་སྒྲོམ་རང་འགུལ་ཚོད་འཛིན་བྱེད་པའི་རྣམ་པར་བསྒྱུར་དགོས་པ་མ་ཟད། མཚོན་རྟགས་གསལ་པོ་འཇོག་དགོས།

3.རང་འགུལ་ཆུ་གཏོར་མེ་གསོད་མ་ལག་དང་། མེ་འགོག་སྒྲིལ་ཡོལ། འཕྲུལ་ཆས་ཀྱིས་དུ་བ་འགོག་པ་སོགས་འཛུགས་སྐྲུན་གྱི་མེ་འགོག་སྒྲིག་བཀོད་རྒྱུན་ལྡན་ལྟར་མཉམ་འགུལ་བྱེད་མི་ཐུབ་ཚེ། དུས་ཐོག་ཏུ་ཞིག་གསོ་བྱས་ནས་མ་ལག་གི་རྒྱུན་གཏན་མཉམ་འགུལ་ནུས་པ་སླར་གསོ་བྱེད་དགོས།

4.མེ་གསོད་ཆུ་སྒོ་དང་རང་འགུལ་ཆུ་གཏོར་མེ་གསོད་མ་ལག་གིས་རྒྱུན་ལྡན་ལྟར་ཆུ་མཁོ་འདོན་བྱེད་མི་ཐུབ་པ་ཡིན་ན། ངེས་པར་དུ་དུས་ཐོག་ཏུ་ཞིག་གསོ་བྱས་ཏེ། མ་ལག་གིས་རྒྱུན་ལྡན་གྱི་ཆུ་མཁོ་འདོན་བྱེད་པའི་ནུས་པ་སླར་གསོ་བྱེད་དགོས།

5.མེ་འགོག་འཚུབ་བསྟུན་གློག་སྒྲོན་དང་། ཁ་འགྲེམ་སྟོན་པའི་རྟགས། མེ་གསོད་འཕྲུལ་ཆས་སོགས་མེ་འགོག་རྒྱུ་ཆས་བཀོད་སྒྲིག་བྱས་པ་དེ་ཚད་དང་མི་མཐུན་པའམ་ཡང་ན་སྐྱོན་མེད་གོ་ཆོད་རྒྱུན་འཛིན་བྱེད་མེད་པའི་རིགས་ལ། དུས་ཐོག་ཏུ་སྒྲིག་སྦྱོར་གནད་ལ་འཁེལ་བ་བྱེད་དགོས་པ་མ་ཟད་སྐྱོན་མེད་གོ་ཆོད་ཡོང་བ་བྱེད་དགོས།

6.ཆོས་ལུགས་བྱེད་སྒོ་སྤེལ་སར་མེ་འགོག་གི་ཆུའི་སྒྲིག་ཆས་སྤྲད་མེད་པ་ཡིན་ན། ཁང་པའི་ཕྱི་ནང་གི་མེ་གསོད་ཆུ་སྒོ་ཁ་སྣོན་བྱེད་པ་དང་། མེ་གསོད་ཆུ་རྫིང་དང་ཆུ་ལེན་པའི་སྒྲིག་བཀོད་སྐྲུན་པ་སོགས་ཀྱི་བྱེད་ཐབས་སྤྱད་དེ་དག་ཐེར་བྱེད་དགོས།

（ལྔ།）ལས་གནས་གཙོ་བོ།

1.ལས་ཁུངས་ཀྱིས་ཁྲིམས་ལྟར་མེ་འགོག་བདེ་འཇགས་ཀྱི་འགན་ཁུར་མཁན་དང་དོ་དམ་པ།  དེའི་འགན་འཁྲི་བཅས་ཁ་གསལ་བཟོས་མེད་ཚེ། དུས་ཐོག་ཏུ་གསལ་པོ་བྱེད་དགོས་པ་མ་ཟད་མིག་གི་རིག་ས་ནས་སྤྱི་བསྒྲགས་བྱེད་དགོས།

2.གློག་གིས་ཚ་ལ་བྱེད་པ་དང་དབྱང་རླུང་གིས་ཚ་ལ་བྱེད་པ་སོགས་ཀྱི་མེ་སྐྱོན་ཤོར་ཉེན་ཆེ་བའི་ལས་སྒྲུབ་མི་སྣ་དང་། རང་འགུལ་མེ་འགོག་མ་ལག་བཀོལ་སྤྱོད་བྱེད་མཁན་གྱིས་ངེས་པར་དུ་ལག་ཁྱེར་བཟུང་ནས་ལས་གནས་སུ་ལས་ཀ་བསྒྲུབ་དགོས་པ་མ་ཟད། མེ་འགོག་གི་བདེ་སྲུང་བཀོལ་སྤྱོད་སྒྲིག་སྲོལ་ལ་བརྩི་སྲུང་བྱེད་དགོས།

3.མེ་འགོག་ས་ཚིགས་ཆུང་གྲས་ཀྱི་རུ་མིས་མེ་སྐྱོན་ཐོག་མར་ཐག་གཅོད་བྱེད་པའི་རྩལ་ནུས་གོ་རིམ་ཁོང་དུ་ཆུད་མེད་ན། དམིགས་སའི་རང་བཞིན་ཡོད་པའི་སྒོ་ནས་སྦྱོང་བརྡར་དང་དངོས་འཐབ་རང་བཞིན་གྱི་འཁྲབ་སྦྱོང་ལ་ཤུགས་སྣོན་བརྒྱབ་ནས“ཤེས་གསུམ་བཞི་རྟོགས་འབྲེལ་མཐུད་གཅིག”བཅས་ཀྱི་ཚད་གཞི་རུ་སླེབས་དགོས།

（དྲུག）རྒྱུན་ལྡན་དོ་དམ།

1.ལས་ཁུངས་ཀྱིས་དུས་བཀག་ལྟར་ཨར་སྐྲུན་གྱི་མེ་འགོག་སྒྲིག་བཀོད་ལ་ཞིབ་དཔྱད་ཚད་ལེན་དང་སྲུང་སྐྱོང་ཞིག་གསོ་བྱས་མེད་ནའང་། ཟིན་ཐོ་ཆ་ཚང་ཞིང་ཡང་དག་པ་བཀོད་ཡོད་པའི་རིགས་ལ། རྒྱུན་གཏན་གྱི་ཞིབ་བཤེར་ཉམས་གསོའི་ལམ་ལུགས་དོན་འཁྱོལ་བྱས་ནས་ལོ་ལྟར་ཉུང་མཐར་ཡང་ཕྱོགས་ཡོངས་ནས་ཞིབ་དཔྱད་ཚད་ལེན་ཐེངས་རེ་བྱས་ཏེ། སྐྱོན་མེད་ཕན་ལྡན་ཡོང་བའི་འགན་ལེན་བྱེད་དགོས་པ་མ་ཟད། ཉམས་གསོའི་ཟིན་ཐོ་ཇི་མ་ཇི་བཞིན་དུ་བཟོས་ཏེ་ཡིག་ཚགས་སུ་ཉར་ནས་དཔྱད་གཞིར་འཇོག་དགོས།

2.ལས་ཁུངས་ཀྱིས་དུས་བཀག་ལྟར་མེ་འགོག་སྐོར་ཞིབ་ཞིབ་བཤེར་བྱས་མེད་ན་ཡང་། སྙན་ཞུ་ཇི་མ་ཇི་བཞིན་ཐོ་འགོད་བྱས་རིགས་ལ། མེ་འགོག་སྐོར་ཞིབ་ཞིབ་བཤེར་བྱེད་པའི་མི་ཆེད་དུ་བཀོད་སྒྲིག་བྱས་ཏེ། མེ་སྐྱོན་གྱི་བྱུར་རྐྱེན་དུས་ཐོག་ཏུ་ཤེས་བ་བཅོས་སྒྲིག་བྱེད་དུ་འཇུག་དགོས། མེ་འགོག་བདེ་འཇགས་ཀྱི་གཙོ་གནད་ལས་ཁུངས་ཀྱིས་ཉིན་ལྟར་མེ་འགོག་སྐོར་ཞིབ་བྱེད་དགོས་པ་དང་། མང་ཚོགས་འདུ་འཛོམས་བྱ་ཡུལ་དུ་ལས་གཉེར་བྱེད་རིང་ཆུ་ཚོད་གཉིས་རེར་མེ་འགོག་སྐོར་ཞིབ་བྱེད་དགོས་ལ། སྨན་ཁང་དང་རྒན་གསོ་ཁང་། བཅའ་སྡོད་སློབ་གྲྭ། བུ་བཅོལ་ཁང་བཅས་ཀྱི་མཚན་མོའི་མེ་འགོག་སྐོར་ཞིབ་ལ་ཤུགས་སྣོན་རྒྱག་དགོས།

3.ལས་ཁུངས་ལ་མེ་སྐྱོན་གྱི་བྱུར་རྐྱེན་ཡོད་ཚེ་དུས་ཐོག་ཏུ་བཅོས་སྒྲིག་བྱས་ནས་མེད་པར་བཟོ་དགོས། མེ་སྐྱོན་གྱི་བྱུར་རྐྱེན་མ་བསལ་གོང་བདེ་འཇགས་དོགས་ཟོན་བྱེད་ཐབས་དོན་འཁྱོལ་བྱས་ནས་མེ་འགོག་བདེ་འཇགས་འགན་ལེན་བྱེད་དགོས།

4.གློག་སྒུལ་རྐང་འཁོར་དེ“མི་དང་རྐང་འཁོར་མཉམ་འདུག”དང“སྐུད་འཐེན་གློག་གསོག” “ཁང་བརྩེགས་ཀྱི་ཁྱིམ་དུ་འཇོག་པ”སོགས་ཀྱི་སྣང་ཚུལ་གཏན་འགོག་བྱེད་དགོས།

5.འབར་སླ་བ་དང་གས་སླ་བའི་རྫས་འགྱུར་དངོས་རྫས་ཐོན་སྐྱེད་དང་གསོག་ཉར་བྱེད་མི་ཆོག་ལ། འབར་སླ་བ་དང་གས་སླ་བའི་རྫས་འགྱུར་དངོས་རྫས་དང་། གཤེར་འགྱུར་རླངས་པ། ཕྲུན་རྨང་འབར་རྫས་བཅས་བཀོལ་དགོས་ཚེ། བཀོལ་སྤྱོད་དོ་དམ་གྱི་འགན་ཁུར་སྡེ་ཁག་དང་འགན་ཁུར་མི་སྣ་གསལ་བོར་བྱས་ཏེ། དགོས་མཁོའི་ཚད་བཀག་ལྟར་བཀོལ་སྤྱོད་བྱེད་དགོས་པ་དང་། གསོག་ཉར་གྱི་ཚད་དེ་ཉིན་གཅིག་གི་བཀོལ་སྤྱོད་ཚད་ལས་བརྒལ་མི་རུང་བ་མ་ཟད། བཀོལ་སྤྱོད་བྱེད་མི་དགོས་པའི་སྐབས་སུ་དུས་ཐོག་ཏུ་གཙང་སེལ་བྱ་དགོས་པ་དང་། ཆེད་བསྐོས་མི་སྣས་དོ་དམ་དང་ཐོ་འགོད་བྱེད་དགོས།

6.བཟའ་བཏུང་བྱ་ཡུལ་གྱི་ཐབ་ཚང་གི་འབར་རླངས་སྦུག་ལམ་ས་འོག་གི་ཐོག་སོ་དང་པོར་འཛུགས་རྒྱུ་གཏན་འགོག་བྱེད་དགོས་པ་མ་ཟད། འབར་རླངས་སྦུག་ལམ་བཙུགས་པའི་ཐབ་ཚང་དུ་འབར་རླངས་ཀྱི་ཉེན་བརྡ་གཏོང་བའི་མ་ལག་འཛུགས་དགོས། ཟ་ཁང་གི་འཛུགས་སྐྲུན་རྒྱ་ཁྱོན1000㎡ལས་ཆེ་བའི་ཟ་ཁང་དེའི་གཡོས་སྦྱོར་ཁང་གི་སྣུམ་ཕུད་དུ་ཁེབས་དང་གཡོས་སྦྱོར་གྱི་ཆ་ཤས་ལ་རང་འགུལ་མེ་གསོད་སྒྲིག་ཆས་སྒྲིག་སྦྱོར་བྱེད་དགོས་པ་མ་ཟད། འབར་རླངས་སམ་ཡང་ན་འབར་སྣུམ་སྦུག་ལམ་ཐོག་རང་འགུལ་མེ་གསོད་སྒྲིག་ཆས་དང་མཉམ་འགུལ་གྱི་རང་འགུལ་མེ་གསོད་སྒྲིག་ཆས་འཛུགས་དགོས། ཚོང་ལས་ཕྱོགས་བསྡུས་རྣམ་པའི་བཟའ་བཏུང་བྱེད་གནས་ཆེ་གྲས་ཀྱི་ཐབ་ཚང་ནང་འབར་ཐུབ་པའི་རླངས་གཟུགས་འཚོལ་ཞིབ་ཚད་ལེན་ཉེན་གྱི་བརྡ་གཏོང་བྱེད་སྒྲིག་ཆས་འཛུགས་དགོས་པ་དང་། སྣུམ་འབུད་དུ་ཁེབས་དང་དེ་བཞིན་གཡོས་སྦྱོར་བྱེད་གནས་སུ་འབར་རླངས་སྐྱེལ་འདྲེན་སྦུག་ལམ་གཅོད་ཐུབ་པའི་རང་འགུལ་མེ་གསོད་སྒྲིག་ཆས་འཛུགས་དགོས་པ་མ་ཟད།  ཉེན་བརྡ་གཏོང་བའི་བརྡ་རྟགས་དེ་མེ་གསོད་ཚོད་འཛིན་ཁང་དུ་ཕྱིར་ལྡོག་བྱེད་ཐུབ་པ་བྱེད་དགོས།

7.བཟོ་བཀོད་གཅིག་ལ་ལས་ཁུངས་གཉིས་ཡན་གྱིས་དོ་དམ་བྱེད་པའམ་བེད་སྤྱོད་བྱེད་རིགས་ལ། ཕྱོགས་སོ་སོའི་མེ་འགོག་གི་བདེ་སྲུང་འགན་འཁྲི་ཁ་གསལ་བཟོ་དགོས་པ་མ་ཟད། འགན་ཁུར་མཁན་གཏན་ཁེལ་བྱས་ནས་མི་འགྲེམ་བགྲོད་ལམ་དང་། བདེ་འཇགས་ཐོན་སྒོ། འཛུགས་སྐྲུན་གྱི་མེ་གསོད་སྒྲིག་ཆས། མེ་གསོད་རླངས་འཁོར་གྱི་བགྲོད་ལམ་བཅས་ལ་གཅིག་གྱུར་གྱིས་དོ་དམ་བྱེད་དུ་འཇུག་དགོས།

8.ལས་ཁུངས་ཀྱི་མེ་འགོག་གི་བདེ་སྲུང་འགན་འཁྲི་འཁུར་མཁན་ནི་ཁྲིམས་བཀོད་འཐུས་ཚབ་པ་ཡིན་དགོས་ལ། འགན་ཁུར་བ་གཙོ་བོའམ་ཡང་ན་ཚོད་འཛིན་བྱེད་མི་ངོ་མས་འགན་ཁུར་དགོས། སྡེ་ཁག་གི་མེ་འགོག་གི་བདེ་སྲུང་འགན་འཁྲིའི་འགན་ཁུར་མཁན་ནི་སྡེ་ཁག་དེའི་འགན་ཁུར་མི་སྣས་འགན་ཁུར་དགོས། འགན་གཙང་ལེན་དང་བོགས་གཏོང་བྱེད་ཁོངས་ཀྱི་མེ་འགོག་གི་བདེ་སྲུང་འགན་འཁྲི་འཁུར་མཁན་ནི་བོགས་གཏོང་བྱེད་མཁན་གྱིས་འགན་ཁུར་དགོས།

9.མེ་འགོག་བདེ་སྲུང་གི་གཙོ་གནད་ལས་ཁུངས་ཀྱིས་མེ་འགོག་བདེ་སྲུང་གི་དོ་དམ་པ་གཏན་ཁེལ་བྱ་དགོས་པ་དང་། ལས་ཁུངས་གཞན་དག་གི་མེ་འགོག་བདེ་སྲུང་གི་དོ་དམ་པ་དགོས་མཁོར་གཞིགས་ནས་གཏན་ཁེལ་བྱས་ཆོག

(བདུན།)  མེ་དང་གློག་བཀོལ་བ།

1.གློག་གི་སྐུད་ལམ་སྒེར་གྱིས་འཐེན་པ་དང་། གང་བྱུང་དུ་མཐུད་པ།  སྦུ་གུས་སྲུང་སྐྱོང་མ་བྱས་པ་བཅས་ལ་འབྲེལ་ཡོད་ཚད་གཞི་ལྟར་སྒྱུར་བཀོད་བྱེད་དུ་འཇུག་པ་དང་། གློག་གི་སྐུད་ལམ་སྒྲིག་སྦྱོར་ཚད་ལྡན་དུ་གཏོང་བ། ཚད་གཞི་མི་ལོན་པའི་གློག་ཆས་ཐོན་རྫས་བརྗེ་བ། ཤུགས་ཚད་ཆེ་བའི་གློག་སྤྱོད་སྒྲིག་ཆས་གཙང་སེལ་བྱེད་པ། གནས་དགར་བའི་གློག་འཕྲོའི་མ་ལག་བཀོད་སྒྲིག་བྱེད་པ། གློག་ཤོར་བའི་སྲུང་སྐྱོབ་སྒྲིག་ཆས་སྒྲིག་སྦྱོར་བྱེད་པ་བཅས་བྱས་ནས་གློག་གི་མེ་སྐྱོན་འབྱུང་ཚད་ཇེ་ཉུང་དུ་གཏོང་དགོས།

2.ཆོས་ལུགས་བྱེད་སྒོ་སྤེལ་སར་གཅིག་སྡུད་ཀྱིས་ཟ་མ་གཡོས་སྦྱོར་དང་མར་ཁུ་བསྐོལ་སའི་གནས་བཙུགས་ཏེ། གློག་ཚད་དམའ་བ་མཁོ་འདོན་དང་གྲང་བའི་འོད་ཁུངས་ཀྱི་གློག་སྒྲོན་གྱིས་ཞི་མེད་གློག་གི་ཚབ་བྱེད་པ་མ་ཟད། ཚོགས་ཆེན་འདུ་ཁང་དུ་མཆོད་མེ་མི་འཇོག་པར་གཅིག་གྱུར་གྱིས་ཕྱི་ནས་འཇོག་པ་བཀོད་སྒྲིག་བྱེད་དགོས། འགྲམ་གྱི་ཁང་བའི་ནང་དུ་མེ་དང་། རྩོལ་ཕྱོད་ཆེ་བའི་གློག་སྤྱོད་སྒྲིག་ཆས་དང་འབར་གས་སླ་བའི་དངོས་རྫས་གསོག་ཉར་བྱེད་མི་ཆོག

3.མི་སྣ་འདུ་འཛོམས་ཆེ་སར་ལས་གཉེར་བྱེད་སྐབས། ཨར་ལས་སྒྱུར་བཀོད་དམ་ཡང་ན་མེ་བཀོལ་བ་དང་ཚ་ལ་བྱེད་པའི་ལས་ཀ་བྱེད་མི་ཆོག མེ་བཀོལ་བའི་ལས་སྒྲུབ་བྱེད་དགོས་པའི་གནས་ཀྱི་བེད་སྤྱོད་དང་གཉེར་སྐྱོང་མངའ་ཁོངས་སུ་མེ་འགོག་གི་དབྱེ་མཚམས་ཕྱེ་ནས། གཟབ་ནན་གྱིས་མེ་བཀོལ་བའི་ལས་སྒྲུབ་དེ་མེ་འགོག་གི་དབྱེ་མཚམས་ཕྱེ་བའི་མངའ་ཁོངས་ནང་ཚོད་འཛིན་ནན་མོ་བྱེད་དགོས་པ་མ་ཟད། མེ་འགོག་བདེ་འཇགས་ཀྱི་ལས་ཡུལ་དངོས་ཀྱི་ལྟ་སྐུལ་དོ་དམ་བྱེད་ཤུགས་ཆེ་རུ་གཏོང་དགོས།

（བརྒྱད།）དྲིལ་སྒྲོག་གསོ་སྦྱོང་།

1.མེ་འགོག་བདེ་འཇགས་ཀྱི་འགན་འཁྲི་ཁུར་མཁན་དང་དོ་དམ་པས་རང་ལས་ཁུངས་ཀྱི་མེ་འགོག་བདེ་འཇགས་ཀྱི་གནས་ཚུལ་ཕྱོགས་ཡོངས་ནས་ཁོང་དུ་ཆུད་པ་བྱས་ཏེ། རང་ལས་ཁུངས་ཀྱི་ལས་སྒྲུབ་མི་སྣའི་མེ་འགོག་བདེ་འཇགས་ཀྱི་གསོ་སྦྱོང་སློབ་གསོར་ཤུགས་སྣོན་རྒྱག་དགོས།

2.ལས་ཁུངས་ཀྱི་ལས་མིས“གཅིག་ཤེས་གསུམ་རྟོགས”ཀྱི་བླང་བྱ་དང་མཐུན་པ་བྱས་ནས། རང་གནས་སའི་མེ་སྐྱོན་གྱི་ཉེན་ཁ་དང་། ཉེན་བརྡ་གཏོང་བ། མེ་གསོད། སྲོག་ཉེན་ལས་ཐར་ཐབས་བཅས་ཀྱི་རྩལ་ནུས་ཁོང་དུ་ཆུད་དགོས།

3.གཙོ་གནད་ལས་གནས་ཀྱི་མི་སྣས་ངེས་པར་དུ་ལས་གནས་དེ་དང་འཚམ་པའི་མེ་འགོག་བདེ་འཇགས་ཀྱི་ཤེས་བྱ་ཁོང་དུ་ཆུད་དགོས།

བདུན།   ལས་དོན་བླང་བྱ།

（གཅིག）ངོས་འཛིན་མཐོར་གཏོང་དང་མགོ་ཁྲིད་བྱེད་ཤུགས་ཆེ་རུ་གཏོང་དགོས།  ས་གནས་སོ་སོ་དང་སྡེ་ཁག་སོ་སོས་མི་སྣ་འདུ་འཛོམས་ཆེ་སའི་ཕྱོགས་བསྡུས་བཅོས་སྒྲིག་གི་དོན་སྙིང་གལ་ཆེན་ལ་ངོས་འཛིན་གང་ལེགས་བྱས་ཏེ། མེ་འགོག་བདེ་འཇགས་ལ་འཕྲད་པའི་དུས་བབ་དང་འགྲན་སློང་གསལ་པོ་ཤེས་དགོས་ལ། དོན་དངོས་ནས “འདུ་ཤེས་བཞི”ཟབ་ཏུ་གཏོང་བ་དང་། མཐའ་ཚད་ཀྱི་བསམ་བློ་ཇེ་དྲག་ཏུ་གཏོང་བ། ཚད་མཐོའི་ཆབ་སྲིད་ཀྱི་འགན་འཁྲི་འདུ་ཤེས་བཟུང་ནས་ནུས་ཤུགས་ཡོད་རྒུས་ཕྱོགས་བསྡུས་བཅོས་སྒྲིག་ལས་དོན་སོགས་ཡག་པོར་སྒྲུབ་སྟེ། ཁོངས་གཏོགས་ས་གནས་ཀྱི་སྤྱི་ཚོགས་ངོས་ཀྱི་མེ་སྐྱོན་གནས་བབ་ཚོད་འཛིན་བྱེད་དགོས།

（གཉིས།）ཕྱོགས་ཡོངས་ནས་གྲལ་བཤེར་དང་བཅོས་སྒྲིག་ནན་མོ་བྱེད་དགོས།   ས་གནས་སོ་སོ་དང་སྡེ་ཁག་སོ་སོས་ཆེད་དམིགས་སྟོབས་ཤུགས་རྩ་འཛུགས་བྱས་ཏེ། ཁོངས་གཏོགས་ས་གནས་ཀྱི་རང་ལས་རིགས་ཁྱབ་ཁོངས་ཀྱི་མི་སྣ་འདུ་འཛོམས་བྱ་ཡུལ་གྱི་མེ་འགོག་བདེ་འཇགས་ཀྱི་བྱུར་རྐྱེན་ལ་ཕྱོགས་ཡོངས་ནས་གྲལ་བཤེར་བྱས་ནས་གཞི་གྲངས་དང་གནས་ཚུལ་གསལ་པོ་ཤེས་དགོས། ཞིབ་བཤེར་བྱས་ནས་ཤེས་རྟོགས་བྱུང་བའི་ཁྲིམས་འགལ་བྱ་སྤྱོད་ལ་རང་སོ་སོའི་འགན་འཁྲི་གཞིར་བཟུང་ནས། ཁྲིམས་ལྟར་ཐག་གཅོད་ནན་མོ་བྱས་ཏེ་བཅོས་སྒྲིག་གི་མཉམ་ཤུགས་ཤིག་ཆགས་དགོས། མེ་འགོག་རོགས་སྐྱོབ་ལས་ཁུངས་ཀྱིས་ཕྱོགས་བསྡུས་བཅོས་སྐྱོང་གི་རྩ་འཛུགས་མཐུན་སྦྱོར་དང་ལྟ་སྐུལ་མཛུབ་ཁྲིད་ཡག་པོ་བྱས་ཏེ། ལས་རིགས་ཁོངས་གཏོགས་ཀྱིས་ཕྱོགས་བསྡུས་བཅོས་སྐྱོང་ལས་དོན་སྤེལ་བར་རྒྱབ་སྐྱོར་བྱེད་པ་དང་། འབྲེལ་ཡོད་སྡེ་ཁག་གིས་བྱུར་རྐྱེན་རྩད་ཆོད་གསལ་པོ་བྱེད་པ་དང་། གནད་དོན་གནད་ལ་འཁེལ་བ། དག་ཐེར་བྱེད་ཐབས་དོན་འཁྱོལ་བཅས་བྱ་རྒྱུར་མཛུབ་ཁྲིད་བྱེད་དགོས།

（གསུམ།）དུས་ཐོག་ཏུ་ཁོང་དུ་ཆུད་པ་དང་དུས་བཀག་ལྟར་ཆ་འཕྲིན་་སྐྱེལ་དགོས།  ཕྱོགས་བསྡུས་བཅོས་སྐྱོང་གི་སྐབས་སུ། ས་གནས་སོ་སོ་དང་སྡེ་ཁག་སོ་སོས་ལས་དོན་སྤེལ་ཚུལ་ལ་རྗེས་སྙེག་དང་ཁོང་དུ་ཆུད་པ་བྱས་ཏེ། འབྲེལ་ཡོད་གནས་ཚུལ་དང་གྲངས་གཞི་དུས་ཐོག་ཏུ་འཚོལ་སྡུད་དང་ཕྱོགས་སྡོམ་བྱེད་པ་མ་ཟད། ཟླ་རེའི་ཚེས25ཉིན་གྱི་སྔོན་ལ་ཁུལ་མེ་འགོག་བདེ་འཇགས་ཨུ་ལྷན་གཞུང་ལས་ཁང་ལ་འབུལ་དགོས།（འབྲེལ་གཏུག་པ།    ཝུན་ཧའོ་ཡུས།    འབྲེལ་གཏུག་ཁ་པར།0970-8840226 གློག་རྡུལ་ཡིག་སྒམ། 1375558781qq.com）ཕྱོགས་བསྡུས་བཅོས་སྐྱོང་མཇུག་སྒྲིལ་རྗེས། ཁུལ་མེ་འགོག་བདེ་འཇགས་ཨུ་ལྷན་གཞུང་དོན་ཁང་གིས་ཁུལ་ཡོངས་ཀྱི་ལས་དོན་གནས་ཚུལ་དུས་ཐོག་ཏུ་ཁུལ་སྲིད་གཞུང་ལ་སྙན་སེང་ཞུ་དགོས།

ཟུར་བཀོད། 

མཚོ་བྱང་ཁུལ་གྱི་མི་སྣ་འདུ་འཛོམས་ཆེ་སའི་མེ་འགོག་བདེ་འཇགས་ཕྱོགས་བསྡུས་བཅོས་སྐྱོང་གི་ལས་དོན་ལས་བགོས།

ལས་ཁུངས།ལས་འགན་ཁག་བགོས།

རྫོང་རིམ་པའི་མི་དམངས་སྲིད་གཞུང་། གཏོགས་ཁོངས་ཀྱི་ལྟ་སྐུལ་དོ་དམ་འགན་འཁྲི་ཁྲིམས་ལྟར་དོན་འཁྱོལ་བྱས་ཏེ། རང་ས་གནས་ཀྱི་མི་སྣ་འདུ་འཛོམས་ཆེ་སའི་མེ་འགོག་བདེ་འཇགས་ཕྱོགས་བསྡུས་བཅོས་སྐྱོང་ལས་དོན་སྡོམ་འགོད་ཡག་པོ་བྱེད་དགོས། བཀོད་གཏོང་གྲོས་མོལ་དང་། ཞིབ་གཅོད་གདེང་འཇོག  ལྟ་སྐུལ་སློབ་སྟོན་དུ་བསྒྲུབ་རྒྱུར་སྤྲོད་པ། དཔྱད་དཔོག་ལམ་སྲོལ་ཞིབ་བཤེར་རྩིས་ལེན་བྱེད་པ། མེ་འགོག་བཅོས་སྐྱོང་གི་འགན་འཁྲི་དང་བྱེད་ཐབས་བཅས་འཐུས་ཚང་དུ་བཏང་ནས་དོན་འཁྱོལ་ཡོང་བར་སྐུལ་འདེད་བཏང་སྟེ། མེ་འགོག་བདེ་འཇགས་ཀྱི་གཙོ་གནད་དང་དཀའ་གནད་ཀྱི་གནད་དོན་ཐག་གཅོད་བྱེད་དགོས། མེ་འགོག་བདེ་འཇགས་ཀྱི་ཉེན་ཁའི་རིམ་པའི་དོ་དམ་ཚོད་འཛིན་གྱི་ལམ་སྲོལ་འཛུགས་པ་དང་། ལས་ཁུངས་ཀྱི་རང་བདག་དོ་དམ་ལམ་སྲོལ་འཐུས་ཚང་དུ་གཏོང་བ། མི་ཚོགས་འདུ་འཛོམས་ཆེ་བའི་མེ་སྐྱོན་གྱི་ཉེན་ཁར་དོགས་ཟོན་བྱེད་པའི་ཕྱོགས་སྟོན་དང་ཞིབ་བཤེར་མཛུབ་ཁྲིད་དོན་འཁྱོལ་བྱེད་པ། ཉེན་ཁའི་བྱུར་རྐྱེན་གྱི“རང་ཤེས། རང་བཤེར། རང་བཅོས”བཅས་དང་ཁས་ལེན་ཡོངས་བསྒྲགས་བྱེད་པར་སྐུལ་འདེད་བཏང་ནས་མེ་སྐྱོན་གྱི་ཉེན་ཁའི་གནོད་འཚེ་ཇེ་ཆུང་དུ་གཏོང་དགོས།

ཁུལ་སློབ་གསོ་ཅུ། སློབ་གྲྭ་དང་བུ་བཅོལ་ཁང་། སློབ་ཕྱིའི་གསོ་སྦྱོང་ལས་ཁུངས་བཅས་ཀྱི་དོ་དམ་ཁྲོད་ཀྱི་ལས་རིགས་མེ་འགོག་བདེ་འཇགས་ཀྱི་འགན་ཁུར་རྒྱུ་དང་། སློབ་གྲྭའི་མེ་འགོག་བདེ་འཇགས་ཚད་ལྡན་ཅན་གྱི་དོ་དམ་བླང་བྱ་དོན་འཁྱོལ་བྱ་རྒྱུར་མཛུབ་ཁྲིད་བྱེད་དགོས། མེ་འགོག་གི་བདེ་འཇགས་སློབ་གསོ་དེ་སློབ་གྲྭའི་བདེ་འཇགས་སློབ་གསོའི་བྱེད་སྒོའི་གཅིག་གྱུར་འཆར་འགོད་ནང་བཀོད་སྒྲིག་བྱེད་དགོས།

ཁུལ་མི་རིགས་ཆོས་ལུགས་ལས་དོན་ཨུ། ཆོས་ལུགས་བྱེད་སྒོ་སྤེལ་སའི་མེ་འགོག་བདེ་འཇགས་དོ་དམ་ལ་ཤུགས་སྣོན་བྱས་ནས། མེ་འགོག་བདེ་འཇགས་ཚད་ལྡན་ཅན་གྱི་དོ་དམ་བླང་བྱ་དོན་འཁྱོལ་དང་མཛུབ་ཁྲིད་བྱེད་པར་འགན་ཁུར་དགོས།

ཁུལ་སྤྱི་བདེ་ཅུ། སྤྱི་བདེ་ལས་ཁུངས་ཀྱིས་མི་སྣ་འདུ་འཛོམས་ཆེ་སའི་མེ་འགོག་གི་བདེ་འཇགས་དང་འབྲེལ་བ་ཡོད་པའི་བདེ་འཇགས་དོ་དམ་དང་འགལ་བའི་བྱ་སྤྱོད་ཁྲིམས་ལྟར་རྩད་ཞིབ་ཐག་གཅོད་བྱེད་དགོས། བདེ་འཇགས་སྡེ་ཁག་གིས་ཁྲིམས་ལྟར་མང་ཚོགས་རང་བཞིན་གྱི་བྱེད་སྒོ་ཆེ་གྲས་ལ་བདེ་འཇགས་ཆོག་འཐུས་སྤྲོད་དགོས། སྤྱི་བདེ་འགྲིམ་འགྲུལ་དོ་དམ་སྡེ་ཁག་གིས་འཕྲུལ་སྒུལ་འཁོར་རིགས་ཀྱིས་མེ་གསོད་རླངས་འཁོར་གྱི་བགྲོད་ལམ་བཟུང་སྤྱོད་བྱེད་པའི་ཁྲིམས་འགལ་བྱ་སྤྱོད་ཞིབ་བཤེར་ཐག་གཅོད་དང་རྩིས་སྤྲོད་ལམ་སྲོལ་དོན་འཁྱོལ་བྱེད་པ་དང་། གློག་སྒུལ་རྐང་འཁོར་ཐོ་འགོད་ལས་དོན་དོན་འཁྱོལ་བྱ་རྒྱུར་སྐུལ་འདེད་གཏོང་དགོས། སྤྱི་བདེ་མངགས་གཏོང་ཁང་གིས་གཏན་འབེབས་གཞིར་བཟུང་ནས་རྒྱུན་གཏན་གྱི་མེ་འགོག་ལྟ་སྐུལ་ཞིབ་བཤེར་དང་མེ་འགོག་དྲིལ་སྒྲོག་སློབ་གསོ་སྤེལ་བ་དང་། “གནས་ཡུལ་ཆུང་བ་དགུ”ཡི་མི་སྣ་འདུ་འཛོམས་ཆེ་སའི་གྲལ་བཤེར་བྱེད་ཤུགས་ཆེ་རུ་གཏོང་དགོས།

ཁུལ་དམངས་སྲིད་ཅུ།རྒན་གསོ་ཁང་དང་ཕན་བདེ་ཁང་སོགས་དམངས་སྲིད་ཞབས་ཞུའི་སྒྲིག་གཞིའི་ཞིབ་མཆན་ནམ་དོ་དམ་ཁྲོད་ཀྱི་ལས་རིགས་མེ་འགོག་བདེ་འཇགས་ཀྱི་འགན་ཁུར་དགོས། སྤྱི་ཚོགས་ཕན་བདེའི་ལས་ཁུངས་ཀྱིས་མེ་འགོག་གི་བདེ་སྲུང་ཚད་ལྡན་ཅན་གྱི་དོ་དམ་བླང་བྱ་དོན་འཁྱོལ་བྱེད་པར་མཛུབ་སྟོན་བྱེད་དགོས། སྔོན་གཤེགས་དཔའ་བོར་དྲན་གསོ་ཞུ་བ་དང་གཟི་བརྗིད་ཁང་སོགས་ལས་ཁུངས་ཀྱིས་མེ་འགོག་གི་བདེ་འཇགས་འགན་འཁྲི་དོན་འཁྱོལ་བྱེད་པར་མཛུབ་ཁྲིད་དང་སྐུལ་འདེད་གཏོང་དགོས།

ཁུལ་ཁྲིམས་འཛིན་ཅུ།རྫོང་རིམ་པའི་ཁྲིམས་འཛིན་ཅུ་དང་ཡུལ་ཚོ་དང་གྲོང་རྡལ་གྱི་ཁྲིམས་འཛིན་ཁང་གིས་ཁོངས་གཏོགས་སྡེ་ཁག་གི་མེ་འགོག་བདེ་འཇགས་བྱ་བར་མཛུབ་ཁྲིད་བྱེད་དགོས།

ཁུལ་མི་ཤུགས་ཐོན་ཁུངས་དང་སྤྱི་ཚོགས་འགན་སྲུང་ཅུ།ལས་རིགས་གསོ་སྦྱོང་ལས་ཁུངས་ཀྱིས་ཞིབ་མཆན་འགོད་པའམ་དོ་དམ་བྱེད་རིང་གི་ལས་རིགས་ཀྱི་མེ་འགོག་བདེ་འཇགས་ལ་འགན་ཁུར་དགོས།

ཁུལ་སྡོད་ཁང་དང་མཁར་གྲོང་འཛུགས་སྐྲུན་ཅུ། མི་སྣ་འདུ་འཛོམས་ཆེ་སའི་འཛུགས་སྐྲུན་བཟོ་སྐྲུན་གྱི་མེ་འགོག་ཇུས་འགོད་ལ་ཞིབ་བཤེར་དང་། མེ་འགོག་ཞིབ་བཤེར་རྩིས་ལེན། ཐོ་འགོད་སྙན་སེང་། སྒྲུག་བཤེར་བཅས་ཀྱི་ལས་དོན་ཁྲིམས་ལྟར་ལག་བསྟར་བྱས་ཏེ། འཛུགས་སྐྲུན་བཟོ་སྐྲུན་གྱི་ཕྱོགས་སོ་སོའི་འགན་འཁྲིའི་བྱེད་པོས་སྡོད་ཁང་འཛུགས་སྐྲུན་དང་། གྲོང་ཁྱེར་དོ་དམ་གྱི་རྨང་གཞིའི་སྒྲིག་བཀོད་བཟོ་སྐྲུན་གྱི་འཛུགས་སྐྲུན་བྱེད་རིང་གི་མེ་འགོག་བདེ་འཇགས་དོ་དམ་ལ་ཤུགས་སྣོན་རྒྱག་རྒྱུར་སྐུལ་འདེད་གཏོང་དགོས། བཟོ་ལས་ཐད་སྤྱོད་པའི་ཁང་པ་དང་ཞིང་སྡེའི་རང་བསྐྲུན་ཁང་པ་སྒྱུར་བཀོད་བྱེད་མཁན་འདུ་འཛོམས་ཆེ་སར་དམིགས་ནས། ཁྲོམ་རའི་ལྟ་སྐུལ་དོ་དམ་སྡེ་ཁག་དང་མེ་འགོག་རོགས་སྐྱོབ་སྒྲིག་གཞི་དང་མཉམ་དུ་ཕྱོགས་བསྡུས་བཅོས་སྒྲིག་བྱས་ཏེ། མེ་འགོག་བདེ་འཇགས་དོ་དམ་ལ་ཤུགས་སྣོན་རྒྱག་དགོས། མི་སྣ་འདུ་འཛོམས་ཆེ་བའི་སྡེ་ལས་ཞབས་ཞུ་ཁེ་ལས་ཀྱིས་གན་རྒྱའི་ཁ་ཆད་ལྟར་མེ་འགོག་བདེ་འཇགས་ཀྱི་འགན་འཁྲི་སྒྲུབ་རྒྱུར་མཛུབ་ཁྲིད་དང་ལྟ་སྐུལ་བྱས་ཏེ། ལས་བདག་གིས་འབྲེལ་ཡོད་གཏན་འབེབས་གཞིར་བཟུང་ནས་ཆེད་དོན་ཉམས་གསོའི་མ་དངུལ་སྤྱད་དེ་སྤྱི་སྤྱོད་མེ་འགོག་སྒྲིག་བཀོད་ཉམས་གསོ་དང་གསར་སྒྱུར། སྒྱུར་བཀོད་བཅས་བྱེད་པར་མཛུབ་ཁྲིད་བྱེད་དགོས། མི་དམངས་མཁའ་ཟོན་བཟོ་སྐྲུན་ནང་བཀོད་སྒྲིག་བྱས་པའི་མི་སྣ་འདུ་འཛོམས་ཆེ་སའི་མེ་འགོག་བདེ་འཇགས་དོ་དམ་ལས་དོན་ལ་ཤུགས་སྣོན་རྒྱག་རྒྱུར་མཛུབ་ཁྲིད་དང་སྐུལ་འདེད་གཏོང་དགོས།

ཁུལ་འགྲིམ་འགྲུལ་སྐྱེལ་འདྲེན་ཅུ།འགྲུལ་སྐྱེལ་རླངས་འཁོར་འབབ་ཚུགས་དོ་དམ་བྱེད་པའི་སྐབས་སུ་འབྲེལ་ཡོད་ལས་ཁུངས་ཀྱི་མེ་འགོག་བདེ་འཇགས་ཀྱི་འགན་འཁྲི་དང་། མེ་འགོག་ལས་དོན་གྱི་ལམ་ལུགས་དོན་འཁྱོལ་བྱེད་རྒྱུར་ཁྲིམས་ལྟར་མཛུབ་ཁྲིད་དང་ལྟ་སྐུལ་བྱེད་དགོས།

ཁུལ་གྲོང་གསེབ་དར་སྤེལ་ཅུ། ཡུལ་གཞན་དུ་གནས་སྤོས་དབུལ་སྐྱོར་བཀོད་སྒྲིག་བྱ་ཡུལ་གྱི་མེ་འགོག་བདེ་འཇགས་བཅོས་སྐྱོང་བྱེད་པའི་འགན་ཁུར་དགོས་བ་དང་། ཞིང་སྡེའི་ས་ཁུལ་གྱི་མེ་སྐྱོན་གྱི་བྱུར་རྐྱེན་བཅོས་སྒྲིག་བྱ་རྒྱུར་གཞོགས་འདེགས་ཡག་པོ་བྱེད་དགོས།

ཁུལ་བཟོ་ལས་ཚོང་དོན་དང་ཆ་འཕྲིན་ཅུ། ཚོང་དོན་ལས་རིགས་ཀྱི་མེ་འགོག་བདེ་འཇགས་དོ་དམ་ལས་དོན་ལ་མཛུབ་ཁྲིད་དང་ལྟ་སྐུལ་བྱེད་དགོས། འབྲེལ་ཡོད་སྡེ་ཁག་ལ་མཉམ་འབྲེལ་བྱས་ཏེ་ཚོང་དོན་ཁེ་ལས་ཀྱི་མེ་འགོག་བདེ་འཇགས་བཅོས་སྐྱོང་བྱེད་ཤུགས་ཆེ་རུ་གཏོང་དགོས།

ཁུལ་རིག་ལུས་གནས་སྐོར་རྒྱང་བརྙན་ཅུ། སྤྱི་བའི་དཔེ་མཛོད་ཁང་དང་རིག་གནས་ཁང་། ཟློས་གར་ཁང་སོགས་རིག་གནས་ལས་ཁུངས་དང་གླུ་གར་རོལ་རྩེད། རྩེད་འཇོ་རོལ་རྩེད། དྲ་སྦྲེལ་དྲ་ཐོག་ཞབས་ཞུ།   འཁྲབ་སྟོན།   གནས་སྐོར་ལས་དོན་ཁང་།  སྐར་རིམ་མགྲོན་ཁང་།     Aརིམ་པའི་གནས་སྐོར་མཛེས་ལྗོངས་ཁུལ་སོགས་སུ་མེ་འགོག་བདེ་འཇགས་ཀྱི་འགན་འཁྲི་དོན་འཁྱོལ་བྱ་རྒྱུར་མཛུབ་ཁྲིད་དང་སྐུལ་འདེད་གཏོང་དགོས་ལ། མེ་འགོག་བདེ་འཇགས་དོ་དམ་བྱ་བར་ཤུགས་སྣོན་རྒྱག་དགོས། རྟེན་མཛོད་བཤམས་སྟོན་ཁང་དང་དྲན་གསོ་ཁང་། རིག་གནས་ཤུལ་བཞག  རིག་དངོས་སྲུང་སྐྱོང་ལས་ཁུངས་བཅས་ཀྱིས་མེ་འགོག་བདེ་འཇགས་དོ་དམ་བྱ་བར་མཛུབ་སྟོན་དང་སྐུལ་འདེད་བྱེད་པར་ཤུགས་སྣོན་རྒྱག་དགོས་པ་དང་། རིག་དངོས་སྲུང་སྐྱོང་ལས་ཁུངས་ཀྱིས་མེ་འགོག་བདེ་འཇགས་ཚད་ལྡན་ཅན་གྱི་དོ་དམ་བླང་བྱ་དོན་འཁྱོལ་བྱ་རྒྱུར་མཛུབ་ཁྲིད་བྱེད་དགོས། ལུས་རྩལ་རིགས་ཀྱི་འགྲན་ར་སོགས་སྤྱི་པའི་ལུས་རྩལ་སྒྲིག་བཀོད་དང་ལུས་རྩལ་བྱེད་སྒོ་ཆེ་གྲས་ཀྱི་མེ་འགོག་བདེ་འཇགས་དོ་དམ་བྱ་བར་ཁྲིད་སྟོན་དང་སྐུལ་འདེད་བྱེད་པར་ཤུགས་སྣོན་རྒྱག་དགོས།

ཁུལ་འཕྲོད་བསྟེན་བདེ་ཐང་ཨུ་ལྷན། སྨན་བཅོས་འཕྲོད་བསྟེན་ལས་ཁུངས་དང་འཆར་ལྡན་བུ་སྐྱེ་ལག་རྩལ་ཞབས་ཞུ་ལས་ཁུངས་ཀྱིས་ཞིབ་མཆན་འགོད་པའམ་ཡང་ན་དོ་དམ་བྱེད་སྐབས། ལས་རིགས་ཀྱི་མེ་འགོག་བདེ་འཇགས་འགན་ཁུར་རྒྱུ་དང་། སྨན་བཅོས་འཕྲོད་བསྟེན་ལས་ཁུངས་ཀྱིས་མེ་འགོག་བདེ་འཇགས་ཚད་ལྡན་ཅན་གྱི་དོ་དམ་བླང་བྱ་དོན་འཁྱོལ་བྱ་རྒྱུར་མཛུབ་ཁྲིད་བྱེད་དགོས། རིམས་ནད་དང་འབྲེལ་བ་ཡོད་པའི་སྨན་བཅོས་འཕྲོད་བསྟེན་ལས་ཁུངས་ཀྱི་མེ་འགོག་བདེ་འཇགས་ལ་ལྟ་སྐུལ་དོ་དམ་བྱེད་ཤུགས་ཆེ་རུ་གཏོང་དགོས།

ཁུལ་ཁྲོམ་ར་ལྟ་སྐུལ་དོ་དམ་ཅུ། ཐོན་སྐྱེད་དང་འཁོར་རྒྱུག་ཁྱབ་ཁོངས་ཀྱི་མེ་འགོག་ཐོན་རྫས་ཀྱི་སྤུས་ཀར་ཁྲིམས་ལྟར་ལྟ་སྐུལ་དང་དོ་དམ་བྱེད་པའི་འགན་ཁུར་རྒྱུ་དང་། མེ་འགོག་ཐོན་རྫས་ཀྱི་སྤུས་ཀའི་ཐད་ཀྱི་ཁྲིམས་འགལ་བྱ་སྤྱོད་རྩད་ཞིབ་ཐག་གཅོད་བྱེད་དགོས། བཟའ་བཅའ་དང་མཛེས་འཆོས་བྱུག་རྫས་ཐོན་སྐྱེད་གཉེར་སྐྱོང་ལས་ཁུངས་ཀྱི་མེ་འགོག་བདེ་འཇགས་ཀྱི་འགན་འཁྲི་དོན་འཁྱོལ་བྱ་རྒྱུར་མཛུབ་ཁྲིད་དང་སྐུལ་འདེད་གཏོང་དགོས། བཟོ་ལས་ཐད་སྤྱོད་པའི་ཁང་པ་དང་ཞིང་སྡེའི་རང་བསྐྲུན་ཁང་པ་སྒྱུར་སྐྲུན་བྱེད་པའི་མི་སྣ་འདུ་འཛོམས་བྱེད་སར་དམིགས་ནས། སྡོད་ཁང་དང་མཁར་གྲོང་འཛུགས་སྐྲུན་སྡེ་ཁག མེ་གསོད་རོགས་སྐྱོབ་ལས་ཁུངས་བཅས་ལ་གཞོགས་འདེགས་བྱས་ཏེ་གཅིག་གྱུར་གྱིས་ཕྱོགས་བསྡུས་བཅོས་སྐྱོང་བྱེད་པ་དང་། མེ་འགོག་བདེ་འཇགས་དོ་དམ་ལ་ཤུགས་སྣོན་དགོས།

ཁུལ་སྦྲག་སྲིད་དོ་དམ་ཅུ། སྦྲག་སྲིད་དང་མྱུར་སྐྱེལ། མཛོད་ཉར་ལས་རིགས་གཞན་དག་གི་ཁོངས་གཏོགས་མི་སྣ་འདུ་འཛོམས་ཆེ་སའི་མེ་འགོག་བདེ་འཇགས་ཀྱི་འགན་འཁྲི་དོན་འཁྱོལ་བྱེད་པར་མཛུབ་ཁྲིད་དང་སྐུལ་འདེད་གཏོང་དགོས།

ཁུལ་མེ་འགོག་རོགས་སྐྱོབ་ཡན་ལག་རུ་ཁགཁྲིམས་ལྟར་མེ་འགོག་བདེ་འཇགས་ཀྱི་ཕྱོགས་བསྡུས་ལྟ་སྐུལ་དོ་དམ་འགན་འཁྲི་ལག་བསྟར་བྱས་ཏེ། འབྲེལ་ཡོད་ལས་རིགས་སྡེ་ཁག་ལ་མེ་འགོག་ལྟ་སྐུལ་དོ་དམ་གྱི་འགན་འཁྲི་དོན་འཁྱོལ་བྱ་རྒྱུར་ལྟ་སྐུལ་མཛུབ་ཁྲིད་བྱེད་པ་དང་། མི་སྣ་འདུ་འཛོམས་ཆེ་སའི་མེ་འགོག་ལྟ་སྐུལ་འཐེན་བཤེར་བྱེད་ཤུགས་ཆེ་རུ་བཏང་ནས། མེ་འགོག་བདེ་འཇགས་ཀྱི་ཁྲིམས་འགལ་བྱ་སྤྱོད་ཁྲིམས་ལྟར་ཞིབ་བཤེར་ཐག་གཅོད་བྱེད་དགོས།