ཁྲིམས་འགལ་མེ་མདའ་དང་འབར་གས་སོགས་ཀྱི་དངོས་རྫས་ཁྲིམས་ལྟར་རྩིས་ལེན་བྱ་རྒྱུ་དང་། མེ་མདའ་དང་འབར་གས་དང་འབྲེལ་བ་ཡོད་པའི་ཁྲིམས་འགལ་ཉེས་གསོག་ལ་རྡུང་རྡེག་ཚ་ནན་གཏོང་རྒྱུའི་སྐོར་གྱི་བརྡ་ཁྱབ།

རྩོམ་སྒྲིག དམ་ཆོས་བསམ་འགྲུབ། ཡོང་ཁུངས། ཁུལ་མི་རིགས་སྐད་ཡིག་ལས་དོན་ལྟེ་གནས།  བཤེར་འབེབས། རིན་ཆེན་ཚེ་རིང་། 

 ཁྲིམས་འགལ་གྱི་མེ་མདའ་དང་། རྫས་མདེལ། འབར་གས་དངོས་རྫས། འདྲ་བཟོའི་མེ་མདའ། མདའ་གཞུ། བཀག་སྡོམ་བྱེད་པའི་གྲི་སོགས་དངོས་རྫས་ཕྱོགས་ཡོངས་ནས་གཞུང་བཞེས་བཏང་སྟེ། མེ་མདའ་དང་འབར་གས་དང་འབྲེལ་བ་ཡོད་པའི་མདའ་གྲི་སོགས་ཁྲིམས་འགལ་ཉེས་གསོག་བྱེད་སྤྱོད་ལ་ཁྲིམས་ལྟར་རྡུང་རྡེག་ནན་པོ་བཏང་ནས་མི་དམངས་མང་ཚོགས་ཀྱི་ཚེ་སྲོག་དང་རྒྱུ་ནོར་གྱི་བདེ་འཇགས་སྲུང་སྐྱོང་བྱེད་པ་དང་། རྒྱལ་ཁབ་ཀྱི་བདེ་འཇགས་དང་སྤྱི་ཚོགས་ཀྱི་བདེ་བརྟན་ལ་སྲུང་སྐྱོང་བྱེད་ཆེད།  《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་ཉེས་དོན་བཅའ་ཁྲིམས》དང《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་མེ་མདའ་དོ་དམ་བྱེད་ཐབས》དང《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་བདེ་སྲུང་དོ་དམ་ཆད་གཅོད་བཅའ་ཁྲིམས》།《དམངས་སྤྱོད་འབར་གས་དངོས་རྫས་ཀྱི་བདེ་འཇགས་དོ་དམ་སྲོལ་ཡིག》སོགས་འབྲེལ་ཡོད་གཏན་ཁེལ་གཞི་བཟུང་ནས་བརྡ་ཁྱབ་བཏང་བ་གཤམ་གསལ།

     གཅིག  ཁྲིམས་འགལ་ངང་མེ་མདའ་དང་། རྫས་མདེལ། འབར་གས་དངོས་པོ། མདའ་གཞུ་བཅས་བཟོ་བ་དང་། ཉོ་ཚོང་། སྐྱེལ་འདྲེན། སྦྲག་ཐོག་སྐུར་བ། ཉར་ཚགས་བཅས་བྱེད་མི་ཆོག་པ་དང་། ཁྲིམས་འགལ་ངང་མེ་མདའ་དང་རྫས་མདེལ་བདག་བཟུང་དང་སྒེར་ཉར་བྱེད་མི་ཆོག་པ། ཁྲིམས་འགལ་ངང་འབར་གས་དངོས་རྫས་བེད་སྤྱོད་དང་ལྐོག་ཉར་བྱེད་མི་ཆོག་པ། མེ་མདའ་དང་། རྫས་མདེལ། འབར་གས་དངོས་རྫས་དང་། མདའ་གཞུ་བཅས་རྐུ་ཁྱེར་དང་། བཙན་འཕྲོག འཕྲོག་བཅོམ། ལྐོག་འདྲེན་བཅས་བྱེད་རིགས་གཏན་འགོག་བྱེད་དགོས།  ཁྲིམས་འགལ་ངང་མེ་མདའ་དང་། རྫས་མདེལ། འབར་གས་དངོས་པོ། མདའ་གཞུ། བཀག་སྡོམ་བྱེད་པའི་གྲི་སོགས་མི་མང་འདུ་འཛོམས་བྱ་ཡུལ་ལམ་ཡང་ན་སྤྱི་སྤྱོད་འགྲིམ་འགྲུལ་ཡོ་བྱད་ཐོག་འཁྱེར་རྒྱུ་གཏན་འགོག་བྱེད་པ། དྲ་རྒྱ་སོགས་ཀྱི་ཐབས་ལམ་བརྒྱུད་ཁྲིམས་འགལ་སྒྲིག་འགལ་ངང་མེ་མདའ་དང་། རྫས་མདེལ། འབར་གས་དངོས་རྫས། དོ་དམ་བྱེད་པའི་གྲི་སོགས་ཡོད་པའི་ཆ་འཕྲིན་བཟོ་བ་དང་། འདྲ་བཟོ། ཡོངས་བསྒྲགས། བརྒྱུད་བསྒྲགས་བཅས་བྱ་རྒྱུ་གཏན་འགོག་བྱེད་པ། མེ་མདའ་ངོ་མ་དཔེར་བྱས་ནས་འདྲ་བཟོ་དང་ཕྱིར་འཚོང་བྱེད་རིགས་གཏན་འགོག་བྱ་དགོས།

     གཉིས།  གོང་གསལ་གཏན་འབེབས་ལས་འགལ་རིགས་ངེས་པར་དུ་བྱེད་སྤྱོད་འཕྲལ་མར་མཚམས་འཇོག་བྱེད་དགོས་པ་དང་འབྲེལ་རང་ཉེས་ངོས་ལེན་ཞུས་ནས་ཁྲིམས་འགལ་གྱི་མེ་མདའ་དང་། རྫས་མདེལ། འབར་གས་དངོས་རྫས། འདྲ་བཟོས་མེ་མདའ།  མདའ་གཞུ་དང་དོ་དམ་བྱེད་པའི་གྲི་སོགས་ས་གནས་དེ་གའི་སྤྱི་བདེ་ལས་ཁུངས་ལ་འབུལ་དགོས། བརྡ་ཁྱབ་འདི་ཁྱབ་བསྒྲགས་བྱས་ཉིན་ནས2023ལོའི་ཟླ10ཚེས31ཉིན་གྱི་སྔོན་དུ་རང་ཉེས་ངོས་ལེན་ཞུས་པའམ་ཡང་ན་རང་འགུལ་ངང་གོང་གསལ་གྱི་ཁྲིམས་འགལ་དངོས་རྫས་རྩིས་སྤྲོད་བྱས་ན། ཉེས་གསོག་གི་ཚད་ལ་སླེབས་རིགས་ལ་ཁྲིམས་ལྟར་ཉེས་ཆད་ཡང་དུ་གཏོང་བའམ་ཡང་ན་ཉེས་ཆད་རྩ་ཡང་དུ་བཏང་ཆོག བདེ་འཇགས་དོ་དམ་དང་འགལ་བའི་བྱ་སྤྱོད་དུ་གྲུབ་ན། ཁྲིམས་ལྟར་ཆད་པ་བཅའ་ཡང་དུ་གཏོང་བའམ་ཡང་ན་ཆད་པ་མི་གཅོད། དུས་བཀག་ནང་རང་ཉེས་རང་ཞུ་མི་བྱེད་པ་དང་ཁྲིམས་འགལ་གྱི་དངོས་པོ་མ་སྤྲད་ཚེ། ཁྲིམས་ལྟར་ཆད་པ་ནན་པོ་གཅོད་རྒྱུ།

     གསུམ། ཉེས་གསོག་མི་སྣས་མི་གཞན་གྱི་མེ་མདའ་དང་འབར་རྫས་དང་གྲི་བཅས་དང་འབྲེལ་བ་ཡོད་པ་སོགས་ཀྱི་ཉེས་གསོག་བྱེད་སྤྱོད་ཐེར་འདོན་བྱས་པ་དེ། ཞིབ་བཤེར་བྱས་པ་བརྒྱུད་དོན་དངོས་དང་མཐུན་པ་དང་། ཡང་ན་ཁུངས་སྣེ་གལ་ཆེན་མཁོ་འདོན་བྱས་ནས་མེ་མདའ་དང་འབར་རྫས། གྲི་བཅས་དང་འབྲེལ་བ་ཡོད་པའི་གྱོད་གཞི་རྩད་ཆོད་པར་བྱས་རྗེས་ཡོད་པའི་བྱ་སྤྱོད་རིགས་ལ་ཁྲིམས་ལྟར་ཉེས་ཆད་ཡང་དུ་གཏོང་བའམ་ཡང་ན་ཉེས་ཆད་ཡང་དུ་བཏང་ཆོག    བྱས་རྗེས་ཆེན་པོ་བཞག་པའི་བྱ་སྤྱོད་ཡོད་ན། བཅའ་ཁྲིམས་ལྟར་ཉེས་ཆད་བཅའ་ཡང་ངམ་རྩ་ཡང་དུ་བཏང་ཆོག ཁྲིམས་འགལ་མི་སྣས་མི་གཞན་གྱི་མེ་མདའ་དང་འབར་གས་དང་འབྲེལ་བ་ཡོད་པའི་ཁྲིམས་འགལ་ཉེས་གསོག་བྱེད་སྤྱོད་ཐེར་འདོན་བྱས་ནས་བྱས་རྗེས་བཞག་པའི་བྱ་སྤྱོད་ཡོད་རིགས་ལ་ཁྲིམས་ལྟར་ཆད་པ་ཡང་དུ་གཏོང་བའམ་ཡང་ན་ཆད་པ་མི་གཅོད།

    བཞི། མེ་མདའ་དང་རྫས་མདེལ། འབར་གས་དངོས་རྫས། མདའ་གཞུ་སོགས་འཕྲོག་པ་དང་། བོར་བརླག་སོང་རིགས་དུས་ཐོག་ཏུ་ས་གནས་དེ་གའི་སྤྱི་བདེ་ལས་ཁུངས་ལ་སྙན་སེང་ཞུ་དགོས་པ་དང་། དུས་ཐོག་ཏུ་སྙན་སེང་མ་ཞུས་ན། ཁྲིམས་ལྟར་འབྲེལ་ཡོད་འགན་འཁྲི་སྡེ་ཚན་དང་མི་སྣའི་བཅའ་ཁྲིམས་ཀྱི་འགན་འཁྲི་བདའ་འདེད་གཏོང་དགོས། སྤྱི་དམངས་ཀྱིས་དོར་བའི་མེ་མདའ་དང་། རྫས་མདེལ། འདྲ་བཟོའི་མེ་མདའ། ། མདའ་གཞུ་དང་བཀག་སྡོམ་བྱེད་པའི་གྲིའི་རིགས། འབར་གས་དངོས་རྫས་སམ་ཡང་ན་འབར་གས་འབྱུང་བར་དོགས་པ་ཡོད་པའི་དངོས་རྫས་བཅས་མཐོང་ཚེ། འཕྲལ་མར་ས་གནས་དེ་གའི་སྤྱི་བདེ་ལས་ཁུངས་ལ་སྙན་སེང་ཞུ་དགོས།

    ལྔ། རྒྱ་ཆེའི་མི་དམངས་མང་ཚོགས་ཀྱིས་མེ་མདའ་དང་། རྫས་མདེལ། འབར་གས་དངོས་རྫས། འདྲ་བཟོའི་མེ་མདའ། མདའ་གཞུ། བཀག་སྡོམ་བྱེད་པའི་གྲི་སོགས་ཁྲིམས་འགལ་ཉེས་གསོག་བྱེད་སྤྱོད་དང་།  ཁྲིམས་འགལ་ཉེས་གསོག་བྱེད་སྤྱོད་ཀྱི་ཁུངས་སྣེ་མཁོ་འདོན་བྱེད་པ། བྲོས་བྱོལ་དུ་སོང་བ་དང་མེ་མདའ། འབར་གས་དང་འབྲེལ་བ་ཡོད་པའི་གྱོད་གཞིའི་ཉེས་གསོག་མི་སྣར་རང་ཉེས་ངོས་ལེན་ཞུ་རྒྱུའི་སྐུལ་སློང་དང་ཁ་ཏ་བསླབ་བྱ་བྱེད་པར་སྐུལ་མ་དང་སྲུང་སྐྱོར་བྱེད་དགོས།  ཐེར་འདོན་བྱས་ནས་བྱས་རྗེས་བཞག་རིགས་ལ་འབྲེལ་ཡོད་གཏན་འབེབས་ལྟར་བྱ་དགའ་སྤྲོད་རྒྱུ་དང་སྤྱི་བདེ་ལས་ཁུངས་ཀྱིས་ཐེར་འདོན་བྱེད་མཁན་མི་སྒེར་གྱི་ཆ་འཕྲིན་དང་བདེ་འཇགས་ལ་ཁྲིམས་ལྟར་སྲུང་སྐྱོང་བྱ་རྒྱུ། མེ་མདའ་དང་འབར་གས། མདའ་གཞུ། གྲི་སོགས་སྤྱད་ནས་ཁྲིམས་འགལ་ནག་ཉེས་བཟོས་པའི་མི་སྣ་སྦས་སྐུང་དང་འགེབས་སྲུང་བྱས་པ་དང་། ཁྲིམས་འགལ་ཉེས་གསོག་མི་སྣར་དཔང་རྟགས་མེད་པ་བཟོ་བ་དང་རྫུན་བཟོ་བྱེད་རོགས་བྱས་རིགས་ལ་ཁྲིམས་ལྟར་བཅའ་ཁྲིམས་ཀྱི་འགན་འཁྲི་བདའ་འདེད་གཏོང་དགོས། ཐེར་འདོན་བྱེད་མཁན་དང་ཞུ་གཏུག་བྱེད་མཁན་ལ་འཇིགས་སྐུལ་དང་འཁོན་ལན་སློག་པ་ལ་ཁྲིམས་ལྟར་ཁྲིམས་འབྲེལ་འགན་འཁྲི་བདའ་འདེད་ནན་པོ་གཏོང་རྒྱུ།

     དྲུག བརྡ་ཁྱབ་འདིའི་ནང་འཁོད་པའི་མེ་མདའ་ཞེས་པའི་ནང་དམག་སྤྱོད་མེ་མདའ་དང་། རྔོན་མདའ།  ལུས་རྩལ་མེ་མདའ། སྦྲིད་སྨན་མེ་མདའ། རླུང་མདའ། ཚོན་ལྡན་མདེའུ་མདའ། མེ་རྫས་མེ་མདའ། གློག་ཁབ་ལེན་གྱི་མེ་མདའ་སོགས་ཚད་ལྡན་མེ་མདའ་དང་། ཚད་ལྡན་མིན་པའི་མེ་མདའ་དང་མེ་མདའ་ལྷུ་ལག་བཅས་ཚུད་ཡོད། རྫས་མདེལ་གྱི་ཁོངས་སུ་གོང་གསལ་གྱི་མེ་མདའ་སྣ་ཚོགས་སུ་སྤྱོད་པའི་ཚད་ལྡན་དང་ཚད་ལྡན་མིན་པའི་མདེལ་རིལ། མདེལ་ལེབ་བཅས་ཚུད་ཡོད། མདའ་གཞུ་ནི་འཕྲུལ་ཆས་ཀྱི་ཕྱི་ཤུགས་ཀྱིས་མདའ་འདེད་བྱེད་པའི་འཕེན་གཏོང་སྒྲིག་ཆས་ལ་ཟེར། བཀག་སྡོམ་བྱེད་པའི་གྲིའི་རིགས་ལ་གློ་གྲི་དང་། གཙགས་གྲི། གྲི་ཟུར་གསུམ་མ། རྔོན་གྲི། ལྟེབ་གྲི་སོགས་ཆེད་སྤྱོད་གྲི་དང་། རུས་པ་གཏུབ་གྲི་དང་། ཆུ་ཀུབ་གྲི་རིང་།  གཅོད་གྲི་རིང་པོ། རུས་འཐོག་གྲི། བཤས་གྲི། སྤྱོད་སྒོ་མང་པོའི་ཐབ་ཚང་གི་གྲི། ཕྱི་ཤུབས་མེད་པའི་གྲི་དང་བཟོ་རྩལ་གྱི་ལག་རྟགས་གྲི། དེ་བཞིན་དོ་དམ་བྱེད་ཁོངས་སུ་ཚུད་པའི་གྲི་གཞན་དག་བཅས་ཚུད་ཡོད། བརྡ་ཁྱབ་འདིའི་ནང་བརྗོད་པའི་འབར་གས་དངོས་རྫས་ཀྱི་གྲས་སུ་འབར་རྫས་དང་། མེ་འདྲེན་སྦུ་གུ། འབར་གས་ཐག་པ། ཡོམ་ཁུངས་མདེའུ། མེ་རྫས་ནག་པོ། མེ་རྫས་དུ་བ། ལག་འབོམ། ས་འོག་འབར་མདེལ་སོགས་འབར་གས་སླ་ཞིང་ཉེན་ཁ་ཡོད་པའི་རྫས་འགྱུར་དངོས་རྫས་ཀྱི་མིང་ཐོའི་ནང་བཅུག་པ་དང་། འབར་གས་དངོས་རྫས་བཟོ་བར་སྤྱོད་ཆོག་པའི་ཉེན་ཁ་ཡོད་པའི་རྫས་འགྱུར་དངོས་རྫས་སོགས་འདུ་བ་ཡིན།

      བརྡ་ཁྱབ་འདི་ཁྱབ་བསྒྲགས་བྱས་ཉིན་ནས་བཟུང་ལག་བསྟར་བྱ་རྒྱུ།

ཆེས་མཐོའི་མི་དམངས་ཁྲིམས་ཁང་། ཆེས་མཐོའི་མི་དམངས་ཞིབ་དཔྱོད་ཁང་། སྤྱི་བདེ་པུའུ།                                     

     2023ལོའི་ཟླ7པའི་ཚེས26ཉིན།

མཚོ་སྔོན་ཞིང་ཆེན་སྤྱི་བདེ་ཐིང་།

ཐེར་འདོན་ཁ་པར།    0971-8292110

སྦྲག་སྒམ།  qhqblx 163.com

མཚོ་བྱང་ཁུལ་སྤྱི་བདེ་ཅུ།

ཐེར་འདོན་གོང་ཞུའི་ཁ་པར། 0970-8643815འམ110

སྦྲག་སྒམ། hbgaqblx 163.com

འཇུ་ལག་རྫོང་སྤྱི་བདེ་ཅུ།

ཐེར་འདོན་གོང་ཞུའི་ཁ་པར། 0970-8612039

སྦྲག་སྒམ།   215621503 qq.com

མདོ་ལ་རྫོང་སྤྱི་བདེ་ཅུ།

ཐེར་འདོན་གོང་ཞུའི་ཁ་པར། 0970-8684626

སྦྲག་སྒམ། 3296007730 qq.com

རྐང་ཚ་རྫོང་སྤྱི་བདེ་ཅུ།

ཐེར་འདོན་ཁ་པར།  0970-8655253

སྦྲག་སྒམ།  513750228 qq.com

ནུབ་མཚོ་སྤྱི་བདེ་ཡན་ལག་ཅུ།

ཐེར་འདོན་ཁ་པར།   0970-8646267

སྦྲག་སྒམ།   xhgafj 163.com

མདའ་བཞི་རྫོང་སྤྱི་བདེ་ཅུ།

ཐེར་འདོན་ཁ་པར།  0970-8631991

སྦྲག་སྒམ།  4664357 qq.com