མཚོ་བྱང་ཁུལ་མི་དམངས་སྲིད་གཞུང་གི་མཚོ་བྱང་ཁུལ་གྱི་བདེན་པའི་རྒྱབ་ལངས་ཀྱི་སྔོན་ཐོན་མི་སྒེར་ལ་གཟེངས་བསྟོད་དང་བྱ་དགའ་སྤྲོད་རྒྱུའི་ཐད་ཀྱི་ཐག་བཅད།

རྩོམ་སྒྲིག དམ་ཆོས་བསམ་འགྲུབ། ཡོང་ཁུངས། མཚོ་བྱང་སྲིད་དོན། བཤེར་འབེབས། རིན་ཆེན་ཚེ་རིང་།

བྱང་སྲིད〔24〕ཨང14པ།

རྫོང་སོ་སོའི་མི་དམངས་སྲིད་གཞུང་དང་། མཚོ་སྔོན་པོ་ཞིང་ར། ཁུལ་སྲིད་གཞུང་གི་སྡེ་ཚན་དང་ལས་ཁུངས་སོ་སོ། 

ཉེ་བའི་ལོ་ཤས་རིང་། ཏང་ཀྲུང་དབྱང་དང་ཞིང་ཨུ། ཞིང་ཆེན་སྲིད་གཞུང་གི་འགྱུར་མེད་སྟོབས་ལྡན་གྱི་མགོ་ཁྲིད་འོག མཚོ་བྱང་ཁུལ་གྱི་རྒྱ་ཆེའི་མི་དམངས་མང་ཚོགས་རྣམས་བདེ་འཇགས་མཚོ་བྱང་གི་འཛུགས་སྐྲུན་ནང་ཧུར་ཐག་ཞུགས་པ་དང་། ཁུལ་ཡོངས་ཀྱི་ས་གནས་ཁག་ཏུ་དཔའ་ངར་ཞུམ་མེད་ངང་བདེན་པའི་རྒྱབ་ལངས་བྱེད་པའི་ལས་དོན་ལ་འཕེལ་རྒྱས་ཆེན་པོ་བྱུང་ཡོད།  ཁོང་ཚོས་ཉེན་ཁ་ཆེ་བའི་འགག་རྩའི་དུས་སུ་བདེན་དོན་གྱི་ལག་པ་བརྐྱངས་ཏེ་རང་སྲོག་ལ་འཛེམ་པར། ཁྲག་དྲོན་དང་ཐ་ན་ཚེ་སྲོག་ལ་བརྟེན་ནས་རྒྱལ་ཁབ（ཐུན་མོང）ཀྱི་ཁེ་ཕན་དང་མི་དམངས་མང་ཚོགས་ཀྱི་ཚེ་སྲོག་དང་རྒྱུ་ནོར་གྱི་བདེ་འཇགས་སྲུང་སྐྱོབ་བྱས་པ་དང་། མི་གཤིས་ཀྱི་མཛེས་སྡུག་དང་ཀུན་སྤྱོད་ལ་བརྩི་མཐོང་། བློས་གཏོང་ཕོད་པའི་བསམ་པའི་ཉམས་འགྱུར་བཟང་པོ་གང་ལེགས་མཚོན་ཡོད།

སྔོན་ཐོན་ལ་གཟེངས་བསྟོད་དང་སྲོལ་བཟང་དར་སྤེལ་བཏང་སྟེ་སྤྱི་ཚོགས་ཡོངས་སུ་བདེན་པའི་རྒྱབ་ལངས་ཀྱི་སྙིང་སྟོབས་སྔར་བས་དར་སྤེལ་གཏོང་ཆེད།《མཚོ་བྱང་ཁུལ་གྱི་བདེན་པའི་རྒྱབ་ལངས་ཀྱི་གཟེངས་བསྟོད་བྱ་དགའ་དང་འགན་ལེན་བྱ་ཐབས》གཞིར་བཟུང་སྟེ། ཁུལ་མི་དམངས་སྲིད་གཞུང་གིས་ཧོ་ཏེ་ཞི་སོགས་བློ་མཐུན4ལ་མཚོ་བྱང་ཁུལ་གྱི་བདེན་པའི་རྒྱབ་ལངས་ཀྱི་སྔོན་ཐོན་མི་སྒེར་གྱི་་གཟི་བརྗིད་མཚན་སྙན་སྤྲོད་རྒྱུ་དང་། བློ་མཐུན་ཡེ་ཅིན་ཀུའེ་ལ་མཚོ་བྱང་ཁུལ་གྱི་བདེན་པའི་རྒྱབ་ལངས་ཀྱི་སྔོན་ཐོན་མི་སྒེར་གྱི་གཟི་བརྗིད་མཚན་སྙན་གསབ་སྤྲོད་དང་། མི་རེར་སྒོར1000ཡི་བྱ་དགའ་སྤྲོད་རྒྱུའི་ཐག་བཅད།

ཁུལ་ཡོངས་ཀྱི་རྒྱ་ཆེའི་ལས་བྱེད་པ་དང་མི་དམངས་མང་ཚོགས་ཀྱིས་བདེན་པའི་རྒྱབ་ལངས་ཀྱི་སྔོན་ཐོན་མི་སྒེར་མིག་དཔེར་བྱས་ཏེ། སྤྱི་ཚོགས་རིང་ལུགས་ཀྱི་ལྟེ་བའི་རིན་ཐང་ལྟ་བ་སྲ་བརྟན་དང་། ཀྲུང་ཧྭའི་སྤྱོད་བཟང་སྔར་བས་རྒྱུན་འཛིན་བྱེད་པ། སྤྱི་ཚོགས་ཀྱི་སྲོལ་བཟང་དར་སྤེལ་གཏོང་བ་བཅས་བྱས་ནས་སྤྱི་ཚོགས་ཀྱི་རྣམ་པ་བཟང་པོ་ཞིག་གཏོད་དགོས་པའི་རེ་བ་བཏོན། ས་གནས་ཁག་དང་སྡེ་ཚན་ཁག་གིས་ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་པ་མཛུབ་ཁྲིད་དུ་བྱ་རྒྱུ་མཐའ་འཁྱོངས་བྱེད་པ་དང་། བདེན་པའི་རྒྱབ་ལངས་ཀྱི་དྲིལ་བསྒྲགས་ཁྲིད་སྟོན་བྱེད་ཤུགས་ཆེ་རུ་གཏོང་བ། བདེན་པའི་རྒྱབ་ལངས་མི་སྣའི་ཁེ་དབང་འགན་ལེན་བྱེད་ཤུགས་ཆེ་རུ་གཏོང་བ། བདེན་པའི་རྒྱབ་ལངས་ཀྱི་སྤྱི་ཚོགས་རྣམ་པ་ཧུར་ཐག་གཏོད་པ་བཅས་བྱས་ཏེ། བདེན་པའི་རྒྱབ་ལངས་དེ་སྤྱི་ཚོགས་རིང་ལུགས་ཀྱི་ལྟེ་བའི་རིན་ཐང་ལྟ་བའི་གསོན་ཉམས་དོད་པའི་ལག་ལེན་དུ་བརྩིས་ནས་ཆུ་ཚད་དེ་བས་མཐོ་བའི་བདེ་འཇགས་མཚོ་བྱང་དང་། ཁྲིམས་སྐྱོང་མཚོ་བྱང་འཛུགས་སྐྲུན་ལ་སྐུལ་འདེད་མགྱོགས་སུ་གཏོང་ཆེད་དུས་རབས་ཀྱི་སྟོབས་ཤུགས་འབུལ་དགོས།

ཟུར་བཀོད། མཚོ་བྱང་ཁུལ་གྱི་བདེན་པའི་རྒྱབ་ལངས་ཀྱི་སྔོན་ཐོན་མི་སྒེར་གྱི་མིང་ཐོ།

མཚོ་བྱང་ཁུལ་མི་དམངས་སྲིད་གཞུང་།
                                                                                    2024ལོའི་ཟླ3ཚེས12ཉིན།
   （ཡིག་ཆ་འདི་ཡོངས་བསྒྲགས་སུ་ཁྱབ་བསྒྲགས་བྱས）

  ཟུར་ཡིག

མཚོ་བྱང་ཁུལ་གྱི་བདེན་པའི་རྒྱབ་ལངས་ཀྱི་སྔོན་ཐོན་མི་སྒེར་གྱི་མིང་ཐོ།

ཧོ་ཏེ་ཞི། མཚོ་སྔོན་ཞིང་ཆེན་འཇུ་ལག་བཙོན་ཁང་གི་ལས་བྱེད་ཉེན་རྟོག་པ་ཡིན།

ལེ་ཡན་མེ། མཚོ་བྱང་ཁུལ་འཇུ་ལག་རྫོང་ཤར་ཐང་གྲོང་རྡལ་ཆོས་བཟང་སྡེ་བའི་སྡེ་མི་ཡིན།

མ་ཅིན་ལུང་། མཚོ་བྱང་ཁུལ་འཇུ་ལག་རྫོང་སྤྱི་བདེ་ཅུའི་བྱེ་སྣ་སྔོ་ལྡིང་མངག་གཏོང་ཁང་གི་གཞོགས་འདེགས་ཉེན་རྟོག་པ་ཡིན།

དབྱང་ཧྲེང་ཞིའུ། མཚོ་བྱང་ཁུལ་མདའ་བཞི་རྫོང་གསེར་ཐང་ཡུལ་ཚོ་ཧའེ་ཏུང་སྡེ་བའི་སྡེ་མི་ཡིན།

ཡེ་ཅིན་ཀུའེ། མཚོ་བྱང་ཁུལ་མདོ་ལ་རྫོང་བཙུན་མོ་གཞོང་གྲོང་རྡལ་སྟོང་སོ་སྡེ་བའི་སྡེ་མི་ཡིན།（ཚེ་ལས་འདས།）