མཚོ་སྔོན་ཞིང་ཆེན་མི་དམངས་སྲིད་གཞུང་།          དེ་རིང་ནི 2024ལོའི་ཟླ03ཚེས29ཡིན།
རྒྱ་ཡིག    |    汉语
མདུན་ངོས། མགོ་ཁྲིད་སྒེའུ་ཁུང་། གསར་ཐོས་གལ་ཆེན། ཆ་འཕྲིན་གསལ་སྒྲོག བསམ་འཆར་བརྗེ་རེས། དག་སྣང་མཚོ་བྱང་། མི་རིགས་མཐུན་སྒྲིལ། བརྙན་གཟུགས་ལྟེ་གནས། སྲིད་པའི་གཏམ་ཚོགས།

མཚོ་བྱང་ཁུལ་མི་དམངས་སྲིད་གཞུང་གཞུང་ལས་ཁང་གི《མཚོ་བྱང་ཁུལ་གྱིས〈མཚོ་སྔོན་ཞིང་ཆེན་གྱིས“ཚན་རྩལ་སྲིད་ཇུས་དོན་འཁྱོལ་ལོའི”ལག་བསྟར་བྱེད་ཐབས་སྤེལ་བ〉ལག་བསྟར་དོན་འཁྱོལ་བྱེད་པའི་སྐོར་གྱི་ལས་འགན་ལས་བགོས》དཔར་འགྲེམ་བ

2023-04-07 11:02:37   |   199

རྩོམ་སྒྲིག དམ་ཆོས་བསམ་འགྲུབ། ཡོང་ཁུངས། མཚོ་བྱང་སྲིད་དོན་སྤྱི་བསྒྲགས།  བཤེར་འབེབས། རྡོ་རྗེ་བྱམས།


བྱང་སྲིད་གཞུང་ལས་ཁང 〔2022〕ཨང61པ།

རྫོང་སོ་སོའི་མི་དམངས་སྲིད་གཞུང་དང་ཁུལ་སྲིད་གཞུང་གི་སྡེ་ཁག་སོ་སོ། ཞིང་ཆེན་གྱི་ཁུལ་དུ་སྡོད་པའི་ལས་ཁུངས་སོ་སོར།

《མཚོ་བྱང་ཁུལ་གྱིས〈མཚོ་སྔོན་ཞིང་ཆེན་གྱིས“ཚན་རྩལ་སྲིད་ཇུས་དོན་འཁྱོལ་ལོའི”ལག་བསྟར་བྱེད་ཐབས་སྤེལ་བ〉ལག་བསྟར་དོན་འཁྱོལ་བྱེད་པའི་སྐོར་གྱི་ལས་འགན་ལས་བགོས》ད་ལྟ་ཁྱེད་ཚོར་དཔར་འགྲེམ་བྱས་པ་ཡིན་པས། ལག་བསྟར་དོན་འཁྱོལ་ཡག་པོ་བྱེད་དགོས།     

                              མཚོ་བྱང་ཁུལ་མི་དམངས་སྲིད་གཞུང་གཞུང་ལས་ཁང་།

                           2022ལོའི་ཟླ8ཚེས9ཉིན།

མཚོ་བྱང་ཁུལ་གྱི《མཚོ་སྔོན་ཞིང་ཆེན་གྱིས“ཚན་རྩལ་སྲིད་ཇུས་དོན་འཁྱོལ་ལོའི”ལག་བསྟར་བྱེད་ཐབས་སྤེལ་བ》ལག་བསྟར་དོན་འཁྱོལ་བྱེད་པའི་སྐོར་གྱི་ལས་འགན་ལས་བགོས།

ཏང་གི་ཚོགས་ཆེན་བཅོ་བརྒྱད་པ་འཚོགས་ཚུན། ཏང་ཀྲུང་དབྱང་དང་རྒྱལ་སྲིད་སྤྱི་ཁྱབ་ཁང་དང་། ཞིང་ཆེན་ཏང་ཨུ་དང་ཞིང་ཆེན་སྲིད་གཞུང་གིས་ཚན་རྩལ་ལས་དོན་ལ་ཚད་མཐོའི་མཐོང་ཆེན་བྱས་ཏེ། ཚན་རྩལ་གསར་གཏོད་དེ་སྤྱི་ཡོངས་འཕེལ་རྒྱས་ཀྱི་ལྟེ་བའི་གོ་གནས་སུ་འཇོག་རྒྱུ་རྒྱུན་འཁྱོངས་བྱས་ནས། སྲིད་ཇུས་དང་བྱེད་ཐབས་རབ་དང་རིམ་པ་བཏོན་པས། ཚན་རྩལ་བྱེད་སྒོའི་བརྒྱུད་རིམ་ཧྲིལ་པོར་ཁྱབ་པའི་སྲིད་ཇུས་མ་ལག་རིམ་བཞིན་བཙུགས་ཡོད། འོན་ཀྱང་དོན་དངོས་ཀྱི་ལས་དོན་ཁྲོད་དུ་སྲིད་ཇུས་དང་བྱེད་ཐབས་ཁག་ཅིག་དོན་འཁྱོལ་བྱས་མེད་པ་དང་། ལག་བསྟར་གནད་ལ་འཁེལ་མེད་པ་སོགས་ཀྱི་གནད་དོན་སྔར་བཞིན་གནས་ཡོད་པས། ཚན་རྩལ་གསར་གཏོད་དང་ཚན་རྩལ་སྒྲིག་སྲོལ་དང་རྐྱེན་སྲོལ་བཅོས་སྒྱུར་གཏིང་ཟབ་བྱེད་པར་ཚོད་འཛིན་ཐེབས་པ་དང་། ཚན་རྩལ་གསར་གཏོད་དང་བཅོས་སྐྱོང་གི་ཕན་ནུས་སྔར་ལས་ཆེ་རུ་འགྲོ་བར་ཤུགས་རྐྱེན་ཐེབས་ཡོད། “ཚན་རྩལ་སྲིད་ཇུས་དོན་འཁྱོལ་ཏན་ཏིག་བྱེད་པའི”སྐོར་གྱི་ཀྲུང་དབྱང་གི་དཔལ་འབྱོར་ལས་དོན་ཚོགས་འདུའི་ལས་དོན་བཀོད་སྒྲིག་དང་མཚོ་སྔོན་ཞིང་ཆེན་མི་དམངས་སྲིད་གཞུང་གཞུང་དོན་ཐིང་གི《མཚོ་སྔོན་ཞིང་ཆེན་གྱིས“ཚན་རྩལ་སྲིད་ཇུས་དོན་འཁྱོལ་ལོའི”ལག་བསྟར་ཇུས་གཞི་སྤེལ་བ་དཔར་འགྲེམ་བྱས་པའི་སྐོར་གྱི་བརྡ་སྦྱོར》གྱི་དགོངས་དོན་ལག་བསྟར་དོན་འཁྱོལ་ནན་ཏན་བྱ་ཆེད། རྒྱལ་ཡོངས་དང་ཞིང་ཆེན་ཡོངས་ཀྱི་ཚན་རྩལ་ལས་དོན་ཚོགས་འདུའི་བླང་བྱ་གཞིར་བཟུང་ནས། ཆེད་དམིགས་ཀྱི་ལས་འགན་ལས་བགོས་འདི་གཏན་འབེབས་བྱས་པ་ཡིན། 

གཅིག  སྤྱིའི་བླང་བྱ།

ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་པ་མཛུབ་ཁྲིད་དུ་བྱས་ཏེ། ཚན་རྩལ་གསར་གཏོད་སྐོར་གྱི་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་རྣམ་བཤད་གལ་ཆེན་དང་མཚོ་སྔོན་གྱི་ལས་དོན་ལ་གནང་བའི་མཛུབ་སྟོན་གལ་ཆེན་གྱི་དགོངས་དོན་ལག་བསྟར་གཏིང་ཟབ་བྱས་ནས། ཞིང་ཆེན་གྱི་ཏང་གི་འཐུས་མི་ཚོགས་ཆེན་ཐེངས་བཅུ་བཞི་པའི་དགོངས་དོན་ཕྱོགས་ཡོངས་ནས་དོན་འཁྱོལ་བྱེད་དགོས་ཤིང་། གནད་དོན་གྱི་ཁྲིད་ཕྱོགས་དང་དམིགས་ཚད་ཀྱི་ཁྲིད་ཕྱོགས། གྲུབ་འབྲས་ཀྱི་ཁྲིད་ཕྱོགས་བཅས་རྒྱུན་འཁྱོངས་བྱས་ནས། རང་ཁུལ་གྱི་ཚན་རྩལ་གསར་གཏོད་ཀྱི་དཀའ་གནད་དང་འགག་གནད་ལ་དམིགས་ཏེ། སྲིད་ཇུས་དོན་འཁྱོལ་གྱི“མཐའ་མའི་སྤྱི་ལེ་གཅིག”ཤར་གཏོང་ནུས་ལྡན་བྱེད་དགོས་ལ། ཧུར་ཐག་གིས་ཚན་རྩལ་གསར་གཏོད་ཀྱི་སྤྱི་ཡོངས་ཕན་ནུས་ཆེ་རུ་གཏོང་བ་དང་། ཕྱོགས་ཡོངས་ནས་གསར་གཏོད་བྱེད་པའི་ཁྲོད་ཀྱི་ཚན་རྩལ་གསར་གཏོད་ཀྱི་སྣེ་ཁྲིད་ནུས་པ་འདོན་སྤེལ་བྱེད་པ་བཅས་བྱས་ཏེ། རང་ཁུལ་གྱི་ཚན་རྩལ་གསར་གཏོད་ནུས་པ་གང་མགྱོགས་ཀྱིས་ཆེ་རུ་གཏོང་བ་དང་། ཡིད་དུ་འོང་ཞིང་འབྱོར་ཕྱུག་ལྡན་པའི་མཚོ་བྱང་གསར་པ་འཛུགས་སྐྲུན་ལ་སྣེ་ཁྲིད་དང་འདེགས་སྐྱོར་བྱེད་དགོས།

གཉིས། ལས་དོན་གྱི་བྱེད་ཐབས། 

(གཅིག) ཚན་རྩལ་ལ་མ་དངུལ་གཏོང་བའི་སྲིད་ཇུས་ཐད། 

1.དོན་དངོས་ཐོག་ཁུལ་རིམ་པའི་ཚན་རྩལ་ནོར་སྲིད་ཀྱི་མ་དངུལ་གཏོང་ཤུགས་ཆེ་རུ་གཏོང་དགོས། ཀྲུང་གུང་ཀྲུང་དབྱང་དང་རྒྱལ་སྲིད་སྤྱི་ཁྱབ་ཁང་གི《〈རྒྱལ་ཁབ་ཀྱི་གསར་གཏོད་ལ་བརྟེན་ནས་འཕེལ་རྒྱས་ལ་སྐུལ་འདེད་གཏོང་བའི་འཐབ་ཇུས་རྩ་གནད〉དཔར་འགྲེམ་བྱས་པའི་སྐོར་གྱི་བརྡ་སྦྱོར》གྱི“དོན་དངོས་ཐོག་རྨང་གཞིའི་རང་བཞིན་དང་འཐབ་ཇུས་རང་བཞིན། སྤྱི་ཕན་རང་བཞིན་བཅས་ཀྱི་ཞིབ་འཇུག་ལ་བརྟན་པོའི་ངང་རྒྱབ་སྐྱོར་བྱེད་ཤུགས་ཆེ་རུ་གཏོང་བ”ཡི་གཏན་འབེབས་གཞིར་བཟུང་སྟེ། ཀྲུང་གུང་མཚོ་སྔོན་ཞིང་ཆེན་ཏང་ཨུ་དང་མཚོ་སྔོན་ཞིང་ཆེན་མི་དམངས་སྲིད་གཞུང་གི《མཚོ་སྔོན་ཞིང་ཆེན་གྱིས〈རྒྱལ་ཁབ་ཀྱི་གསར་གཏོད་ལ་བརྟེན་ནས་འཕེལ་རྒྱས་ལ་སྐུལ་འདེད་གཏོང་བའི་འཐབ་ཇུས་རྩ་གནད〉ལག་བསྟར་ཇུས་གཞི་ལག་བསྟར་བྱེད་པ་དཔར་འགྲེམ་བྱས་པའི་སྐོར་གྱི་བརྡ་སྦྱོར》(མཚོ་སྔོན་སྤེལ〔2016〕ཨང28པ)“རིམ་པ་སོ་སོའི་ནོར་སྲིད་མ་དངུལ་གཏོང་ཚད་རྒྱུན་མཐུན་ངང་ཇེ་མཐོར་བཏང་སྟེ། བརྟན་པོའི་ངང་རྒྱབ་སྐྱོར་དང་འགྲན་རྩོད་རང་བཞིན་གྱི་རྒྱབ་སྐྱོར་ཕན་ཚུན་མཐུན་སྦྱོར་གྱི་མ་དངུལ་གཏོང་བའི་ལམ་ལུགས་འཛུགས་པ་དང་། སྲིད་གཞུང་ནོར་སྲིད་ཀྱིས་ཚན་རྩལ་ཐད་མ་དངུལ་གཏོང་ཚད་ཆ་སྙོམས20%ལས་མི་དམའ་བའི”སྐོར་གྱི་བླང་བྱ་དང2022ལོར་ཞིང་ཆེན་ཏང་ཨུའི་ཕྱོགས་ཡོངས་ནས་བཅོས་སྒྱུར་ཟབ་གཏོང་ཨུ་ལྷན་གྱི་ཚོགས་འདུ་ཐེངས་བཅུ་དྲུག་པའི་དགོངས་དོན་གཞིར་བཟུང་བ་དང། ཁུལ་ཡོངས་ཀྱི་ནོར་སྲིད་ཡོང་འབབ་ཀྱི་གནས་ཚུལ་ལ་ཕྱོགས་བསྡུས་བསམ་གཞིག་བྱས་ཏེ། ཁུལ་རིམ་པའི་ནོར་སྲིད་ཀྱི་ཚན་རྩལ་ཐད་མ་དངུལ་གཏོང་ཤུགས་མུ་མཐུད་ཆེ་རུ་བཏང་ནས། ཚན་རིག་ལག་རྩལ་གྱི་ལོ་འཁོར་སྔོན་རྩིས་འཕར་ཚད་དེ་རང་ཁུལ་ནོར་སྲིད་ཀྱི་རྒྱུན་གཏན་རང་བཞིན་གྱི་ཡོང་འབབ་འཕར་ཚད་ལས་མི་དམའ་བ་བརྩོན་ལེན་དང་། དོན་དངོས་ཐོག་ཁུལ་ཡོངས་ཀྱི་ཚན་རྩལ་ནོར་སྲིད་ཀྱི་མ་དངུལ་མི་འདང་བའི་གནད་དོན་ཐག་གཅོད་བྱེད་དགོས། 

(འགན་ཁུར་ལས་ཁུངས། ཁུལ་ནོར་སྲིད་ཅུ་དང་རྫོང་སོ་སོའི་མི་དམངས་སྲིད་གཞུང་ཡིན། ལེགས་འགྲུབ་དུས་ཚད། 2022ལོའི་ཟླ12པ་ཡིན་ལ་ཡུན་རིང་དུ་རྒྱུན་འཁྱོངས་བྱེད་དགོས།)

2.དོན་དངོས་ཐོག་ས་གནས་ཀྱི་ཚན་རྩལ་གྲུབ་འབྲས་གཞན་སྒྱུར་ཐད་ལ་ནོར་སྲིད་ཀྱིས་མ་དངུལ་གཏོང་གྲངས་མང་དུ་གཏོང་དགོས། 《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་ཚན་རྩལ་གྲུབ་འབྲས་གཞན་སྒྱུར་ལ་སྐུལ་འདེད་གཏོང་བའི་བཅའ་ཁྲིམས》ཀྱི“རྒྱལ་ཁབ་ཀྱིས་ཚན་རྩལ་གྲུབ་འབྲས་གཞན་སྒྱུར་ལ་ནོར་སྲིད་མ་དངུལ་བཀོད་སྒྲིག་ལུགས་མཐུན་བྱེད་པ”ཞེས་པའི་སྐོར་དང་། 《མཚོ་སྔོན་ཞིང་ཆེན་གྱི་ཚན་རྩལ་གྲུབ་འབྲས་གཞན་སྒྱུར་ལ་སྐུལ་འདེད་གཏོང་བའི་སྲོལ་ཡིག》གི“རྫོང་རིམ་པ་ཡན་གྱི་མི་དམངས་སྲིད་གཞུང་གིས་ཚན་རྩལ་གྲུབ་འབྲས་གཞན་སྒྱུར་ལ་ནོར་སྲིད་མ་དངུལ་གཏོང་བ་ལུགས་མཐུན་ངང་བཀོད་སྒྲིག་བྱས་ནས། ས་གནས་ཀྱི་ཚན་རྩལ་གྲུབ་འབྲས་གཞན་སྒྱུར་ལ་མ་དངུལ་གཏོང་བར་ཤུགས་སྣོན་པ”ཞེས་པའི་སྐོར་གྱི་གཏན་འབེབས་དོན་འཁྱོལ་ནན་ཏན་བྱས་ཏེ། ཚན་རྩལ་གྲུབ་འབྲས་གཞན་སྒྱུར་ཐད་མ་དངུལ་གཏོང་བ་དེ་ལོ་འཁོར་གྱི་སྔོན་རྩིས་ཁྲོད་འཇོག་པ་དང་། ནོར་སྲིད་ཀྱི་ཚན་རྩལ་ཆེད་སྤྱོད་མ་དངུལ་གཏོང་ཤུགས་རྒྱུན་མཐུད་ངང་ཆེ་རུ་བཏང་ནས། དོན་དངོས་ཐོག་ས་གནས་ཀྱི་ཚན་རྩལ་གྲུབ་འབྲས་གཞན་སྒྱུར་ཐད་ལ་ནོར་སྲིད་ནས་མ་དངུལ་གཏོང་བ་གནད་ལ་མ་འཁེལ་བའི་གནད་དོན་ཐག་གཅོད་བྱེད་དགོས། 

(འགན་ཁུར་ལས་ཁུངས། ཁུལ་ནོར་སྲིད་ཅུ་དང་རྫོང་སོ་སོའི་མི་དམངས་སྲིད་གཞུང་ཡིན། ལེགས་འགྲུབ་དུས་ཚད།  2022ལོའི་ཟླ12པ་ཡིན་ལ་ཡུན་རིང་དུ་རྒྱུན་འཁྱོངས་བྱེད་དགོས།)

(གཉིས།) ཚན་རྩལ་གྲུབ་འབྲས་གཞན་སྒྱུར་གྱི་ཁེ་འབབ་བགོ་བཤའི་སྲིད་ཇུས་ཐད། 

3.ལས་ཐོག་གི་ཚན་རྩལ་གྲུབ་འབྲས་གཞན་སྒྱུར་བྱ་དགའ་དང་ཐོབ་ཆའི་སྲིད་ཇུས་དོན་འཁྱོལ་བྱེད་དགོས། 《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་ཚན་རྩལ་གྲུབ་འབྲས་གཞན་སྒྱུར་ལ་སྐུལ་འདེད་གཏོང་བའི་བཅའ་ཁྲིམས》ཀྱི“ཚན་རྩལ་གྲུབ་འབྲས་ལེགས་སྒྲུབ་ལས་ཁུངས་ཀྱིས་ལས་ཐོག་ཚན་རྩལ་གྲུབ་འབྲས་ལེགས་སྒྲུབ་དང་གཞན་སྒྱུར་བྱེད་པའི་ཐད་ལེགས་སྐྱེས་གལ་ཆེན་ཕུལ་མཁན་ལ་བྱ་དགའ་དང་ཐོབ་ཆ་སྤྲད་དེ། ལས་ཐོག་གི་ཚན་རྩལ་གྲུབ་འབྲས་གཞན་ལ་བཤུག་སྤྲོད་དང་ལག་བསྟར་བྱེད་དུ་བཅུག་ཚེ། ཚན་རྩལ་གྲུབ་འབྲས་དེ་བཤུག་སྤྲོད་བཏང་བའི་ཡོང་འབབ་ཁོ་ནའམ་ཡང་ན་ཆོག་འཐུས་ཡོང་འབབ་ཁོ་ནའི་ནང་ནས་བསྡུར་ཚད་བརྒྱ་ཆ་ལྔ་བཅུ་ལས་མི་དམའ་བ་ལེན་པ”ཞེས་པའི་སྐོར་གྱི་གཏན་འབེབས་ལྟར་དང་། 《མཚོ་སྔོན་ཞིང་ཆེན་གྱི་ཚན་རྩལ་གྲུབ་འབྲས་གཞན་སྒྱུར་ལ་སྐུལ་འདེད་གཏོང་བའི་སྲོལ་ཡིག》དང་ཀྲུང་གུང་ཞིང་ཆེན་ཏང་ཨུ་གཞུང་ལས་ཐིང་། མཚོ་སྔོན་ཞིང་ཆེན་མི་དམངས་སྲིད་གཞུང་གཞུང་དོན་ཐིང་གིས《〈ཚན་རྩལ་གསར་གཏོད་ཀྱི་གསོན་ཤུགས་འཕེལ་བར་བྱས་ནས་གསར་གཏོད་ཀྱི་ཕན་ནུས་ཆེ་རུ་གཏོང་བའི་སྐོར་གྱི་བྱེད་ཐབས་འགའ〉དཔར་འགྲེམ་བྱས་པའི་བརྡ་སྦྱོར》(མཚོ་གཞུང་སྤེལ〔2021〕ཨང27པ)གྱི“ལས་གནས་གཞན་སྒྱུར་གྱི་ཚན་རྩལ་གྲུབ་འབྲས་ལེགས་སྒྲུབ་བྱེད་པར་ལེགས་སྐྱེས་གལ་ཆེན་འབུལ་མཁན་ལ། ཚན་རྩལ་གྲུབ་འབྲས་གཞན་སྒྱུར་གྱི་ཡོང་འབབ་ཁོ་ན་ཐོབ་ཚད70%ལས་མི་དམའ་བའི་བྱ་དགའ་དང་ཐོབ་ཆ་སྤྲོད་པ”ཞེས་པའི་སྐོར་གྱི་བླང་བྱ་གཞིར་བཟུང་བ་དང་། ཚན་རྩལ་གྲུབ་འབྲས་གཞན་སྒྱུར་ལ་སྐུལ་མ་གཏོང་བའི་འབྲེལ་ཡོད་ལས་དོན་ཞིབ་ཚགས་སུ་བཏང་སྟེ། ཚད་གཞི་དང་བླང་བྱ་ལྟར་ལས་གནས་ཚན་རྩལ་གྲུབ་འབྲས་གཞན་སྒྱུར་གྱི་བྱ་དགའ་དང་ཐོབ་ཆ་དོན་འཁྱོལ་བྱེད་དགོས་པ་དང་། ཚན་རྩལ་གྲུབ་འབྲས་ཀྱི་ཁེ་བཟང་འགན་ལེན་གང་ལེགས་བྱེད་དགོས་ལ། ལག་བསྟར་བྱེད་རིམ་ཁྲོད་ཞིབ་ཕྲའི་བཀོལ་སྤྱོད་བརྒྱུད་རིམ་ཚད་ལྡན་མེད་པ་དང“ལེགས་སྐྱེས་གལ་ཆེན་ཕུལ་བའི”མི་སྣའི་དབྱེ་མཚམས་གསལ་པོ་མེད་པ། བྱ་དགའ་དང་ཐོབ་ཆ་དོན་འཁྱོལ་དཀའ་བའི་གནད་དོན་དོན་དངོས་ཐོག་ཐག་གཅོད་བྱེད་དགོས།

(འགན་ཁུར་ལས་ཁུངས། ཚན་རིག་ཞིབ་འཇུག་ལས་ཁུངས་སོ་སོ་ཡིན། ལེགས་འགྲུབ་དུས་ཚད། 2022ལོའི་ཟླ12པ་ཡིན་ལ་ཡུན་རིང་དུ་རྒྱུན་འཁྱོངས་བྱེད་དགོས།)

4.རྒྱལ་དབང་ཁེ་ལས་ཀྱི་ཚན་རྩལ་གྲུབ་འབྲས་གཞན་སྒྱུར་ལ་སྐུལ་ལྕག་དང་བགོ་བཤའི་སྲིད་ཇུས་དོན་འཁྱོལ་བྱེད་དགོས། རྒྱལ་སྲིད་སྤྱི་ཁྱབ་ཁང་གི《〈ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་ཚན་རྩལ་གྲུབ་འབྲས་གཞན་སྒྱུར་ལ་སྐུལ་འདེད་གཏོང་བའི་བཅའ་ཁྲིམས〉ཀྱི་གཏན་འབེབས་འགའ་དཔར་འགྲེམ་དང་ལག་བསྟར་བྱས་པའི་སྐོར་གྱི་བརྡ་སྦྱོར》(རྒྱལ་སྤེལ〔2016〕ཨང16པ)དང་། མཚོ་སྔོན་ཞིང་ཆེན་མི་དམངས་སྲིད་གཞུང་གཞུང་དོན་ཐིང་གི《མཚོ་སྔོན་ཞིང་ཆེན་གྱི་ཚན་རྩལ་གྲུབ་འབྲས་གཞན་སྒྱུར་ལ་སྐུལ་འདེད་གཏོང་བའི་བྱ་སྤྱོད་བྱེད་ཐབས་དཔར་འགྲེམ་བྱས་པའི་སྐོར་གྱི་བརྡ་སྦྱོར》(མཚོ་སྲིད་གཞུང〔2016〕ཨང218པ)གྱི“རྒྱལ་དབང་ཁེ་ལས་ཀྱིས་ཚན་རྩལ་གྲུབ་འབྲས་གཞན་སྒྱུར་ལ་སྐུལ་ལྕག་དང་། བགོ་བཤའི་ལམ་ལུགས་འཛུགས་པ་དང་འཐུས་སྒོ་ཚང་དུ་གཏོང་བའི”སྐོར་གྱི་གཏན་འབེབས་ལྟར་དང། ཚན་རྩལ་གྲུབ་འབྲས་གཞན་སྒྱུར་ལ་སྐུལ་ལྕག་དང་བགོ་བཤའི་སྲིད་ཇུས་གཞིར་འཛིན་པ། བྱེད་ཐབས་སྣ་ཚོགས་ལ་བརྟེན་ནས་ཁེ་ལས་ཀྱི་ཚན་རྩལ་མི་སྣས་ཚན་རྩལ་གྲུབ་འབྲས་གཞན་སྒྱུར་བྱེད་པར་འཚོལ་ཞིབ་བྱེད་པ་བཅས་བྱས་ནས། དོན་དངོས་ཐོག་རང་ཁུལ་གྱི་རྒྱལ་དབང་ཁེ་ལས་ཀྱི་ཚན་རྩལ་མི་སྣས་ཚན་རྩལ་གྲུབ་འབྲས་གཞན་སྒྱུར་ལ་སྐུལ་ལྕག་དང་བགོ་བཤའི་ལམ་ལུགས་དོན་འཁྱོལ་གནད་ལ་འཁེལ་མེད་པའི་གནད་དོན་ཐག་གཅོད་དགོས། 

(འགན་ཁུར་ལས་ཁུངས། ཁུལ་རྒྱལ་དབང་རྒྱུ་ནོར་རྟོག་དམ་ཨུ་ལྷན་དང་ཁུལ་གཏོགས་རྒྱལ་དབང་ཁེ་ལས་ཡིན། ལེགས་འགྲུབ་དུས་ཚད། 2022ལོའི་ཟླ12པ་ཡིན་ལ་ཡུན་རིང་དུ་རྒྱུན་འཁྱོངས་བྱེད་དགོས།)

(གསུམ།) ཚན་ཞིབ་ནོར་དོན་ལས་རོགས་སྲིད་ཇུས་ཐད། 

5.ཚན་ཞིབ་ནོར་དོན་ལས་རོགས་ལམ་ལུགས་དོན་འཁྱོལ་བྱེད་དགོས། རྒྱལ་སྲིད་སྤྱི་ཁྱབ་ཁང་གཞུང་ལས་ཐིང་གི《ཀྲུང་དབྱང་ནོར་སྲིད་ཀྱི་ཚན་ཞིབ་འགྲོ་གྲོན་དོ་དམ་བཅོས་སྒྱུར་དང་འཐུས་ཚང་དུ་གཏོང་བའི་སྐོར་གྱི་བསམ་འཆར་འགའ》(རྒྱལ་གཞུང་སྤེལ〔2021〕ཨང32པ)དང་། མཚོ་སྔོན་ཞིང་ཆེན་མི་དམངས་སྲིད་གཞུང་གཞུང་དོན་ཐིང་གི《ཞིང་ཆེན་རིམ་པའི་ནོར་སྲིད་ཚན་རྩལ་ཆེད་དོན་མ་དངུལ་དོ་དམ་བྱེད་ཐབས་དཔར་འགྲེམ་བྱས་པའི་སྐོར་གྱི་བརྡ་སྦྱོར》(མཚོ་སྲིད་གཞུང〔2022〕ཨང17པ)གྱི“ཚན་ཞིབ་ནོར་དོན་ལས་རོགས་ལམ་ལུགས་ཕྱོགས་ཡོངས་ནས་དོན་འཁྱོལ་བྱས་ཏེ། རྣམ་གྲངས་སྒྲུབ་འགན་ཁུར་མཁན་ལས་ཁུངས་ཀྱིས་རྣམ་གྲངས་རེ་རེར་བལྟོས་བཅས་ཀྱིས་གཏན་འཇགས་ཡིན་པའི་ཚན་ཞིབ་ནོར་དོན་ལས་རོགས་བཀོད་སྒྲིག་བྱེད་པར་འགན་ལེན་བྱེད་དགོས་ལ། ཚན་ཞིབ་མི་སྣས་སྔོན་རྩིས་སྒྲིག་བཟོ་དང་འགྲོ་གྲོན་རྩིས་ཞུ་སོགས་ཐད་ཆེད་ལས་ཅན་གྱི་ཞབས་ཞུ་མཁོ་འདོན་བྱེད་པ”ཞེས་པའི་སྐོར་གྱི་གཏན་འབེབས་ནན་ཏན་དོན་འཁྱོལ་བྱས་ཏེ། ཞིང་ཆེན་ཚན་རྩལ་ཐིང་གི་ལོ་འཁོར་གྱི་ཚན་ཞིབ་ནོར་དོན་ལས་རོགས་ལག་བསྟར་ཞིབ་སྲོལ་གཞིར་བཟུང་ནས། དོན་དངོས་ཐོག་ཚན་ཞིབ་ནོར་དོན་ལས་རོགས་གཏན་འབེབས་དང་དོན་འཁྱོལ་གནད་ལ་མི་འཁེལ་བའི་གནད་དོན་ཐག་གཅོད་དགོས།

(འགན་ཁུར་ལས་ཁུངས། ཚན་རྩལ་འཆར་འགོད་ཀྱི་རྣམ་གྲངས་སྒྲུབ་འགན་ཁུར་བའི་ལས་ཁུངས་སོ་སོ་ཡིན། ལེགས་འགྲུབ་དུས་ཚད། 2022ལོའི་ཟླ9པ་ཡིན་ལ་ཡུན་རིང་དུ་རྒྱུན་འཁྱོངས་བྱེད་དགོས།) 

(བཞི།) ཚན་ཞིབ་ལས་ཁུངས་ཀྱི་བྱེད་པོའི་འགན་འཁྲིའི་སྲིད་ཇུས་ཐད།

6.ཚན་ཞིབ་མི་སྣའི་རྣམ་གྲངས་ཀྱི་འགྲོ་གྲོན་རྩིས་ཞུའི་ལས་དོན་ཡག་པོ་སྒྲུབ་དགོས། རྒྱལ་གཞུང་སྤེལ〔2021〕ཨང32པའི“ཚན་ཞིབ་མི་སྣའི་ལས་དོན་རང་བཞིན་གྱི་ཁུར་པོ་ཇེ་ཡང་དུ་གཏོང་བ་དང་། ཚན་ཞིབ་ནོར་དོན་ལས་རོགས་ལམ་ལུགས་ཕྱོགས་ཡོངས་ནས་དོན་འཁྱོལ་བྱེད་པ། ནོར་དོན་རྩིས་ཞུའི་དོ་དམ་བྱེད་སྟངས་ལེགས་སུ་གཏོང་བའི”སྐོར་གྱི་གཏན་འབེབས་དང་། མཚོ་གཞུང་སྤེལ〔2021〕ཨང27པའི“རྣམ་གྲངས་སྒྲུབ་འགན་ཁུར་མཁན་ལས་ཁུངས་ཀྱིས་དོ་དམ་གྱི་བརྒྱུད་རིམ་ལེགས་སུ་གཏོང་བ་དང་ཚན་ཞིབ་ནོར་དོན་རྩིས་ཞུའི་གོ་རིམ་སྟབས་བདེ་རུ་གཏོང་བའི”སྐོར་གྱི་བླང་བྱ་ལྟར། ཚན་ཞིབ་ནོར་དོན་བཤེར་མཆན་འགོད་པའི་གོ་རིམ་སྟབས་བདེ་རུ་གཏོང་བ་དང་། ནོར་དོན་རྩིས་ཞུ་བྱེད་སྟངས་ཇེ་ལེགས་སུ་བཏང་སྟེ། དོན་དངོས་ཐོག་ཚན་ཞིབ་མི་སྣའི་རྣམ་གྲངས་ཀྱི་འགྲོ་གྲོན་རྩིས་ཞུ་བྱེད་དཀའ་བའི་གནད་དོན་ཐག་གཅོད་དགོས། 

(འགན་ཁུར་ལས་ཁུངས། ཁུལ་ཞིང་ཕྱུགས་དང་ཚན་རྩལ་ཅུ་དང་། ཁུལ་ནོར་སྲིད་ཅུ། ཚན་ཞིབ་ལས་ཁུངས་སོ་སོ་བཅས་ཡིན། ལེགས་འགྲུབ་དུས་ཚད། 2022ལོའི་ཟླ10པ་ཡིན་ལ་ཡུན་རིང་དུ་རྒྱུན་འཁྱོངས་བྱེད་དགོས།)

7.ཚན་ཞིབ་ཉོ་སྒྲུབ་ཀྱི་སྲིད་ཇུས་དོན་འཁྱོལ་བྱེད་དགོས། རྒྱལ་གཞུང་སྤེལ〔2021〕ཨང32པ་དང་མཚོ་གཞུང་སྤེལ〔2021〕ཨང27པ། བྱང་གཞུང་སྤེལ〔2021〕ཨང23པ་བཅས་ཀྱི“ཚན་ཞིབ་རྣམ་གྲངས་ལ་ལྗང་མདོག་བགྲོད་ལམ་བཀོད་སྒྲིག་བྱེད་དགོས་ལ། རྣམ་གྲངས་སྒྲུབ་འགན་ཁུར་མཁན་ལས་ཁུངས་དེ་མཐོ་རིམ་སློབ་གླིང་དང་ཚན་ཞིབ་ཁང་གི་ཁོངས་སུ་གཏོགས་རིགས་ཀྱིས་རང་གིས་ཚན་ཞིབ་ཡོ་བྱད་དང་སྒྲིག་ཆས་ཉོ་སྒྲུབ་བྱས་ཆོག་ལ། རང་གིས་ཚན་ཞིབ་ཡོ་བྱད་དང་སྒྲིག་ཆས་དཔྱད་བཤེར་བྱེད་པའི་ཆེད་མཁས་པ་འདེམས་ཆོག ཚན་ཞིབ་ལ་མྱུར་མཁོའི་སྒྲིག་ཆས་དང་ཡོ་བྱད་ལ་དམིགས་བསལ་གྱི་དོན་དག་དམིགས་བསལ་དུ་སྒྲུབ་པ་དང་། གང་དུ་སླེབས་ན་དེར་སྒྲུབ་པའི་ཉོ་སྒྲུབ་ལམ་སྲོལ་སྤྱད་དེ་དམིགས་འགུག་དམིགས་འཇུག་གི་གོ་རིམ་མ་སྤེལ་ཡང་ཆོག་ལ། ཉོ་སྒྲུབ་དུས་འཁོར་ཐུང་དུ་གཏོང་བའི་བླང་བྱ་ལྟར། ཚན་ཞིབ་ཉོ་སྒྲུབ་དོ་དམ་ལམ་ལུགས་བཟོ་བཅོས་དང་འཐུས་ཚང་དུ་བཏང་ནས། ཉོ་སྒྲུབ་ཀྱི་བརྒྱུད་རིམ་སྟབས་བདེ་རུ་གཏོང་དགོས།  

(འགན་ཁུར་ལས་ཁུངས། ཁུལ་ནོར་སྲིད་ཅུ་དང་ཚན་ཞིབ་ལས་ཁུངས་སོ་སོ་བཅས་ཡིན། ལེགས་འགྲུབ་དུས་ཚད། 2022ལོའི་ཟླ9པ་ཡིན་ལ་ཡུན་རིང་དུ་རྒྱུན་འཁྱོངས་བྱེད་དགོས།)

(ལྔ།) གསར་གཏོད་ལས་གཏོད་ཀྱི་སྲིད་ཇུས་ཐད། 

8.ཚན་ཞིབ་ལས་ཁུངས་ཀྱི་ཚན་རྩལ་མི་སྣའི་ལས་བྲལ་ལས་གཏོད་བྱེད་པའི་སྲིད་ཇུས་དོན་འཁྱོལ་བྱེད་དགོས། རྒྱལ་སྲིད་སྤྱི་ཁྱབ་ཁང་གཞུང་དོན་ཐིང་གི《རྒྱུ་རྐྱེན་ཚོང་ར་ཅན་དུ་བཀོད་སྒྲིག་ཕྱོགས་བསྡུས་བཅོས་སྒྱུར་ཚོད་ལྟའི་སྤྱིའི་ཇུས་གཞི་དཔར་འགྲེམ་བྱས་པའི་སྐོར་གྱི་བརྡ་སྦྱོར》(རྒྱལ་གཞུང་སྤེལ〔2021〕ཨང51པ)གྱི“བྱ་གཞག་ལས་ཁུངས་ཀྱི་ཚན་ཞིབ་མི་སྣས་རྒྱལ་ཁབ་ཀྱི་འབྲེལ་ཡོད་གཏན་འབེབས་གཞིར་བཟུང་ནས་ལས་བྲལ་གསར་གཏོད་ལས་གཏོད་བྱེད་པར་རྒྱབ་སྐྱོར་བྱེད་པ”ཞེས་པའི་སྐོར་དང་། མཚོ་སྤེལ〔2016〕ཨང28པའི“མཐོ་རིམ་སློབ་གླིང་དང་ཚན་ཞིང་ཁང་གི་མི་སྣས་ལས་བྲལ་ལས་གཏོད་སྲིད་ཇུས་འཐུས་ཚང་དུ་གཏོང་བ”ཞེས་པའི་སྐོར་གཏན་འབེབས་དོན་འཁྱོལ་ནན་ཏན་བྱེད་ཅིང་། ཞིང་ཆེན་མི་ཤུགས་ཐོན་ཁུངས་དང་སྤྱི་ཚོགས་འགན་སྲུང་ཐིང་གི《བྱ་གཞག་ལས་ཁུངས་ཀྱི་ཆེད་ལས་ལག་རྩལ་མི་སྣས་གསར་གཏོད་ལས་གཏོད་བྱེད་པར་རྒྱབ་སྐྱོར་དང་སྐུལ་མ་གཏོང་བའི་སྐོར་གྱི་ལག་བསྟར་བསམ་འཆར》(མཚོ་མི་སྤྱི་ཐིང་སྤེལ〔2017〕ཨང160པ)གཞིར་བཟུང་སྟེ། ལས་བྲལ་ལས་གཏོད་ཀྱི་ལམ་ལུགས་དང་ལས་དོན་བརྒྱུད་རིམ་དོན་འཁྱོལ་སྔར་ལས་ཞིབས་ཚགས་བྱེད་པ་དང་། ཚན་རྩལ་མི་སྣའི་ལས་བྲལ་ལས་གཏོད་བགྲོད་ལམ་བཏོད་དེ། དོན་དངོས་ཐོག་ཚན་རྩལ་མི་སྣ་ལས་བྲལ་ལས་གཏོད་སྲིད་ཇུས་དོན་འཁྱོལ་གནད་ལ་འཁེལ་མེད་པའི་གནད་དོན་ཐག་གཅོད་དགོས།

(འགན་ཁུར་ལས་ཁུངས། ཁུལ་མི་སྤྱི་ཅུ་དང་ཁུལ་ཞིང་ཕྱུགས་དང་ཚན་རྩལ་ཅུ། ཚན་ཞིབ་ལས་ཁུངས་སོ་སོ་བཅས་ཡིན། ལེགས་འགྲུབ་དུས་ཚད། 2022ལོའི་ཟླ12པ་ཡིན་ལ་ཡུན་རིང་དུ་རྒྱུན་འཁྱོངས་བྱེད་དགོས།)

9.ལས་གཏོད་མ་དངུལ་གཏོང་བ་དང་ཁེ་ལས་འབྲིང་ཆུང་ཕྲན་གསུམ་གྱི་གསར་གཏོད་མ་དངུལ་བསྡུ་བའི་སྲིད་ཇུས་དོན་འཁྱོལ་བྱེད་དགོས། ཀྲུང་དབྱང་གི་ཕྱོགས་ཡོངས་ནས་བཅོས་སྒྱུར་ཟབ་སྤེལ་ཨུ་ལྷན་གྱི་གྲོས་ཚོགས་ཐེངས25པའི་ཐོག་གི་དངུལ་རྩས་གསར་གཏོད་མ་ལག་འཛུགས་སྐྲུན་སྐུལ་འདེད་མགྱོགས་སུ་གཏོང་བའི་སྐོར་གྱི་བླང་བྱ་དོན་འཁྱོལ་ནན་ཏན་བྱེད་པ་དང། ཀྲུང་གུང་ཀྲུང་དབྱང་དང་རྒྱལ་སྲིད་སྤྱི་ཁྱབ་ཁང་གི《〈རྒྱལ་ཁབ་ཀྱི་གསར་གཏོད་ལ་བརྟེན་ནས་འཕེལ་རྒྱས་གཏོང་བའི་འཐབ་ཇུས་རྩ་གནད〉དཔར་འགྲེམ་བྱས་པའི་སྐོར་གྱི་བརྡ་སྦྱོར》གྱི“དངུལ་ཁང་ལས་རིགས་ཀྱི་དངུལ་རྩའི་ལས་ཁུངས་ཀྱིས་དངུལ་རྩའི་ཐོན་རྫས་གསར་གཏོད་བྱེད་པར་སྐུལ་མ་གཏོང་བ་དང་། རིམ་པ་མང་བའི་མ་རྩའི་ཚོང་རས་གསར་གཏོད་ལ་རྒྱབ་སྐྱོར་བྱེད་པའི་ནུས་པ་རྒྱ་བསྐྱེད་གཏོང་བ”ཞེས་པའི་སྐོར་དང། མཚོ་སྤེལ〔2016〕ཨང28པ་དང་མཚོ་སྲིད〔2018〕ཨང28པའི“ལས་གཏོད་ལ་མ་དངུལ་གཏོང་བ་དང་ཉེན་ཁར་མ་དངུལ་གཏོང་བ་ཧུར་ཐག་གིས་འཕེལ་རྒྱས་སུ་གཏོང་བ་དང། ཐོན་ལས་བཏང་དངུལ་ཐེབས་རྩ་ཐོག་མའི་གསར་གཏོད་དུས་ཀྱི་ཁེ་ལས་ལ་ཕྱོགས་པར་སྐུལ་མ་བཏང་ནས། ནོར་སྲིད་ཀྱི་རོགས་སྐྱོར་མ་དངུལ་སྣ་ཚོགས་དང་དངུལ་རྩའི་ལས་ཁུངས་ཀྱི་དངུལ་བུན་རྣམ་གྲངས་ཟུང་འབྲེལ་བཅས་བྱས་ནས། མཉམ་འགུལ་ལམ་སྲོལ་ཆགས་པ་དང་། གསར་གཏོད་ལས་གཏོད་ལ་ཐུན་མོང་ཐོག་རྒྱབ་སྐྱོར་བྱེད་པ”ཞེས་པའི་སྐོར་གྱི་གཏན་འབེབས་ལྟར། མི་དམངས་དངུལ་ཁང་མཚོ་བྱང་ཡན་ལག་དངུལ་ཁང་གིས《མཚོ་སྔོན་ཞིང་ཆེན་གྱི་དངུལ་རྩས་ཚན་རྩལ་གསར་གཏོད་འཕེལ་རྒྱས་ལ་རྒྱབ་སྐྱོར་བྱེད་པའི་ལག་བསྟར་བསམ་འཆར》ལྟར། དངུལ་རྩའི་ལས་ཁུངས་ཀྱིས་ཚན་རྩལ་རྣམ་པའི་ཁེ་ལས་འབྲིང་ཆུང་ཕྲན་གསུམ་གྱི་མ་དངུལ་བསྡུ་བའི་དགོས་མཁོ་སྐོང་བའི་དངུལ་རྩའི་ཐོན་རྫས་དང་ཞབས་ཞུ་སྤེལ་བར་ཁྲིད་སྟོན་བྱེད་པ་དང་། ཁེ་ལས་ཀྱིས་གསར་གཏོད་ལས་གཏོད་བྱེད་པར་རྒྱབ་སྐྱོར་བྱེད་པ། ལས་གཏོད་ལ་མ་དངུལ་གཏོང་བ་དང་ཁེ་ལས་འབྲིང་ཆུང་ཕྲན་གསུམ་གྱི་གསར་གཏོད་མ་དངུལ་བསྡུ་བར་རྒྱབ་སྐྱོར་བྱེད་ཤུགས་ཆེ་རུ་གཏོང་བ་བཅས་བྱས་ཏེ། དོན་དངོས་ཐོག་ལས་གཏོད་མ་དངུལ་གཏོང་བ་དང་ཁེ་ལས་འབྲིང་ཆུང་གི་གསར་གཏོད་མ་དངུལ་བསྡུ་བ་དོན་འཁྱོལ་གནད་ལ་ཁེལ་མེད་པའི་གནད་དོན་ཐག་གཅོད་དགོས། 

(འགན་ཁུར་ལས་ཁུངས། མི་དམངས་དངུལ་ཁང་མཚོ་བྱང་ཡན་ལག་དངུལ་ཁང་དང་། ཁུལ་བཟོ་ལས་ཚོང་དོན་དང་ཆ་འཕྲིན་ཅན་ཅུ། ཁུལ་དངུལ་རྩ་རྟོག་དམ་ཅུ། ཁུལ་དངུལ་སྐྱོབ་རྟོག་དམ་ཅུ་བཅས་ཡིན། ལེགས་འགྲུབ་དུས་ཚད། 2022ལོའི་ཟླ10པ་ཡིན་ལ་ཡུན་རིང་དུ་རྒྱུན་འཁྱོངས་བྱེད་དགོས།)

(དྲུག) ཚན་རྩལ་ཤེས་ལྡན་མི་སྣའི་སྲིད་ཇུས་ཐད། 

10.དམིགས་འཛུགས་ལས་གནས་བཙུགས་ཏེ་མྱུར་མཁོའི་མཐོ་རིམ་ཤེས་ལྡན་མི་སྣ་ནང་འདྲེན་བྱེད་དགོས། ཀྲུང་གུང་ཀྲུང་དབྱང་གཞུང་དོན་ཐིང་དང་རྒྱལ་སྲིད་སྤྱི་ཁྱབ་ཁང་གཞུང་དོན་ཐིང་གི《ཤེས་བྱའི་རིན་ཐང་ཇེ་ཆེར་གཏོང་བ་ཁྲིད་སྟོན་དུ་བྱེད་པའི་བགོ་བཤའི་སྲིད་ཇུས་ལག་བསྟར་བྱེད་པའི་སྐོར་གྱི་བསམ་འཆར་འགའ་ཞིག》གི“ཚན་ཞིབ་སྒྲིག་ཚན་དང་མཐོ་སློབ་ཀྱི་ལས་གནས་བཀོད་སྒྲིག མི་སྣ་གདན་ཞུ་བཀོལ་སྤྱོད། ལས་རྗེས་གླ་ཆ་བགོ་བཤའ། རྣམ་གྲངས་འགྲོ་གྲོན་དོ་དམ་སོགས་ཐད་ཀྱི་རང་བདག་དབང་ཆ་དོན་འཁྱོལ་ནན་ཏན་བྱེད་པ”ཞེས་པའི་སྐོར་དང་། ཀྲུང་གུང་ཀྲུང་དབྱང་གཞུང་དོན་ཐིང་དང་མཚོ་སྔོན་ཞིང་ཆེན་མི་དམངས་སྲིད་གཞུང་གཞུང་དོན་ཐིང་གི《〈ཤེས་བྱའི་རིན་ཐང་ཇེ་མཐོར་གཏོང་བ་ཁྲིད་སྟོན་དུ་བྱེད་པའི་བགོ་བཤའི་སྲིད་ཇུས་ལག་བསྟར་བྱེད་པའི་སྐོར་གྱི་མཚོ་སྔོན་ཞིང་ཆེན་གྱི་ལག་བསྟར་བསམ་འཆར〉དཔར་འགྲེམ་བྱས་པའི་སྐོར་གྱི་བརྡ་སྦྱོར》(མཚོ་གཞུང་ཡིག〔2018〕ཨང33པ)གྱི“ཚན་ཞིབ་ཁང་དང་མཐོ་རིམ་སློབ་གླིང་གིས་དམིགས་བསལ་ལས་གནས་བཀོད་སྒྲིག་བྱས་ནས་མྱུར་མཁོའི་མཐོ་རིམ་ཤེས་ལྡན་པ་ནང་འདྲེན་བྱེད་ཆོག་ཅིང་། ལས་གནས་ཀྱི་སྤྱི་འབོར་དང་ལས་གནས་རིམ་པ། གྲུབ་ཆའི་བསྡུར་ཚད་བཅས་ཀྱི་ཚོད་འཛིན་མི་ཐེབས་པ”ཞེས་པའི་སྐོར་གྱི་བླང་བྱ་ནན་ཏན་དོན་འཁྱོལ་བྱས་ཏེ། སྲིད་ཇུས་དྲིལ་སྒྲོག་བྱེད་ཤུགས་ཆེ་རུ་གཏོང་བ་དང་། དམིགས་བཙུགས་ལས་གནས་བཀོད་སྒྲིག་གི་ལས་དོན་ནན་ཏན་ངང་ཡག་པོར་བསྒྲུབས་ནས། དོན་དངོས་ཐོག་མྱུར་མཁོའི་མཐོ་རིམ་ཤེས་ལྡན་མི་སྣ་ནང་འདྲེན་བྱེད་དཀའ་བའི་གནད་དོན་ཐག་གཅོད་དགོས། 

(འགན་ཁུར་ལས་ཁུངས། ཁུལ་མི་སྤྱི་ཅུ་ཡིན། ལེགས་འགྲུབ་དུས་ཚད། 2022ལོའི་ཟླ12པ་ཡིན་ལ་ཡུན་རིང་དུ་རྒྱུན་འཁྱོངས་བྱེད་དགོས།)

11.ཤེས་ལྡན་པའི་སྤེལ་རེས་དང་མཉམ་ལས་བྱེད་པའི་ལམ་ལུགས་དོན་འཁྱོལ་བྱེད་དགོས། མཚོ་སྔོན་ཞིང་ཆེན་ཏང་ཨུ་རྩ་འཛུགས་པུ་སོགས་སྡེ་ཁག9ཡི《〈ཆེད་མཁས་པ་དང་ཤེས་ལྡན་པར་སྔར་བས་སེམས་ཁུར་དང་གཅེས་སྐྱོང་བྱེད་པའི་བྱེད་ཐབས་ཁག་བཅུ〉དཔར་འགྲེམ་བྱས་པའི་སྐོར་གྱི་བརྡ་སྦྱོར》(མཚོ་རྩ་ཡིག〔2019〕ཨང32པ)གྱི“ནང་དུ་གདན་འདྲེན་ཞུ་བ་དང་ཕྱིར་སྐྱོད་པ་ཟུང་འབྲེལ་རྒྱུན་འཁྱོངས་བྱེད་ཅིང། རྒྱལ(མངའ་ཁོངས)ཕྱི་རུ་གསོ་སྦྱོང་དང་ཕྱོགས་གཉིས་ཕྱོགས་མང་མཉམ་ལས་ཞིབ་འཇུག ཐུན་མོང་ཐོག་རིག་གཞུང་གླེང་སྟེགས་རྩེ་གྲ་སྒྲུབ་པ། ཕན་ཚུན་བར་མཁས་པ་འཚམས་འདྲིར་མངགས་གཏོང་སོགས་ཀྱི་རྣམ་པ་སྤྱད་དེ། རང་ཞིང་གི་ཆེད་ལས་ཤེས་ལྡན་མི་སྣ་དང་། ཞིང་ཆེན་ཕྱི་ནང་དང་རྒྱལ་ཁབ་ཕྱི་ནང་གི་མཐོ་རིམ་ཆེད་མཁས་པ་དང་ཤེས་ལྡན་མི་སྣའི་བར་སྤེལ་རེས་བྱེད་པའི་ཁྱབ་ཁོངས་དང་རིམ་པ་རྒྱ་བསྐྱེད་པ”ཞེས་པའི་བླང་བྱ་ལྟར། རྒྱལ་ཁབ་ཕྱི་ནང་གི་ཆེད་མཁས་པས་དྲ་ཐོག་ཏུ་སློབ་ཁྲིད་བྱེད་པ་དང་རྒྱལ་ནང་གི་ཆེད་མཁས་པས་ཡུལ་དངོས་སུ་སློབ་ཁྲིད་བྱེད་པ་ཟུང་འབྲེལ་བྱེད་པའི་རྒྱལ(མངའ་ཁོངས་ཕྱི)ཕྱི་རུ་གསོ་སྦྱོང་བྱེད་པའི་རྣམ་པ་གསར་པ་ཧུར་ཐག་གིས་རྒྱ་བསྐྱེད་པ་དང་། རང་ཁུལ་གྱི་ཤེས་ལྡན་མི་སྣའི་ཚན་ཞིབ་བྱང་ཚད་དང་དོ་དམ་ཆུ་ཚད་རྒྱུན་ཆད་མེད་པར་མཐོ་རུ་བཏང་ནས། དོན་དངོས་ཐོག་ཤེས་ལྡན་མི་སྣའི་སྤེལ་རེས་མཉམ་ལས་ལམ་ལུགས་དོན་འཁྱོལ་གནད་ལ་འཁེལ་མེད་པའི་གནད་དོན་ཐག་གཅོད་དགོས། 

(འགན་ཁུར་ལས་ཁུངས། ཁུལ་མི་སྤྱི་ཅུ་དང་། ཁུལ་ཞིང་ཕྱུགས་དང་ཚན་རྩལ་ཅུ་ཡིན། ལེགས་འགྲུབ་དུས་ཚད། 2022ལོའི་ཟླ12པ་ཡིན་ལ་ཡུན་རིང་དུ་རྒྱུན་འཁྱོངས་བྱེད་དགོས།)

(བདུན།) ཚན་རྩལ་དངུལ་རྩའི་སྲིད་ཇུས་ཐད། 

12.ཤེས་བྱའི་རིན་ཐང་གི་ཡིད་རྟོན་དངུལ་བུན་དང་ཤེས་བྱའི་བདག་དབང་གཏའ་འཇོག་དངུལ་སྡུད་དངུལ་བུན་དོན་འཁྱོལ་བྱེད་དགོས། རྒྱལ་ཁབ་ཤེས་བྱའི་བདག་དབང་ཅུ་དང་ཀྲུང་གོ་དངུལ་སྐྱོབ་རྟོག་དམ་ཅུ། རྒྱལ་ཁབ་འཕེལ་སྒྱུར་ཨུ་ལྷན་བཅས་ཀྱིས《〈ཤེས་བྱའི་བདག་དབང་གཏའ་འཇོག་དངུལ་སྡུད་གླིང་སྐྱོད་ཁེ་ལས་ལ་ཕན་པའི་བྱ་སྤྱོད་ཇུས་གཞི(2021ལོ་ནས2023ལོ་བར)〉དཔར་འགྲེམ་བྱས་པའི་སྐོར་གྱི་བརྡ་སྦྱོར》(རྒྱལ་ཤེས་འཕེལ་གཏོང་ཡིག〔2021〕ཨང17པ)གྱི“སྲིད་གཞུང་གིས་ཁྲིད་སྟོན་བྱས་པའི་ཤེས་བྱའི་བདག་དབང་གཏའ་འཇོག་དངུལ་སྡུད་ཉེན་ཁ་མཉམ་འཁུར་དང་ཁ་གསབ་ལམ་སྲོལ་འཛུགས་པ་དང་འཐུས་སྒོ་ཚང་དུ་གཏོང་བ”ཞེས་པའི་སྐོར་དང་། མཚོ་སྔོན་ཞིང་ཆེན་མི་དམངས་སྲིད་གཞུང་གི《ཤེས་བྱའི་བདག་དབང་ལས་དོན་ལ་ཤུགས་སྣོན་རྒྱག་པའི་སྐོར་གྱི་ལག་བསྟར་བསམ་འཆར》(མཚོ་སྲིད〔2016〕ཨང52པ)གྱི“ཤེས་བྱའི་བདག་དབང་ལ་དངུལ་གཏོང་དངུལ་སྡུད་རྐྱེན་སྲོལ་འཛུགས་པ་དང་འཐུས་སྒོ་ཚང་དུ་གཏོང་བ་དང་། ཚོང་ལས་དངུལ་ཁང་གིས་ཤེས་བྱའི་བདག་དབང་གི་དངུལ་སྡུད་ཞབས་ཞུ་སྤེལ་བར་སྐུལ་མ་བཏང་ནས། ཁེ་ལས་ཀྱིས་ཆེད་ཁེ་དང་ཚོང་རྟགས་སོགས་ཤེས་བྱའི་བདག་དབང་གཏའ་འཇོག་དངུལ་སྡུད་ཁྱབ་ཁོངས་རྒྱ་བསྐྱེད་པར་ཁྲིད་སྟོན་བྱས་ཏེ། ཤེས་བྱའི་བདག་དབང་གུན་སྐྱོབ་ཚོང་ར་གསོ་སྐྱོང་དང་ཚད་ལྡན་དུ་གཏོང་དགོས། ཤེས་བྱའི་བདག་དབང་གཏའ་འཇོག་དངུལ་སྡུད་ཉེན་ཁའི་ཁ་གསབ་ཐེབས་རྩ་ཚོད་ལྟ་བྱས་ནས་ཁེ་ལས་འབྲིང་ཆུང་གི་ཆེད་ཁེའི་བདག་དབང་གཏའ་འཇོག་དངུལ་བུན་ལས་དོན་ལ་རྒྱབ་སྐྱོར་བྱེད་པ”ཞེས་པའི་སྐོར། མཚོ་སྔོན་ཞིང་ཆེན་ཚོང་ར་རྟོག་དམ་ཅུ་སོགས་སྡེ་ཁག4ཡིས《〈མཚོ་སྔོན་ཞིང་ཆེན་གྱི་ཤེས་བྱའི་བདག་དབང་གཏའ་འཇོག་དངུལ་སྡུད་གླིང་སྐྱོད་ཁེ་ལས་ལ་ཕན་པའི་བྱ་སྤྱོད་ཇུས་གཞི(2021ལོ་ནས2023ལོ་བར) 〉དཔར་འགྲེམ་བྱས་པའི་སྐོར་གྱི་བརྡ་སྦྱོར》(མཚོ་ཚོང་རྟོག་ཤེས〔2021〕ཨང152པ)གྱི“དངུལ་ཁང་ལས་རིགས་ཀྱི་དངུལ་རྩའི་ལས་ཁུངས་ཀྱིས་ལས་སྒོའི་བརྒྱུད་རིམ་རྒྱུན་ཆད་མེད་པར་འཐུས་སྒོ་ཚང་དུ་གཏོང་བར་སྐུལ་འདེད་བཏང་ནས། ཤེས་བྱའི་བདག་དབང་གཏའ་འཇོག་གི་ཁྱད་ཆོས་དང་འཚམ་པའི་ཉེན་ཁ་དཔྱད་དཔོག་དང་བཤེར་མཆན་བཀོད་དེ་བདག་དབང་སྤྲོད་པ། སྐུལ་འདེད་དང་ཚོད་འཛིན་ལམ་ལུགས་འཛུགས་པ”ཞེས་པའི་སྐོར་གྱི་བླང་བྱ་གཞིར་བཟུང་ནས།  མི་དམངས་དངུལ་ཁང་མཚོ་བྱང་ཡན་ལག་དངུལ་ཁང་གིས་མཚོ་སྔོན་ཞིང་ཆེན་དངུལ་རྩའི་ལས་ཁུངས་ཀྱི་ཤེས་བྱའི་བདག་དབང་གཏའ་འཇོག་གི་སྲིད་ཇུས་མ་ལག་ཞིབ་ཚགས་སུ་གཏོང་བ་དང། ཤེས་བྱའི་བདག་དབང་གཏའ་འཇོག་དངུལ་བུན་ལས་སྒོར་སྐུལ་འདེད་བཏང་སྟེ། དོན་དངོས་ཐོག་ཚན་རྩལ་ཁེ་ལས་འབྲིང་ཆུང་གི་ཤེས་བྱའི་བདག་དབང་གཏའ་འཇོག་དངུལ་སྡུད་དཀའ་བའི་གནད་དོན་ཐག་གཅོད་དགོས། 

(འགན་ཁུར་ལས་ཁུངས། མི་དམངས་དངུལ་ཁང་མཚོ་བྱང་ཡན་ལག་དངུལ་ཁང་དང་ཁུལ་ཚོང་ར་ལྟ་སྐུལ་དོ་དམ་ཅུ། ཁུལ་བཟོ་ལས་ཚོང་དོན་དང་ཆ་འཕྲིན་ཅན་ཅུ། ཁུལ་དངུལ་སྐྱོབ་རྟོག་དམ་ཅུ་བཅས་ཡིན། ལེགས་འགྲུབ་དུས་ཚད། 2022ལོའི་ཟླ8པ་ཡིན་ལ་ཡུན་རིང་དུ་རྒྱུན་འཁྱོངས་བྱེད་དགོས།)

(བརྒྱད།) ཚན་ཞིབ་ཡིད་རྟོན་དང་མི་ཆོས་སྲིད་ཇུས་ཀྱི་ཐད། 

13.ཚན་ཞིབ་ཡིད་རྟོན་འཛུགས་སྐྲུན་གྱི་བྱེད་པོའི་འགན་འཁྲི་ནན་ཏན་གྱིས་སྒྲུབ་དགོས། ཀྲུང་གུང་ཀྲུང་དབྱང་གཞུང་དོན་ཐིང་དང་རྒྱལ་སྲིད་སྤྱི་ཁྱབ་ཁང་གཞུང་དོན་ཐིང་གིས《〈ཚན་ཞིབ་ཡིད་རྟོན་འཛུགས་སྐྲུན་ལ་སྔར་བས་ཤུགས་སྣོན་རྒྱག་པའི་སྐོར་གྱི་བསམ་འཆར་འགའ〉དཔར་འགྲེམ་བྱས་པའི་བརྡ་སྦྱོར》གྱི“ཚན་ཞིབ་བྱེད་སྒོ་གཉེར་བ་དང་ཚན་རྩལ་དོ་དམ་ཞབས་ཞུའི་ནང་ཞུགས་མཁན་གྱི་ལས་ཁུངས་རིགས་སྣ་ཚོགས་ཀྱིས་དོན་དངོས་ཐོག་ཚན་ཞིབ་ཡིད་རྟོན་འཛུགས་སྐྲུན་གྱི་བྱེད་པོའི་འགན་འཁྲི་བསྒྲུབས་ནས་ཚན་ཞིབ་ཡིད་རྟོན་འཛུགས་སྐྲུན་ལ་བཀོད་སྒྲིག་ཞིབ་ཕྲ་བྱེད་པ་དང་། ཚན་ཞིབ་ཡིད་རྟོན་ལས་དོན་དེ་རྒྱུན་རྣམ་ཅན་གྱི་དོ་དམ་ནང་འཇུག་པ”ཞེས་པའི་གཏན་འབེབས་གཞིར་བཟུང་ནས། ལས་རིགས་སོ་སོའི་གཙོ་གཉེར་སྡེ་ཁག་གིས་ཚན་ཞིབ་ཡིད་རྟོན་ཁས་ལེན་ལམ་ལུགས་ཕྱོགས་ཡོངས་ནས་ལག་བསྟར་བྱེད་པ་དང་། ཚན་ཞིབ་ལས་ཁུངས་སོ་སོས་ཚན་ཞིབ་ཡིད་རྟོན་དྲིལ་སྒྲོག་སློབ་གསོ་དེ་རྒྱུན་གཏན་གྱི་དོ་དམ་ནང་འཇུག་པ། ཉེན་ཟོན་སློབ་གསོ་སྤེལ་བ། ཡིད་རྟོན་གྱི་དཔེ་མཚོན་དྲིལ་སྒྲོག ཡིད་རྟོན་གྱི་མིག་དཔེ་འཛུགས་པ་བཅས་བྱས་ཏེ། དོན་དངོས་ཐོག་ཚན་ཞིབ་ཡིད་རྟོན་འཛུགས་སྐྲུན་གྱི་བྱེད་པོའི་འགན་འཁྲི་ལག་བསྟར་གནད་ལ་འཁེལ་མེད་པའི་གནད་དོན་ཐག་གཅོད་དགོས། 

(འགན་ཁུར་ལས་ཁུངས། ཁུལ་ཞིང་ཕྱུགས་དང་ཚན་རྩལ་ཅུ་དང་། ལས་རིགས་གཙོ་གཉེར་སྡེ་ཁག་དང་ཚན་ཞིབ་ལས་ཁུངས་སོ་སོ་བཅས་ཡིན། ལེགས་འགྲུབ་དུས་ཚད། 2022ལོའི་ཟླ8པ་ཡིན་ལ་ཡུན་རིང་དུ་རྒྱུན་འཁྱོངས་བྱེད་དགོས།)

14.ཚན་རྩལ་མི་ཆོས་བཅོས་སྐྱོང་བྱེད་ཤུགས་ཆེ་རུ་གཏོང་དགོས། ཀྲུང་གུང་ཀྲུང་དབྱང་གཞུང་ལས་ཐིང་དང་རྒྱལ་སྲིད་སྤྱི་ཁྱབ་ཁང་གཞུང་ལས་ཐིང་གི 《〈ཚན་རྩལ་མི་ཆོས་བཅོས་སྐྱོང་ལ་ཤུགས་སྣོན་རྒྱག་པའི་སྐོར་གྱི་བསམ་འཆར〉དཔར་འགྲེམ་བྱས་པའི་བརྡ་སྦྱོར》གྱི“མཐོ་རིམ་སློབ་གྲྭ་དང་ཚན་ཞིབ་ཁང་། སྨན་བཅོས་འཕྲོད་བསྟེན་སྒྲིག་ཚན། ཁེ་ལས་བཅས་ཀྱིས་ཚན་རྩལ་མི་ཆོས་དོ་དམ་གྱི་བྱེད་པོའི་འགན་འཁྲི་ལག་བསྟར་བྱས་ཏེ། རྒྱུན་རྣམ་ཅན་གྱི་ལས་དོན་རྐྱེན་སྲོལ་འཛུགས་པ”ཞེས་པའི་གཏན་འབེབས་ལྟར་དང་། མཚོ་སྔོན་ཞིང་ཆེན་གྱིས《ཚན་རྩལ་མི་ཆོས་བཅོས་སྐྱོང་ལ་ཤུགས་སྣོན་རྒྱག་པའི་སྐོར་གྱི་བསམ་འཆར》ལག་བསྟར་དོན་འཁྱོལ་བྱེད་པའི་སྲིད་ཇུས་དང་བྱེད་ཐབས་གཞིར་བཟུང་སྟེ། ཚན་ཞིབ་བྱེད་སྒོའི་བརྒྱུད་རིམ་ཧྲིལ་པོར་མི་ཆོས་དོ་དམ་དང་སྔོན་ཟོན་བརྡར་གཅོད་བྱ་རྒྱུར་ཤུགས་སྣོན་བརྒྱབ་ནས། དོན་དངོས་ཐོག་ཚན་ཞིབ་ལས་ཁུངས་དང་སྨན་བཅོས་འཕྲོད་བསྟེན་ལས་ཁུངས་ཀྱིས་ཚན་རྩལ་མི་ཆོས་ལས་དོན་གྱི་ཕུགས་ཕན་ལམ་སྲོལ་བཙུགས་མེད་པ་དང་ལམ་ལུགས་འཐུས་ཚང་མིན་པ། ཚན་རྩལ་མི་ཆོས་ཉེན་ཁའི་སྔོན་ཟོན་དང་རྗེས་སྙེག་བརྡར་གཅོད་མི་འདང་བ་བཅས་ཀྱི་གནད་དོན་ཐག་གཅོད་དགོས།

(འགན་ཁུར་ལས་ཁུངས། ཁུལ་ཞིང་ཕྱུགས་དང་ཚན་རྩལ་ཅུ་དང་། ཁུལ་འཕྲོད་བསྟེན་བདེ་ཐང་ཨུ་ཡོན་ལྷན་ཁང་། ཚན་ཞིབ་ལས་ཁུངས་དང་སྨན་བཅོས་འཕྲོད་བསྟེན་གྱི་ལས་ཁུངས་སོ་སོ་བཅས་ཡིན། ལེགས་འགྲུབ་དུས་ཚད། 2022ལོའི་ཟླ12པ་ཡིན་ལ་ཡུན་རིང་དུ་རྒྱུན་འཁྱོངས་བྱེད་དགོས།)

(དགུ།) ཚན་རྩལ་དོ་དམ་ཞབས་ཞུའི་མ་ལག་གི་སྲིད་ཇུས་ཐད། 

15.གཞི་རིམ་གྱི་ཚན་རྩལ་གྲུབ་འབྲས་གཞན་སྒྱུར་ཞབས་ཞུའི་མ་ལག་འཐུས་ཚང་དུ་གཏོང་དགོས། རྒྱལ་སྤེལ〔2016〕ཨང16པའི“ས་གནས་སོ་སོ་དང་སྡེ་ཁག་སོ་སོས་དོན་དངོས་ཐོག་ཚན་རྩལ་གྲུབ་འབྲས་གཞན་སྒྱུར་ལས་དོན་གྱི་སྒྲིག་འཛུགས་མགོ་ཁྲིད་ལ་ཤུགས་སྣོན་བརྒྱབ་ནས་གནས་ཚུལ་གསར་པ་དང་གནད་དོན་གསར་པར་དུས་ཐོག་ཏུ་ཞིབ་འཇུག་བྱེད་པ”ཞེས་པའི་སྐོར་དང་། 《མཚོ་སྔོན་ཞིང་ཆེན་གྱི་ཚན་རྩལ་གྲུབ་འབྲས་གཞན་སྒྱུར་ལ་སྐུལ་འདེད་གཏོང་བའི་སྲོལ་ཡིག》གི“རྫོང་རིམ་པ་ཡན་གྱི་མི་དམངས་སྲིད་གཞུང་གི་ཚན་རིག་ལག་རྩལ་གཙོ་འགན་འཁུར་མཁན་སྡེ་ཁག་གིས་འགན་འཁྲི་གཞིར་བཟུང་བ་དང་། ཚན་རྩལ་གྲུབ་འབྲས་གཞན་སྒྱུར་ལ་དོ་དམ་དང་མཛུབ་ཁྲིད། མཐུན་སྦྱོར། ཞབས་ཞུ་སོགས་ཀྱི་ཞིབ་ཕྲའི་ལས་དོན་ཡག་པོ་སྒྲུབ་དགོས”ཞེས་པའི་སྐོར་གྱི་བླང་བྱ་གཞིར་བཟུང་ནས། གཞི་རིམ་གྱི་ཚན་རྩལ་དོ་དམ་ཞབས་ཞུའི་སྟོབས་ཤུགས་ལ་ཤུགས་སྣོན་རྒྱག་པ་དང་། ཚན་རྩལ་དོ་དམ་ཞབས་ཞུའི་ཆེད་ལས་ལས་གནས་དང་མི་སྣ་ཁ་གསལ་བཟོ་བ། རང་ས་ཁུལ་གྱི་ཚན་རྩལ་གྲུབ་འབྲས་གཞན་སྒྱུར་ལ་དོ་དམ་དང་མཛུབ་ཁྲིད། མཐུན་སྦྱོར། ཞབས་ཞུ་སོགས་ཀྱི་ལས་དོན་ཁག་ལ་ཤུགས་སྣོན་བརྒྱབ་སྟེ། དོན་དངོས་ཐོག་གཞི་རིམ་གྱི་ཚན་རྩལ་གྲུབ་འབྲས་གཞན་སྒྱུར་ཞབས་ཞུའི་མ་ལག་འཐུས་ཚང་མིན་པའི་གནད་དོན་ཐག་གཅོད་དགོས། 

(འགན་ཁུར་ལས་ཁུངས། ཁུལ་མི་སྤྱི་ཐིང་དང་རྫོང་སོ་སོའི་མི་དམངས་སྲིད་གཞུང་ཡིན། ལེགས་འགྲུབ་དུས་ཚད། 2022ལོའི་ཟླ12པ་ཡིན་ལ་ཡུན་རིང་དུ་རྒྱུན་འཁྱོངས་བྱེད་དགོས།)

16.ཚན་རྩལ་གྲུབ་འབྲས་གཞན་སྒྱུར་བྱེད་པར་འགན་ཅི་ལྕོགས་ཀྱིས་སྒྲུབ་པར་འགན་འཁྲི་འཁུར་མི་དགོས་པའི་གཏན་འབེབས་དོན་འཁྱོལ་བྱེད་དགོས། རྒྱལ་སྤེལ〔2016〕ཨང16པའི“ཚན་རྩལ་གྲུབ་འབྲས་གཞན་སྒྱུར་བྱེད་པའི་བརྒྱུད་རིམ་ནང་ལག་རྩལ་ཉོ་ཚོང་ཚོང་རའི་སྒོ་བྱང་བཀལ་ནས་ཉོ་ཚོང་དང་ཧབ་འཚོང་སོགས་ཀྱི་བྱེད་ཐབས་བརྒྱུད། རིན་གོང་གཏན་ཁེལ་བྱེད་པའམ་ཡང་ན་གྲོས་མཐུན་བརྒྱུད་རིན་གོང་གཏན་ཁེལ་བྱེད་པ་དང་འབྲེལ་རང་སྡེ་ཁག་དང་ལག་རྩལ་ཉོ་ཚོང་ཚོང་རར་ཉོ་ཚོང་བྱེད་པའི་རིན་གོང་ཡོངས་བསྒྲགས་བྱས་རིགས་ལ། ལས་ཁུངས་ཀྱི་མགོ་ཁྲིད་ཀྱིས་འགན་འཁྲི་ཧུར་ཐག་སྒྲུབ་པ་དང་ཁྲིམས་འགལ་གྱི་ཁེ་ཕན་ཐོབ་ཐབས་མ་བྱས་པའི་སྔོན་འགྲོའི་ཆ་རྐྱེན་འོག ཚན་རྩལ་གྲུབ་འབྲས་ཀྱི་རིན་གོང་གཏན་ཁེལ་བྱེད་རིང་ཚན་རྩལ་གྲུབ་འབྲས་གཞན་སྒྱུར་གྱི་རྗེས་མཐུད་རིན་ཐང་འགྱུར་ལྡོག་བྱུང་བ་ལས་བྱུང་བའི་ཐབས་ཇུས་འགན་འཁྲི་མེད་པར་བཟོ་པ”ཞེས་པའི་སྐོར་དང་། མཚོ་གཞུང་སྤེལ〔2021〕ཨང27པའི“མཐོ་རིམ་སློབ་གྲྭ་དང་ཚན་ཞིབ་ཁང་གིས་ཚན་རྩལ་གྲུབ་འབྲས་གཞན་སྒྱུར་དོ་དམ་ལམ་ལུགས་དང་སྐུལ་ལྕག་ལམ་སྲོལ་འཛུགས་རྒྱུར་སྐུལ་འདེད་བཏང་ནས། རང་ལས་ཁུངས་ཀྱི་ལས་བཟོ་པའི་བསམ་འཆར་ལ་ཉན་པ་དང་ལས་ཁུངས་སུ་ནང་ཡོངས་བསྒྲགས་བྱེད་པ། དོན་གནད་གལ་ཆེན་ཇུས་ཐག་གཅོད་པའི་གོ་རིམ་ལྟར་གྲོས་ཞིབ་བྱས་ནས་གྲོས་འཆམ་བྱུང་རྗེས། སྒྲིག་བཤེར་ལྟ་ཞིབ་ལས་ཁུངས་དང་རྩིས་བཤེར་སྡེ་ཁག་གི་ལས་དོན་སྤེལ་དུས་དཔྱད་གཞིར་འཛིན་ཆོག ཁྲིམས་ལྟར་ཚན་རྩལ་གྲུབ་འབྲས་གཞན་སྒྱུར་ལས་དོན་སྤེལ་ནས་དམངས་གཙོའི་ཐབས་ཇུས་ཀྱི་གོ་རིམ་དང་རྟོག་དམ་གྱི་འགན་འཁྲི། ཆ་འཕྲིན་ཡོངས་བསྒྲགས་སོགས་ཀྱི་འོས་འགན་སྒྲུབ་པ་དང་། ཁྲིམས་འགལ་གྱི་ཁེ་ཕན་དོན་གཉེར་མེད་པར་འོས་འགན་ལ་ཅི་ལྕོགས་ཀྱིས་འབད་པར་བརྩིས་ནས། ཚན་རྩལ་གྲུབ་འབྲས་གཞན་སྒྱུར་གྱི་རྗེས་མཐུད་རིན་ཐང་འགྱུར་ལྡོག་བྱུང་བའི་དབང་གིས་ཇུས་ཐག་འགན་འཁྲི་ཁུར་མི་དགོས”ཞེས་པའི་སྐོར་གྱི་གཏན་འབེབས་གཞིར་འཛིན་པ་དང་། ཞིང་ཆེན་ཚན་རྩལ་ཐིང་གི་ཚན་རྩལ་གྲུབ་འབྲས་གཞན་སྒྱུར་ལས་འགན་ཅི་ལྕོགས་ཀྱིས་སྒྲུབ་པར་འགན་འཁྲི་འཁུར་མི་དགོས་པའི་བཀག་རྒྱའི་གསལ་ཐོ་གཞིར་བཟུང་ནས། བྱེད་ཐབས་དོན་འཁྱོལ་ཞིབ་ཚགས་བྱས་ཏེ། དོན་དངོས་ཐོག་ཚན་རྩལ་གྲུབ་འབྲས་གཞན་སྒྱུར་ལས་འགན་ཅི་ལྕོགས་ཀྱིས་སྒྲུབ་པར་འགན་འཁྲི་འཁུར་མི་དགོས་པའི་སྲིད་ཇུས་དོན་འཁྱོལ་གནད་ལ་འཁེལ་མེད་པའི་གནད་དོན་ཐག་གཅོད་དགོས། 

(འགན་ཁུར་ལས་ཁུངས། ཚན་ཞིབ་ལས་ཁུངས་སོ་སོ་ཡིན། ལེགས་འགྲུབ་དུས་ཚད། 2022ལོའི་ཟླ12པ་ཡིན་ལ་ཡུན་རིང་དུ་རྒྱུན་འཁྱོངས་བྱེད་དགོས།)

གསུམ། འགན་སྲུང་བྱེད་ཐབས། 

(གཅིག) སྒྲིག་འཛུགས་མཐུན་སྦྱོར་བྱེད་ཤུགས་ཆེ་རུ་གཏོང་དགོས། ས་གནས་སོ་སོའི་སྡེ་ཁག་སོ་སོ་དང་།  ཚན་ཞིབ་ལས་ཁུངས་དང་ཁེ་ལས་སོ་སོས་ཚན་རྩལ་སྲིད་ཇུས་དོན་འཁྱོལ་ལོའི་ལས་དོན་དེ་ལས་འགན་གལ་ཆེན་ཞིག་ཏུ་བརྩིས་ནས་སྡོམ་འགོད་མཐུན་སྦྱོར་ལ་ཤུགས་སྣོན་པ་དང་། ཕྱོགས་མང་པོར་ཤུགས་རྒྱག་པ། ཕྱོགས་མཐུན་པར་ཤུགས་རྒྱག་པ། གཞོགས་འདེགས་དམ་ཟབ་བྱེད་པ། མཐུན་སྦྱོར་མཉམ་འགུལ་བཅས་བྱས་ཏེ། ཚན་རྩལ་སྲིད་ཇུས་དོན་འཁྱོལ་ལོའི་ལས་དོན་གོ་རིམ་ལྡན་པའི་ངང་སྐུལ་འདེད་གཏོང་བ་དང་ཕན་འབྲས་དངོས་ཐོན་པ་བྱེད་དགོས། 

(གཉིས།) དྲིལ་སྒྲོག་གསལ་འགྲེལ་ལ་ཤུགས་སྣོན་རྒྱག་དགོས། ས་ཁུལ་སོ་སོ་དང་སྡེ་ཁག་སོ་སོས་དྲིལ་སྒྲོག་འཕྲིན་སྤེལ་ལས་དོན་སྤེལ་ཤུགས་ཆེ་རུ་བཏང་ནས། ཚན་རྩལ་གསར་གཏོད་སྲིད་ཇུས་ཤེས་རྟོགས་ཐུབ་ཚད་དང་ཁྱབ་རྒྱ་ཆེ་རུ་ཤུགས་ཆེན་བཏང་སྟེ། གསར་གཏོད་བྱེད་པོ་སྣ་ཚོགས་ཀྱིས་སྲིད་ཇུས་ཀྱི་དགོངས་དོན་ཕྱོགས་ཡོངས་དང་རྒྱུད་རིམ་ལྡན་པ། གནད་ལ་འཁེལ་བ་བཅས་ཀྱི་སྒོ་ནས་གོ་བ་ལེན་པ་དང་ཁོང་དུ་ཆུད་པ་བྱེད་དགོས་ཤིང་། སྲིད་ཇུས་ཀྱི་ནང་དོན་ཁོང་དུ་ཆུད་པ་དང་སྲིད་ཇུས་གང་ལེགས་སྒོས་སྤྱོད་དགོས། 

(གསུམ།) རྟོག་འདོམས་དོན་འཁྱོལ་བྱེད་རྒྱུར་དོ་སྣང་བྱེད་དགོས། ས་ཁུལ་སོ་སོ་དང་འབྲེལ་ཡོད་སྡེ་ཁག་སོ་སོས་ཚན་རྩལ་སྲིད་ཇུས་དོན་འཁྱོལ་བྱས་ཚུལ་ལ“ཕྱིར་མིག་བལྟས”ཏེ་ཕྱོགས་ཡོངས་ནས་གསེད་བཀྲོལ་བྱེད་པ་དང་། རྩིས་ཐོ་དང་ལས་འགན་གྱི་གསལ་ཐོ་བཟོ་བ། འགན་འཁྲིའི་དུས་བཅད་བླང་བྱ་ཁ་གསལ་བཟོ་བ། ཐོ་སུབ་དོ་དམ་ལག་བསྟར་བཅས་བྱེད་དགོས། ཁུལ་ཞིང་ཕྱུགས་དང་ཚན་རྩལ་ཅུས་སྣེ་ཁྲིད་པ་དང་ཁུལ་སྲིད་གཞུང་གི་ལྟ་བཤེར་ཁང་གིས་གཞོགས་འདེགས་བྱས་ཏེ། དོན་དངོས་ཐོག་ལྟ་སྐུལ་ཞིབ་བཤེར་ལ་ཤུགས་སྣོན་བརྒྱབ་ནས་ལས་འགན་དོན་འཁྱོལ་ཞིབ་ཚགས་བྱ་རྒྱུར་སྐུལ་འདེད་གཏོང་དགོས། 

(བཞི།) དཔྱད་དཔོག་ཞིབ་བཤེར་བྱེད་དགོས། ཁུལ་ཞིང་ཕྱུགས་དང་ཚན་རྩལ་ཅུས་ཚན་རྩལ་སྲིད་ཇུས་དོན་འཁྱོལ་གྱི་རྗེས་འདེད་ཕན་འབྲས་འདྲི་བའི་རྐྱེན་སྲོལ་བཙུགས་ནས། ཚན་རྩལ་སྲིད་ཇུས་ལག་བསྟར་གྱི་ཕན་འབྲས་དཔྱད་དཔོག་བྱེད་པ་དང་། དུས་བཅད་ལྟར་ཕྱོགས་བསྡུས་དཔྱད་དཔོག་བྱས་འབྲས་བརྡ་ཁྱབ་གཏོང་བ། དཔྱད་དཔོག་གྲུབ་འབྲས་བེད་སྤྱོད་བྱེད་ཤུགས་ཆེ་རུ་གཏོང་བ་བཅས་བྱས་ཏེ། ཚན་རྩལ་སྲིད་ཇུས་མ་ལག་སྔར་བས་འཐུས་ཚང་དུ་གཏོང་དགོས། 



本期证报PDF文件