མཚོ་བྱང་ཁུལ་མི་དམངས་སྲིད་གཞུང་གཞུང་ལས་ཁང་གི《མཚོ་བྱང་ཁུལ་གྱི་ཁང་བརྩེགས་མཐོན་པོའི་བཟོ་སྐྲུན་གྱི་མེ་སྐྱོན་ཚབས་ཆེན་ཉེན་ཁའི་ཆེད་དོན་བཅོས་སྐྱོང་གི་ལས་དོན་བྱེད་ཐབས》དཔར་འགྲེམ་བྱས་པའི་སྐོར་གྱི་བརྡ་སྦྱོར།

རྩོམ་སྒྲིག དམ་ཆོས་བསམ་འགྲུབ། ཡོང་ཁུངས། མཚོ་བྱང་སྲིད་དོན་སྤྱི་བསྒྲགས།  བཤེར་འབེབས། རྡོ་རྗེ་བྱམས།

བྱང་སྲིད་གཞུང་ལས་ཁང〔2022〕ཨང56པ།

རྫོང་སོ་སོའི་མི་དམངས་སྲིད་གཞུང་དང་མཚོ་སྔོན་པོ་ཞིང་ར།  ཁུལ་སྲིད་གཞུང་གི་སྡེ་ཁག་དང་ལས་ཁུངས་སོ་སོར།

ཁུལ་མེ་འགོག་རོགས་སྐྱོབ་ཉིང་ལག་རུ་ཁག་གིས་འཆར་འགོད་བྱས་པའི《མཚོ་བྱང་ཁུལ་གྱི་ཁང་བརྩེགས་མཐོན་པོའི་བཟོ་སྐྲུན་གྱི་མེ་སྐྱོན་ཚབས་ཆེན་ཉེན་ཁའི་ཆེད་དོན་བཅོས་སྐྱོང་གི་ལས་དོན་བྱེད་ཐབས》ཁུལ་སྲིད་གཞུང་ཡིད་འཐད་བྱུང་བ་བརྒྱུད་ད་ལྟ་ཁྱེད་ཚོར་དཔར་འགྲེམ་བྱས་པ་ཡིན་པས། ལག་བསྟར་དོན་འཁྱོལ་ཡག་པོ་བྱེད་དགོས།     

                                   མཚོ་བྱང་ཁུལ་མི་དམངས་སྲིད་གཞུང་གཞུང་ལས་ཁང་།

                                      2022ལོའི་ཟླ7ཚེས13ཉིན།

མཚོ་བྱང་ཁུལ་གྱི་ཁང་བརྩེགས་མཐོན་པོའི་བཟོ་སྐྲུན་གྱི་མེ་སྐྱོན་ཚབས་ཆེན་ཉེན་ཁའི་ཆེད་དོན་བཅོས་སྐྱོང་གི་ལས་དོན་བྱེད་ཐབས།

ཁུལ་ཡོངས་ཀྱི་དཔལ་འབྱོར་དང་སྤྱི་ཚོགས་མགྱོགས་མྱུར་འཕེལ་རྒྱས་ཕྱིན་པ་དང་བསྟུན་ནས། ཁང་བརྩེགས་མཐོན་པོའི་བཟོ་སྐྲུན་རྒྱུན་ཆད་མེད་པར་མང་དུ་ཕྱིན་པ་དང་། གཟུགས་ཚད་ཇེ་ཆེ་ནས་ཇེ་ཆེ་རུ་འགྲོ་བཞིན་ཡོད་ལ། ནུས་པ་སྔར་བས་སྣ་མང་ཅན་དུ་འགྱུར་བཞིན་ཡོད། ལྷག་པར་དུ་ཁང་བརྩེགས་མཐོན་པོའི་བཟོ་སྐྲུན་ཁག་ཅིག་ཕྱོགས་བསྡུས་སྒྲིག་གཞི་ཡིན་པས་གཉེར་སྐྱོང་ལས་སྣ་མང་བ་དང་མི་མང་ཕྱིར། མེ་སྐྱོན་སྔོན་འགོག་དང་མེ་གསོད་པར་དཀའ་ཁག་ཆེ། ཉེ་བའི་ལོ་ཤས་རིང་གི་ཁང་བརྩེགས་མཐོན་པོའི་བཟོ་སྐྲུན་གྱི་མེ་སྐྱོན་ཆག་སྒོའི་བསླབ་བྱ་བསྡུ་ལེན་གཏིང་ཟབ་བྱ་ཆེད། རྒྱལ་སྲིད་སྤྱི་ཁྱབ་ཁང་བདེ་འཇགས་ཨུ་ལྷན་གྱི《ཁང་བརྩེགས་མཐོན་པོའི་བཟོ་སྐྲུན་གྱི་མེ་སྐྱོན་ཚབས་ཆེན་ཉེན་ཁའི་ཆེད་དོན་བཅོས་སྒྲིག་བརྡ་སྦྱོར》གྱི་བླང་བྱ་གཞིར་བཟུང་ནས། མཚོ་བྱང་ཁུལ་སྲིད་གཞུང་གིས2022ལོའི་ཟླ7པ་ནས2023ལོའི་ཟླ6པའི་བར་ཁུལ་ཡོངས་སུ་ཁང་བརྩེགས་མཐོན་པོའི་བཟོ་སྐྲུན་གྱི་མེ་སྐྱོན་ཚབས་ཆེན་ཉེན་ཁའི་ཆེད་དོན་བཅོས་སྒྲིག་ལས་དོན་གཅིག་བསྡུས་ཀྱིས་སྤེལ་རྒྱུ་ཐག་གཅོད་བྱས་ནས།   བྱེད་ཐབས་འདི་ཆེད་དུ་གཏན་འབེབས་བྱས་བ་ཡིན།

གཅིག  ལས་དོན་དམིགས་ཚད།

སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་བདེ་འཇགས་ཐོན་སྐྱེད་དང་གྲོང་ཁྱེར་གྱི་མེ་འགོག་བདེ་འཇགས་ལས་དོན་ལ་ཤུགས་སྣོན་རྒྱག་རྒྱུའི་སྐོར་གྱི་མཛུབ་སྟོན་གལ་ཆེན་གྱི་དགོངས་དོན་ལག་བསྟར་དོན་འཁྱོལ་ནན་ཏན་དང་། མི་དམངས་བླ་ན་མེད་པ་དང་ཚེ་སྲོག་བླ་ན་མེད་པ་རྒྱུན་འཁྱོངས་བྱས་ཏེ། སྲིད་གཞུང་གིས་གཅིག་གྱུར་མགོ་ཁྲིད་དང་། སྡེ་ཁག་གིས་ཁྲིམས་ལྟར་ལྟ་སྐུལ་དོ་དམ། ལས་ཁུངས་ཀྱིས་ཕྱོགས་ཡོངས་འགན་ཁུར་བ། སྤྱི་དམངས་ཧུར་ཐག་གིས་ཞུགས་པ་བཅས་ཀྱི་རྩ་དོན་གཞིར་བཟུང་ཞིང་། རྒྱལ་ཡོངས་ཀྱི་བདེ་འཇགས་ཐོན་སྐྱེད་ཐད་ཀྱི་ཞིབ་བཤེར་ཆེན་པོའི་བྱ་བའི་བཀོད་སྒྲིག་གི་བླང་བྱ་ལ་ཟུང་འབྲེལ་བྱས་ནས། ཁང་བརྩེགས་མཐོན་པོའི་བཟོ་སྐྲུན་གྱི་ཉེན་ཁ་འབྱུང་གཞི་གལ་ཆེན་ལ་དམིགས་ཏེ་དུས་མགོའི་བཅོས་སྐྱོང་བྱ་བའི་རྨང་གཞིའི་སྟེང་རིམ་དབྱེ་རིགས་དགར་དཔྱད་དཔོག་དང་། གནད་ཁེལ་དག་ཐེར་ནན་མོ། རྩ་ལག་མཉམ་བཅོས་མཐོར་གཏོང་བཅས་བྱས་ནས། ཁང་བརྩེགས་མཐོན་པོའི་བཟོ་སྐྲུན་གྱི་མེ་སྐྱོན་ཉེན་ཁ་རིམ་པ་དབྱེ་ནས་དོ་དམ་ཚོད་འཛིན་དང་བྱུར་རྐྱེན་གྲལ་བཤེར་བཅོས་སྐྱོང་གི་སྔོན་འགོག་ལམ་སྲོལ་གལ་ཆེན་གཉིས་འཐུས་ཚང་དུ་གཏོང་བ་དང་། མི་མང་ཤི་རྨས་ཀྱི་མེ་སྐྱོན་ལས་འཛོལ་ཚབས་ཆེན་འབྱུང་བ་སྔོན་འགོག་མཐའ་གཅིག་ཏུ་བྱས་ནས། མི་དམངས་ཀྱི་ཚེ་སྲོག་དང་རྒྱུ་ནོར་བདེ་འཇགས་ལ་འགན་སྲུང་བྱེད་དགོས།

གཉིས།  རྩ་འཛུགས་མགོ་ཁྲིད།

ཁུལ་ཡོངས་ཀྱི་ཁང་བརྩེགས་མཐོན་པོའི་བཟོ་སྐྲུན་གྱི་མེ་སྐྱོན་ཚབས་ཆེན་གྱི་ཉེན་ཁའི་ཆེད་དོན་བཅོས་སྒྲིག་ལས་དོན་མགོ་ཁྲིད་ཚན་ཆུང་བཙུགས་ནས། ཁུལ་ཡོངས་ཀྱི་ཆེད་དོན་བཅོས་སྒྲིག་ལས་དོན་ལ་སྤྱི་འདོམས་དང་། མཐུན་སྦྱོར། རྩ་འཛུགས་བཅས་བྱེད་དགོས། མི་སྣ་གྲུབ་ཚུལ་གཤམ་གསལ་ལྟར།

ཚན་གཙོ། ཨ་ཁྱུང་། ཁུལ་ཨུའི་རྒྱུན་ཨུའམ་རྒྱུན་ལས་ཁུལ་དཔོན་གཞོན་པ།

ཚན་གཙོ་གཞོན་པ།  ཝེ་པིན་ཡན།  ཁུལ་མི་དམངས་སྲིད་གཞུང་གི་དྲུང་ཡིག་ཆེན་མོ་གཞོན་པ།       

མིན་ཝེ། ཁུལ་མེ་འགོག་རོགས་སྐྱོབ་ཉིང་ལག་རུ་ཁག་གི་རུ་དཔོན།

ཁོངས་མི། ཝང་ཧོའེ་པིན།  ཁུལ་བཟོ་ཚོང་ཆ་འཕྲིན་ཅུའི་ཅུ་ཀྲང་གཞོན་པ།

ལིའུ་དབྱི། ཁུལ་སྤྱི་བདེ་ཅུའི་ཅུ་ཀྲང་གཞོན་པ།

ལི་ཞིན་ཕིན། ཁུལ་དམངས་སྲིད་ཅུའི་ཅུ་ཀྲང་གཞོན་པ།

དབྱང་ཀུའེ་མིང་། ཁུལ་སྡོད་ཁང་འཛུགས་སྐྲུན་ཅུའི་ཅུ་ཀྲང་གཞོན་པ།

ཧོང་ཧྥེ།  ཁུལ་འཕྲོད་བསྟེན་བདེ་ཐང་ཨུ་ལྷན་གྱི་ཀྲུའུ་རེན་གཞོན་པ།

མེན་ཏུ་ལི་ཧྥུ། ཁུལ་ཁྲོམ་ར་ལྟ་སྐུལ་དོ་དམ་ཅུའི་ཅུ་ཀྲང་གཞོན་པ།

ཀྲེང་ཡིའུ་ཕེང་།  ཁུལ་འཚུབ་བསྟུན་དོ་དམ་ཅུའི་ཅུ་ཀྲང་གཞོན་པ།

ཝང་ཅན་ཧྭ།  རྒྱལ་ཁབ་གློག་དྲ་མཚོ་བྱང་ཡན་ལག་ཀུང་སིའི་སྤྱི་གཉེར་བ་གཞོན་པ།

ཧྲེན་ཞན་མིང་། ཁུལ་མེ་འགོག་རོགས་སྐྱོབ་ཉིང་ལག་རུ་ཁག་གི་རུ་དཔོན་གཞོན་པ།

མགོ་ཁྲིད་ཚན་ཆུང་གི་འོག་ཏུ་གཞུང་ལས་ཁང་བཙུགས་ཡོད་ལ། ཕྱོགས་བསྡུས་བཅོས་སྐྱོང་ལས་དོན་གྱི་སྤྱི་འདོམས་མཐུན་སྦྱོར་དང་། བཀོད་གཏོང་སྐུལ་འདེད། ལྟ་སྐུལ་མཛུབ་ཁྲིད་ཞིབ་བཤེར་སོགས་ཀྱི་ལས་དོན་ལ་བྱེ་བྲག་གི་འགན་ཁུར་བ་དང་། དུས་ཐོག་ཏུ་འབྲེལ་ཡོད་དོན་ཚན་དང་གཙོ་གནད་དཀའ་གནད་ཀྱི་གནད་དོན་ལ་ཞིབ་འཇུག་ཐག་གཅོད་བྱེད་དགོས། གཞུང་ལས་ཁང་ནི་ཁུལ་མེ་འགོག་བདེ་འཇགས་ཨུ་ལྷན་གཞུང་ལས་ཁང（ཁུལ་མེ་འགོག་རོགས་སྐྱོབ་ཉིང་ལག་རུ་ཁག）དུ་བཙུགས་ཡོད་པ་དང་། བློ་མཐུན་མིང་ཝུའེ་ཡིས་གཞུང་ལས་ཁང་གི་ཀྲུའུ་རེན་གྱི་འགན་གཅིག་ལྕོགས་ཀྱིས་འཁུར་བ་དང་། བློ་མཐུན་ཧྲེན་ཞན་མིང་གིས་གཞུང་ལས་ཁང་གི་ཀྲུའུ་རེན་གཞོན་པའི་འགན་གཅིག་ལྕོགས་ཀྱིས་འཁུར་ཡོད།

གསུམ།  དུས་ཚོད་ཀྱི་གོ་རིམ།

ཁང་བརྩེགས་མཐོན་པོའི་བཟོ་སྐྲུན་གྱི་ཆེད་དོན་བཅོས་སྒྲིག་ལས་དོན2022ལོའི་ཟླ7པ་ནས2023ལོའི་ཟླ6པའི་བར། དུས་མཚམས་གཉིས་སུ་ཕྱེ་ནས་སྤེལ་རྒྱུ་ཡིན།

དུས་མཚམས་དང་པོ།（2022ལོའི་ཟླ7པ་ནས་ཟླ11པའི་ཟླ་མཇུག་བར）ཁང་བརྩེགས་མཐོན་པོའི་བཟོ་སྐྲུན་གྱི་མངོན་གསལ་དོད་པའི་གནད་དོན་གྱི་བྱུར་རྐྱེན་གཅིག་སྡུད་ཐོག་བཅོས་སྒྲིག་བྱས་ནས། བདེ་འཇགས་ཀྱི་ཉེན་ཁ་ཚབས་ཆེན་དོ་དམ་ཚོད་འཛིན་བྱས་ཏེ། མི་མང་ཤི་རྨས་ཀྱི་མེ་སྐྱོན་ཚབས་ཆེན་དང་ཆེས་ཚབས་ཆེན་གྱི་ཆག་སྒོ་འབྱུང་རྒྱུ་བཀག་འགོག་མཐའ་གཅིག་ཏུ་བྱེད་དགོས།

དུས་མཚམས་གཉིས་པ། （2022ལོའི་ཟླ12པ་ནས2023ལོའི་ཟླ6པའི་ཟླ་མཇུག་བར）ཆེད་དོན་བཅོས་སྒྲིག་ལས་དོན་སྤེལ་ཚུལ་ལ་ཕྱིར་མིག་བལྟས་ནས་ཞིབ་བཤེར་བྱེད་པ་དང་། མཁྲེགས་འགྱུར་ཉམས་མྱོང་ཕྱོགས་སྡོམ་བྱེད་པ། ཁང་བརྩེགས་མཐོན་པོའི་བཟོ་སྐྲུན་གྱི་མེ་སྐྱོན་སྔོན་འགོག་ཚོད་འཛིན་གྱི་ཕུགས་ཕན་ལས་དོན་ལམ་སྲོལ་འཐུས་སྒོ་ཇེ་ཚང་དུ་བཏང་ནས། མེ་འགོག་བདེ་འཇགས་བཅོས་སྐྱོང་ནུས་པ་དང་ཆུ་ཚད་ཟམ་མི་ཆད་པར་མཐོ་རུ་གཏོང་དགོས།

བཞི།    ཁྱབ་ཁོངས་གཙོ་བོ།

ཐེངས་འདིའི་བཅོས་སྒྲིག་བྱ་ཡུལ་གཙོ་བོ་ནི་མི་མང་ཤི་རྨས་ཀྱི་མེ་སྐྱོན་ཆག་སྒོ་ཐོན་སྲིད་པའི་ཁང་བརྩེགས་མཐོན་པོའི་སྡོད་ཁང་རྙིང་པ་དང་ཁང་བརྩེགས་མཐོན་པོའི་སྤྱི་བའི་ཁང་པ་ཡིན། གཤམ་གྱི་གནས་ཚུལ་གཙོ་བོར་བཟུང་ནས་བཅོས་སྒྲིག་བྱེད་དགོས་ཏེ།

（གཅིག）ཐུན་མོང་རང་བཞིན་གྱི་ཉེན་ཁ་འབུར་ཐོན་ཡིན་པ།

1.བཟོ་བཀོད་གཅིག་ལ་ཁང་བདག་གཉིས་དང་སྤྱོད་མཁན་གཉིས་ཡན་ཡོད་ཚེ། སྡེ་ལས་ཞབས་ཞུའི་ཁེ་ལས་ལ་མངག་བཅོལ་བྱས་མེད་པའམ་ཡང་ན་གཅིག་གྱུར་གྱི་དོ་དམ་བྱེད་མཁན་གསལ་པོ་བྱེད་མེད་པ་ཡིས་སྤྱི་དབང་ཁག་གི་མེ་འགོག་བདེ་འཇགས་ལ་གཅིག་གྱུར་གྱིས་དོ་དམ་བྱེད་དགོས། འགན་གཙང་ལེན་དང་བོགས་མར་གཏོང་བའམ་གཉེར་སྐྱོང་མངགས་བཅོལ་བྱས་པའི་རིགས་ཀྱིས་ཕྱོགས་སོ་སོའི་མེ་འགོག་གི་བདེ་སྲུང་འགན་འཁྲི་གསལ་བོ་བྱེད་མེད་པ།

2.སྒྲིག་འགལ་ངང་གློག་གི་ཚ་ལ་བྱེད་པ་དང་དབུགས་ཀྱི་ཚ་ལ་བྱེད་པ་སོགས་ཀྱི་མེ་འབར་བའི་ལས་ཀ་བྱེད་པ་དང་། སྒྲིག་འགལ་ངང་ཤེལ་དམ་ནང་བླུགས་པའི་རྡོ་སྣུམ་རླངས་པ་སྤྱོད་པ། རླངས་འབར་སྦུག་ལམ་དང་རླངས་འབར་ཡོ་བྱད་འདིང་བ་དང་སྒྲིག་སྦྱོར་བྱེད་པ་སོགས་འབྲེལ་ཡོད་བདེ་འཇགས་ལག་རྩལ་གྱི་ཚད་གཞི་དང་མི་མཐུན་པ། གློག་སྒུལ་ལྕགས་རྟའམ་ཡང་ན་དེའི་གློག་སྣོད་སྒྲིག་འགལ་གྱིས་ཁང་པའི་ནང་བཞག་པའམ་ཡང་ན་གློག་གསོག་པ།

3.འཛུགས་སྐྲུན་གྱི་ཕྱིའི་གྱང་ལ་འབར་ཐུབ་པའི་དྲོད་སྲུང་རྒྱུ་ཆ་བཀོལ་པ།

4.ཁང་པའི་ངོས་དང་ས་འོག་ཁང་པ་སོགས་མངའ་ཁོངས་སུ་འབར་སླ་བའམ་འབར་ཐུབ་པའི་ལྕགས་ལེབ་བར་འཚང་ཅན་སྤྱད་དེ་གནས་སྐབས་ཀྱི་ཁང་པ་སྐྲུན་ཡོད་པ་དང་། སྒྲིག་འགལ་ངང་བོག་གཏོང་ཁང་པ་བཀོད་སྒྲིག་བྱེད་པ།

5.གྱེན་དུ་འཐེན་པའི་སྦུག་ཁྲོན་དང་གློག་སྐུད་འགེལ་སྤྱད་དེ་མེ་འགོག་དང་བཀག་འགོག་གི་བླང་བྱ་ལྟར་ལས་མེད་པ།

6.མི་འགྲེམ་སའི་བགྲོད་ལམ་དང་། བདེ་འཇགས་ཐོན་སྒོ། མེ་གསོད་རླངས་འཁོར་གྱི་བགྲོད་ལམ། མེ་གསོད་རླངས་འཁོར་བཀོལ་སྤྱོད་བྱེད་ས་བཅས་བཟུང་སྤྱོད་དང་བཀག་འགོག་བྱེད་ཡོད་པ། 

7.ཁང་པའི་ནང་གི་མེ་གསོད་ཆུ་སྒོ་མ་ལག་དང་། རང་འགུལ་མེ་གསོད་མ་ལག མེ་སྐྱོན་རང་འགུལ་གྱི་ཉེན་བརྡ་གཏོང་བའི་མ་ལག འཕྲུལ་ཆས་ཀྱི་དུ་བ་འགོག་འབུད་མ་ལག་སོགས་རང་དགར་གྱིས་བཤིག་པའམ་ཡང་ན་གཏོར་སྐྱོན་བཏང་ནས་སྤྱོད་མཚམས་འཇོག་པ།

（གཉིས།）2000ལོའི་ལོ་མཇུག་གོང་བསྐྲུན་ཟིན་པའི་ཁང་བརྩེགས་མཐོན་པོའི་སྡོད་ཁང་རྙིང་པར་མངོན་གསལ་གྱི་ཉེན་ཁ་ཡོད་པ།

1.སྡེ་ལས་ཞབས་ཞུ་མེད་པའི་ཁེ་ལས་དང་། དོ་དམ་ལས་ཁུངས་མེད་པ། མེ་འགོག་བདེ་འཇགས་ལ་དོ་དམ་བྱེད་མཁན་མེད་པ།

2.སྤྱི་བའི་མངའ་ཁོངས་ཀྱི་གློག་ཤུགས་སྐུད་ལམ་གྱི་འབྲེལ་གཅོད་རྙིང་འགྱུར་དང་། སྒེར་གྱིས་འཐེན་པའི་སྣང་ཚུལ་ཚབས་ཆེན་ཡིན་པ།

3.སྡོད་ཁང་གི་ཆ་ཤས་དང་སྡོད་ཁང་མིན་པའི་ཆ་ཤས་ཀྱི་མེ་འགོག་དབྱེ་འབྱེད་བྱེད་པ་མི་བཟང་ལ་ཁ་འགྲེམ་ཐེམ་སྐས་མཉམ་སྤྱོད་བྱེད་པ།

4. ཁང་པའི་ནང（ཕྱི）གི་མེ་གསོད་ཆུ་སྒོར་ཆུ་མེད་པའམ་ཡང་ན་ཆུའི་ཤུགས་མི་འདང་བ།

（གསུམ།）ཁང་བརྩེགས་མཐོན་པོའི་སྤྱི་བའི་བཟོ་སྐྲུན་ལ་མངོན་གསལ་གྱི་ཉེན་ཁ་ཡོད་པ།

1.གློག་སྐུད་ཁྲོན་པའི་ནང་གི་གློག་ཤུགས་སྐུད་པ་འཐེན་པ་ཚད་ལྡན་མིན་པ།

2.སྒྲིག་འགལ་ངང་འབར་གས་སླ་བའི་ཉེན་ཆེའི་དངོས་རྫས་གསོག་ཉར་དང་། གཉེར་འཚོང་། བེད་སྤྱོད་བཅས་བྱེད་པ།

3.སྒྲིག་འགལ་ངང་འདུས་འདྲེས་ཨེམ་ཞག་དང་འདུས་འདྲེས་པུན་དབྱི་ཞི་སོགས་འབར་གོས་སླ་བའི་འབར་རྫས་རྒྱུ་ཆས་རྒྱན་སྤྲོས་སྒྲིག་བཟོ་བྱེད་པ།

4.ཉེན་གཡོལ་རིམ་པ(ཁང)བཟུང་སྤྱོད་དང་རང་དགར་སྤྱོད་སྒོ་བསྒྱུར་བ།

5.གནས་དབྱེའི་མེ་འགོག་ཆུ་མཁོ་འདོན་གྱི་སྒྲིག་བཀོད་སྐྱོན་མེད་གོ་ཆོད་ཀྱིས་རྒྱུན་མཐུད་དུ་སྤྱོད་མི་ཐུབ་པ།

ལྔ།   བཅོས་སྐྱོང་བྱེད་ཐབས།

（གཅིག）རིགས་དབྱེ་དཔྱད་དཔོག་རྩ་འཛུགས་བྱེད་པ། མེ་འགོག་རོགས་སྐྱོབ་སྒྲིག་གཞིས་ཁང་བརྩེགས་མཐོན་པོའི་བཟོ་སྐྲུན་གྱི་མངོན་གསལ་དོད་པའི་ཉེན་ཁའི་གནས་ཚུལ་ལ་དམིགས་ནས། ཁུལ་སྲིད་གཞུང་ལ་རིམ་པ་དབྱེ་ནས་མེ་འགོག་བདེ་འཇགས་ཀྱི་ཉེན་ཁར་དཔྱད་དཔོག་བྱ་རྒྱུའི་སྙན་སེང་ཞུ་དགོས། ཁུལ་རིམ་པས་ཁང་བརྩེགས་མཐོན་པོའི་སྤྱི་བའི་སྐྲུན་དངོས་ལ་དཔྱད་དཔོག་བྱེད་པའི་ལས་དོན་རྩ་འཛུགས་ཀྱི་འགན་ཁུར་རྒྱུ་དང་། རྫོང་རིམ་པའི་ངོས་ནས་ཁང་བརྩེགས་མཐོན་པོའི་སྡོད་ཁང་རྙིང་པར་དཔྱད་དཔོག་བྱེད་པའི་ལས་དོན་རྩ་འཛུགས་བྱེད་པའི་འགན་ཁུར་དགོས། རིམ་དབྱེ་རིགས་དབྱེའི་དཔྱད་དཔོག་གི་རྨང་གཞིའི་ཐོག་སྤྱི་ཚོགས་ཚན་པས་རང་བརྟེན་ཞིབ་བཤེར་དང་ཆེད་མཁས་ཚོགས་པས་གཅིག་སྡུད་ཞིབ་བཤེར་བྱེད་པའི་ལས་དོན་རྣམ་པ་གཞིར་བཟུང་ནས། མེ་འགོག་བདེ་འཇགས་ཨུ་ལྷན་གྱི་སྡོད་ཁང་འཛུགས་སྐྲུན་དང་སྤྱི་བདེ། མེ་འགོག་རོགས་སྐྱོབ་སོགས་སྡེ་ཁག（ལས་ཁུངས）དང་སྤྱི་ཚོགས་ལས་ཁུངས་ཀྱིས་ས་ཁུལ་རེ་རེ་དང་། ཁང་པ་རེ་རེ་བཞིན་གྲལ་བཤེར་ཞིབ་བཤེར་བྱ་རྒྱུའི་རེ་ཞུ་བྱས་ནས་ཨར་སྐྲུན་གྱི་གཞི་གྲངས་རྩིས་ཁྲ་དང་གནད་དོན་གྱི་བྱུར་རྐྱེན་གསལ་ཐོ་བཟོས་ཏེ། ཁང་བརྩེགས་མཐོན་པོའི་ཨར་སྐྲུན་གྱི་གཞི་རྩའི་གནས་ཚུལ་དང་མེ་འགོག་བདེ་འཇགས་གནས་ཚུལ་ཁོང་དུ་ཆུད་པ་བྱེད་དགོས།

（གཉིས།）གནད་དོན་དག་ཐེར་ཡོ་བསྲང་ནན་མོ་བྱ་དགོས། ས་གནས་སོ་སོས་གྲལ་བཤེར་དང་ཞིབ་བཤེར་བྱས་ནས་ཤེས་རྟོགས་བྱུང་བའི་གནད་དོན་གྱི་བྱུར་རྐྱེན་ལ་དམིགས་ནས། སྔོན་ལ་ཛ་དྲག་ཆེ་བ་དང་རྗེས་སུ་དལ་དུ་གཏོང་བ་དང་རྩ་ལག་མཉམ་བཅོས་ཀྱི་རྩ་དོན་གཞིར་བཟུང་ནས། ཁང་བརྩེགས་མཐོན་པོའི་བཟོ་སྐྲུན་གྱི་བདག་པོའམ་ཡང་ན་དོ་དམ་ལས་ཁུངས་ཀྱི་བྱེད་ཐབས་སྤྱད་དེ་གནད་སྨིན་ཇུས་བསྟར་དང་བཅོས་སྒྲིག་མཐའ་གཅིག་ཏུ་བྱ་རྒྱུར་སྐུལ་འདེད་གཏོང་དགོས། གནས་དེ་ནས་ཡོ་བསྲང་བྱེད་ཐུབ་པའི་སྤྱིར་བཏང་གི་གནད་དོན་གྱི་བྱུར་རྐྱེན་ལ་དམིགས་ནས་འཕྲལ་མར་དག་ཐེར་ཡོ་བསྲང་བྱེད་པར་སྐུལ་འདེད་གཏོང་དགོས། གནད་དོན་གྱི་བྱུར་རྐྱེན་ཡང་ཡང་ཐོན་པའམ་ཡང་ན་དག་ཐེར་བྱེད་དཀའ་བའི་རིགས་ལ་དམིགས་ནས་དག་ཐེར་བྱེད་པའི་འགན་འཁྲི་ལས་ཁུངས་དང་མི་སྣ་ཁ་གསལ་བཟོས་ཏེ། དག་ཐེར་བྱེད་ཐབས་དང་དུས་བཅད་ཞིབ་ཕྲ་བཟོ་དགོས། འཛུགས་སྐྲུན་གྱི་ཕྱིའི་གྱང་ལ་འབར་སླ་བའི་དྲོད་སྲུང་རྒྱུ་ཆ་སྤྱད་པའི་རིགས་ལ་ས་གནས་སོ་སོའི་སྲིད་གཞུང་གི་གཙོ་འགན་ཁུར་མཁན་སྡེ་ཁག་གི་འགན་འཁྲི་ཁ་གསལ་བཟོས་ནས་ཉེན་བརྡའི་མཚོན་རྟགས་རེ་རེ་བཞིན་བཟོ་དགོས་པ་དང་། རིམ་བཞིན་བརྗེ་བའི་བྱེད་ཐབས་དོན་འཁྱོལ་བྱ་རྒྱུར་སྐུལ་འདེད་གཏོང་དགོས། མི་སྣ་འདུ་འཛོམས་ཆེ་སའི་ཁང་པའི་ནང་མཛེས་བཟོ་བྱེད་སྐབས། སྒྲིག་འགལ་ངང་འབར་སླ་བ་དང་འབར་ཐུབ་པའི་རྒྱུ་ཆ་སྤྱད་པའི་རིགས་མེ་འགོག་ལག་རྩལ་གྱི་ཚད་གཞིའི་བླང་བྱ་གཞིར་བཟུང་ནས་བརྗེ་དགོས།        ཁང་པའི་ནང་གི（ཕྱི）མེ་གསོད་ཆུ་སྒོའི་སྦུག་དྲར་ཆུ་མེད་པའམ་ཡང་ན་ཆུ་གནོན་མི་འདང་བའི་རིགས་ཚང་མ་བཅོས་སྒྲིག་བྱ་རྒྱུར་སྐུལ་འདེད་བཏང་ནས་ཞིབ་བཤེར་ཉམས་གསོ་བྱ་རྒྱུར་ཤུགས་སྣོན་རྒྱག་དགོས། སྒྲིག་འགལ་ངང་འབར་སླ་བའི་ལྕགས་ལེབ་བར་འཚང་ཅན་གྱི་ཁང་པ་བསྐྲུན་པའི་རིགས་དུས་ཐོག་ཏུ་གནས་སྤོ་དང་གཙང་སེལ་བྱ་རྒྱུར་སྐུལ་འདེད་བཏང་ནས་དག་ཐེར་དོན་འཁྱོལ་གནད་ལ་འཁེལ་བ་བྱེད་དགོས། སྤྱི་བའི་བདེ་འཇགས་ལ་ཤུགས་རྐྱེན་བཟོ་བའི་མེ་སྐྱོན་གྱི་བྱུར་རྐྱེན་ཆེ་རིགས་ལ་མེ་འགོག་རོགས་སྐྱོབ་སྒྲིག་གཞིས་གོ་རིམ་ལྟར་ས་གནས་དེའི་སྲིད་གཞུང་ལ་གོང་ཞུ་བྱས་ཏེ་སྒོ་བྱང་བཀལ་ནས་ལྟ་སྐུལ་བྱེད་དགོས།

（གསུམ།）ཞིབ་དཔྱད་བསྡུར་བཤེར་ཚད་ལྡན་བཟོ་དགོས།  མེ་འགོག་རོགས་སྐྱོབ་སྒྲིག་གཞིས་སྙན་སེང་ཞུས་ནས། ཁུལ་སྲིད་གཞུང་གིས་ཁང་བརྩེགས་མཐོན་པོའི་བཟོ་སྐྲུན་གྱི་ཆེད་དོན་བཅོས་སྒྲིག་ལས་དོན་ལ་ཞིབ་བཤེར་དང་བཅོས་སྒྲིག་བྱེད་པ་རྩ་འཛུགས་བྱས་ནས་ཕན་འབྲས་ལ་ཞིབ་བཤེར་བྱེད་དགོས་པ་དང་། གཙོ་བོ་ཁང་བརྩེགས་མཐོན་པོའི་ཁང་བ་དང་མངོན་གསལ་གྱི་ཉེན་ཁ་ཡོད་པའི་བྱུར་རྐྱེན་བཅོས་སྒྲིག་ཁྱབ་ཁོངས་ནང་བཅུག་ཡོད་མེད་དང་། འཛུགས་སྐྲུན་གྱི་གཞི་གྲངས་རྩིས་ཁྲ་དང་གནད་དོན་གྱི་བྱུར་རྐྱེན་གསལ་ཐོ་བཟོས་ཡོད་མེད། ཞིབ་བསྡུར་རྩིས་ཁྲ་དང་གསལ་ཐོ་དག་ཐེར་གྱི་བླང་བྱ་གཞིར་བཟུང་ནས་དག་ཐེར་ལས་འགན་ལེགས་སྒྲུབ་བྱས་ཡོད་མེད་བཅས་ལ་ཞིབ་བཤེར་བྱེད་དགོས། ཞིབ་བཤེར་བྱས་ནས་ཚད་མ་ལོན་པའི་རིགས་ལ་རྒྱུན་མཐུད་རྗེས་སྙེག་བྱེད་པ་དང་། དམ་འཛིན་ནན་མོ་བྱས་ཏེ་ལྟ་སྐུལ་མཛུབ་ཁྲིད་བྱེད་ཤུགས་ཆེ་རུ་བཏང་ནས་རྩ་བ་ནས་དག་ཐེར་བྱེད་ཚར་རག་བར་དུ་ཡིན། ཞིབ་བཤེར་བྱས་ནས་ཚད་ལོན་པའི་རིགས་ལ་རྒྱུན་གཏན་གྱི་དོ་དམ་ལ་མུ་མཐུད་དུ་ཤུགས་སྣོན་བརྒྱབ་ནས་གནད་དོན་གྱི་བྱུར་རྐྱེན་བསྐྱར་དུ་མི་འབྱུང་བ་བྱེད་དགོས།

（བཞི།）རང་བདག་དོ་དམ་བྱེད་ཤུགས་ཆེ་རུ་གཏོང་དགོས།  ས་གནས་སོ་སོས་ཁང་བརྩེགས་མཐོན་པོའི་བཟོ་སྐྲུན་གྱི་བདག་པོའམ་ཡང་ན་དོ་དམ་ལས་ཁུངས་རྩ་འཛུགས་བྱས་ཏེ། ཉེན་ཁའི་གནས་ཚུལ་མངོན་གསལ་ཡིན་པའི་རིགས་ཞིབ་བསྡུར་བྱས་ནས་རང་བཤེར་རང་བཅོས་བྱས་ཏེ་མེ་འགོག་བདེ་འཇགས་ཀྱི་ཁས་ལེན་ཡོངས་བསྒྲགས་བྱེད་པ་དང་། སྲིད་གཞུང་གིས་བྱང་བུ་བཀལ་ནས་ལྟ་སྐུལ་བྱེད་པའི་མེ་སྐྱོན་གྱི་བྱུར་རྐྱེན་ཚབས་ཆེན་འབྱུང་རིགས་ལ་བྱུར་རྐྱེན་བཅོས་སྒྲིག་གི་ལམ་ཐིག་རི་མོ་དང་། དུས་ཚོད་རེའུ་མིག་བཟོས་ནས་འགན་འཁྲིའི་ལས་ཁུངས་དང་འགན་ཁུར་མཁན་དོན་འཁྱོལ་བྱེད་དགོས། ཁང་བརྩེགས་མཐོན་པོའི་སྡོད་ཁང་རྙིང་པའི་དོན་དངོས་དང་ཟུང་འབྲེལ་བྱས་ཏེ་ཐོག་ཁང་རེ་རེར་མགོ་གཙོ་འཇོག་པ་ཁ་གསལ་བྱེད་པར་སྐུལ་འདེད་བཏང་ནས་རྒྱུན་གཏན་གྱི་མེ་འགོག་སྐོར་ཞིབ་དང་མེ་འགོག་དྲིལ་སྒྲོག་དྲན་སྐུལ་གྱི་འགན་ཁུར་དགོས། མེ་འགོག་ལག་རྩལ་ཞབས་ཞུ་ལས་ཁུངས་ཀྱིས་བཟོ་སྐྲུན་གྱི་མེ་འགོག་སྒྲིག་བཀོད་ཁྲིམས་ལྟར་སྲུང་སྐྱོང་དང་ཉམས་གསོ་བྱེད་པར་སྐུལ་འདེད་བཏང་ནས་སྐྱོན་མེད་གོ་ཆོད་ཡོང་བའི་འགན་ལེན་ཏན་ཏིག་བྱེད་དགོས།

（ལྔ།）ལག་རྩལ་དང་དངོས་པོས་སྔོན་འགོག་བྱེད་པར་དོ་སྣང་བྱེད་དགོས།  ས་གནས་སོ་སོས་རིག་ནུས་ཅན་གྱི་མེ་སྐྱོན་ལྟ་ཞིབ་ཚད་ལེན་གྱི་ཉེན་ཟོན་སྔོན་བརྡ་དང་། གློག་ཤུགས་མེ་སྐྱོན་གྱི་ཕྱོགས་བསྡུས་ཉེན་ཟོན་སྔོན་འགོག་ཚོད་འཛིན། མེ་འགོག་བདེ་འཇགས་དོ་དམ་གྱི་སྤྲིན་ཚོགས་ཞབས་ཞུའི་ལས་སྟེགས་སོགས་ཚན་རྩལ་བེད་སྤྱོད་ལ་ཤུགས་སྣོན་བརྒྱབ་ནས་ཁང་བརྩེགས་མཐོན་པོའི་བཟོ་སྐྲུན་གྱི་མེ་འགོག་སྒྲིག་བཀོད་དང་། བདེ་འཇགས་འཛུལ་སྒོ། གཙོ་གནད་གནས་ཀྱི་གློག་ཤུགས་སྐུད་ལམ། སོལ་རླངས་སྦུག་ལམ་སོགས་གཙོ་གནད་གནས་ཀྱི་འགུལ་རྣམ་ལ་ལྟ་ཞིབ་ཚད་ལེན་བྱེད་པ་བརྒྱུད་ནས་མེ་སྐྱོན་དུས་ཐོག་ཏུ་སྔོན་བརྡ་གཏོང་བ་དང་རིག་ནུས་སྔོན་འགོག་ཚོད་འཛིན་ཐུབ་པ་བྱེད་དགོས། ཁང་བརྩེགས་རྙིང་པའི་སྡོད་ཁང་གི་སྤྱི་བའི་མངའ་ཁོངས་དང་ཐབ་ཚང་སོགས་ཀྱི་གནས་སུ་མེ་སྐྱོན་བརྟག་ཞིབ་ཡོ་བྱད་དང་། མེ་སྐྱོན་ཉེན་བརྡའི་སྒྲིག་ཆས། རང་འགུལ་མེ་གསོད་མ་ལག འབར་རླངས་ཕྱིར་ཤོར་བའི་ཉེན་བརྡ་གཏོང་ཆས་སོགས་བཀོད་སྒྲིག་བྱས་ནས་ཉེན་ཁའི་གནས་ཚུལ་སྔ་ཙམ་ཤེས་རྟོགས་དང་སྔ་ཙམ་ཐག་གཅོད་ཐུབ་པ་བྱེད་དགོས།

（དྲུག）གསོ་སྦྱོང་དྲིལ་སྒྲོག་ལ་ཤུགས་སྣོན་རྒྱག་དགོས།  ས་གནས་སོ་སོས་ཁང་བརྩེགས་མཐོན་པོའི་བཟོ་སྐྲུན་གྱི་བདག་པོའམ་ཡང་ན་དོ་དམ་ལས་ཁུངས་ཀྱི་ཁྲིམས་འཁེལ་འཐུས་མི་དང་འགན་ཁུར་བ་གཙོ་བོས་གླེང་མོལ་དྲན་སྐུལ་དང་ཉེན་ཟོན་སློབ་གསོ་བཏང་ནས། མེ་འགོག་བདེ་འཇགས་དོ་དམ་ལ་ཤུགས་སྣོན་རྒྱག་རྒྱུར་སྐུལ་འདེད་གཏོང་བ་དང་། མེ་འགོག་ཚོད་འཛིན་ཁང་གི་ལས་རེས་མི་སྣ་དང་གློག་ལས་བ་སོགས་གཙོ་གནད་ལས་གནས་མི་སྣའི་ཆེད་ལས་གསོ་སྦྱོང་བྱེད་ཤུགས་ཆེ་རུ་བཏང་ནས། སྒྲིག་བཀོད་སྒྲིག་ཆས་བཀོལ་སྤྱོད་དང་འཚུབ་བསྟུན་ཐག་གཅོད་བྱེད་ནུས་ཆེ་རུ་གཏོང་དགོས། སྨྱན་སྦྱོར་ལས་སྟེགས་སྣ་ཚོགས་སྤྱད་དེ་ཁང་བརྩེགས་མཐོན་པོའི་ཁང་བའི་མེ་སྐྱོན་གྱི་ཉེན་ཁ་དང་སྲོག་ཉེན་ལས་ཐར་ཐབས་བྱེད་པའི་རང་སྐྱོབ་ཀྱི་ཤེས་བྱ་རྒྱ་ཁྱབ་ཏུ་དྲིལ་སྒྲོག་བྱས་ནས། མང་ཚོགས་ཀྱི་བདེ་འཇགས་དོགས་ཟོན་གྱི་འདུ་ཤེས་ཇེ་ཟབ་ཏུ་གཏོང་དགོས། ཐེར་འདོན་དང་ཞུ་གཏུག་ལམ་སྲོལ་འཐུས་ཚང་དུ་བཏང་ནས་མང་ཚོགས་ཀྱིས་ཉེ་འགྲམ་མེ་སྐྱོན་བྱུར་རྐྱེན་ཐེར་འདོན་བྱེད་པར་སྐུལ་ལྕག་དང་ཁྲིད་སྟོན་བྱེད་དགོས།

（བདུན།）འཚུབ་བསྟུན་གྱི་གྲ་སྒྲིག་གང་ལེགས་བྱེད་དགོས། མེ་འགོག་རོགས་སྐྱོབ་ལས་ཁུངས་ཀྱིས་ཁང་བརྩེགས་མཐོན་པོའི་བཟོ་སྐྲུན་གྱི་བདག་པོའམ་ཡང་ན་དོ་དམ་ལས་ཁུངས་ཀྱི་མེ་འགོག་ས་ཚིགས་ཆུང་གྲས་འཛུགས་ཤུགས་ཆེ་རུ་གཏོང་རྒྱུར་ལྟ་སྐུལ་དང་མཛུབ་ཁྲིད་བྱེད་པ་དང་། ས་གནས་སོ་སོས་མེ་འགོག་ལས་དོན་གྱི་དགོས་མཁོ་གཞིར་བཟུང་ནས་མེ་འགོག་ས་ཚིགས་དང་། མེ་འགོག་ཆུ་མཁོ་འདོན། མེ་གསོད་རླངས་འཁོར་གྱི་བགྲོད་ལམ། མེ་འགོག་སྒྲིག་ཆས་སོགས་འཛུགས་སྐྲུན་ལ་སྤྱི་འདོམས་ཤུགས་སྣོན་བརྒྱབ་ནས། སྤྱི་བདེ་དང་འཕྲོད་བསྟེན།  ཆུ་མཁོ་འདོན།  གློག་འདོན། རླངས་མཁོ་འདོན། འཕྲིན་གཏོང་སོགས་སྡེ་ཁག（ལས་ཁུངས）དང་མེ་འགོག་རོགས་སྐྱོབ་དཔུང་སྡེའི་མཉམ་འབྲེལ་ལས་སྒྲུབ་མཉམ་འགུལ་རྩ་འཛུགས་བྱས་ཏེ། ཁང་བརྩེགས་མཐོན་པོའི་བཟོ་སྐྲུན་གྱི་མེ་སྐྱོན་ཧྲིལ་པོ་འགོག་པའི་ནུས་པ་ཆེ་རུ་གཏོང་དགོས།

དྲུག   འགན་འཁྲི་ལས་བགོས།

ས་གནས་སོ་སོ་དང་སྡེ་ཁག་སོ་སོའི་མེ་འགོག་བདེ་འཇགས་ཨུ་ལྷན་གྱིས་རང་ས་གནས་ཀྱི་ཁང་བརྩེགས་མཐོན་པོའི་བཟོ་སྐྲུན་གྱི་མེ་སྐྱོན་ཚབས་ཆེན་གྱི་ཉེན་ཁ་ཆེད་དོན་བཅོས་སྒྲིག་ལས་འགན་གྱི་ཁྱད་ཆོས་ལ་ཟུང་འབྲེལ་བྱས་ཏེ། ལས་རིགས་དོ་དམ་བྱེད་ན་ངེས་པར་དུ་བདེ་འཇགས་ལ་དོ་དམ་བྱེད་པ་དང་། ལས་སྒོར་དོ་དམ་བྱེད་ན་ངེས་པར་དུ་བདེ་འཇགས་ལ་དོ་དམ་བྱེད་པ། ཐོན་སྐྱེད་གཉེར་སྐྱོང་ལ་དོ་དམ་བྱེད་ན་ངེས་པར་དུ་བདེ་འཇགས་ལ་དོ་དམ་བྱེད་དགོས་པའི་རྩ་དོན་གཞིར་བཟུང་ནས། འབྲེལ་ཡོད་སྡེ་ཁག་གི་བྱ་བའི་འགན་འཁྲི་གསལ་བོར་བཟོ་དགོས། བཟོ་ལས་དང་ཆ་འཕྲིན་ཅན་ལས་ཁུངས་ཀྱིས་གློག་འཕྲིན་གཉེར་སྐྱོང་ཚོང་བས་ཁང་བརྩེགས་མཐོན་པོའི་བཟོ་སྐྲུན་ནང་གི་གློག་འཕྲིན་སྒྲིག་བཀོད་དང་སྒྲིག་ཆས་ཀྱི་བདེ་འཇགས་བྱུར་རྐྱེན་གྲལ་བཤེར་དག་ཐེར་བྱ་རྒྱུར་གཙོ་བོར་བཟུང་ནས་མཛུབ་ཁྲིད་དང་སྐུལ་འདེད་བྱེད་པ་དང་། ཁང་བརྩེགས་མཐོན་པོའི་བཟོ་སྐྲུན་ནང་གི་ཚོང་དོན་ཁེ་ལས་ཀྱིས་བདེ་འཇགས་དོ་དམ་ལ་ཤུགས་སྣོན་རྒྱག་རྒྱུར་སྐུལ་འདེད་བཏང་ནས། བདེ་འཇགས་དོགས་ཟོན་གྱི་བྱ་ཐབས་དོན་འཁྱོལ་བྱེད་དགོས། སྤྱི་བདེ་སྡེ་ཁག་གིས་སྤྱི་བདེ་མངགས་གཏོང་ཁང་གིས་ཁྲིམས་ལུགས་དང་སྒྲིག་སྲོལ་ལྟར་སྡོད་དམངས་ཀྱི་སྡོད་ཁང་གི་སྡེ་ལས་ཞབས་ཞུའི་ཁེ་ལས་ཀྱིས་མེ་འགོག་བདེ་འཇགས་ཀྱི་འགན་འཁྲི་བསྒྲུབས་ཚུལ་ལ་རྒྱུན་གཏན་གྱི་མེ་འགོག་ལྟ་སྐུལ་ཞིབ་བཤེར་བྱ་རྒྱུའི་མཛུབ་ཁྲིད་བྱེད་དགོས། དམངས་སྲིད་ལས་ཁུངས་ཀྱིས་སྡེ་དམངས་ཨུ་ལྷན་གྱིས་འབྲེལ་ཡོད་སྡེ་ཁག་ལ་གཞོགས་འདེགས་བྱས་ཏེ་མཐོ་རིམ་ཚོང་ཁང་རྙིང་པ་དང་མཐོ་རིམ་སྡོད་ཁང་རྙིང་པར་གྲལ་བཤེར་ཞིབ་བཤེར་བྱ་རྒྱུར་གཙོ་གནད་ཐོག་མཛུབ་ཁྲིད་དང་སྐུལ་འདེད་བཏང་ཞིང་། སྡོད་ཁང་འཛུགས་སྐྲུན་ལས་ཁུངས་ཀྱིས་ཁང་བརྩེགས་མཐོན་པོའི་ཁང་པའི་མེ་འགོག་ཇུས་འགོད་ལ་ཞིབ་བཤེར་རྩིས་ལེན་གྱི་འབྱུང་རྩའི་འགག་སྒོ་སྲུང་རྒྱུར་ཤུགས་སྣོན་བརྒྱབ་ནས་སྡེ་ལས་ཞབས་ཞུའི་ཁེ་ལས་ལ་བཅའ་ཁྲིམས་ཀྱི་གཏན་འབེབས་དང་། གན་རྒྱའི་ཁ་ཆད་གཞིར་བཟུང་ནས་ཁང་བརྩེགས་མཐོན་པོའི་བཟོ་སྐྲུན་གྱི་མེ་འགོག་བདེ་འཇགས་དོ་དམ་ཞབས་ཞུའི་ལས་དོན་ལ་ཤུགས་སྣོན་རྒྱག་རྒྱུར་གཙོ་བོར་བཟུང་ནས་སྐུལ་འདེད་གཏོང་རྒྱུ་དང་། ཁང་བརྩེགས་མཐོན་པོའི་སྡོད་ཁང་རྙིང་པའི་གཞིས་ཁུལ་སྒྱུར་བཀོད་ལ་སྐུལ་འདེད་བཏང་ནས་ཡུལ་བབ་དང་བསྟུན་ཏེ་མེ་འགོག་ཆུ་མཁོ་འདོན་དང་། གྱང་ཕྱིའི་དྲོད་སྲུང་། གློག་སྒུལ་རྐང་འཁོར་གྱི་གློག་གསོག་སྒྲིག་ཆས་བཅས་འཐུས་ཚང་དུ་གཏོང་དགོས། ཁང་བརྩེགས་མཐོན་པོའི་ཁང་པ་བསྐྱར་སྐྲུན་རྒྱས་སྐྲུན་དང་། དེའི་ནང་གི་མཛེས་བཟོ་མཛེས་སྤྲས་ཀྱི་བཟོ་སྐྲུན་མེ་འགོག་བདེ་འཇགས་ཀྱི་ལྟ་སྐུལ་དོ་དམ་བྱེད་ཤུགས་ཆེ་རུ་གཏོང་བ་དང་ལེགས་སུ་གཏོང་དགོས་ལ། ཁང་བརྩེགས་མཐོན་པོའི་ཁང་པའི་ཁང་སྟེང་གི་སྒྲིག་འགལ་སྐྲུན་དངོས་དང་ཁང་བརྩེགས་མཐོན་པོའི་ཁང་པའི་ཕྱིའི་གྱང་ངོས་ཀྱི་བརྡ་ཁྱབ་བྱང་བུ། ཕྱིའི་མཛེས་བཟོ་བདེ་འཇགས་བཅས་བཅོས་སྒྲིག་བྱ་རྒྱུར་ཤུགས་སྣོན་རྒྱག་དགོས། ཁྲོམ་ར་ལྟ་སྐུལ་དོ་དམ་ལས་ཁུངས་ཀྱིས་ཁང་བརྩེགས་མཐོན་པོའི་བཟོ་སྐྲུན་གྱི་མེ་འགོག་ཐོན་རྫས་ཀྱི་སྤུས་ཚད་གནད་དོན་གཙོ་བོར་འཛིན་པར་དམིགས་ནས། འབྲེལ་ཡོད་ཐོན་སྐྱེད་དང་ཕྱིར་འཚོང་ཁེ་ལས་ལ་ཁྲིམས་ལྟར་ཞིབ་བཤེར་ཐག་གཅོད་བྱེད་དགོས། གློག་ཤུགས་དོ་དམ་ལས་ཁུངས་ཀྱིས་གློག་དྲའི་ཁེ་ལས་ཀྱིས་བཅའ་ཁྲིམས་ཁྲིམས་སྲོལ་ལྟར། ཁང་བརྩེགས་མཐོན་པོའི་བཟོ་སྐྲུན་གྱི་གློག་གཏོང་གློག་སྦྱོར་སྒྲིག་བཀོད་དང་སྐུད་ལམ་བདེ་འཇགས་ཞིབ་བཤེར་གཙོ་བོར་བཟུང་ནས་ཤུགས་སྣོན་རྒྱག་རྒྱུར་ལྟ་སྐུལ་བྱེད་པ་དང་། ཁང་བརྩེགས་མཐོན་པོའི་བཟོ་སྐྲུན་གྱི་བདེ་འཇགས་གློག་སྤྱོད་ཤེས་བྱ་དྲིལ་སྒྲོག་དང་དྲན་སྐུལ་ལ་ཤུགས་སྣོན་རྒྱག་དགོས། མེ་འགོག་རོགས་སྐྱོབ་ལས་ཁུངས་ཀྱིས་ཆེད་དོན་བཅོས་སྒྲིག་ལས་དོན་གྱི་རྩ་འཛུགས་མཐུན་སྦྱོར་དང་། འབྲེལ་གཏུག་འབྲེལ་མཐུད། ལག་རྩལ་མཛུབ་ཁྲིད། ལས་སྒོའི་གསོ་སྦྱོང་སོགས་ཀྱི་ལས་དོན་ལ་བྱེ་བྲག་གིས་འགན་ཁུར་ནས། ཁང་བརྩེགས་མཐོན་པོའི་བཟོ་སྐྲུན་གྱི་བདག་པོའམ་ཡང་ན་དོ་དམ་ལས་ཁུངས་ཀྱིས་མེ་འགོག་བདེ་འཇགས་ཀྱི་འགན་འཁྲི་བསྒྲུབས་ཚུལ་གཙོ་བོར་བཟུང་ནས་ལྟ་སྐུལ་འཐེན་བཤེར་བྱེད་དགོས། མེ་འགོག་གི་བདེ་སྲུང་ཐད་ཀྱི་ཁྲིམས་འགལ་བྱ་སྤྱོད་ལ་ཁྲིམས་ལྟར་ཞིབ་བཤེར་ཐག་གཅོད་བྱེད་དགོས། མེ་གསོད་རོགས་སྐྱོབ་ཀྱི་སྔོན་ཇུས་བཟོ་བཅོས་དང་འཐུས་ཚང་དུ་གཏོང་བ་དང་། ལག་རྩལ་དང་འཐབ་རྩལ་ལ་ཞིབ་འཇུག་བྱེད་པ་རྩ་འཛུགས། དངོས་འཐབ་འཁྲབ་སྦྱོང་བྱེད་ཤུགས་ཆེ་རུ་བཏང་ནས། ཁང་བརྩེགས་མཐོན་པོའི་བཟོ་སྐྲུན་གྱི་མེ་སྐྱོན་མེ་གསོད་དང་འཚུབ་བསྟུན་རོགས་སྐྱོབ་ཀྱི་ལས་དོན་སྤེལ་དགོས།

བདུན།  ལས་དོན་བླང་བྱ།

（གཅིག）ཚད་མཐོའི་མཐོང་ཆེན་དང་མགོ་ཁྲིད་ལ་ཤུགས་སྣོན་རྒྱག་དགོས། ས་གནས་སོ་སོ་དང་སྡེ་ཁག་སོ་སོས་ཚད་མཐོའི་མཐོང་ཆེན་བྱས་ཏེ། ཁང་བརྩེགས་མཐོན་པོའི་བཟོ་སྐྲུན་གྱི་མེ་འགོག་བདེ་འཇགས་ལ་འཕྲད་པའི་ཛ་དྲག་གི་དུས་བབ་ལ་ངོས་འཛིན་གང་ལེགས་བྱས་ཏེ། ཐེངས་འདིའི་ཕྱོགས་བསྡུས་བཅོས་སྐྱོང་བྱ་རྒྱུ་ནི་མེ་སྐྱོན་འབྱུང་བ་སྔོན་འགོག་དང་སྤྱི་བའི་བདེ་འཇགས་སྲུང་སྐྱོང་བྱེད་པའི་བྱ་ཐབས་གལ་ཆེན་ཞིག་ཡིན་པས། དོན་འཁྱོལ་དམ་འཛིན་ཏན་ཏིག་དང་ཕན་འབྲས་ཐོན་པར་དམ་འཛིན་ཏན་ཏིག་བྱེད་དགོས། རིམ་པ་རེ་རེ་བཞིན་རྩ་འཛུགས་ལས་ཁུངས་འཛུགས་པ་དང་། མགོ་ཁྲིད་གཙོ་བོས་དངོས་སུ་ཞིབ་འཇུག་བྱེད་པ། ལས་བགོས་འགན་གཉེར་མགོ་ཁྲིད་ཀྱི་དངོས་སུ་ལྟ་སྐུལ་བྱེད་པ། བཀོད་གཏོང་བཀོད་འདོམས་ལ་ཤུགས་སྣོན་རྒྱག་པ་བཅས་བྱེད་དགོས། རང་ས་གནས་ཀྱི་དོན་དངོས་ལ་ཟུང་འབྲེལ་བྱས་ཏེ། བྱེ་བྲག་གི་ལག་བསྟར་བྱེད་ཐབས་བཟོས་ནས་འབྲེལ་ཡོད་སྡེ་ཁག་དང་ལས་ཁུངས་ཀྱི་བཅོས་སྐྱོང་འགན་འཁྲི་གསལ་བོར་བཟོ་བ་དང་། དམིགས་ཚད་འགན་འཁྲིའི་ཡི་གེར་མིང་རྟགས་འགོད་པ། རིམ་པ་བཞིན་གནོན་ཤུགས་སྟེར་བ། རིམ་པ་བཞིན་གྱི་འགན་འཁྲི་ནན་གྱིས་འཁུར་བ་བཅས་བྱེད་དགོས།

（གཉིས།）མཉམ་འཛིན་སྤྱི་སྒྲུབ་དང་སྟོབས་ཤུགས་གཅིག་སྒྲིལ་གྱིས་སྐུལ་འདེད་གཏོང་དགོས།  ས་གནས་སོ་སོ་དང་སྡེ་ཁག་སོ་སོས“ལས་རིགས་དོ་དམ་བྱེད་ན་ངེས་པར་དུ་བདེ་འཇགས་ལ་དོ་དམ་བྱེད་པ་དང་། ལས་སྒོར་དོ་དམ་བྱེད་ན་ངེས་པར་དུ་བདེ་འཇགས་ལ་དོ་དམ་བྱེད་པ་། ཐོན་སྐྱེད་གཉེར་སྐྱོང་ལ་དོ་དམ་བྱེད་ན་ངེས་པར་དུ་བདེ་འཇགས་ལ་དོ་དམ་བྱེད་དགོས་པའི”བླང་བྱ་གཞིར་བཟུང་ནས་རང་འགན་གཙང་སྒྲུབ་དང་རང་འགན་རང་འཁུར་བྱས་ཏེ། མཉམ་འབྲེལ་སྒོས་ཞིབ་བཤེར་ལྟ་ཞིབ་རྩ་འཛུགས་བྱེད་པ་དང་། ཆ་འཕྲིན་མཉམ་སྤྱོད། གནས་ཚུལ་བརྡ་ཁྱབ། མཉམ་འབྲེལ་ཞིབ་གཅོད།  གྱོད་གཞི་རྩིས་སྤྲོད་བཅས་ཀྱི་ལམ་སྲོལ་འཛུགས་པ་དང་འཐུས་ཚང་དུ་བཏང་ནས། དོན་དངོས་ནས་ཁྲིམས་འཛིན་གྱི་མཉམ་ཤུགས་ཤིག་ཆགས་པར་བྱས་ཏེ་ཁང་བརྩེགས་མཐོན་པོའི་བཟོ་སྐྲུན་གྱི་ཕྱོགས་བསྡུས་བཅོས་སྐྱོང་ལས་དོན་སྤེལ་བར་སྐུལ་འདེད་ནུས་ལྡན་གཏོང་དགོས།

（གསུམ།）ལྟ་སྐུལ་མཛུབ་ཁྲིད་བྱེད་ཤུགས་ཆེ་རུ་བཏང་ནས་འགན་འཁྲི་དོན་འཁྱོལ་བྱེད་དགོས། ཁུལ་སྲིད་གཞུང་གིས་ལྟ་སྐུལ་མཛུབ་ཁྲིད་ཚན་ཆུང་བཙུགས་ནས་ས་གནས་ཁག་གི་ལས་འགན་དོན་འཁྱོལ་བྱས་ཚུལ་ལ་མངོན་ཞིབ་དང་ལྐོག་འདྲི་བྱེད་དགོས། ཕྱོགས་བསྡུས་བཅོས་སྐྱོང་བྱེད་ཐབས་དོན་འཁྱོལ་བྱེད་ཤུགས་མི་འདང་བ་དང་། མེ་སྐྱོན་གྱི་བྱུར་རྐྱེན་མངོན་གསལ་ཡིན་པའམ་ཡང་ན་མེ་སྐྱོན་གྱི་ལས་འཛོལ་ཚབས་ཆེན་བྱུང་བའི་ས་ཁུལ་དང་ལས་ཁུངས་ལ་བརྡ་ཁྱབ་གཏོང་བ་དང་། སྐོང་འདྲི་བྱེད་པ། བྱང་བུ་བཀལ་ནས་ལྟ་སྐུལ་བྱེད་པ། “འདེམས་ཤོག་གཅིག་གིས་ཟློག་པ”སོགས་ཀྱི་བྱེད་ཐབས་སྤྱད་དེ་ཕྱོགས་བསྡུས་བཅོས་སྐྱོང་གི་འགན་འཁྲིར་ལྟ་སྐུལ་མཛུབ་ཁྲིད་དང་བདའ་འདེད་བྱེད་དགོས།

ས་གནས་སོ་སོ་དང་སྡེ་ཁག་སོ་སོས་ཁང་བརྩེགས་མཐོན་པོའི་བཟོ་སྐྲུན་གྱི་མེ་སྐྱོན་ཚབས་ཆེན་གྱི་ཉེན་ཁའི་ཆེད་དོན་བཅོས་སྒྲིག་ལས་དོན་བཀོད་སྒྲིག་དང་སྐུལ་འདེད་བཏང་བའི་གནས་ཚུལ། དུས་ཐོག་ཏུ་ཁུལ་མེ་འགོག་བདེ་འཇགས་ཨུ་ལྷན་གཞུང་ལས་ཁང་ལ་སྙན་སེང་ཞུ་དགོས། 

本期证报PDF文件